2007 年 5 月 7 日 星期一 【晴】

尋日番工真係又悶又累....並唔係話無野做的.....而係提唔起勁，無乜心
繼有阿婆話收認我做契仔之後，又有個阿婆話想認我做孫女婿......~_~
"鍾生你幾大呀?" (2x)
"我孫女剛剛十八歲...仲幾靚女..." (哦....)
"我想認你做我孫女婿tim...嘻嘻.." 真係O嘴... "我邊有咁的福氣呀...我有對象架喇.."(好想終止對話)
"哦...係咪果兩個學生姑娘啊?!" 果刻現場實在太多閒雜人等，佢咁大大聲玩野法真係擺明靠害..

其實如果有係有份工係專同人吹水係幾咁好呢....一諗起我未來的工作就好頭痛
一來又唔知點做唔知點入手...二來又算大型....第三就係時間問題.....煩!

今朝放工去左銀行攪野...咁濕碎的野都要我等咁耐....番到屋企換好晒衫
佢竟然打黎講唔好意思...有份文件爭個簽名唔記得叫我簽...叫我而家落去簽番
我心唸你pk 啦!! 我已經好唔滿意你地的工作效率...仲要好似命令我叫我即刻落去咁
所以我決定睇陣電視上下網先....再慢慢落去
去到個職員問我做咩職業....好奇我點解有個投資戶口....我心唸做咩關你鬼事咩....無理到佢!

今日下午同王姑娘同埋大佬煲粥....可以話係挨眼訓咁傾....真係好累
大佬好似今晚走....佢走前應該打過黎...不過我訓著左無聽到...打番比佢睇黎已經出左境
打番比doris...傾親都咁低能~ 佢真係"年老"得可愛

近來同佢聯絡得幾頻密....幾乎日日都有....究竟我應該點?
有d野雖然我都知唔係咁明朗....但我都想繼續行落去....
真係懊惱~ 呢d野想認真做的話實在太多野要顧慮...
God......please show me the way....tell me what should i do!?!!?

>>May 8, 2007 at 1:55:50 AM GMT+8

2007 年 5 月 5 日 星期六 【晴】

今朝原本要去油麻地覆診，但真係唔想咁想去
所以知醒都繼續訓~~~
陣間要去聖堂....計落原來我響聖堂司琴都已經有九年......由小學六年班(四旬期)開始
由當初經常依賴老豆....聽佢意見.....直至而家有個人的主見....
有個人風格....甚至有時唔鐘意佢果一套.....一切都係一個轉變~
有時見到佢而家彈琴已經出現有點手震的跡象，就發覺時間真係不知不覺咁一路溜走
最初彈琴佢一直比意見我教我，到而家我開始"話"番佢轉頭....不過大家出發點都係一樣
只係為首歌、為台彌撒著想吧~
========================================

尋日下午約左恆少兩兄弟食飯，原本打算去飲茶...但二哥話前日先飲完所以唔想去
見到KFC,今次二哥話大前日先吃完所以又唔想去.....好彩新都城都多選擇
最後終於揀左去<元綠>... 今次一坐低就要講明我請啦，因為大哥請我請得太多喇...
"滑蛋豬扒飯....製作過程好複習的!!! 需要等耐d!!!" 呢兩句說話係個waitressr千叮萬囑咁提醒我地 !!!
"小心熱........"呢句係個waitress 倒水比我地果時講的.....
但我好想講.....個飯真係唔見得有幾複習.....但真係等左好鬼耐
杯茶.....亦唔見得點熱.....一啖就飲晒咁滯....
我地都響度坐左大約個半鐘頭，耐無見係多野講d.....
吹完水陪大哥去左揀禮物比佢媽媽，甚至去埋東港城...最後都係無買到任何野
雖然唔知依家佢買到未，但知道佢已經有左目標.....
買野比人向來比買比自己難得多，特別係買比女仕，或者一個你重視的人....

>>May 5, 2007 at 2:16:28 PM GMT+8

2007 年 5 月 3 日 星期四 【晴】

今朝院舍攪個院委會候選人簡介會，三組的組長都要幫自己組員打氣拉票
一如所料......我果組響我呢位英明神武又豁出去的組長帶領之後，
氣氛同士氣絕對係最好的一team!! 幾滿意..今日仲做埋鼓手!不過真係要多謝mandy幫我諗的口號!!

