2004 年 5 月 14 日 星期五 【酷熱】

星期五，又到一個星期o既尾喇…好快就冇星期六、日例牌放假呢回事喇。不過而家對我o黎講，今日係星期幾，又有乜分別呢？

上晝一返到去又係搞o的住戶證，仲要幫公司o的奸人做埋佢o地o個幢樓添！受人二分四，冇法，唯有慢慢同佢做，自己老細o個幾幢就快快手搞。ccc…

中午就跟住Michael上佐3座一個女租戶度，佢話佢個水喉流速好慢，係要我o地幫佢整好去。好可惜佢租o個間屋o岩o岩交樓過佐一年，所以冇保養，佢係咁話係我o地o既責任，但係明明係佢自己租屋o個時冇check清楚，佢自己又唔肯聯絡屋主，一味o係度老屈我o地免費幫佢整，真係正一「刁民」！

下晝就真真正正第一次自己一個人帶個客上去收樓，不過好大懞，簽完晒o的文件之後唔記得帶埋o的配件上樓同個客驗樓，搞到我要行多趟，大熱天時，真係死得人…

交完樓臨走之前又畀Warren拉住要填份保安員證申請表，搞搞o下搞到差唔多七點先走得…遲晒大到啦…今晚屋企冇飯開，所以約埋超人同十三一齊食飯…沙爹王，居然奇怪到係冇吸煙區。

食完飯就去睇波衫，超人居然一次過買佐兩件意大利波衫仲要熨埋巴治奧個名…真係有米。

>>May 16, 2004 at 10:21:51 PM GMT+8

2004 年 5 月 13 日 星期四 【酷熱】

今朝冇咁匆忙，因為順利七點半起身。

原來Warren逢星期四朝早都要去睇醫生，搞到一返到公司唔知做乜好… @_@ 無無聊又出晒o的住戶證，就索性走上座頭搵7座同8座o既PA leader Simon。佢都教佐我好多o野，同埋因為佢要幫個住戶間屋影相，要行開陣，我就變佐突然之間有機會坐o係座頭個counter度…真係膽粗粗o個隻… @_@

第一次接住戶電話，問管理費包唔包埋保險…幫佢問問Warren再覆返囉…

下晝好忙，同Tony一齊去收樓。第一個客由佢接，原來佢真係唔多熟o的o野，講到口窒窒又漏o野…好在個客都唔算衰…大陸人女人，著到夾晒波咁，真係頂佢不順…搞掂佐呢個兩點半o既case都差唔多四點，hea佐一陣就再準備五點收樓。

今次呢個由我做主打，都不過不失，又幾好傾。但係衰就衰在收完樓之後唔見佐條水、電錶房鎖匙！！！pk喇！！返轉頭搵都唔見… @_@ 唔知會唔會漏佐o係個客間屋度… @_@ 本來可以六點鐘收工，結果遲遲都唔走得… @_@ 走去座頭問同座PA Ivan點，叫佢幫我叫隔o黎座頭呀Roy留意o下…之後返到MO問Michael點，佢叫我自己配返條，果然係咁！

換衫o個時又見到leader Simon，佢話Ivan已經將件事話佐畀Warren知… @_@ 佢叫我同Warren單聲先，費事佢第二日先知道件事唔知會點。趕住走，一面行一面打畀Warren。果然又不出所料，佢叫我自己走去配返條就算，仲要係講到懶細聲o個隻…

o個個Ivan都係靠唔住o既，以後都係少o的同佢相量o的事，廢廢o地，都唔係做大事o既人。唉…以後仲要同佢一齊守住第7座，真係有排受…

仆倒咁去地鐵站，要米米家姐等佐我九個字…真係非常唔好意思…不過佢好好人，冇怪我…多謝米米件由加拿大空運到港o既University of British Columbia T-shirt！

>>May 13, 2004 at 10:59:15 PM GMT+8

2004 年 5 月 12 日 星期三 【酷熱】

熱死朕。

今朝七點十先起身，九秒九沖完個涼、刷牙、剃鬚、gel頭，出門口。

呢個鐘數勁塞車！八點十一先到大角咀，又用九秒九跑返公司打咭…八點五十八分…呼…幾乎跑到嘔。

上晝冇乜o野搞，印o下o野咁，做o下證…部幾人card printer條墨帶係咁斷…頂…o徙晒我o的時間。之後同Warren一齊食飯，原來佢都係煙民… @_@ 所以話，食煙係冇樣睇o既。

下晝第一次上座頭…嘩…幾鬼多o野要記呀，十幾萬張forms…之後跟個保安巡樓，行晒成座先收工。原來一座樓有咁多奇怪o既地方。

真係多o野記，都幾煩。

>>May 13, 2004 at 1:04:23 AM GMT+8

2004 年 5 月 11 日 星期二 【清涼】

遲佐幾個字起身，七點十一先出門口，中環條車龍已經排到去北角，好在，仲有時間慢慢行返公司換衫。

今朝o係公司極無聊，做佐好多濕碎o野，例如做住戶證，幫老細對返中、英文版o既大廈公契等等…一點鐘大老細請食飯，但係原來要行到九哩咁遠o個間「好彩」食…食佐半粒鐘我老細就帶住成班管業同事走人，而我就要落中環恒基o個度拿之前印錯o既管理費debit notes。

