2003 年 11 月 6 日 星期四 【晴】

累累o地都唔想寫日記…

今日上晝終於都完成佐兩份行程o既報告喇！真係好。

下晝就要上英文堂。個先生叫Robin，都幾得意o架。佢用遊戲形式去教英文，等o的組員多o的機會同輕鬆o的咁去講英文，不過好多人都好快醜咁，而且英文水平都係偏低…點搞呀，個個都爭住唔講…唉…大好機會，要好好珍惜呀，唔係次次都咁好彩有錢收又有o野學o架！

分佐四組去比賽，結果玩佐頭三個回合我o個組已經領先佐，因為我o個組有我同埋敏敏o係度，仲有個Raymond添，七個人之中有三個英文叫做掂掂o地o既，真係想唔贏都唔得啦，結果我o地就成為第四回合o既評判，最後仲令到有Kitty o既o個組可以贏出。雖然我o地係o既分數係排第二，但係其實最後佢o地可以追得返上o黎，都係因為我o地畀分。另外兩組輸佐，就要返屋企做功課lu…

夜晚返到屋企，真係散晒喇…不過仲要做埋琴晚未做完o既o野，就係搜集o的景點資料…聽朝開始落區，守中環商業區，其實都唔知有乜好守，總之就預佐悶啦…唉…

今日o的細o既又話見倒浩文同個A乜lan o係度火來火去，仲話而家佢o地成組人杯葛佢添。不過佢係抵死o既。又有傳聞話Jamie可能會向我o地兩組問話，想知道條友係咪真係成日都唔做o野。不過琴日聽Jamie口氣，我估真係有人好快要聞魷魚香o架喇。不過我都同佢o地班友仔講，最好就係乜都答「唔知」，無謂o係度落井下石或者拿屎上身…不過Jamie本身都自身難保喇…因為而家Kitty o個組人成組都火緊佢，火佢朝令夕改…不過都係o個句啦，隔o黎組o既事我o地最好唔好理咁多，由得佢o地自己搞飽去算喇。是是非非…唉…

>>November 7, 2003 at 1:50:34 AM GMT+8

2003 年 11 月 5 日 星期三 【晴】

今日好死眼訓… @_@

今個禮拜要完成o既工作仲未做得完，但係我o地而家得返兩節時間去做咋…有人好努力畀心機做，但係有一個人就例外，佢就係呀澤。激死！條友由開工訓到放工…你想我點？你想我升仙…

臨放工食佐碗加底貓麵…頂…o個個功課補導o既社工Amy，不x知所x謂，佢xy o丫！無端端要我同Kitty入房畀佢鬧，話我o地班同事嘈住佢同o的學生做功課。大佬呀，人咁多，實有聲啦！而家我o地枱又同你set好晒，房又讓晒路畀你用，你又想點呀？更無辜o既就係，當時我同Kitty都唔o係房裡面同班TDAs一齊，Kitty就同個組員做緊supervision，我就o係電腦室度同o的組員用緊電腦摷料…無情白事一o野話過o黎，究竟想點呀？不過今次好明顯係唔關我o地o個組事o既，因為我o地o個組o的人就算係o係房裡面，都好似死魚咁冇乜聲氣咁抖緊，完全唔知點解佢一o野x過o黎，嘩，你大x晒呀？！

呢個Amy一向畀我o既印象都好差o架喇，成日老馮點人做o野咁都不特指，態度又差，又成個臭三八咁，今次仲衰，鬧鬧o下居然o係度講埋晒o的x說話，話我o地咁嘈佢幫唔倒o的細路默書，不如我o地派兩個人過去幫o的細路默。我心諗，如果我有萬幾蚊人工，我又唔怕做呀，我得o個八千蚊人工，仲要睇埋你心情同面色做人有冇離譜o的呀？雖然你係中心職員，係有咁o既權力，但係都唔該你畀少少教養同禮貌啦！我班同事都係人o黎o架，係咁踩人！社會就係多佐一班好似佢咁o既，而家o的細路先會做乜都冇信心，心甘命抵成世畀人踩住唔抬起頭做人，口口聲聲話大家係同事，其實就係度分晒階級，一o的尊重都冇。我吥！