呢兩日好黑仔，首先我的愛隊曼聯慘敗出局，真係累死人~
番工又比同事攪小動作......
唔出聲唔係代表我好恰...其實我係比緊機會你地~ 呢度...真係好難頂~
唉...........我比主任串呀!!!$@#!*!%*#$@&%*#@&%

今日放工其實放三點，不過應承左mandy同佢一齊走...所以響度磨爛蓆....
狂同d阿婆吹水，我不斷咁叫d同事開蚊燈.....因為我今日已經放左成日蚊
真係好累.......尋晚又一點半先訓........今朝唔知醒........又衰左喇

同mandy一齊放工，搭巴士去到土瓜灣投注站!! 買六合彩!!
超多人呀....好彩.....~~~我有一卡在手!!!!!!! 即時方便好多 !! 真係人多都唔怕啦!!(咁似xx廣告..)
同佢都幾好傾架....完全無悶場咁滯.....不過就要慢慢戒下粗口啦
我都講少好多....真係好少.....最多都係用英文代替....距離乖仔又近一大步~~
臨走搭14號巴士.......我成日以為係15號去到我屋企樓下
點知響lam tin MTR唔識落車，攪到要行番十五分鐘路番屋企，真係阿茂整餅!

有了改良的印象....唔錯唔錯....應該要繼續....

今日竟然響日本妹度旗開得勝，真係奇蹟~

>>May 3, 2007 at 10:36:11 PM GMT+8

2007 年 5 月 1 日 星期二 【晴】

今日個同事同我調左更期...令我又再放一日假.....
老豆一班同事(五個人)十二點幾上左黎開檯... .但佢自己無落場.... 我就聽左成日歌咁滯
真係越黎越欣賞 teresa......唱功真係好得.....我尋晚仲發夢同佢一齊合唱 =. =

尋晚同三劃王小姐傾閒事同功課.....收線之後睇番部手機......
原來傾左足足2小時47分鐘......horrible!
不過又好難怪....我發覺佢的嘴巴同個腦真係唔會停架....
好快就可以講另一樣野，非常健談~~~ 佢的角色扮演+投入程度....總會令你笑到bill尿~
甚麼"爆水喉"..."打鼓"........?!?! 看來佢的腦袋要拎去洗下.....太污糟

尋晚睇睇下波訓著左，total只係睇左大約四十五分鐘的比賽....
奧雲回來了!!!!!! 狀態不俗.......傅聞話會加盟曼聯 ?!
未來曼聯的陣容會否這樣.......:
賓科士打
加利尼維利+布朗哥哥+李奧費迪南+李察遜
夏格維斯+史高斯+卡域克
朗尼+阿倫史密夫+奧雲
全英化!!!!!!! 熱切期待~~!

>>May 1, 2007 at 6:07:28 PM GMT+8

2007 年 4 月 30 日 星期一 【晴】

假如
作詞：林敏聰　作曲：羅大佑　編曲：Nathan Wang　

假如　真的要我跟你分別　假如　真的要說分手
請求　把我愉快記憶都洗去　才能免我一生也在默默痛苦
假如　真的要我跟你分別　請求　不要讓我知道
假如　乾了淚水中的雙眼　可否　不再剩下我不顧
只求　再度尋獲你曾在心頭　留低的愛　跟那情深的維護
請容　我在期望有日在將來　能讓你會明白我仍在痛苦

＊假如　不許我再跟你生活　世上　不必存著有我
假如　天意讓我此生得不到你　不必　需要有天意
只求　再度尋獲你曾在心頭　燃燒的愛　跟那情深的維護
請容　我在期望有日在將來　能讓你會明白我仍在痛苦

雙魚座: 自覺做對了就不要改.....
"你總會有過自己原本做了正確決定，但最後竟受環境因素、別人言論
及自信心不足等而動搖的經驗。選定方向便走到底，是減低煩惱的好方法~"

沉思中...........
=========================================

原來老豆而家養左三缸魚.....我個人認為好誇張...好嚴重....係三缸 !!
大、中、細三個魚缸........屋企已經唔係大啦......其實唔好以為養魚只係餵佢食野咁簡單
我最討厭就係要同佢地換魚缸的水....雖然唔駛我攪...但由於工程浩大!!
總會波及家裡的人.......所以呢個時候最好番房訓覺....扮唔知~~
無人知道佢點解咁鐘意養魚........
不過........男人養魚....總好過養二奶三奶.....除左任你養之外，價錢還挺便宜~

