2004 年 7 月 3 日 星期六 【清涼】

訓到一點先起身，搞到要匆匆忙忙咁出門口…兩點要返學友社briefing，結果差唔多三點先到… @_@

做o下role play咁啦…好耐都冇去過學友社喇…返呢份工搞到成日都返唔到，今個月特登拿放假o個日o係返，但係咁就變佐除佐今日可以返屋企食飯之外，下次就要等到廿九號喇… @_@

累累o地…

>>July 3, 2004 at 11:35:51 PM GMT+8

2004 年 7 月 2 日 星期五 【清涼】

今日五、七、十座o既PA都帶住疲乏o既身軀返工…

下晝要開briefing，個低能細sir Ivan Wong親自操刀，好戇x！佢o係度講自己o既發跡史，悶到抽…之後問我o地班PA有冇問題，我見冇人問o野，又係佢主持大局，就梗係唔好放過呢個機會啦！

第一，我同佢講垃圾袋o既問題，我叫佢用厚o的o既垃圾袋，等o的汁唔好漏到成地都係整臭晒個大堂同lift，佢居然話用打孖垃圾袋！如果得o既話，咪用囉！又睇o下點！夜晚同清潔姐姐傾開，佢話公司唔畀用咁多垃圾袋呀！！！以為買o的大風扇返o黎吹吹架lift就會冇咁臭，真係天真！仲話要o係隔火層吹喎！萬一有乜事架lift留佐o係隔火層消防員用唔到就上頭條喇！

第二，我講lift o個個操作問題佢聽，原來佢仲十o下十o下咁，乜都唔知！好心佢就真係上樓睇睇啦！跟進返跟進返…戇x！畀客x o個個唔係您，您梗係乜都唔知啦！電腦program控制…戇x program控制就真！

第三，講返notice o既問題。我就明話o的人唔知o野o架喇，有notice冇standardization，有standardization冇notice，點知呀珍尼媽一o野就將個波射佐畀Warren同埋Michael…又話我o地冇溝通。哦！果然係射波高手！

之後Ivan Wong話property management係講common sense喎，不過我覺得佢唔知係咪坐得office太多坐懞佐囉，講o的o野都唔多make sense o既…

今日真係脾氣唔多好，又唔夠訓，個人又憫又燥…

琴晚同前晚再加好多日之前o既一晚做o既136項customer request居然畀Warren改到得返幾十項，真係火！完佐briefing即刻同佢理論，話佢唔講清楚o的o野o徙x晒我o的時間。佢就梗係要認衰啦！真係條氣唔順o丫嘛！玩o野咩而家！真係唔火佢都唔得！唔該以後做o野講清楚啦！如果一早話我知係交功課o既，我就係咁二打十幾項就算！仲有，冇理由因為其他座得十幾項而要我o地座跟佢一樣囉！人o地唔做o野，唔代表我o地唔做o野嗟！而事實上o個o的問題係我o地日日都面對o架喎！

真係火！

>>July 4, 2004 at 1:28:49 AM GMT+8

2004 年 7 月 1 日 星期四 【清涼】

放佐工，即慶，同Ken仔、Trevor，再約埋十三o係皇崗等，今晚上大陸玩！gogogo！

上到去睇得三十分鐘波，捷克真係慘！咁就輸佐畀希臘…唉…今屆真係多爆冷賽果，好在一蚊都冇畀過馬會賺嗟！

今次幫襯呢間o野唔多得，o的手勢唔多掂。

冇乜點訓過添… @_@

>>July 4, 2004 at 1:40:26 AM GMT+8

2004 年 6 月 30 日 星期三 【清涼】

今日出佐糧，畀佢扣返上個月兩日假冇佐四百幾五百蚊，真係灰。

今日連o的冇去o既人都知您琴晚串Michael o既事…唉…真係…失禮晒…

六月最後一日，特別忙，好多行政o野要做，有幾個客又係咁追o的住戶證…頂！好在部printer已經可以用得返…結果搞到十二點幾先走得…

夜晚又有人讚我好服待喇，仲拿佐張「黃紙」走添！佢話我係呢座裡面最盡責o既。希望佢真係會填好張黃紙拿返去管業啦…區生區太，唔該晒…升職加薪都靠佢喇…

今日心情其實唔多好。憫憫o地。

>>July 1, 2004 at 5:11:17 AM GMT+8

2004 年 6 月 29 日 星期二 【清涼】

放假喎！梗係夜晚先開始活動啦！

首先係一行八人去食韓燒，有我、十三啦、Trevor、Ken仔、Coffee仔、Billy仔、Michael啦同埋Ivan。好好玩呀，吹水吹佐幾粒鐘！不過您就真係衰喇，係咁話呀Michael年紀大，真係畀您激死，唉…真失禮…