人必自侮，而後人侮之呀！

>>November 5, 2003 at 10:52:02 PM GMT+8

2003 年 11 月 4 日 星期二 【晴】

又星期二喇！

今日開始同o的細o既做supervision，第一個就係呀澤。近排發覺佢成日做o野冇o黎心機，成日掛住訓覺，雖然知道多多少少都同佢o既感情問題有關，但係咁樣唔得o架喎…我幾時都話做o野一定要擺o係第一位，但凡私人事情一定要o係做o野o既時候放埋一邊。佢而家開始慢慢影響倒成組人o既運作同士氣，所以係時候同佢講講。佢應承佐我以後會提起精神做o野，唔會偷懶o架，見佢態度都算積極，就等我睇多佢一排睇o下佢點啦！

嘩，今日好激呀，個A乜lan居然同佢條靚浩文o係我o地成組人面前駁火…而佢o個組o既人對佢亦都越o黎越不滿。放工o既時候又見倒隔o黎組今日o黎中心上完英文堂o既Terry，原來佢都同我一樣覺得條A乜lan做o野做得好表面，有事就推卸責任，同埋對o的雞扎蒜皮o既事好執著，偏偏又對o的要認真看待o既事表現得豪不在乎…吹脹囉！

好似今日三個TDA supervisors同呀嫻開會咁，我當場指出佢條友琴日賴死唔肯上西環村同逼Kitty走o既事拿出o黎講，完全係我都未講完，條x樣就不斷o係度插咀自辯，後尾又將佢唔上去o既責任推落今日冇返工o既Jamie身上，一於死無對證。哈哈哈…真係好x搞笑，條x樣講到不知幾激動，一於將所有責任推晒畀o的細o既同埋Jamie，乜都話「唔知」，或者「唔關佢事」。如果十個搞笑係滿分，我真係會畀夠佢二萬個。我同Kitty係咁o係度暗笑、偷笑…ccc…

放佐工就諗住返屋企食個飯先出o黎陪您啦，諗住您個mid-term八點鐘先考完我仲有大把時間。點知您又突然之間提早半個鐘頭交卷走人，搞到返緊屋企o既我不知幾咁無奈。最後快快手食佐個飯，再洗埋o的碗，就仆落樓喇，不過好彩您都o黎佐柴灣等我，等我唔駛咁頻撲。 =)

又冇戲好睇喎，陪您食佐碗「肥油粥」再上佐McCafe，食佐個田園乜乜沙律，都ok o既，不過o的車厘茄o的皮好韌嗟…

>>November 5, 2003 at 10:27:38 PM GMT+8

2003 年 11 月 3 日 星期一 【晴】

好慘呀…琴晚三點訓，今朝又冇人叫我起身，結果起身o既時候已經係九點，用佐十分鐘就落到去巴士站，無奈冇車又塞車，平時可以趕得切返到公司o既，因為今日係星期一，所以返唔倒…結果…遲到佐十五分鐘…夾埋以前o個o的，好似已經遲夠一個鐘喇… @_@

今朝返去又要做o的行政o野，填o的「舟車單」，好辛苦先講完一次點樣正確咁填，但係呀Raymond都仲可以填錯… @_@ 灰到爆…我冇火佢…因為我知火佢都冇用…唉…不過條友都算離譜喇，居然o係公司printer印自己上堂o既notes同功課！頂佢o丫！有冇搞錯呀！叫佐佢唔好都仲要做，仲要呃佐唔知邊個同事部機o黎印…點搞呀大佬…真係教佢唔掂喇…

做行政o野之餘都要搞o下旅遊路線同埋問卷、紙上遊戲o的o野。咁就搞佐一day喇…

今日下晝仲要同Jamie做supervision，去評估返我o既工作表現。老實講，佢都覺得我帶班人係帶得幾好o既，分工同埋安排工作都冇問題，同埋我又治得掂佢o地。唯獨係Jamie唔滿意我成日當眾火條A乜lan。冇法o架喎，真係見倒佢就火o架喇嘛！Jamie叫我以後唔好火佢，等佢o係佢班細o既面前可以建立返o的威信…老實講，條友本身係無能o既，無論外人點幫佢都冇用o架啦！不過我都應承佐以後唔當眾火佢，有咩唔滿意就同Jamie或者呀嫻講。ok，冇問題，決定以後ignore佢，一於當佢透明。仲好，唔駛火。Jamie話等住睇我o既進步。都幾好，第日份report同reference letter一定唔怕佢冇好o野寫落去。