>>April 30, 2007 at 7:39:19 PM GMT+8

2007 年 4 月 27 日 星期五 【晴】

早幾晚睇勁歌金曲.....
陣容都幾鼎盛...有何韻詩、Juno、張繼聰、Candy Lo、
但你點都估唔到會有顏福偉 + B哥鍾鎮濤 !!!
不過話時話，呢個顏福偉立下眼真係幾似朗拿度，望真d..........
佢根本真係朗拿度.........個人認為相似度達99.9%!!!!!
介紹B哥的時候我心唸....唔係化....竟然仲有得你玩 ?!!
但當聽落佢唱的時候....其實首歌確係唔錯的.....不過換其他男歌手好似eason justin等等
可能會更加好......始終佢把聲唔係太靚.....唱的時候仲扯住個喉嚨有點辛苦....徙左首歌 !!

幾去呢幾日番工表面上睇黎好似好得閒，好似兩位"實習自戀狂"佢地成日以為我無野做
但我只係出黎行下抖啖氣咋 !!!!!!! 如果天主真係要我行果條路...我將會辭職 !!
一切有待祂帶領.........

講開又講，佢地兩位都幾好丫......對佢地有點兒改觀了......同mandy比較好傾....
秀苑就好似有d害羞...... 不過都係的，黎得實習個個都一定客客氣氣...好似好有禮貌咁架
我暗地裡幫過他們唔少架.......記得請食飯!

今日放假....訓得好滿足~

>>April 27, 2007 at 8:29:27 AM GMT+8

2007 年 4 月 23 日 星期一 【晴】

今日有兩位師妹黎實習.....第一日居然遲到.....真係肉酸.....
佢地第一日黎就有得試做咁多野....又執藥又洗傷口....全靠我向副主任同埋護士大力爭取咋!!
當然我都希望佢地今年呢班人出到去個口碑係好啦，
畢竟大家都係讀同一個course....你好我好就大家好~~

今年有幾個friend要應付大考試，A-level有2個，HKCEE就3個....
今日好似就開始考會考"主科"… 好似係電腦….. 不太肯定....

面對呢類考試，如果你真係認真肯比心機的話，的確會給自己帶黎壓力…
但點樣先可以無不良的影響? 關鍵在於自己的處理手法吧 ~
我也考過會考，但我絲毫不感甚麼壓力，並唔係因為我考天才覺得自己實掂，
而係我自己響果幾科自己有幾多斤"O已經心知肚明……已用一個平常心去考…
去到試場又真係幾輕鬆.............!!!!!!!你叫我讀好物理同化學!? 或然率近乎零~~
我根本唔鐘意讀書…….當然…. 又有幾多人真係愛上讀書….....

我的一切已成過去…. 只係想我身邊的我所關心的你不要步我後塵….
懂得驚.....有壓力....有"火"... 其實都算係好事啊…
能做到問心無愧，已經係應付呢類考試的先決條件及責任~~ come on guys!!
You will never walk alone!!! 還有我這個老人院小王子支持你喔 ~~

有問題就找我吧...讓我給你進行輔導....話晒我都真係讀過counselling 架 !!
記得上年作過呢篇野....

"口才好叻好鬼勁的你，
好鬼多野你都話想要，
零用錢又成日話要加，
正經事又唔見你踩油，
對住你真係無奈死呀。 " (由最尾一個字打直讀~)

>>April 23, 2007 at 7:13:32 PM GMT+8

2007 年 4 月 20 日 星期五 【晴】

呢期唔知做乜... 間中會有失眠的現象.......
而家係凌晨3:57分...氣溫係21度， 相對濕度百分之86
有點傷風了.......

今早出門口前食左粒幸福傷風素的物體，好匆忙....咩都無食就食藥
結果就出事........搭地鐵去到金鐘站.......非常唔妥，
突然間好暈.....又胃痛.......感覺真係好難受，好想靠鬥志頂落去...但真係唔得，
幾乎想暈低，抖啖氣都唔多順........
即刻合埋對眼蹲低........大約一個車站的時間.....幸好有點好轉....但成個額頭都係冷汗
咁大個仔都係第一次咁樣.........永遠記住這次教訓 !

