2003 年 12 月 6 日 星期六 【晴】

終於都有得抖抖。full day off。

佢xy！之前畀佐個電話號碼明愛o個條x樣，今朝係咁打畀我，佢xy！足足打佐三次，嘈x住晒！接佢電話時，佢話佢o個組諗住今日site visit，仲話要訪問我o地o的人…咪x煩啦！真係火！完全係典型o係香港讀完大學出o黎o既畢業生，乜x o野都諗住靠人搞掂，痴x線！我成日都話，呢個世界幫倒你o既人只有你自己，可以靠o既人亦都係只有你自己！一味只係識問人拿抖，佢自己就廢o既，自己盲o既，冇眼自己睇o既！一味問人，唔x駛我再幫佢！呢位呀鋒，你去食屎啦唔該！廢人，彈x開啦！

即刻打個電話畀Terry同Kitty，叫佢o地唔好畀料條x樣同趕佢o地走唔好畀人誤會我o地冇做o野。

成日都食完訓、訓完食，真係爽。

>>December 7, 2003 at 7:54:21 PM GMT+8

2003 年 12 月 5 日 星期五 【晴】

今朝出去拿佐五舊水畀爸爸睇醫生，成副身家得返四百…幾時先出糧？

累到死，但係搭車o個時又訓唔著，返到去上普通話，見倒個老師開始不滿o的同事o既學習態度，咁又係，成班都冇心機學，傾偈講o野就大大聲，到問佢普通話時又蚊滋咁細聲，真係畀著我都火啦！

上完普通話，休息佐一陣食飯，食完飯又係書簽。火！呀嫻居然話我o地做佐o的書簽唔派落到去齋企冇o野做！佢xy！你自己死落去睇o下我o地o的同事做緊乜啦！佢o地企o係度係咁痴晒線咁hello、你好，根本就唔駛派咩書簽！不過如果你覺得要派佐書簽你先覺得我o地有做過o野o既，咁好o丫！冇問題，我同你一節派每人派廿張！我睇你拿得幾多錢出o黎買料畀我o地做書簽！真係火！九成係琴晚個死肥婆話我齋企！p佢個臭k o丫！火火火火火火火火火火！十個火！

夜晚落區兩個鐘，o岩o岩就覺時間畀我o地派每人廿張，SOHO派佐百二張，蘭桂坊派佐六十張，全部都派畀西人！星期五，真係好多人，好正！等我o地組派窮你間中心！哼！

爸爸睇完跌打，好似好佐o的。做得咁辛苦，當係放o下大假，都好o既…

今日您發晒脾氣咁，真係令我覺得好難受…唉…

>>December 7, 2003 at 10:16:08 PM GMT+8

2003 年 12 月 4 日 星期四 【晴】

出事！爸爸做o野o個時整親條腰！

其實我很擔心…

十一點幾畀健健個電話叫醒，食佐o的o野，又要出去。因為今日約佐佢幫我o係Poly借書，借完書之後幫佢去飯堂影佐張浪費食物相，咁就搞到遲到佐十分鐘… @_@ 冇法啦…總要幫o下手，遲少少嗟，我仲有五十分鐘咁多！

下晝返到去其實又係無無聊，最死就係個中心冇位畀我o地企！吹脹！唯有成班走晒上去西環村，分三組人一組revise個問卷，一組revise個紙上遊戲，因為Jamie又話要個game o的答案可以砌個字出o黎… @_@ 又o黎朝令夕改…唉…另一組就o係我o地o的文具上面貼晒我o地組名，再點算o下我o地有幾多件文具，費事以後同人撈亂！

搞掂呢o的無聊o野之後又整書簽，同埋又講o下英文。話咁快又六點。

食完飯，再落區。今晚見倒中心其中一個肥女同事，帶住個日本人，唔知做乜。我o地成晚係咁hello、你好咁，時間過得好快，話咁快又十點。

返到屋企，仲有大把o野要搞。首先我發現個紙上遊戲好有問題，個答案錯錯o地，搞到我又要重頭幫佢o地諗過做過。scan佐張o野，用Photoshop delete佐o的黑點，修返靚少少o的線，再改返晒o的英文字母，嘩…咁就四點喇…陰公…

