2003 年 12 月 26 日 星期五 【晴】

又係上環假人行人坊，又遇到賤人…

今朝八點先起身，搞到九點五先出門口，結果都只係遲佐五分鐘，真係yo！

返到去排o下話劇咁又話要出去，落到去又o係台上面排多次，食飯。十二蚊碗墨丸麵，抵到爆。食完飯過佐陣就話劇喇。嘩，班友仔o丫…唔記得晒o的台詞囉，敏敏就點都記掂晒佢o個段水蛇春咁長o既對白，但係Carmen就失憶得最勁… @_@

之後公司就要我o地派單，一千張單，我o地十二個人話咁快就派埋，真係勁！派派o下居然有條友走過o黎話我o地派o的大笪地宣傳單張，拉走晒佢o的客…佢xy！唔係呀fa！真係「痾屎唔出賴地硬」！如果佢o的貨真係有睇頭，真係有特色o既話，就自然有人買o架啦！有麝自然香o架啦！低能！o係度賴生賴死，戇x！而且各為其主，你真係理得我o丫！哦。

搞到五點幾，又收工喇。不過個Jamie又要我o地組o的人跟車返中心，好，返去囉，我o地呢o的不嬲都任勞任怨o架啦！不過返到去，條友又唔多幫手搬o野，淨係做指揮，又吹脹囉。走之前，條友靜靜雞同我講，叫我無論o係公司定係出面都唔好講粗口，我話︰「我聽佢o地講你琴日都有講粗口喎！走先喇…」哇哈哈哈哈哈！串到佢爆。你o的廢人，同你講多句都嫌o徙氣！不過咁，你出到聲，咪以後唔o係你面前講粗口囉…

夜晚食完飯出佐去唱k，唱佐好多之前冇唱過o既張國榮，睇佐好多佢o既MV，不過我唱到三點就返屋企lu，冇通到頂…抖o下先，聽朝仲要開工。

>>December 27, 2003 at 3:56:39 AM GMT+8

2003 年 12 月 25 日 星期四 【晴】

頂佢啦，曬死！

今日係聖誕節，但係都要返工，仲要係返兩節，冇法…正謂「出o黎行，遲早要還」…

晨早返到公司，九點一出門口，九點九就返到去，未有人開門，白白企佐三個字，頂！香港o既交通，真係令人頭痛！你真係永遠估佢唔倒…

返到去做埋個攤位o的手尾，十一點半就要去食飯，食完飯就出發去上環西港城。個Jamie真係好唔掂，完全唔係路，只係識叫我o地o的人拿o野，自己就兩手空空咁，真係巴閉，當正自己真係老細咁，哦。

去到上環io岩o岩一點，快手快腳開檔，點知原來Jamie話要帶出去o個牌中心o既水牌冇o野黏上個攤檔頂度。跟住條友仔就閃佐去買。好抵死，條友去佐好耐先返，一返到o黎，Raymond就話︰「乜你去佐咁耐o既？！」嘩！我真係幾乎笑佐出o黎呀！過癮！

原來條友話o的文具舖冇開，去佐永安買。點知佢買返o黎值十五蚊o既厚雙面膠紙，原來係垃圾！o的膠居然一撕就會黏住隻面膠紙唔要o個條紙！我撕佐少少都發覺唔對路，於是都冇繼續撕落去，點知條友好搞笑地話︰「而…點解o的雙面膠紙唔黏o既？！」嘩…笑x死朕喇！哇哈哈哈哈哈…

我見佢買返o黎卷o野唔掂，就飛佐去百佳同惠康睇，點知都冇得賣，唯有買佐水返去先，再諗o下用封箱膠紙得唔得。不過好衰唔衰畀我記得落區o個時留意倒有間「日本城」o係附近，於是即刻走去買。畀錢o既時候，個收銀居然話我知我卷o野只係要「五蚊」！！！真係平到x咁呀！

搞掂晒o的o野就賣o野。唔係好多人，結果賣佐十幾件o野，幾隻草蜢咁，灰爆。總共只得百四蚊生意咋！鬼咩！原來之前幾日有人派草蜢呀！我o地仲賣十蚊隻，o的街坊緊係唔買啦！仲有o個o的木頭人公仔又唔係真係好特別，o個o的核突手鍊就更加一早畀我批死賣唔出啦…

五點都未夠條友已經話要走，九成約佐人啦，見佢係咁傾電話。走o既時候條友係咁問夠唔夠人拎o野，結果我o地有三件返西環。行行o下我發覺根本唔駛咁多人返去，就叫Carmen走先，我同呀聰仲有條友返中心，就係因為咁先叫做逼倒條友拎o野。老實講，我就一定要返中心o架喇，因為我要返去核數。但係o個少少o野，唔係因為佢唔肯拎o野o既話，呀聰都一樣唔駛返西環！