嘩…佢老鼠…真係熱得死人呀！！！身水身汗…冇陰公。四點返到公司，又要對返o的debit notes同埋派埋…

十三今日下晝去見我上次去in o個份IFC2 concierge o既工，好似都幾順利咁…夜晚再同佢食飯，仲屈佢買佐加菲貓書…ccc…

媚媚就下晝o係我搭車途中打畀我，話今日病佐冇返工。take care喇，以後再冇我o既噓寒問暖喇。我諗過喇，都係分手罷啦，或者大家真係有緣無份啦…唉。

兩年o既感情就此泡湯…無可挽回。

如果您真係唔再留戀呢份愛，我亦無謂強迫…對唔住係我唯一可以講o既說話。

我暫時冇能力去做任何感動您o既o野，我可以每日關心您o既一切，但係您已經連後門都閂埋。如果您對我係冇信心o既，一齊亦再冇意思。

您要明白冇一個女人可以完完全全一百個percent佔有、縛住一個男人。記住，您永遠都唔可以搵到呢個男人。愛一個男人並唔係咁樣愛o既。

您o既妒忌心，令我一直卻步。請您明白，即使我係有幸同您一齊，其他女人依然會存在。

呢o的就係我所謂o既「有心愛您卻愛不到」。

還有，我實在討厭您那憐憫的話。沒有您，我就找不到工嗎？誰要您的施捨？可別再三番四次傷害我的自尊心。

最後，都係您教我o個句︰
If You Love Somebody, Set Them Free.

----------------------------------------------------------------------------------------------------------------------------

最後…你也走了
劉德華

凝淚蓋住了視覺
而思緒帶來了動盪
寂寞在舞動侵佔歡樂
懷疑她於身邊　徬徨將心寄託
然後再發覺　她早已是幻覺

明白妳讓我付託
憐惜我愛情已沒落
盡量地替代　給我歡樂
然而她的影子　仍無聲牽引我
無論妳再似　都不過是幻覺

前事至今並未忘記
如刀鋒心裡亂割
願妳抽身歸去吧
毋要我欠太多

門內看著妳伴那影兒
盪向雨聲中飄泊
在妳消失以後　更冷漠

明白妳讓我付託
憐惜我愛情已沒落
盡量地替代　給我歡樂
然而她的影子　仍無聲牽引我
無論妳再似　都不過是幻覺

前事至今並未忘記
如刀鋒心裡亂割
願妳抽身歸去吧
毋要我欠太多

門內看著妳伴那影兒
盪向雨聲中飄泊
在妳消失以後　更冷漠

前事至今並未忘記
如刀鋒心裡亂割
願妳抽身歸去吧
毋要我欠太多

門內看著妳伴那影兒
盪向雨聲中飄泊
在妳消失以後　更冷漠

----------------------------------------------------------------------------------------------------------------------------

大名： AA
電郵： [email protected]

我知道
早在五個月前
我已是屬於您
>>2002年12月08日 00:25:13

記唔記得呀...
@@『必屎』@@
>>2002年12月13日 00:58:47

everything will be alright soon,take it easy~~
船到橋頭自然直~~
我明白了, 您也要啊~~
>>2003年03月14日 10:53:53

不是為了我,
而是為了您自己,
不要頹不耍頹呀,
振作~~振作~~我永遠在您身邊~~
>>2003年04月29日 21:53:43

Miss u in France.......
18/37 days passed away, see u very soon!!
Thanks for yor support and care
>>2003年07月15日 22:05:11

我好易開心，哇哈哈~~
>>2003年09月09日 08:06:06

係自力更生...
=(
>>2003年09月18日 15:22:57

傻佬您忙到瘦哂喇...
您要好好照顧自己呀...
加油呀!支持您好
>>2003年10月20日 18:39:20

有我愛您，不要動氣~~
>>2003年11月19日 09:17:15

Merry Christmas~
Hope I can be with you every christmas.
>>2003年12月27日 00:53:26

深深感受到您的愛~~
>>2004年03月13日 21:42:31

謝謝您的愛。
有您，我還須害怕什麼呢？
qp
>>2004年03月25日 10:04:32

愛您，我管不了是禍，未想過是為何，能愛著您苦也未去躲...
>>2004年04月28日 23:32:09

我最愛的仍是您...
但她確是我們的障礙...
要您脫離這個可怕的漩渦...
如果她離不開，只有我離開...
>>2004年05月11日 22:01:56

----------------------------------------------------------------------------------------------------------------------------

SMS

30/8/2002 0329
dim ar? feel better? phone me when u get up la, i can breakfast with u tmr! amy.

18/9/2002 1050
dont be angry and unhappy any more la! black luck will leave ga! always on your side, amy.

28/11/2002 2234
i love you too.

7/12/2002 2244
i cant do the revision well beocz i miss u so much, i still felt very unhappy, angry, embarrassed for yesterday night.

30/6/2003 0150
feel better though hear ur voice only 2 min. v hard life when without you. shouders & legs nearly broken. sorry just sms u, direct contact is too expernsive! qpqp.

17/7/2003 2119
other than i love u, i can say nothing...

18/8/2003 2337
u seem so strange today, what's matter? but i don't mind, just miss u...

25/8/2003 0851
word hard, mu love!

25/8/2003 1845
need ot? how r u today? miss u v much... thk of u every minute... love u!

8/9/2003 1202
i thk i can learn living without u, don worry, do the best on ur work!

3/11/2003 1400
loving you...

30/11/2003 1613
work? sleep? qpqpqp...

22/3/2004 0054
今晚特別掛住您，好想您抱住我睡。媚媚只愛軒軒一個呀！

10/4/2004 0156
謝謝您今天陪伴我見足兩份工，您所為我做的，我很感謝和感動，我知道您真的很愛我，我也是呢！

11/4/2004 0007
i love u, i need u, i miss u, i can't live without u,don't leave me alone please... qp.