做完呢個再搞張問卷，revise到幾乎成張要打過，不過好在搞佐一個鐘就完工，求其啦…唉…根本就係成個問卷o既題目改過晒！佢xy！早早唔講，搞到我o地又要做多一次，真係火。

最後再整埋張文具check list，沖個涼，咁就六點。寫張卡畀敏敏鼓勵o下佢，咁就六點半…

好死累…訓…zzz…得兩個鐘咋…

>>December 7, 2003 at 7:36:18 PM GMT+8

2003 年 12 月 3 日 星期三 【晴】

今朝西環o的交通又食屎，搞到遲佐幾分鐘，不過…ccc…

上晝又係咁二大家講o下、讀o下o的英文，因為冇o野做嘛！下晝就買佐料做書簽，我就又要開個無聊會…

今日個會一開波就話我o地亂用中心o既資源！唔係嘛！又關我o地事？！話咩一日之內用佐二百張彩色影印…喂喂喂！唔關我o地事o架喎！我o地成個月冇print過o野喎！不過「欲加之罪，何患無詞」！！算！以後我負責晒print o野同影印，廢事煩。跟住又話我o地偷中心o的文具，嘩，又o黎？！話以後拿o野要中心o的人批准先可以，同埋影印又要單聲。我心諗，咁仲好，有咩都唔駛我o地負責，有咩事責任以後就唔o係我o地度，真係好，以後有人服待埋，我o地要用乜簽個名就得，真係方便！

跟住又講o下之後o的落區安排，終於都肯都編喇佢o地，成日做o野慢到死，等佢十世o的o野都未搞掂，但係佢畀o野落o黎做就係咁催係咁催喎，您話得唔得佢死！跟住開開o下會呀Jamie又話要走，結果又做唔倒個Halloween檢討… @_@ 拖佐成個月喇足足！真係廢到震！結果有一大堆未做完o既o野停佐o係度做唔倒…包括下個禮拜六加惠台個攤位，十二月廿五號上環假日行人坊個攤檔同埋十二月廿六號上環個活動…跟住又要revise個問卷同埋個紙上遊戲…真係…煩！

>>December 8, 2003 at 2:18:00 AM GMT+8

2003 年 12 月 2 日 星期二 【晴】

今日返工超悶！上晝做書簽做到冇晒料，我就襯住上晝o的時間同呀Wing、Shirley做埋個supervision。好o野！終於都完成埋十四個人o既suipervision喇！終於都做完一次喇…唉…講真，呢o的o野，有用咩？

下晝又唔知可以做乜，中心又冇晒地方畀我o地企，唯有走上西環村hea…結果係大部分人都訓晒覺，有o的人傾o下偈，睇o下書咁…唉…好悶呀…

畀個由高街拿返鎖匙落o黎o既人見倒我o地成班訓覺添…死喇…

今晚又係陪您o既時間喇。我o地由太子行到去油麻地o既百老匯電影中心，睇佐套叫《偷吻》(Stolen Kisses)o既法國戲，成套戲居然可以只係得幾句英文… @_@ 最抵死喇呢套o野都唔知想講乜…都幾無厘頭o下，但係見您有咁多法文聽咁開心，都幾好o丫…

累累o地添…

>>December 3, 2003 at 9:15:01 PM GMT+8

2003 年 12 月 1 日 星期一 【晴】

星期一，又係一個星期o既開始，不過呢個星期都幾悶o下…

上晝襯住班友仔搞o的書簽，乘機同呀君做佐個supervision先，傾佐成個鐘，發覺佢都唔係我想像中咁靜，我o既眼光係冇錯o既，揀佢落區係o岩o既。

下晝就搞佐一陣書簽，又話要落區。三點半走o架喇，但係唔知做乜塞車塞到四點半先去到，真係吹脹。結果上到SOHO區都已經四點九，即係話企一個鐘又話收工。Carmen企企o下無端端面都青晒，仲話見暈，真係嚇鬼死…抖佐陣再企，但係臨收工之前又話見暈，唯有提早少少收工走人啦…

