2004 年 3 月 15 日 星期一 【晴】

唔小心又訓到下晝先起身。

今日狂send信，send佐成16封咁多…食晚飯之前send，食完飯好眼訓訓佐陣，再send，搞到而家成四點半都未訓…睇怕聽日又要惡性循環喇…

對唔住，令你感覺到受傷害。但係希望你知道，我始終都係企o係你o個邊撐你o個個。雖然我唔係唯一o既一個，但係我會繼續偏袒你，因為我o既做人宗旨係︰對人唔對事。

做人係要「『義』字放中間，『利』字放兩旁」。

>>March 16, 2004 at 4:57:03 AM GMT+8

2004 年 3 月 14 日 星期日 【晴】

星期日，好急趕。

琴晚都幾「早」訓，搞到訓到十二點半要急急腳沖涼出門口，但係結果都遲佐十分鐘先到學友社。

遲佐開始，今日個speaker懶好笑咁…或者係我個人「吱」到唔笑啦…都幾悶。聽完就quiz啦，咁又出現佐普遍香港大學生出現o既問題喇…組長Kerry出o個份卷有o的問題呀，或者可以話係字眼上唔夠清楚啦，搞到班友係咁嘈，又話要取消o個題呀，又七又一咁。唉…我就只有嘆氣…眼看Kerry畀幾十人針住咁，完全不知所措（我估出得卷o既都應該有畀心機同時間出啦…），老實講，駛唔駛為佐o個一百分裡面o既一、兩分而o係度嘈嘈嘈呀？係咁委屈一個人，真係不所知謂。難怪香港o既大學生畀人睇少，難怪香港o既學生比其他地方o既學生o係多方面都差…可能係我「同理心」不足啦，唔可以易地而處咁企o係香港大學生o個一面。不過只為一、兩分o係度嘈，確實有點低能。

「求學不是求分數」嘛，就算係得零分，只要可以學倒o野，又有乜所謂？更何況，做義工呢o的o野，如果您真係有心做o既，人o地睇得出，我估唔合格人o地都唔會話唔畀你做o既…而且之前人o地講到明最重要係role play o個part嘛…唉…睇o黎都要歸咎於香港o既教育制度喇…不過咁少事都仲未睇得化，我估都仲有排調校…佢o地可以話係據理力爭，但係亦可以話係唔可以蝕底。呢個「求學不是求分數」o既觀念，我中四就已經明白啦，不過政府真係推行得太慢喇…唉…

五點半先role play，搞到六點八先走，返到屋企都七點九喇…成程車又訓到隻豬咁… @_@

>>March 16, 2004 at 4:35:32 AM GMT+8

2004 年 3 月 13 日 星期六 【晴】

如果連自己都唔可以接受自己，冇人可以幫到你。

好例牌咁訓到下晝先起身，六點幾落到觀塘，今晚又踢波，超人都畀面o黎，仲叫多佐個friend添。

今晚個地有o的濕，個波去得好快，我o地又唔知做乜，仲輸佐球冤枉波添…老實講，今晚班友唔係好波，但係好狗。落後一球之後我o地靠一個own goal追和，之後又輸返兩球，超人再追返一球，最後又失多球，共輸四比二。佢xy，個死肥仔真係好狗囉，畀波過唔畀人過，兩次都係咁，好在超人有次都剷到佢飛起，叫做報返個仇。真係火。

踢完又落返觀塘，終於o係牛頭角搵倒間茶餐廳有波睇，好o野！

>>March 16, 2004 at 4:16:20 AM GMT+8

2004 年 3 月 12 日 星期五 【晴】

今朝叫人十點叫醒我，沖個涼返公司。

但係o係返公司中途，遇到一件好感人o既事。話說當我搭車落到中環o既時候，o係巴士站等車見倒一個女人同個呀婆o係度傾偈，開頭我見佢o地兩個o的衣著一o的都唔襯，已經覺得好奇怪。後尾聽真o的，先知道原來個呀婆係蕩失佐路，唔知自己去佐邊… @_@ 眼見個女人一直好耐心咁聽呀婆講o野，但係個呀婆都只係識得答「唔知」、「唔記得」、「我想過海呀」等等冇用o既o野，呢個女人冇晒辦法，唯有幫佢叫差人，之後再叫o的等車o既人「看」住呀婆唔好畀佢走，就趕住搭車走佐喇。

唔駛五分鐘就有兩個差人o黎佐，其中一個編號50506對呀婆態度奇好，好努力咁幫呀婆，雖然呀婆o既答案依然係答完等如冇答，但係呢位差人叔叔都仲好有耐性，好抵讚。最後點我就冇睇到喇，因為有車。