放工時聽倒一o的枝節，就係個A乜lan居然用佢要開會冇人看住o的細o既同埋o的組員做緊o野呢o的咁o既藉口而拒絕上西環村佢o既原居地！仲要逼Kitty o個組o的人上去！詳情係點要聽日再了解，但係條友明明係西環村o既人，冇得話唔上。我同Kitty係有first priority留使用中心o既房間！搞到我o地組員又慶慶o地，聽朝返去又同Jamie傾傾先得。

有一個壞消息。就係我o既前頭馬，Kitty而家o既頭馬，Gary，過佐檔聖公會做TDA supervisor，我估，呢個完全係YWCA o既損失。如果一早炒佐個A乜lan，請返Gary的話，可能個halloween party會做得好睇好多。

但係又有一個好消息。就係A乜lan o個組o既Kelvin同埋另一件蛋散將會畀公司炒尤，原因係佢o地落區o既時候鋤dee… @_@ o個條友早就應該炒o架喇，不過估唔倒唔係死o係我手上而係死o係佢自己o既組長A乜lan手上。好明顯係條友野性難野馴，個A乜lan管佢唔掂而被開刀。老實講，我平時做o野就比較有彈性同會畀機會囉，如果係要咁樣執正o黎做真係大家好冇癮。不過個Kelvin都己經早有前科，所以係抵佢死o既。不過佢o地o個組人就好不滿，因為個A乜lan真係從來唔會保住o的「靚」，而且仲要係三番四次咁踩多兩腳落去o個隻，唉…有o的咁o既人做組長，而家o的細路又點會聽你枝笛o架…所以一直都話個A乜lan根本就同o的「靚」脫晒節…唉…冇得救o架喇…

仲有一個好消息，就係超人搵倒工喇！返大陸，幾好o架，福利都唔差，真係恭喜晒。

>>November 4, 2003 at 2:00:47 AM GMT+8

2003 年 11 月 2 日 星期日 【晴】

全日o係屋企，終於都將個房o的o野執返好晒…

今日訓到成十二點半起肯起身，今日o的空氣好差，望出街都睇唔倒遠，好多煙霞，個鼻好唔掂，頂唔順走佐去屈臣氏買佐盒幸福過敏素，食佐又好似好o的咁，於是就係咁執房，將過去一個月堆起o既o野一次過清好晒同埋放回原處，成個房乾淨晒，真係有成功感。

下晝冇訓晏覺，執o下房同部電腦o的mp3s，再用NTFS format佐個harddisk，咁又一day喇…真係時間好唔見用…

個日記無端端摺佐成個禮拜，搞到要我一日之內寫返成十日o既日記，真係慘…但係寫到今日，終於都寫返好晒喇…終於都可以訓喇…但係都就快到三點喇喎… @_@

>>November 3, 2003 at 2:40:22 AM GMT+8

2003 年 11 月 1 日 星期六 【晴】

居然起唔倒身返唔倒工…出晒事…

吹脹囉！o的友仔冇打電話叫我起身，結果Mandy九點半先打畀我，咁就逼住唔返工拿補假啦…唉…真係第一次係咁喇…吹晒脹囉…送完人返屋企又冇飲醉居然返唔倒工，o的友仔冇人性o架！

結果成日就係咁訓係咁訓，訓到一點幾起身，同部電腦裝返晒o的要用o既softwares，又打佐陣機，好累，好眼訓，又再訓過，訓到食晚飯。

食完飯又搞o下部電腦，setup返晒ie o既favorites。我決定放棄Opera喇，唔再用呢個internet browser，因為佢好唔stable，成日同windows撞，又拖慢晒我部機…算啦…mircosoft呢o的x公司，用佢o既平台係要用返佢公司o的o野先得，真係頂唔順佢o既獨市，我遲早一定會轉用Mac！

嘩！個鼻好唔掂，真係想切佐佢！點解要敏感到咁o既程度…

訓佐咁多依然好累，好早又訓佐… @_@

>>November 3, 2003 at 2:29:12 AM GMT+8

2003 年 10 月 31 日 星期五 【晴】

終於都到佐個萬聖節party喇！不過今晚o的秩序好混亂喎…

有o的失望同唔滿意囉，因為個party真係搞得唔係咁好，又overrun佐…唉…雖然中心o的大粒佬都有讚好，o的參加o既家長亦都有讚好，但係我眼見實在有太多不完美喇…唉…點解會咁…