13/4/2004 0649
這陣子情緒起起伏伏的我對軒軒不好了，我真不該。您這麼庝錫我愛護我，我又何必對您苛求。誰人如您愛我那麼多？我要做回您開開心心的女朋友！生日快樂！

19/4/2004 1354
今日第一日番工，有自己辦公台o既感覺好得意。我唔知你尋晚傾成點，但希望對我o黎講係好消息，我實在太愛您，為您我甚麼都願意，只要您回來我身邊…

21/4/2004 2049
算您啦，我會俾d耐性您，您總會知道我對您係最好o既，係最愛您o既，有無限o既包容…我也愛您，啜啜…

24/4/2004 0851
尋晚唔小心訓佐，半工讀真係幾辛苦，但有您愛我支持我關心我，我就開心晒！無論工作定愛情，我都想付出有收獲。這次受傷後大家用多點愛珍惜對方吧！

>>November 10, 2005 at 10:39:51 PM GMT+8

2004 年 5 月 10 日 星期一 【晴】

今日終於第一次帶人上去收樓，雖然錯漏百出，但係有Michael「旁」住，個客又唔係好麻煩o個隻，總算過到骨。 =)

我有信心以後自己一個人帶人收樓！

原來Micheal以前係做IT o既，仲有成team人跟佢o既添…可惜…又係科網股爆破後搞到要o黎做senior property assistant (SPA)，真係天意弄人…佢話做一行做得太專冇著數，property management o的o野好general，好易做。我都覺。

仲有Warren原來真係一個好人，佢身為property officer居然成日都畀o的低級過佢o既人蝦…跟住Warren，有o個種「佢唔會畀你蝕底」o既感覺。

一年之後我一定要升做SPA！

----------------------------------------------------------------------------------------------------------------------------

軒：

有些說話想跟您說的，對，我已經決定，我要離開了。

我很懷念，我們有過不少快樂日子，但我知道，我們不可以回到過去了。

我們的性格本來就是不合的，只是當初的我太天真太傻了，沒有面對現實，不停遷就對方。我知道我們都有努力過的，可是都敵不過殘酷的現實。

我常常埋怨說您變了，說您對我沒以前般好。但其實您沒有變，您本來就是這樣，只是我太天真了，自以為無私的愛可以改變自私的您。

可能不該說您自私，只是您太愛您自己。為您自己，您可以同時擁有兩個女人，而不理會事情會傷害兩方。為您自己，您要求我不要愛您那麼多，我給您的愛居然變成壓力。這樣的無情說話，我可以不傷心嗎？

那天您問我愛您甚麼？坦白說，那一刻，我真的想無可想了。早知您的性格不好，您都說自己脾氣大，常不在意別人感受。但我當初接受您，鼓勵您好好做人，甚麼都不在乎了，只見您真心愛我，我就覺得快樂了。可恨的是，您確是真心真意，卻不是一心一意。為我專一都做不到，您有甚麼值得我愛？

對女朋友真心的人，會為她的幸福著想，一定不會如您這樣，給了我不少的痛苦。

自從發生那件事情後，我不是沒給機會大家。老實說我的心怎不會沒刺的，因此我渴望的是您加倍愛護。如果您跟她可以完全保持距離，我想我倆也未必這樣快便完結；可是您跟她來往仍然密，她又似乎對您念念不忘，這感覺太過撲朔迷離了。您這樣做，誰不心淡？

跟您一起，我愈來愈不快樂，我的眼淚愈流愈多，我想我們再一起也沒有意思的。

誰比我知道您多，我永遠都為您好。我們可以是好朋友，我依然會對您關心，不同的是，您不可以再擁我，也不可以吻我了。

我亦希望您的生活快樂，在沒有我在身邊的時候，您身旁可能立即有個她。但您想想，您這種性格是否適合談戀愛？愛的真義是否不需要想將來？請不要苦了任何一個女人吧。

由《我左眼見到鬼》到《江湖》，我們過不了廿二個月，也許是天注定的命數。算吧，大家都轟轟烈烈地愛過，我亦總算是為情認真過。

您放心吧，我沒有太不快樂，希望您也可接受，我覺得這個決定對大家都有好處的，乾脆分手，無謂勉強。

您找到新工作了，我是時候要退了，再見。

媚

----------------------------------------------------------------------------------------------------------------------------

一次真愛追尋一百次
陳曉東

越狂越紛亂　越迷越打轉
人越去接近　所愛越難依
暫時讓生命相遇
纏綿時光到此　未能一輩子

越甜越思念　越濃越幽怨
人越去過問　真相越難知
任誰被鎖住不易
原來情深到此　彼此早已知

一次真愛追尋一百次
竟九十九次誤作了憾事
可會是最後　最深刻一次
完全沒法知

當我真去追尋一百次
方發現那日是最快樂事
這決定繼續　怕錯了不知
明日後悔只恐已太遲

越甜越思念　越濃越幽怨
人越去過問　真相越難知
任誰被鎖住不易
原來情深到此　彼此早已知

一次真愛追尋一百次
竟九十九次誤作了憾事
可會是最後　最深刻一次
完全沒法知

當我真去追尋一百次
方發現那日是最快樂事
這決定繼續　怕錯了不知
明日後悔只恐已太遲

這一刻祗要願意　你與我縱未成事

一次真愛追尋一百次
竟九十九次誤作了憾事
可會是最後　最深刻一次
完全沒法知

當我真去追尋一百次
方發現那日是最快樂事
這決定繼續　怕錯了不知
明日後悔只恐已太遲

越狂越紛亂　越迷越打轉
倒不現在告辭

----------------------------------------------------------------------------------------------------------------------------