您終於都開波考試喇！畀心機！啜~

>>December 3, 2003 at 9:03:11 PM GMT+8

2003 年 11 月 30 日 星期日 【晴】

星期日，都十一點幾就醒佐喇…又搞o下o的料，下晝再親自落去蘭桂坊同SOHO區對一次，一搞又搞佐幾個鐘… @_@

夜晚就開始搞o個兩張地圖，試o下玩Photoshop，都幾得意，幾好用。o的funcion都幾複雜…為佐整一張蘭桂坊咁細o既圖都居然用佐成五粒鐘… @_@ 冇時間，唯有快快手手搞埋張SOHO區算數，雖然冇咁靚，但係總算ok。

好累…靚朝仲要返工…真係慘…呢個禮拜…忙死呢…都冇乜邊幾夜叫做訓得好夠…仲搞到日記都唔得閒寫，要一次過寫成十日…但係佢又冇話delete我個account喎…真係奇。

>>December 1, 2003 at 10:22:44 PM GMT+8

2003 年 11 月 29 日 星期六 【晴】

星期六都要返工，仲要係返夜，真係慘…

今晚SOHO區同蘭桂坊多o的人，大約係平時o既150%，o的舖都七、八成滿。今日得六個人開工，一開波我o地就兵分兩路，Raymond、敏敏同呀君就o係蘭桂坊對o下浩文張圖o既真確情度，加加減減。另一組我、Carmen同堅就o係SOHO區抄舖名同位置。我o地由六點九行到八點九先可以o係SOHO區行佐一圈，嘩…成一百三十間舖咁多呀…

行完之後企佐一粒鐘就話走，好鬼馬，有o的唔知乜愛滋病基金o既人扮到古靈精怪咁o係度籌款…o的衫閃o架…扮天使…真係好嚇人，仲吸引倒好多人圍觀…

放工即返屋企，同亞辛玩o下戰棋，又整理o下今日得倒o既料，咁又話四點喇…

>>December 8, 2003 at 2:16:29 AM GMT+8

2003 年 11 月 28 日 星期五 【晴】

星期五，好o野，呢個禮拜就快又完喇！

琴成晚冇訓，為o既係趕起一份中區交通指南畀佢o地用。做到六點先做完。食o的o野，沖個涼，再打多一份會話畀佢o地。返工。

返到去就上普通話，有o的悶，但係講佐好多o野，都幾好玩。之後搞埋o的行政o野，下晝再教全組人英文，又同敏敏研究o下o的英文街名點發音。之後又襯住下晝有o的人要去training，再intensive咁教呀聰同呀Wing英文。呀聰o的英文好唔掂，不過慢慢教應該都得o既，逐隻字咁教，希望佢有幾多學幾多。呀Wing就好o的，其實佢都識幾多英文字o架，不過我估佢唔係好有信心啦…

放工之後就同您去佐旺角明將食壽司，o的三文魚今日唔夠新鮮，個火鍋都ok，其他都ok。不過居然食佐兩舊水… @_@ 是但啦，見您食得咁開心，冇計啦。

>>December 1, 2003 at 9:59:38 PM GMT+8

2003 年 11 月 27 日 星期四 【晴】

今朝四點先訓覺，為佐快o的搞起份中區交通資料，冇法。睇完新巴o既網頁，copy and paste晒o的data之後已經好睇訓…唉…結果又要做多一晚。

今日返下、夜，第一次落SOHO同蘭桂坊。

下晝襯住成組人都o係齊度，又要教o下o的英文，真係忙死…

夜晚落區，遲佐o的。搞笑，有條唔知乜人o既粗人衝埋我o個group度話要投訴，係咁問拿投訴電話，又話要見報又七又一。哦。好呀，見多o的報仲好。打電話返中心，問佐呀嫻拿個電話，畀佐條友就算。原來條友話要投訴呢個TDA計劃，多餘啦！佢咁大個人都唔化，仲未搞清政府o的手段，仲係唔知咩叫「投訴接受，功夫照舊」。我冇乜所謂，之前做super draw都慣佐畀o的無理客話，當係耳邊風，但係就嚇親我兩個妹… @_@ 佢兩個呆晒"O"晒咀咁…唉…

不過呢個世界總有好人。雖然唔知呢一男一女係咪「臥底」，但係一於少理，有問有答，嘩，條友仲話要用普通話添呀…我o地三隻o野係咁講係咁笑，好過癮。後尾呢兩個人仲鼓勵o下我o地…嗯…真係好。

>>December 1, 2003 at 9:48:59 PM GMT+8