眼見個場亂我都唔知可以做乜好…o的同事好似唔知自己係要做「睇場」呢個工作咁，成日都唔知去佐邊又或者只係企埋一邊唔知做乜…唉…

又唔知點解有班人成日都坐o係個化妝室裡面唔知做乜，完全唔知佢o地做乜會出現，但係畀佐錢又唔可以話唔畀佢o黎…但係今次o既節目講到明係親子，我真係唔明點解會有班咁o既人報佐名參加而又o係個房裡面自己做自己o野…真係吹脹，但係都冇時間理佢o地喇…

到佐玩遊戲時間，一如所料，玩個「大電視」o個時真係有人悶到抽筋，又慢。到佐分食物o個時，直頭係大亂，o的唔多識排隊…點解香港人會係咁？細細個已經係咁，幾時得o黎大個？唉…
個個都驚執輸咁去搶…做乜o野？

完佐之後執埋o的o野都成十一點，其間個x樣又o係度串串貢加唔做o野，我同Marco大大聲串佐佢兩咀，幾乎又搞到畀Jamie話…

跟住成班唔知幾多個人一齊落佐銅鑼灣，上力霸打佐陣機，再過佐去老地方，見大家都唔知去邊度飲酒去，就落去打多陣機先。結果入佐一蚊玩跑馬仔，玩佐四個字人o地收檔都未玩晒o的credits，真係勁。

之後直接上佐落上間bar飲酒同玩，玩到四點幾五點有o的人「貓」晒，先至埋單走。之後o係街邊坐到o的人酒醒，我就負責送返呀bear返筲箕灣，結果成六點半先返到屋企，七點鐘先有得訓… @_@

>>November 3, 2003 at 2:21:03 AM GMT+8

2003 年 10 月 30 日 星期四 【晴】

今朝上晝唔駛落區，多佐一節時間去預備個萬聖節party，真係好。

今日最後臨走之前都叫做上晒全部o既飾物喇！連埋大門口、房門飾物、吊飾、氣球、蜘蛛網、背幕等等都整晒上去，好勁呀！用最平o既價錢去做倒咁多o野，我真係要以我o既組員為傲，引以自豪。組裡面有人好有諗頭，諗倒好多得意o既佈置，亦有人畫o野好掂，亦都有人刻苦耐勞默默係咁剪剪貼貼，真係好感動呢…做o野o既三大目標其中兩個，「平」同埋「靚」我o地都做倒喇，希望個party有埋內涵「正」啦！

下晝見Elsa得閒出o黎同我o地傾偈，就即刻推佐呀澤畀佢喇。話晒佢都係專業社工，總可以畀o的專業意見佢，希望呀澤佢快o的好返啦…

夜晚返到去，仲要搞埋o的Halloween音樂先有得訓，不過都係值得o既！我要聽晚個節目係有聲有色o既！

好累… @_@

>>November 3, 2003 at 1:46:49 AM GMT+8

2003 年 10 月 29 日 星期三 【晴】

冇喇，唔駛再落區住喇…因為o的單張用晒喇！今日又要同條友開會，真係慘。

星期五就係個party喇，但係條友居然都仲有o的o野未confirm，問你死未！

上晝見又傾唔出o的乜出樣，o的組員上晝同下晝都係咁佈置中心個大廳同整飾物，十足個「庇護工場」咁。中午食完飯之後，我想組長同個party裡面o既負責人開一次會先，等大家都了解個party而家搞成點，點知就係咁又出事…

條A乜lan真係好小家…今日個會有十個人一齊開，包括條x樣、我、Marco、Mandy、Gary、貓、Kinki、軒、浩文同埋阿琪。一開始條x樣就遲遲都唔入房開會，一入到房就懶係一面公正咁命令o的組員帶返證開工。哦！之後開會條友仲pk，Gary講講o下話要張紙寫低o的o野，見條pk有本cheap cheap殘殘o地o既簿，就有禮貌地問佢借張紙。哼…點知條友就串串貢咁話︰「乜你開會都唔帶紙呀？！」嘩！呢o的係人話o黎o既咩？見你有本簿想你行個方便嗟，講埋晒o的咁o既x說話都有o既！Gary即場火晒。