機會，從來都唔會等人。

如果你諸多顧慮，唔好好把握，機會，就會o係無聲無色之間溜走。

但係點都諗唔到，咁愛您o既我，會再一次自己退出，將我讓畀佢。

寶寶，畀多次機會我去繼續愛您好唔好？

「有心愛您卻愛不到，抱緊了您卻又未想終老，到等到與方失散以後，就會知原來誰最好；愛不到至會更想愛，抱緊了您我又無心裝載，我跟您也破不到，男與女之間愛情的定數。」《張智霖——相愛無夢》

「當我真去追尋一百次，方發現那日是最快樂事，這決定繼續怕錯了不知，明日後悔只恐已太遲…」《陳曉東——一次真愛追尋一百次》

「寧願沒擁抱共你能夠終老，任由你來去自如在我心底仍愛慕，如若踫到他比我好，只望停在遠處祝君安好，多麼想親口細訴。」《張智霖——祝君好》

「相處十年定有吧？感覺多少已靜化。總算得到快樂嗎？我沒說著動人話，這段故事也昇華。走過斷崖或雪地，茫茫前路失去力氣，沿路得你同情自己，你預期我會爭氣。

「記得當天我多少都已心死了。在冷冬全憑你淺笑，抹去飛花在為我治療。

「回頭當那天的我永遠未叫座，但你的雙腳亦留在愛河。當天原來你哭過，但你不忍心再打擾我。

「抬頭當這天的我要快樂慶賀，但你彷彿眼淚從未留過。你太了解我，同遇那天便已清楚，不可使我難過。」《李克勤——三千零一夜》

「誰個又會並沒欠缺？曾心愛的為何分別，和不愛的年年月月，一生不可自決。」《陳百強——一生不可自決》

「好想好想…好想好想…好想好想和你在一起。踏遍萬水千山，走遍海角天涯，讓每一個日子，都串連成我們最美麗、最美麗的回憶。」《古巨基——好想好想》

「即使身邊世事再毫無道理，與你永遠亦連在一起。你不放下我，我不放下你，我想確定每日挽著同樣一雙臂。不必挑選我們成大器，當我兩個並無冒險的福氣…見盡了，雲湧風起，還怎麼捨得放下你…」《陳小春——相依為命》

「你說我未能定時令你每天歡笑一次。我沒說出一句美麗台詞，是你心中一種缺憾定義，流進了眼角裡的刺。」《王傑——不浪漫罪名》

「縱說世事裡有對亦有不對，我愛你是百分百絕對。窄路斜路也願伴隨，我越戰越勇當得到你手在手裡…

「絕對最愛是你是你是你，我是註定要戀你，哪理路裡是怎麼天氣。就算到了逆處絕處盡處，抱你是我的雙臂，我要絕對絕對完全給你。愛意絕對絕對長燃不死 …」《劉德華——絕對在乎您》

"I'm not tryin' to make you feel uncomfortable, I'm not tryin' to make you anything at all. But this feeling doesn't come along everyday, and you shouldn't blow the chance when you've got the chance to say... I love you, I love you, I honestly love you..." (I Honestly Love You, Leslie Cheung)

「誰比你重要？成功了敗了也完全無重要。誰比你重要？狂風與暴雨都因你燃燒…

「一追再追。只想追趕生命裡一分一秒，原來多麼可笑，你是真正目標；一追再追。追蹤一些生活最基本需要，原來早不缺少…有了你，即使平凡卻最重要。」《張國榮——追》

「本應相愛，本應相襯，命裡註定同行卻未能；捨不得不愛，巴不得一世，唯願抱緊眼前人。

「一宵的愛，一生的印，儘管最後如同過路人；捨不得不愛，巴不得一世，唯願抱緊眼前人。」《梅艷芳——抱緊眼前人》

"It's amazing how you can speak right to my heart. Without saying a word, you can light up the dark. Try as I may I could never explain, what I hear when you don't say a thing..." (When You Say Nothing At All, Ronan Keating)

「伴我高低起跌，幸運及那失意天。並說聲多甘心及情願過每天。

「情懷是因你溫暖，衝擊於心裡邊，全情愛我，熱情熱愛加添。唯獨是可愛的臉，手挽手肩並肩，有緣碰見仍留在我身邊。心，真摰倍添，愛倍添，蕩來這段緣，這段緣，不知怎去講，感激我遇見。」《鄭伊健——感激我遇見》

----------------------------------------------------------------------------------------------------------------------------