唉，Jamie條粉米，唔怪得知連呀嫻都叫我有o野就親自問佢而唔駛問Jamie啦，原來佢真係廢成咁。

放佐工本來返屋企，但係超人又打畀我約我食飯，於是就去佐吉野家食牛肉飯，好耐冇食喇…食完飯再過去旺角接您收工，之後就同您去佐又一城睇水晶聖誕樹。嗯…您睇完聖誕樹都仲係好似唔開心咁…之後就去佐買朱古力同一樽玻璃樽裝o既水，個樽好靚o架…您都好鐘意咁…之後就去佐Pacific Coffee，您就食cake，我就唔餓冇食。您送佐對Lotto畀我，金色，好突破呢！多謝您呀！啜~

之後陪您返屋企，o係巴士上面同您傾o下偈，知您唔開心…其實我都有買禮物畀您o架，不過放工o個時唔記得去拿之嘛，咁咪諗住下次先囉… @_@ 而且我又覺得禮物呢o的o野唔一定要節日先可以送嘛…點知原來您咁鬼重視嗟…對唔住呀…

>>December 26, 2003 at 8:46:54 PM GMT+8

2003 年 12 月 24 日 星期三 【微冷】

今日真係忙到嘔…x咁少時間，y咁多o野做，佢xy o丫！硬係要一次過推x咁多o野過o黎畀人做o既…

朝早返到去，諗住叫佢o地整好聽日用o既價目表，同埋話劇o既道具，點知班友仔成朝都掛住o係度玩，真係吹脹…仲要叫佐兩件出去買膠袋用o黎裝住o的貨賣畀人。結果我搞埋下個禮拜個roster同埋o個封有我、Kitty同Terry（冇個A乜lan）三個署名o既回應信，咁就一個上晝…時間真係唔見駛…

下晝食完飯返o黎就忙到隻o野咁喇…一o黎又要佢o地整話劇道具；二o黎又要排劇喎；三來呀嫻又話有錢佈置個攤擋，結果搞到又要再做過；四來個手工藝老師同呀嫻又逼我o地整o的核突手鍊去賣；五o黎又要我o地抺乾淨o的o野再入袋o的o野先可以賣喎；六來又要標個價錢上o的貨度；七來又要同班友仔解釋o下之後幾日同下個禮拜o既返工時間，事關個個人o既返工時間都唔同；八來仲要再安排人做信差拎o野上HQ（搞錯呀，要我o地o的人做埋信差！！！火！）…

好在，我o地o個組勝在兄弟多，三兩下手腳就全部搞掂晒，都唔駛用四個鐘就完成晒以上o既工作…唉…一係就悶到嘔冇o野做，一係就又急又忙到隻o野咁，呢班咁o既上司真係…唉…

>>December 24, 2003 at 9:07:19 PM GMT+8

2003 年 12 月 23 日 星期二 【晴】

又係休息日。訓到兩點半先起身，正！

起佐身出佐去銀行搞e-banking o的o野，之後再入屯門同您食飯。因為今日原本應承佐陪您嘛，但係太累訓得太晏所以冇出到去，唯有入屯門見您啦，應承佐寶寶o既o野冇理由反口o既…

之後搭西鐵出返o黎，再轉車，好o徙時間，冇下次。

返到屋企再回埋封TDA complaint letter，收工。

>>December 24, 2003 at 2:15:42 AM GMT+8

2003 年 12 月 22 日 星期一 【陰】

星期一，好繁忙。

上晝上埋最後一次普通話，個老師好唔開心咁話o的同學冇心機學…唉…其實佢o地呢班小朋友，根本就唔鐘意上堂o既…而且佢o地仲未知道普通話而家o係勞工市場上o既重要性…唉…算罷啦…之後老師講「bo，po，mo，fo」，悶到我訓著佐… @_@

下晝就快快趣搞埋份劇本，《尋找中西區之最》畀呀嫻話個名好老土…是但啦，交倒貨都ok啦…等等等，等到五點幾HQ o個組人先學完手工藝，搞到我o地o個組學少佐成粒鐘，結果就係唔夠時間學…頂…今日學穿珠，好難。我就要搞埋o的行政o野同roster，冇乜點學。