正所謂「崩口人忌崩口碗」，出o黎做o野，好多時好多o野都仲要人教仲要人幫o架…唉…您年紀細，加上您o的大小姐脾氣，您真係要慢慢學o下o的人情世故喇…唉…

之後去唱K，高峰時期有17個人呀，不過兩點就走淨我、十三、Trevor同Ken仔四個，後尾Billy仔因為漏佐鎖匙所以再加入返。一人夾百一蚊，一人一枝mic，仲有十四杯o野飲！爽呀！玩到六點先返屋企訓… @_@

>>July 1, 2004 at 5:04:16 AM GMT+8

2004 年 6 月 28 日 星期一 【清涼】

連返六日工，真係人都癲！

今晚好忙呀！覆電話啦…o的客又係咁問o野…又要做o的月尾要交o既「功課」…

忙忙忙忙忙！但係學唔到o野…唉…吹脹！所謂o既物業管理就係咁？頂到盡而家只係做緊客戶服務…唉…

聽講話出面o的PA o既工作唔係咁o架喎…今日終於都學識佐點出一個fax o既修茸單，好鬼煩，但係總算學佐樣新o野！哈！

個死人李太o丫！琴日見佢仲話我係全港灣最好禮貌o既，見佢個仔同我都幾talk得，晏晝見佢老公o係個平台上面x溜，多口問句嗟，今朝居然o係Ivan面前話我諸事八卦！哦！o的人真係戇ngch！火火o地！

>>July 1, 2004 at 5:07:59 AM GMT+8

2004 年 6 月 27 日 星期日 【清涼】

累累o地，真係唔多想返工…

收到個好消息，就係Roger只係做到下個月十七號就走喇！yeah！

又收到小道消息，Eva呢個廢人SPO亦都會走，另外仲有一個APO會走，應該係Cheryl。走咁o的x人，希望個MO可以有新光境…

今日都幾忙，因為o的客有好多問題，好多o野要跟進…又月尾喇…咁又一個月… @_@

但係點解月尾先至突然間咁多o野要跟？

>>July 1, 2004 at 4:32:16 AM GMT+8

2004 年 6 月 26 日 星期六 【清涼】

聽日係Ken仔生日，所以今晚要出佐去玩！！

放佐工去點心皇食o的o野，再落山林道o的bar同Ken、Ken仔o的friends係咁玩，Ken仔仲要打樓梯庄添呀，佢一個round都贏唔倒！係咁飲係咁飲，過癮死！未開波佢已經眼訓死喇！

其間仲有得玩隔o黎舖頭隻貓，好得意！

睇波睇到六點幾，最後瑞典都係慘敗於荷蘭o既十二碼腳下…唉！灰晒…我o既歐洲國家盃亦都提前終結。

瑞典夢碎…

>>July 1, 2004 at 4:15:50 AM GMT+8

2004 年 6 月 25 日 星期五 【酷熱】

今日又係上保安員堂，超悶…加上又食佐粒抗敏葯，真係成個上晝就係坐o係度訓… @_@

好累呀，唔知食佐咩屎，頭暈暈咁…

下晝個保安員MC test好低能，o的人互相通水出晒貓，無聊到爆…問o的o野好鬼common sense，話就話一個鐘頭做五十條，我用佐十分鐘就做完訓喇… @_@

累… @_@

>>June 25, 2004 at 10:45:05 PM GMT+8

2004 年 6 月 24 日 星期四 【酷熱】

今日保安員training，八點半開始到下晝六點半，真係辛苦！

個講師姓陳o既，好似好高級咁，但係講o野都幾生動有趣。但係真係太眼訓喇，所以中途都唔知訓著佐幾多次… @_@

都算畀佐好多次breaks，但係真係好眼訓…今日都算學佐好多o野，但係聽日就話要考試…

HAECO o個度去唔到喇…唉…冇法…話晒都畀佐百六蚊去拿呢個保安員證，冇理由有免費堂唔上又或者唔考試咁笨實…算罷啦…天意。

>>June 24, 2004 at 10:27:23 PM GMT+8