13/5
或許當大家更認識自己和得到更多的經驗後，我們會更懂得怎樣對待自己的情人。現在再和您走在一起，只會令彼此的痛苦增加。有緣的話或許日後能再愛多一次。
10/5
您既態度真係好冷淡呀，同以前完全唔同哂…聽晚一齊食飯好唔好？您唔再愛我拿？到而家真係冇得補救？放左工畀電話我好唔好？
10/5
我需要您，求您唔好丟低我呀，我唔可以冇左您架，冇左您就即係冇哂我既一切。您係我生命既原動力，您係我條命，求您原諒我既粗心大意，我真係好愛您。
10/5
我唔知點先可以令您回心轉意，我只知我仲好愛您，我同佢已經搞清楚d關係，但係佢始終都係我個妹，希望您明白。我係真心想同您一齊，請您再俾機會我。
10/5
見您幾日唔搵我，我知道您將要離開我。我知道您已經心淡，我確實咁失去您…冇人比您更明白我，我辜負左寶貴既您，對唔住。受祝福既應該係您，唔係我。
8/5
寶寶好似好累咁…琴日做野好辛苦呀？仲有冇做錯野呢？好快咁沖完涼打俾您又冇人聽，您係咪有乜野唔開心呀？聽日係長週定短週呢？俾心機！小心過馬路。
7/5
今晚覺豬又唔打俾我喇，真係曳呀！聽日做野記得要醒目d喇，您唔記得我既女朋友係最叻既咩？俾人鬧都係好架，起碼表示您仲有得救嘛！錫返您…啜啜啜…
5/3
如果有人可以十一點鐘打電話叫醒我就好喇…因為要去驗身。琴晚諗住抖下就訓，但係一直都訓唔著，上左成晚網，睇返我地既過去，有d唔開心。對唔住。
1/5
小心d，唔好玩得咁癲。一切小心，保持聯絡。啜啜…
26/4
喂喂，九點鐘打電話叫醒我啦，我琴晚訓到十二點幾就醒左一直做野做到而家喇，陣間十一點又要見工，驚起唔切身呀！您都俾心機做野呀，我愛您。啜啜…
24/4
未訓咩？做乜唔打俾我呀？d書溫成點呀？我知您都好辛苦架喇，又要返工又要考試…不過唔駛怕，有我撐住您！我愛您！啜啜…加油！您既努力一定有回報既！
21/4
mmm…『乙水』返您囉…對唔住，我都唔知可以講乜好，心情仲係好亂…要我突然之間成個人返哂黎就仲要一d時間。請您等一等，我過多陣就返黎架喇…愛您…
17/4
其實我唔搵您，係因為事情鬧大左同埋冇面去見您。就算我返您度，您都一定會有條刺，從此我就會冇哂屬於自己既野。我仲鍾意您，但內外因素都令我卻步。
10/4
我愛您 x 16
12/3
寶寶：筆劃輸入法打中文都唔係好易，搞左好耐先打得果幾隻字，真係打到手抽筋都未打完，等住救命就真係死得人。只係想講句『我愛您』都好難，真係只此一次，下不為例呀！我愛您…軒
7/3
My lovely baby, I honestly love you. Finished chatting with the groupmates, now sleep. Someone has a very noisy sound during sleep, wahaha! Miss you, qpqp
6/10
I love you. I think I treated you too harsh before. I must hold you tenderly because you are the only one I love. Sorry to make you cried so many times. I qp U!
27/9
Finally can sleep, won $150 in card game, so lucky. Did many moliu exercises today, n the meals here r v awful, rice was so hard, stomach so pain, miss u, qp u!
10/9
Did u late today? I estimated that u would be late for about 5 mins, did u? I called you b4 but the line was delivered to ur hall. I m going to work now, I qp u.
27/8
Maybe u feel me leaving u alone, but I m not. Though not much work during training, I m busy to stick them together n build up the team spirit. I love u forever.
25/8
Thinking many things about the job, hard to sleep. I revealed that both the network and my computer have some problems, don’t know why. I love you, miss you.
10/8
Mei Mei looks like a piece of lovely glassware that needs me to protect. I love you, missing you.
2/2
我好掛住您呀，我地永遠唔好分開，您就係我，我就係您，啜啜啜~~~

>>November 10, 2005 at 10:38:14 PM GMT+8

2004 年 5 月 9 日 星期日 【晴】

下面篇故事真係睇到流晒眼淚…開頭都冇乜o野，但係當睇到「她用破損的菜刀在掃把的把手上挖出洞來，然後將她從尼克販賣聖誕樹的空地上檢來的樹枝塞入洞裡，它馬上就變成了我生平所見過最美麗的聖誕樹。」呢一度，我就開始流眼淚喇…

媽媽，母親節快樂。

無無聊聊又一day，叫做好好咁休息佐一日。好舒服。

----------------------------------------------------------------------------------------------------------------------------

聖誕節的母親——約翰．杜爾

身為一名從小在芝加哥長大的小孩，寒冷的冬季讓人帶著剌痛的不安心情想起一些聖誕節的情景。日子回到一九二五年，當時我和哥哥過著困苦的生活。

我們的父親當時已經過世三年，留下堅強不服輸的母親。

我的哥哥納德長我四歲，已經開始上學了。媽媽必須帶著我去上班，她是一名清潔婦，那是她唯一能找到的工作。那個時候的工作機會非常稀少，工資更是微薄。我還記得當時看著媽媽跪在地上不停擦洗地板與牆壁，或是在嚴寒的天氣裡坐到四層樓高的窗台外面擦拭玻璃，而薪水一個鐘頭才二十五分錢。

我永遠不會忘記一九二五年的聖誕夜。媽媽剛從諾賽德附近結束工作，我們搭乘了一輛吵雜且冰冷的巨大紅色芝加哥街車回家。媽媽工作了九個小時，總共賺了二塊兩角半，另外雇主還送她一罐蕃茄醬當做聖誕禮物。我還記得她將我高高舉起，放上街車後方的平臺，然後從她僅有的錢幣裡找出五個一分與一個五分錢的銅板。她的車資是七分錢，我的則是三分錢。我們握著彼此的雙手，一起坐在冰冷的座位上，她輕輕握住我的手，但是她粗糙的雙手幾乎割痛了我的手掌。

我知道那時是聖誕夜，雖然我當時只有五歲，但是據我以前過聖誕節的經驗，我的直覺告訴我，今天除了加點菜、到瑪莎百貨公司去看櫥窗內栩栩如生的娃娃、雪景，以及其他小孩的模樣外，別期待任何事物。