返到去同佢o地食飯，傾o下偈，中途又同欣欣去中環送文件，咁就一day喇…都幾累o下…問佐呀嫻可唔可以做我o既referee，佢應承佐。好o野，又多一項o野寫落份resume度。

累到o係返屋企途中訓到隻豬咁… @_@

佢xy o丫！之前o係網上面手痕報佐個Wall Street Institute o既英文測試，但係我一直唔想去，因為o個間o野個聯絡人連我個名都叫錯，而且好x煩，日日打電話o黎煩住我，話我今日有appointment…頂…人o地唔想去佢仲死纏住唔放，九成有問題！下晝我放佐佢飛機，佢就一直急call我，仲緊張過我老母…煩到呢…好，呢兩個禮拜唔聽所有288字頭o既電話先得。

>>March 13, 2004 at 1:38:20 AM GMT+8

2004 年 3 月 11 日 星期四 【晴】

星期四，陪婆婆睇醫生。

琴晚都幾早訓，諗住今朝早o的起身四圍去o的進修機構拿o的課程資料，畀班細路可以參考o下。八點就醒佐喇，不過o的鼻敏感好嚴重，食佐粒葯之後就勁眼訓…一訓…就訓到成點鐘先醒…頂…

急急腳咁走上東區，婆婆都已經到佐喇…約就話約佐兩點，實際上就三點都未有得睇，好在時間多嗟…入去見醫生o既時間又短到無淪…好在唔知點解今日拿葯駛等，奇快，但係搞搞o下都搞到三點半先坐車走…嘩…今日架車…真係帶我o地遊晒成個柴灣、筲箕灣、太古…最後先落北角…返到去已經四點半…真係坐車坐到暈… @_@

再買佐叉燒返屋企，又急急腳仆落金鐘，去Joseph教會個meeting。嘩，原來有o野食咁正o架！下個禮拜仲話有日本o野食添！坐佐兩粒鐘，極悶。知道o個度o的人講乜，有中有英，但係發覺一樣o野，就係佢o地睇呢位上帝睇得好皮毛…可能係我自己膏淺啦…不過唔駛錢又冇o野做都不失為一個好o既消遣。

我都只係為佐見Joseph幾面嗟…

返到屋企，又好累…但係都要打埋份心理測驗聽日帶返去畀佢o地玩…四點幾訓… @_@

>>March 13, 2004 at 12:05:11 AM GMT+8

2004 年 3 月 10 日 星期三 【晴】

琴晚又send佐幾封信，六點幾再出去寄埋四封，都未眼訓，打個電話畀您，您原來已經出發佐去機場…

搞到九點先訓，您就九點先去到機場…真係大家都咁誇…就係咁樣一訓，就訓到下晝唔知幾點…起身先見倒個電話有幾個miss calls，加133再打返去，先知原來係一o的公司…九成叫我去見工啦…唉…真係冇法…整定o既…以後都係早o的訓啦…

下晝有電話打o黎，原來真係叫我去見工，不過話個offer會低過一萬蚊，我就refuse佐喇…老實講，如果做份工連自己都照顧唔倒自己o既支出，咁就不如唔好o徙時間喇…

夜晚冇人煮飯，只係食冷飯，就出佐去同超人會一會，再o係媽媽返o黎之前返到屋企…ccc…

媽媽晚上提起話佢幫我還佐o的non-mean loan先，之後我再還返畀佢。mmm…我唔想咁囉。我唔想咁樣靠屋企囉。咁樣搞法我跟本唔會有心機搵份好工去還債囉…咁樣搞法冇意思囉。

>>March 13, 2004 at 12:42:33 AM GMT+8

2004 年 3 月 9 日 星期二 【晴】

例牌訓到好晏先起身，下晏先開始活動。

夜晚就約佐您，因為見您好似唔係好開心咁，順便買個新電話，等您唔駛成日都搵我唔倒…

首先幫媽媽交錢學普通話，再去佐間越南o野食飯。呢間o野都ok啦，但係唔記得佐間o野個名。食完飯，就去買電話喇。

Siemens SL55係我o既心頭好。其實呢個design我o係大約四、五年前已經見過o架喇，o個時o個部SL10成個遙控咁大舊，但係冇記錯好似都要成二、三千蚊o架…行佐成個先達，終於搵倒最平o既行貨，賣$2080，即買啦…嗯…好滿意。