今日終於都claim返十月o既車錢，原來有成舊水咁多，真係誇…

夜晚revise埋份劇本先有得訓…冇時間喇…

>>December 24, 2003 at 2:40:48 AM GMT+8

2003 年 12 月 21 日 星期日 【微冷】

九點幾先返到屋企，搞佐陣電腦，十點先訓，訓到十二點先起身，下晝又要落區…

今日落區好悶…好在時間短。

最死就係落區落兩粒鐘，之後仲要返中心。每人整佐幾個木頭人公仔，就話冇晒料喇…唉…點搞o架！而家得o個六十幾個，要整幾多個？

放佐工就返屋企，冇乜做o野，搞佐一陣電腦就訓佐…因為好累…

>>December 24, 2003 at 2:26:03 AM GMT+8

2003 年 12 月 20 日 星期六 【颳風】

好少何咁星期六要返全日，因為要學o野。

上晝無無聊咁過，做書簽。做夠份量星期日落區派。下晝先有得學手工藝。仲要上西環村。

個老師真係好好人，o係西環村中心門口企佐成半粒鐘，食住西北風咁等我o地都冇怨言，好偉大！鬼咩！班友仔成日都用散步咁o既速度行，上一上去西環村要用成幾個字。我都唔明點解佢o地可以行得咁慢o既，我拿鎖匙上去開門畀個老師都只係用佐五分鐘左右…唉…點搞…

學佐兩個鐘整佐五十個，好快手。

放佐工要趕返屋企打邊爐，但係唔知做乜可以塞佐一個鐘頭三個字先落到銅鑼灣…死未！

食完飯又要出去，因為今晚約佐上「聚豪會」打牌。今晚好旺呀，而且又有Carmen呢個新手。頭四圈已經贏佐四舊水，真係有o的唔好意思。打完十二圈就贏佐五百幾蚊，扣返鐘錢都有四百五蚊袋落袋。o岩晒啦！o岩o岩收倒張還學費o既單，足足要還四千三蚊，叫做幫補o下咁啦…

打到八點幾先走…出奇地今次又冇上次咁累喎…

您好叻喎，今日賣佐八部電話！啜~

>>December 24, 2003 at 2:52:40 AM GMT+8

2003 年 12 月 19 日 星期五 【微冷】

朝頭早又係普通話時間。老師冇乜心機教咁，同學又冇心機學…

下晝又諗o下劇本咁，敏敏幫個劇改佐個名喇，都幾正o架，叫做《尋找中西區之最》，內容係講中西區裡面最乜乜、最物物o既景點。

下晝就由中心o既其中一個唔記得佢叫乜名o既社工做TDA計劃o既中期檢討。玩佐o的無聊games，之後又要全家選三個出色員工。我揀佐Marco、Mandy同Carmen。結果係Marco、我同敏敏被選出。或者，咁樣可以叫做係組員對各人工作o既認同。老懷安慰喇…唉…多謝大家支持，我會全力以付，做到最好o既！大家都要畀心機！

好多o野做添，但係好似乜都做得好慢…點搞…

>>December 24, 2003 at 2:56:22 AM GMT+8

2003 年 12 月 18 日 星期四 【微冷】

放完假又要返工，晨早學手工藝，織草蜢。

有o的人一學就識，有o的人就學極都唔識。我就學識佐喇，其實都幾簡單。留返隻畀您啦！

下晝落區，落兩粒半鐘，今日係第一次企文武廟、摩羅街同中區警署。原來荷李活道都冇我想像中咁長，行佐幾轉，都ok啦，唔係好累。最無聊就係落完區要返中心…

返到中心都冇乜特別o野做，搞搞o下又收工。

約佐您食飯，冇乜心去諗，去佐食味千。食完又搵唔倒咩戲睇，結果去佐同您去佐Pacific Place影聖誕樹，您好開心喎。但係影完之後去到皇后像廣場，棵大聖誕樹已經熄佐燈…唉…真係掃興…之後我o地x行佐一陣，您話累，係時候要休息o下喇…

聽日您就要開始返工喇，畀心機呀！小心o的，唔好畀人呃！

>>December 24, 2003 at 2:48:51 AM GMT+8

2003 年 12 月 17 日 星期三 【微冷】

休息日。

訓醒，食o野，上網，訓晏覺，睇書，食晚飯，上網，再訓覺…

太正喇，呢o的咁o既生活…

----------------------------------------------------------------------------------------------------------------------------

絕對在乎您
劉德華

粗粗的手縱欠秀氣寫詩
空空的手縱欠金衣
卻會為你長年遮風擋雨
至我別去塵世方止

縱說世事裡有對亦有不對
我愛你是百分百絕對
窄路斜路也願伴隨
我越戰越勇
當得到你手在手裡

絕對最愛是你是你是你
我是註定要戀你
那理路裡是怎麼天氣
就算到了逆處絕處盡處
抱你是我的雙臂
我要絕對絕對完全給你

這一雙手永遠愛與你牽
一生都溫暖你的肩
縱會被歲月磨得蒼老
每個誓與盟約不變

縱說世事裡有對亦有不對
我愛你是百分百絕對
窄路斜路也願伴隨
我越戰越勇
當得到你手在手裡

絕對最愛是你是你是你
我是註定要戀你
那理路裡是怎麼天氣
就算到了逆處絕處盡處
抱你是我的雙臂
我要絕對絕對完全給你
愛意絕對絕對長燃不死

>>November 10, 2005 at 9:09:22 PM GMT+8