2004 年 7 月 13 日 星期二 【酷熱】

今日一返到公司就收到一個好唔開心o既消息…

我o既老鼠朋友…Ken仔，做到今個月22號就bye bye…會轉去PCCW做…

點都好啦，真心祝您前程似錦…點睇您都係一個生意人，無謂屈o係度等「牛」臭…

Ken仔係o係港灣裡面唯一一個同我最o岩channel o既人，佢o既離開，表示以後o係港灣遇到o既唔開心o野或者嬲o野，只可以我自己一個人去面對。冇得再「您老鼠」，冇得再放佐工齊齊煲煙飲啤酒，冇得再7座CRC calling 10座CRC，冇得再「跟進返」，冇得再玩「傾電話扮傾公事」，冇得…

太令人傷感喇…

Anyway, you are my ONLY best friend in MHV, it's very lucky for me to have you as my crazy friend...
Bless you...

今日第一次畀Warren「的」入房照肺，話我對人態度差，同其他人溝通唔到，又話上次briefing我一出聲就知會出事。我知，我係口衰，但係我對我o既同袍不嬲態度都唔錯，唔好o既態度，只會向住o的唔做o野o既「射波怪」做，我知Warren係為我好而講，但係我o既性格一向都係鐘意「抱不平」，鐘意挑戰權威…冇得改o架喇…

>>July 24, 2004 at 4:09:33 AM GMT+8

2004 年 7 月 12 日 星期一 【酷熱】

今日放假，但係朝十晚十都留佐o係學友社聽電話。

有個client好怪，搞到我要同佢重新解構佢o既人生觀，用o既語氣重佐o的，已經畀人話我，話我唔應該用咁o既語氣同o的client講o野，又話要顧及條線o既形象。哦。

如果唔係需要，我做又三十六唔做又三十六，求其搞掂咪得囉，跟本…唉…我都唔識講。

好多時，講又係一樣o野，做又係另外一件事…唉…人生…荒謬。

>>July 19, 2004 at 2:48:54 AM GMT+8

2004 年 7 月 11 日 星期日 【酷熱】

星期日，心情平平…

我媽媽好煩，已經連續第二晚o係我放工之後十點幾十一點打畀我，問我返唔返去訓，如果唔返去訓就落條pk門鏈，慌死我今晚又帶您返去訓。哦！

琴晚好聲好氣，今晚真係火都o黎！即刻同佢講如果我返到去係落佐鏈o既，我就會扯斷條鏈，之後再「cup」線。

煩死！火！

終於約到超人吹o下水，不過時間好短…大家又累…提早散場。

返到去，居然見佢成個人訓佐o係個廳o既地下度，真係巴閉！

>>July 24, 2004 at 3:50:07 AM GMT+8

2004 年 7 月 10 日 星期六 【酷熱】

星期六，咁都撞到正，真係吹脹！

您o既曝光，令到爸爸好不滿，但係因為趕住返工，冇時間再講落去…

就係呢件事，令我今日o既心情真係麻麻o地…

>>July 24, 2004 at 3:41:44 AM GMT+8

2004 年 7 月 9 日 星期五 【酷熱】

今日訓到十二點先起身，真係幾乎遲到，但係今日真係好充實，因為實在太多o野做喇…

下晝冇briefing，Warren又冇返，o岩晒。等死人Roger食完飯晏一晏返o黎，就開始跟進o下Ivan留低o既工作…而家成座樓得我一個人做主力，真係唔得佢死…

過佐3座o既隔火層影低30E o個個潛建o既圍欄，成身汗…

夜晚開完門之後開始做住戶證…頂…儲埋足足有成五十張咁滯！死人Roger日日食完晏都咁遲返，搞到「疊更」時間o個時，我落到MO部整卡機永遠都排晒大隊，完全冇得做！嬲嬲o地今晚留佐o係公司度，再加埋偷佐夜更一個鐘，九點半開始做住戶證做到一點半呀！！足足做佐四粒鐘先做得晒！真pk！

真係有o的累…

>>July 10, 2004 at 4:55:06 AM GMT+8

2004 年 7 月 8 日 星期四 【酷熱】

又放假喇！只因今日要返學友社做中七放榜熱線。

訓到三、四點先起身，但係都好似仲係好累咁…

聽日先放榜，但係今日o既電話都唔少，好多都係家長添…為人父母，點會話唔擔心o丫…不過而家呢o的咁o既考試制度，同埋呢o的咁o既升學制度，又真係玩死唔少人o既…唉…香港…

條線最忙o個三日我都唔返呀，只係因為要就返o的放假時間嗟…呢份工，真係話好又好唔晒，話衰又唔係…不過而家已經做到好悶…有衝動想讀返個Hotel Management o既course，做酒店，搵錢點都比較多，前途點都好似好o的…但係冇錢… @_@