買完電話再行佐一陣，再去老麥同您坐佐陣做心理測驗…見您累到死咁，做完就送您返歸喇…嗯…您好似真係好唔開心咁喎…

>>March 12, 2004 at 8:15:31 PM GMT+8

2004 年 3 月 8 日 星期一 【晴】

香港好快就會冇晒民主，一個李柱銘已經睇得出未來四十幾年中國會點「統治」香港。

十一點幾起佐身，就急急腳咁趕住返公司，因為要出糧同埋約佐班友仔食飯嘛…七個字返到去，仲夠時間買佐打西餅請佢o地食。食完個飯，返工司睇o下班友仔搞緊乜，發覺原來都係無所是事，個個o係度hea…

我o地成班完佐約o既坐o係度唔肯走，o個個pk Jamie居然o係度扮晒正經咁叫我o地唔好阻住佢o地做o野。我問佢o地而家有乜做，個Jamie就搶答話而家會同佢o地講…哦。我o地行佐去入票，再返到o黎，問班友有乜做，超！咪又係冇o野做！o個條粉米o係度嘈生晒，又係o係度廢up…有冇o野做大家心知肚明啦…而且我o個時又唔係同班友o係度玩，我o地正o係度講緊進修o個o的o野…真係同佢講多句都o徙氣。

六點走佬去搭車，欣欣先話Jamie o個條粉米有o野畀我…原來係工作證明書…車…有鬼用咩…最多只係可以證明我做過o野，根本冇講過我做過o的乜同我工作表現。

過佐海同超人食飯吹水…不過唔係好晏就返歸喇…

----------------------------------------------------------------------------------------------------------------------------

大名： Patrick
電郵： [email protected]
說： haven't met you for a long time la....
>>2004年03月08日 05:19:23

>>November 10, 2005 at 9:14:44 PM GMT+8

2004 年 3 月 7 日 星期日 【晴】

八點要起身，慘！

食早餐，個早餐都幾頹…食完就上堂，之後做role play。

今次係我role play第一次做輔導員，上一次做佐求助者，今次冇得揀…由於手頭上o既資料始終不足，發覺第日如果真係要做呢份義工，都真係會有o的難度。原來做輔導員好好玩，雖然係壓根底兒有o的緊張，但係好快就克服佐。如是者扮佐十五分鐘左右…我o既感覺係幾得意囉，不過我估我要學多o的skills，counselling原來都幾有趣，助人自助又確係幾好…真係有o的後悔當年冇去浸會（poly？）社工個interview…

佢o地話我可以冷靜、清晰咁幫個client去分析個問題，但係講o野有時又太直喇，同一句說話可以用另外一種方法講令人o地聽落舒服o的…嗯…係o既，您都成日咁話我…希望呢o的訓練同實習o既機會，可以令我改變一向有骨o既講o野態度啦…

出camp，約埋超人諗o下今晚o的波盤…搞搞o下又六點幾…返屋企食飯！

終於摷倒Patch Adams，仲買佐K19 The Widowmaker，開心死！

我知我電話係衰，但係而家為勢所逼，請您暫時忍耐o下先啦… =( 西門士SL55係我o既dream phone SL10 o既後代，DBTEL個M8又玩盡日、歐、美o既先進科技，簡直係超級功能電話，仲有一個六萬色o既OLED，超勁！台灣o野原來都唔差，前途無可限量…嗯…好難揀…但係最大問題都係…

…錢。

>>March 8, 2004 at 4:50:39 AM GMT+8

2004 年 3 月 6 日 星期六 【晴】

今日下晝要入學友社個camp，三點九要去到烏溪沙，但係我都搞到兩點半先出門口…

遲到少少就梗有o架喇，但係原來佢o地衰到一開波就quiz，遲到quiz就實有o的蝕底o架喇，之不過今次quiz係open book，正爆！呢種考試模式係一百個巴仙o岩晒我！我唔知佢畀幾多時間我o地做，但係我只係用佐十分鐘左右去摷同決定o的答案…mc題嗟…o岩多錯多都唔打緊啦，又冇咩1st hon唔1st hon o既。

之後就玩佐o的互相認識o既遊戲，再上佐十五分鐘堂就話食晚飯。嗯…總算比我想像中好，但係o的camp飯無論去到世界名地，水準始終都保持一樣咁低…是但啦…食佐碗飯，少少（食送），飲汽水搭救。

食完飯又玩遊戲，感覺有o的似人o地o' camp咁，無聊o既程度十分滿分可以畀足佢十分，但係人始終係群體動物，總唔可以話唔玩，但係玩玩o下中途就出事…有條友唔知做乜跌佐o係地度，後尾仲話甩骹…嘩…真誇張…跌一跌就要call白車…好明顯係平時零運動引起…又令我諗起n年前媽媽唔知做乜o係街度仆一仆低就住佐成半年醫院。可怖…