今日九點至一點鐘要去東華總部聽個分享會....雖然精神麻麻...但都要頂落去好投入咁樣
無計啦..隔黎左右全部都係主任咁滯.........好大壓力 ~~~~~~
比我撞番以前實習間中心的正/副主任，都幾有緣份 ~~
佢地猛咁響我主任同直屬上司面前讚我....但佢地係讚我彈琴 ~~~~~~~~
真係好笑，係都講第二d啦 ~~~~ 我成日都好強調，我彈琴真係"麻麻地"，而唔係"得得地"!

要做一個決定，其實真係有好多野要考慮
我究竟想點 ?
有邊個可支持我.?
或者話我知我應該點做?
呢幾日都係生活在煩惱的感覺之中
好唔like咁樣........如果呢個世界真係可以有個叮噹響我隔黎....你話幾好

>>April 20, 2007 at 10:57:27 PM GMT+8

2007 年 4 月 16 日 星期一 【晴】

難得今日唔洗番工，又唔係點眼訓，尋晚睇波睇到四點半先至訓，累~~
今朝早十一點又去到孻舅父屋企，佢要我今日做佢司機，唔錯吧...佢都係想我有多d機會揸

走圍車佢去做正經事，中午我地去左祖堯邨飲茶.....兩條友飲左成兩個鐘頭
大家傾左好多自己的秘密，有過去的也有現在式...如果少d信任都一定做唔到.....

之後車佢去明愛醫院覆診，要成兩個半鐘頭，無理由響度等佢咁耐架
所以決定周圍去，決定去民生書院(幼稚園)接佢個仔我表弟放學
沿路不斷看地圖，一路揸一路口upup,"今次pk了..." 因為唔知自己揸左去邊 !!
但行下行下又去到目的地，都幾有滿足感，同個保母車負責人講要接表弟
大家只係答問一句就攪掂，過程比預期中順利 ~~~~
呢一刻我其實好鬼死急......係尿急......即刻揸去附近的李惠利借廁所....
負責開閘的保安哥哥又無問過我半句.......其實都幾唔安全.....

celia 咁"痟N黎放學，所以等左佢大約十分鐘吧....佢成日都話想坐車架喇
難得今次就到天時地利，所以車左佢番屋企.....
今次沿路又再不斷看地圖，一路揸一 路口upup,"今次又pk了..."
幾經辛苦總算完成任務 ~~~ 呢個時候又要飛番去接我舅父......我又要看地圖了!!!

尾站: 明愛醫院 ----- 九龍灣接舅母放工 ---- 藍田.......
上午十一點揸到下午六點半.......番到屋企唔識郁......

同舅父一齊進軍金融界 !??!?! 有錢有本先算啦 !!!!!!!!

>>April 17, 2007 at 12:18:09 PM GMT+8

2007 年 4 月 14 日 星期六 【晴】

今日又要上班....但起身果下真係提唔起勁，好想咩都唔理繼續訓
最後賴床十五分鐘，比阿媽一野搖醒

今朝要同耆英大學畢業生去樓下球場影相，今屆有58個，事前都知道
實好少人肯落去影相，但都唔係咁離譜呀嘛........9丁友 !?!?!?!!!! 真係悲哀 ~~
同佢地換晒大學袍，叫埋兩個阿姐幫手，影張相出黎真係人丁單薄，
得果11人....踢波咩 !?!?!??!

今日都幾多野做，幾乎無乜點停過，係下午果陣同阿廚師成哥響寫字樓吹水
大家一齊分享生仔經驗.....~_~ 佢有三個仔女，4年抱3，非常厲害~~~
好佩服自己咁都有得講一餐飽，其實最近院舍不斷傳我有一個仔女.....
佢地真係好天真好低能囉，一個電話鈴聲就傳到似層層咁.....睇下幾時傳番黎寫字樓!
成日比人問我個仔有幾大.....成日套我說話......好鬼無奈......但最大問題係佢地並唔係同你講笑....

今朝老豆打比我，好少會打黎，以為係咩事，點知佢同我講話見到公教報登左一間
公司請一個職位.....叫我睇下點.........
咩睇下點 !?!?!? 真係funny~ 睇黎佢都幾想我轉行........

邊鬼個有計數機? 借黎用 o 唔 ok? 唔好同我講 No-way ..!!! 如果唔係你就死 ~!!~!死死死死 ~~

>>April 14, 2007 at 7:10:53 PM GMT+8