>>July 9, 2004 at 2:37:49 AM GMT+8

2004 年 7 月 7 日 星期三 【酷熱】

今日可以話唔係好多o野做，或者可以咁講，係座頭o既工作唔多，但係要留o係管業度做o既o野就好多，多到「長命功夫長命做」…

夜晚o個餐我、Coffee同Michael捉佐Warren去訓話，勸佢唔好做人再咁戇x，有機會就好上位。效果係點？唔知。一切睇Warren佢點諗。

放佐工仲要落MO做埋o的退按…冇法子，因為聽日放假，唔做埋o的o野先真係唔安樂。

>>July 8, 2004 at 5:13:47 AM GMT+8

2004 年 7 月 6 日 星期二 【酷熱】

好友郵差o既回歸，已經勝過佢所帶返o黎o既一切！

今日一返到公司Ivan就話要training，好在返B更，如果唔係就要好似A更咁OT到七點半先有得走，慘！頂完A更一點半食飯，個死人射波王Roger居然唔返o黎，搞到我要去training遲到！火！條友食飯之前已經屈佐保安頂位頂佐半粒鐘喇！

一返到去個留言板居然係一隻字都冇！！！我只係琴日off佐一日嗟，估唔到就搞成咁…Roger A更射波，B更Oscar更加唔駛旨意佢留咩言，又或者，望都望佢唔好做好過做… @_@

上training極無聊，不過連公司o既大粒o野「文小姐」同代副經理「葉先生」都o黎埋，真係誇！不過咪又係o係度講埋晒o的廢話…不過咁都要講三粒鐘喎！超晒時！搞到差唔多五點半先走，一走又話夠鐘食飯喇…

食飯之前偷自己o的時間做o下住戶證，用佐三個字食飯，六點半前就返去座頭。

開o下門咁又到八點，咁先至有時間做o下自己o野，狂打電話覆客…呢樣o個樣…覆晒o的客都十點喇…o的時間過得真係快…

之後再同Ken仔吹佐陣水，煲煙飲啤酒，十一點半先走。

飛的加小巴落西灣河，匯一匯郵差…睇佢好似又肥佐… @_@

佢幫我買佐四條煙、一個zippo、一支zippo白電油同埋送佐18個condoms畀我，好多款色… @_@ 仲帶返我之前寄佐過美國o個抽鎖匙同埋個佢話用唔到o既controller（叫佢唔好拿返o黎…）畀我… @_@ 搞到我個袋返屋企o個時脹晒… @_@!!!!

>>July 7, 2004 at 3:41:57 AM GMT+8

2004 年 7 月 5 日 星期一 【酷熱】

訓到下晝五點幾，起身返學友社，遲佐三個字。

今晚好多電話呀，亦都要覆好多email，時間都過得幾快，過兩日又要返AL放榜熱線…

聽完就同您食飯囉，食完飯就返屋企喇…不過今晚又訓到冇落車，入佐小西灣… @_@

郵差返緊香港喇！好o野！

>>July 6, 2004 at 3:15:58 AM GMT+8

2004 年 7 月 4 日 星期日 【酷熱】

今日都算係少o野做。但係又係0薇捕f過龍，好彩及時醒佐唔駛行太遠，亦預早佐冇遲到。

承接禮拜五o係briefing爆佐Eric失職呢單o野出o黎之後，今日下晝落到MO，條契弟就即刻細細聲咁拉住我o係度講o野，又話係咩同我唱過一次K就話係「兄弟班」，又話有咩唔o岩就講到o岩，又話有o野直接搵佢講就得，唔駛o係咁多人面前講。條x樣係咁跟住我，我行去邊佢就跟到邊，成隻跟尾狗咁，我唔理佢，佢都係要跟住，係咁扮晒friend咁，仲話唔當我係friend都唔會咁同我講。我心諗︰你鬧我呀唔通？好似而家係你自己失識在先喎，仲要o係度「射波」！

挑！邊個得閒同你兄弟班呀？！冇事就「兄弟」，有事就「契弟」，你當我係戇x仔呀？要做賤格o野o既，要做擦鞋o野o既，我可以做得好過你一萬倍一億倍，但係我不屑咁做。你o個o的少少o野都做唔好，就唔好o係度嘈嘈閉，衰佐又唔認，好話人o地爆你o的衰o野出o黎？我同你冇o野好傾，你亦唔駛旨意我會埋你個堆，我係唔會同你同流合污，我只係會做返我份內事，唔該你都安份守己o的。

冇錯，我係特登o係你放假o個日，特登o係咁多人面前，o係Ivan Wong面前爆呢單o野出o黎，咁多點o丫？我就係怕冇人知！難得有咁好o既機會，我一定唔會放過。亦一條戇x仔Oscar唔關佢事又口多多加把口埋o黎，叫我有埋事不如直接拍門入去Ivan Wong個房講，唔駛咁公開咁爆出o黎。哦。關你咩事呢請問？你又唔係廢柴一個？我唔會甘於做一世小人物，你願意戇戇居居過一世，撈幾年都係一事無成o既我唔會干涉，但係唔該唔好以為全世界o既人都好似你咁想呃餐飯食，唔好將你o個套不負責任o既做事方法，只係做擦鞋仔等上位呢o的低裝招數加o係我身上。我唔受。

原來Eva同珍尼媽要走喇！！！今次係Warren上位o既大好機會！真係要好好同佢傾o下先得！

今晚同您去佐睇《蜘蛛俠二》(Spider Man 2)，好一般，好似感情戲咁…睇完戲就行落灣仔睇葡萄牙大戰希臘，歐洲國家盃最後一場比賽，希臘贏零比一，又係頭槌！我連波膽都中埋呀！袋佐四舊水落袋，真開心！

>>July 6, 2004 at 3:50:47 AM GMT+8