所以幾時都話，做任何事都要以個人安全為先，亦係我之前三、四年來做lab o既終旨。由於樂極生悲o既關係，就去佐另一個hall，再玩佐另外一o的比較用腦o既遊戲，同埋唱埋o的好核突o既歌…真係幾驚要跳埋camp fire呀，我就憎做呢o的o野o架喇。

最後我o地o係遊戲之中全靠呀蚊o既亂咁o黎同埋我o既冷靜分折，以一百分之微贏佐…真係意外，因為我o地全組都冇諗過要贏…吹脹。

搞完晒呢o的無聊o野之後，佢o地話去馬鞍山買糖水食，我就順便出去行一轉，感受o下城市o既氣息。搞掂呢o的o野之後，再等o的人沖晒涼，大約一點幾就開始全組人坐埋一齊傾偈，同埋做佐份好長好煩o既心理測驗，再係咁傾o下，互相了解o下…四點幾，好多人眼訓，收工。

----------------------------------------------------------------------------------------------------------------------------

呢個心理測驗o既結果係咁o既︰

我o既性格係「內向（24/40），辨識（26/40），理性（23/40），熟思（31/40）」型（相反o既性格係︰外向（16/40），直覺（14/40），感性（17/40），決斷（9/40））。解釋係︰「冷眼旁觀者，保守，安靜，以好奇心來分析及觀察人生，有時有出人意表的幽默感。對與人不相干的原則，因果關係，機件如何運作等較感興趣，祇專注於他們認為有心要花心思的事上，否則是浪費時間及精力。」

答案同分析低能地準囉…除佐話咩機件運作之外。其實同樣o既心理測驗家姐o係五年前已經畀過我做一次，當然，當時做o既結果我亦都冇刻意記低。就呢份咁o既o野，我又可以有些少補充，因為我手頭上仲有一份更加詳細o既分析（只記低屬於我o既性格特徵）︰

一）所著重的世界︰
　　1）內向型（Introvercy）︰著重內在的世界。
　　　　優點︰獨立自主、埋首工作、勸勉奮發、沉思的、依自己理想行事、
　　　　　　　不輕易以一概全、不衝動行事。
　　　　缺點︰對外在環境誤解、逃避他人、掩飾自己、坐失良機、易為他人誤會、
　　　　　　　不喜被打斷工作。
　　2）外向型（Extrovercy）︰著重外在的世界。
二）認識外在世界的方法︰
　　1）辨識/感觀型（Sensing）︰著重實際、具體、事實的看法。
　　　　優點︰注意細節、重視實際、能記住瑣碎細節、有耐性、細心有系統。
　　　　缺點︰失去整體的概念、想不出各種可能解決的途徑、不信直覺、不求創新、
　　　　　　　無法應付太複雜的工作、不喜歡預測未來。
　　2）直覺型（Intuition）著重事件的可能性及關係。
三）如下結論、作決定︰
　　1）理性型（Thinking）︰較客觀、分析、公平。
　　　　優點︰合乎邏輯於分析、客觀公正、有組織系統思考、具有判斷能力堅定。
　　　　缺點︰忽略他人感受、誤解別人的價值觀、不在意和諧的人緣、不露感情、
　　　　　　　表情較少、不願說服他人。
　　2）感性型（Feeling）︰較主觀、重視價值。
四）處理事情的態度︰
　　1）熟思型（Perceiving）︰重突發的及彈性的。
　　　　優點︰易於協調、可從各角度欣賞事物、具彈性、開放的態度、
　　　　　　　依據可靠的資料做決定、不任意批評。
　　　　缺點︰猶豫不決、散漫無計劃、不能有效的控制情況、易被分心、不易照計劃完事。
　　2）決斷型（Judging）︰重次序、有計劃的。

有o的o岩，有o的唔o岩啦…不過一個人o既性格，又點可以話畀一個心理測驗，或者一段o既文字而限死o架…

另外，辨識加理性o既人可以區分為「安定者」︰
優點︰歸屬的、社會化的穩定，撫育的，關心他人的，服務的，有正確次序的。
能力︰性情安定，對任何情況均有信心的，能注意細節的、任何系統的安定劑，公平、無私的，忍耐的，常識豐富的，可靠的，忠心的，負責的，勤勞的，謹慎、小心、周到。
弱點︰對於複雜及無特定計劃或步驟的事不耐煩，預先憂慮問題，易造成過度負擔。
會造成壓力的來源︰當被拒絕時，或被排斥、批判時。

咁樣就界定我為一個「安定者」又未免好似有o的唔係幾o岩，定係還是我自己本身o既性格（惰性？）正係合適做一個「安定者」呢？

>>November 10, 2005 at 9:13:56 PM GMT+8