在我們回家的路上，我心裡有一股溫暖的安全感，因為媽媽握著我的手，還有一個名為「善心兄弟」的慈善團體也送了一籃食物給我們。

我們經過一個很大的十字路口，一旁的偉伯茲百貨公司準備要打烊了，最後一批的購物者也紛紛去。我們坐在行駛中的街車上，即使隔著冰冷的車廂與行車的吵雜聲，依舊能夠感受到他們歡樂的過節氣氛，也能夠聽見他們愉悅的歡呼聲。我對眼前的歡樂氣氛毫無感覺，但是當我抬頭看著媽媽時，我能感覺到她身上的痛苦。淚水滑落她乾枯的臉龐，她緊握我的手，然後鬆開，再用她那粗糙龜裂的手，拭去臉上的淚水。我永遠都不會忘記她那雙手︰腫脹的關節、擴張的血管以及粗糙的皮膚，那顯示出她為我們所作的犧牲，以及她的愛與誠實。

我們下了街車，踏上已然結冰的積雪街道，寒冷的空氣剌痛了我們的臉。

我靠在媽媽身邊取暖，看到房屋前窗內一棵光輝四射的聖誕樹。媽媽直直地往前走，連看都不看一眼，她那沒戴手套的手一隻緊握著我，另一隻則拿著一個購物紙袋，裡面裝著一罐蕃茄醬和她那套髒污的白色制服。

我們的公寓是位於街區中段的邊間。理髮師尼克每年聖誕節都會在他理髮廳旁邊的空地裡販賣聖誕樹，往往聖誕夜還沒到，聖誕樹就已經銷售一空了，只留下滿地枯黃或殘破的斷枝。我們經過那塊安靜空蕩的空地時，媽媽鬆開了我的手，拾起一些廢棄折斷的松針樹枝。

我們兩層樓的小公寓裡沒有暖爐，只有廚房煮飯用的火爐。納德和我會到住家附近的鐵路邊去撿火車上掉落下來的煤炭，還有在隔壁巷子裡找幾個木製的水果箱以作為爐火的材料。對我們而言將所有能夠燃燒的東西帶回家來是很自然的事。

我們登上既骯髒又沒鋪地毯的木造樓梯回到了家裡，我相信此時我放鬆的心情和媽媽的比起來必定是微不足道。我們打開進入客廳的大門，屋子裡面冷得跟冰庫一樣，屋內靜止的空氣感覺起來比外面要冰冷。

客廳下去就是前臥室，納德的臥室在廚房邊，裡面也溫暖不到哪兒去。廚房的門是關上的，這樣好讓後臥室、無浴缸設備的浴室，以及地皮鋪著破舊漆布的廚房裡面保持溫暖。整間屋子除了兩張床舖、一張破舊的桌子與四張椅子之外，並無其他的家具，地上也沒有舖設甚麼東西。

納德將爐火升了起來，然後緊偎在火爐旁邊吸取那些微的溫暖，專心閱讀過期的「男孩生活雜誌」。媽媽幫我脫下外衣，讓我也坐在火爐旁，然後就去準備我們的聖誕大餐。

這是一個與歡樂、施予、接受和愛有關的季節，所以我們並未作太多的交談。除了擁有彼此的愛之外，其他聖誕節該有的氣氛顯然我們都沒有。我們就面對著那小小的火爐，吃著火腿罐頭、蔬菜和麵包，爐火將我們的臉烤得發燙，我們的背卻被風吹得冷颼颼。

還記得當時我心裡唯一在乎的就是晚上得早點上床，因為房間裡沒有暖爐，而且被單又冷得要命。

像平常一樣，我們用冷水洗手、刷牙、洗臉，然後帶著藍波式的勇氣回到各自冰冷的房間。我像母親腹中的胎兒一樣蜷縮在兩條被單之間，襪子和毛帽都還戴在身上。一陣冷風灌入我的背部，因為我身上那件單薄的舊內衣有一顆鈕釦掉了。至於能否收到聖誕禮物我也不抱太大的希望，所以很快我就進入了夢鄉。

外面街燈就正對著我房間的窗戶，奧斯卡．梅耶屠宰場和我家也僅隔一條街，所以每天夜裡被大型貨車吵醒個幾次是很稀鬆平常的，但是以我當時的年紀，再加上嚴冬的天氣，再度進入夢鄉並非難事。

尚未破曉我就醒過來了。街頭燈光清楚照在媽媽那滴答滴答響的錫製鬧鐘上（還缺了一隻腳）。我尚未聽到送牛奶的先生在巷子裡走動的聲音，也沒有瓶子鏗鏗作響的聲音，所以知道我起碼可以再睡好幾個鐘頭。

但是當我轉身查看媽媽是否睡在我身邊時，我才發現她根本就還沒上床。我的腦筋突然變得很清楚，驚慌想著媽媽是不是生病了，還是她終於覺得受夠了，拋下我們離去了。

我躺在床上盯著外面的街燈，我的羊毛帽蓋到了眉毛，絨布毯子則是蓋到眼睛下面。幾輛貨車駛離了，我的驚慌卻是遲遲未去，我無法想像沒有媽媽的日子。

我靜靜躺在冰冷的床舖上，不敢起身證實我的疑懼，可是又完全無法入睡。後來聽見從廚房傳來一種吱吱軋軋的磨擦聲音，那聲音像機器一樣規律︰先停個幾秒鐘，然後再繼續發出聲響，然後又再度停下來。

就我那個年紀，我盡我所能地分辨時間，看出當時大概是五點鐘左右。冬夜裡一片漆黑，也看不太出來到底是幾點了，但是我知道這個時候媽媽應該早就上床了。

雖然我非常害怕面對真相，但我知道我還是得自己去發掘事實的真相。我蓋著被單滾向床邊，穿著襪子踏上冰冷又光禿的木造地皮，在街燈的照射之下，我能夠清楚地看見自己像在外面街上一樣吐出了白煙。