我見條x樣知道自己講錯o野而又想o係佢o個本「好寶貴」o既簿撕張紙落o黎o既時候，我就話︰「a…我有紙，你唔好"meet"呀，你千祈唔好"meet"呀，你"meet"佐我都唔會用o架！」佢xy，係要搞串個場，真係冇法。結果我是但摷佐張紙畀Gary用，仲狂串自己開會都唔出Agenda真係廢真係冇用，條x樣當堂冇晒聲。

開開o下會間房又有人用，結果要走上西環村續會，終於都清楚晒o的遊戲點玩喇…唉…搞成咁都唔知做乜…聽日終於都可以出份完整o既proposal喇！

最後五點幾仲要教佢o個組o的人扭波，佢o個組o的人有o的都幾叻o架，仲學到唔想放工o個隻，但係偏偏個A乜lan話要走，真係有人教你o野都用咁o既態度去學，仲要逼人o地都唔學，真抵你pk死o既，抵你得唔倒民心o既。

夜晚入佐沙田同您陪o的舊同事食飯，去佐好耐冇去o既維苑，但係總係覺得有o的格格不入，而且我又有好多電話要打。因為電話冇電，又諗住今晚早早o地可以送您返宿先返屋企，所以逼住要o係晚飯o既時候打晒o的電話叫o的人聽日返中心唔駛落區。

食完飯，送佐您返宿，好耐都冇返過呢間一流學府喇，總有好多o野係值得懷念o既。例如由巴士站返伯宿o既一段路，總有不少美好回憶。又例如離開伯宿去Shaw o既一段斜路，令我諗起往日o既大學生活，總值得回味。人去人來，舊人走佐新人補上…行佐一段幾乎每日都會經過o既路…我o既master生活，有您，仲有超人…最後搭佐條新開o既小巴線，八蚊加四個字又返到繁囂o既旺角…

返到屋企仲未有得訓，因為今日開會畀個A乜lan問我o地o的音樂搞成點…唔得！我今晚死都要download倒o的萬聖節音樂！

>>November 3, 2003 at 2:12:10 AM GMT+8

2003 年 10 月 28 日 星期二 【晴】

又係要落區呀！原來我每日步行兩個公園一次，足足要行三千二百六十六步o架！

今日又係上晝o係中心，下晝落區。上晝依然係做o的剪剪貼貼o野，死啦，原來好多o野都未預備好呀…仲差好多佈置o既飾物未搞掂，但係時日無多喇…點搞？又要落區又要預備萬聖節…煩死…仲話要我o地教返其他兩組人扭波添…原來之前o係灣仔買o個o的波係cheap o野o黎o架，又難扭又扭得唔靚又易爆。扭波老師話去教協買o個o的又有彈性又透明喎…放佐工去買啦唯有…

今日下晝又有人偷懶喇…Marco就坐o係度訓著佐，欣欣仲「筒」起埋隻腳坐…大佬呀，呀嫻同Jamie真係會問你o地做成點o架…我又冇理由督人出o黎o既嗟…合作o下啦…

放佐工就落銅鑼灣，一落車就見倒您喇…您又會咁叻知我o係呢個站落車o既！之後去佐買戲飛，雖然冇乜戲好睇，但係都買佐《Once Upon a Time in Mexico（殺手攻略）》，之後再去「打理法國」食飯。食完之後坐坐o下先記得原來唔記得佐買波… @_@ 好在未到九點半，如果唔係聽日都唔知帶乜返去畀人學扭波…

上到教協，發現原來o的靚波個價錢都係同我o地買o個o的差唔多，咁就即買三包啦…但係原來我個所謂o既職員證係唔可以o係教協超級市場度用o架（雖然都估倒o架喇…），好在我態度夠誠懇，又有禮貌同埋扮到好急用唔賣畀我我就會死咁…而個收銀姐姐又好好人喎，結果順利過骨，mission complete。哈！

套戲都幾無厘頭。最神奇就係裡面o的人好多都係一中槍就會彈到九里咁遠，但係o個三個「浪人」就居然一槍都冇中過… @_@ 最過癮就係o個三個浪人一齊拿起結他一路彈一路唱歌，搞到個士兵都覺得佢o地煩而畀佢o地順利進入總統府。個Johnny Depp都好無厘頭，最後仲要搞到盲埋，都幾無聊。咁o既戲，都唔慌收得，不過有好多西人一齊睇，好有外國feel…

>>November 3, 2003 at 1:49:32 AM GMT+8