我一進入漆黑的客廳，就看到廚房裡有一盞的微弱燈光從半開的木門下方流洩出來。我越靠近廚房，那種咕咕軋軋的磨擦聲音就越響。火爐幾個鐘頭前就已經熄滅了，我看到媽媽跟我一樣呼吸時吐出了白煙，她背對著我，用一條毯子裏住頭部與背部以抵擋寒冷的空氣，但是看起來毯子的作用似乎不太大。

右邊的地板上放著她最喜歡的掃把，可是掃帚上方的握柄已經被削掉了。她在老舊的木桌上工作著︰我一生中從未看過如此專心努力的態度。她面前的東西似乎是一棵未成形的聖誕樹。我敬畏地看著她所做的物品，突然明白了這到底是怎麼一回事。她用破損的菜刀在掃把的把手上挖出洞來，然後將她從尼克販賣聖誕樹的空地上檢來的樹枝塞入洞裡，它馬上就變成了我生平所見過最美麗的聖誕樹。那些不規則的洞無法有效地支撐樹枝，所以就用一條繩子固定住。

她又挖了一個凹洞，要將其餘的樹枝塞好，這時我的目光落在她的腳邊，一小罐紅色的油漆還開著，旁邊還有一根沾了油漆的刷子。椅子另一邊的地上放了兩條毛巾，上面放有幾個幾乎跟毛巾一樣大的紅色玩具︰一輛掉了兩個後輪的消防車；一輛掉了很多個輪子的老舊鐵製火車，車頂的中段是彎曲的；一個嚇嚇箱，裡面的玩偶頭不見了；還有一個娃娃的頭，但是沒有身體。這時我感覺不到寒冷、痛苦與恐懼，只能感受到我這生中一段最溫暖的愛。我靜靜佇立在那裡，一動也不動，熱淚盈眶。

我悄悄轉過身去，慢慢走回房間，母親則繼續進行她的工作。我這一生中獲得了愛，這些年來也收過一些精美的禮物，但我怎能期盼得到比這更費心的禮物與更犧牲奉獻的愛呢？我永遠不會忘記我的媽媽，以及一九二五年的聖誕節。

節錄自《心靈雞湯——關於信仰》，第228-235頁

>>November 10, 2005 at 10:33:52 PM GMT+8

2004 年 5 月 8 日 星期六 【颱風】

今朝直情係畀o的落雨聲嘈醒…嘩…好大雨呀~~~

星期六，雖然落雨，但係都早佐返到去，換埋衫上到office，居然比老細仲要早…Warren都幾好人，居然關心我琴日講o個個大話… @_@

今日o既工作好無聊，係咁入data整o的死人住戶證…整到一點，Warren話今日返半晝，仲好，可以早o的鬆人。一點幾，Warren係咁問我同Tony做乜唔走（其實我想走好耐，但係條友係咁死做唔肯走，見新仔，諗住等埋佢一齊走冇咁礙眼…），o個個Tony居然同Warren講話要做晒手頭上o的證先走！！哦！有理冇理，走人。條友都唔知搏乜，o係老細面前扮晒勤力。喂，但係我o地做CS o架喎…唔該你都執執個樣先返工啦，鬚都唔剃都唔知似乜…

都係o個句啦…無聊地OT，唔係代表你勤力，只係代表你能力比人低…

>>May 9, 2004 at 5:35:31 PM GMT+8

2004 年 5 月 7 日 星期五 【晴】

今日偷雞請no pay leave去又一村見工…ccc…

去到都等佐一陣，入到去居然係見一個男人三個女人！！！ @_@ 自我介紹之後，又畀人問o下問題咁…覺得自己in得唔好…佢問我有冇問題問我又淨係識問佢請幾多個人同人工幾多…唉…真係有o的失敗。佢問我如果出返而家七千五百蚊請我我做唔做，我就緊係唔做啦！o岩o岩先學佐o的o野，如果你又用咁o既人工請我，我做乜要轉工呀？！都係為兩餐嗟…

結果會o係一個星期內知道。請我，而人工又高o的（希望可以接近一萬），咁就好喇…

本來今日仲有人叫我去山頂柯士甸山道8號去interview（據我所知係新樓），但係咁遠又要o徙咁多車錢時間上去，就咪搞我喇。轉佐戰略，我而家只係會接受2nd interview o既預約。ccc。

----------------------------------------------------------------------------------------------------------------------------

留給最愛的說話
張柏芝（獨白/合唱 : 陳曉東）

已不知成為習慣　呆坐孤單的空間
似有意無意錯過了時限

這餐室人潮漸散　寥落加一點嗟嘆
似轉眼轉了痛苦的空間

垂著無言倦眼　心只想你可能仍再返
想你從無改變　再渡這一晚
不懂如何習慣　驅走心裡苦雖然短暫
當你長離此間　便告別浪漫

獨白（陳）︰
終於我鼓起佐最大o既勇氣約你出o黎
因為我想面對住你
講出我心裡面想講佐好耐o既說話
可惜果個落雨o既晚上
果條濕滑o既公路
果個粗心大意o既司機
令我唔可以趕到o黎呢間咖啡室
親口對你講一句「我愛你」

已不知成為習慣　呆坐孤單的空間
似有意無意錯過了時限

這餐室人潮漸散　寥落加一點嗟嘆
似轉眼轉了痛苦的空間

垂著無言倦眼　心只想你可能仍再返
想你從無改變　再渡這一晚
不懂如何習慣　驅走心裡苦雖然短暫
當你長離此間　便告別浪漫

每一天仍懷念你
懷念這餐室中等你
你愛說愛笑　愛與我同回味（陳︰你累啦）
你此刻沉沉睡了（陳︰訓啦　唔好再想住我啦）
留下我淒愴呼叫　我縱說最愛你都不知曉
（陳︰我永遠永遠都唔會再返o黎
你一定要嘗試習慣渡過每一個孤獨o既夜晚）

合唱︰
垂著無言倦眼　心只想你可能仍再返
想你從無改變　再渡這一晚
不懂如何習慣　軀走心裡苦雖然短暫
當你長離此間　便告別浪漫
（陳︰當我長離此間　便告別浪漫）

>>November 10, 2005 at 10:32:58 PM GMT+8

2004 年 5 月 6 日 星期四 【陰】

十三妹今晚出事喇…好擔心…十三，你千祈唔好有事呀…

而家咩事先？係咪個個都要輪流買醉先？！火火o地！

訓得o個幾粒鐘，第二朝又話要返工喇…頂！塞車塞到嘔，結果第一日返工就遲佐十五分鐘（依照打咭時間），填佐好多份forms之後就正式簽約，呢份property assistant o既人工只係得七千五蚊，有機會真係要走人先得。簽約前又收到又一村o個度叫我去2nd interview個recreational assistant，我知道我o既機會都唔細，ccc… 簽約時人事部姐姐話我冇乜笑容，又叫我諗清楚，唔好o徙大家時間…mmm…簽完之後就拿佐套制服換。

之後再由個人事部姐姐（所謂人事部，其實都係得兩個人… @_@）介紹佐畀o的同事識之後，再由一個叫Michael o既中年男人帶住我同另一個新人（好似叫Tony）o係港灣豪庭行佐一個圈，叫做初部認識o下呢個屋苑。叫Tony條友好多o野問，我就一味o係度聽，暫時唔問咁多住。但係有好多話number要記，真係死得人。

之後早佐去食飯，因為下晝要跟Michael帶人收樓。本來Tony都會一齊去，但係唔記得佢因為要做o的乜而冇得跟埋上去。Tony成日都話學到幾多要靠自己，o的o野唔會講好多次，記得幾多得幾多…mmm…真係好多o野記呀…話晒呢o的o野對我o黎講都係全新o架嘛…

第一次睇人收樓，原來有一大堆文件要簽，差唔多有廿張o野咁滯…簽晒o野之後，走上去收樓。又要驗水又要驗電，仲要教埋人點用呢樣同o個樣咁…好在個客都唔係好麻煩，又唔係好多o野問，一個鐘左右就可以搞掂走人。

之後返落office學點整o的「智能住戶證」，見到o的人個個o的樣都古靈精怪咁…scan相，入data，再print張證，填表…步驟多多，無無聊聊。搞佐一陣又再要上去handover層樓畀人，今次仲係一次過一家成班人買兩個單位…由一個叫John o既人搞好o的手續，今次班客好醒，死都唔肯簽一張對佢o地不平等o既保證書… @_@ 哈哈…間間公司都係保障自己o架啦！不過唔可以咁同個客講嗟…眼見Michael畀人迫到埋牆角全無反激能力，我o地呢o的做細o既都唔會點出聲啦。不過佢又真係差o的o既，用埋晒o的九唔搭八o既例子搞到班客鬼咁多o野講，真係講多錯多o個隻啦…不過o個張o野又的確係唔夠老實o既，有乜理由裝修o的人整爛公共設施要業主賠錢o架，恒基真係抵鬧！

跟住再由Michael帶埋我同Tony上去同o的客收樓，由於有兩個單位o既關係，搞到要分開收，一個Michael又點可以同時搞晒兩間屋o丫…o係呢個時候我唯有膽大心細面皮厚咁梮住幫人收樓啦…大佬，我都係上過o的單位一次咁大把咋…咁快就要擔旗…好在班客見到間屋都唔係好介意我o係度亂咁講lu…用我有o既記憶去同班客講返之前Michael大約講過o既o野…好在過到骨… @_@

收完樓都大約放工，臨走前仲同老細Warren請聽日假…哈哈，真係要幾假有幾假，藉口多多。

今日真係學佐好多o野。都幾滿意。

>>May 7, 2004 at 10:41:33 PM GMT+8

2004 年 5 月 5 日 星期三 【陰】

冇陰公！五月五號喇…

十一點去又一村花園俱樂部interview，諗佐好耐搭地鐵定係巴士轉火車好，最後都係揀佐後者，因為我實在太太太唔鐘意搭地鐵同唔抵得佢咁識屈人錢。

好準時咁去到，計埋行都係十個字就到，快過搭地鐵。填完表等佐陣先有得in，隔o黎位坐低另一個o岩o岩in完做test o既女人，居然做做o下問dismantling呢個字點解… @_@ 死，呢個字唔識添…即刻SMS Joseph，但係佢都答得太遲…因為佢o係我做完test先reply我… @_@

呢份工福利好，有十三個月糧加花紅…人工冇問，但係我估唔會差。interview o個時同個女人幾好傾，但係唔知入唔入倒2nd interview喇…佢真係乜都問得一餐，幾好玩。不過有個問題唔答…o的尷尬問題，真係好難答嘛，問點樣叫一個有異味o既人離開健身室…做test就中、英對譯通告各一，再加回應一封投訴信…

下晝收到Well Born叫我返工…應承佐…但係…點好呢…

夜晚要返學友社當值，今晚特別多奇怪電話，我o個個仲要聽到九點半先完倒，陰公！因為大家都趕時間，所以今晚檢討十點半就完。急急腳走落銅鑼灣G2000買條黑色西褲聽日開工。

>>May 6, 2004 at 12:36:18 AM GMT+8