2003 年 10 月 27 日 星期一 【晴】

好似冇放過假咁，又要做…真係慘…雖然琴晚已經好早訓，但係依然係累到嘔呢…

今日返到去，又係繼續搞萬聖節個party o的o野。十一點左右又開組長例會，條友仔又o係度廢話一番，當呀嫻同Jamie問到佢個萬聖節party進行成點o既事候，條友依然o係度講廢話…唉…點解會有o的咁o既人o架…開到一點左右開完，我同Kitty走先，淨返條友o係度畀老細輔導。

下晝就好玩喇！因為公司請佐人o黎教我o地組扭氣球公仔。學佐整花、老鼠同埋龜。之後本來可以學埋扭蝙蝠，但係為佐照顧呀Raymond，搞到學唔倒…唉…結果只係識埋o的頹o野…刀呀劍呀咁…唉…總有o的人悟性高o的，有o的人係點極都唔明o既…算罷啦…

好死累…今晚又係十二點鐘就訓佐喇…

>>November 2, 2003 at 11:41:36 PM GMT+8

2003 年 10 月 26 日 星期日 【晴】

星期日都要返工，真係慘…仲要係返朝頭早添呀…琴晚format佐部機，而家部機冇乜software用，但係部機都問題冇晒喇…好累… @_@

今日係假日，香港公園同埋香港動植物公園都幾多人o下…來來回回行佐三次，居然畀我見倒呀澤同埋Carmen兩條友仔唔做o野坐埋一邊煲煙…真係吹脹！！ @_@

放佐工之後大家一齊落佐去灣仔買長條波，勁貴，個老闆仲要當我乞兒咁係咁二收少佐我三蚊！佢xy o丫…話過以後唔會再去幫襯呢間玩具舖！

之後我、聰、欣欣、堅同埋Marco走佐落去銅鑼灣間仙蹤林食飯，o的o野一般，所謂o既煙三文魚o的魚肉「散修修」o既，以後都咪搞我喇。

好死累…十二點就上床訓佐…

>>November 2, 2003 at 10:42:30 PM GMT+8

2003 年 10 月 25 日 星期六 【晴】

終於都有時間去剪頭髮喇！

今日真係火火o地，對於個A乜lan o既工作態度同埋效率，真係完全頂唔順。今朝Kitty要落區，變佐得我同條友仔開會，完全唔掂呀佢！一路開會一路o係度講廢話，叫佢畀幾個人名等我分配工作都o係度「呀支呀佐」，頂佢個肺o丫真係！真係講到我火！之後佢話我態度差，我就即刻同佢玩過！你xy o丫！同我玩！我就即刻講每一句o野都加個「唔該」、「請問」落去。之後都係傾唔掂，條友勁唔合作又乜都話係老細話。哦！咁我就即刻搵埋呀Jamie o黎同佢三個人一齊傾。傾佐成個幾鐘o既結果都係冇結果。最後我叫佢o係放工之前畀兩個做接待o既同事名同埋兩個集體遊戲o既名我，之後我就返去做自己o野。

點知到佐收工，條pk都仲係乜都畀唔倒我！火！條友仲夠膽死搵自己同埋Kitty o黎做門口接待個位，仲話Kitty排話劇o個時走開十五分鐘o黎做接待都唔係問題。唔係嘛！你係咪食x懞佐呀？！用埋晒o的咁o既屎橋就想要Kitty陪你？！慳o的啦！Jamie好客氣咁話指導員應該做o的協調o既工作，呢o的o野應該係由o的細o既做。最後我o係Jamie面前火佐條友兩句，話如果佢唔想做就出聲，我o地大把人可以幫佢做。之後唔想再同條友講o野，講完sorry之後就即刻簽名走。

臨走o個時，Jamie叫我同佢傾一陣，我就問佢點解唔可以炒佐個A乜lan，Jamie話指導員唔係唔可以請過一個，但係佢應該對每一個人都平等。意思即係佢都容忍我有時會發脾氣，亦都要畀機會個A乜lan…我就同佢講如果佢見我當眾發脾氣，佢可以鬧我，但係如果見倒條A乜lan做o野做成咁，唔該佢亦都要採取適當o既行動。Jamie叫我唔好當眾火佢，叫我畀面佢…最後我再爆埋條友成日唔知做乜事成日跟住Kitty o既o野畀Jamie聽，實行爆佢大鑊。火到我o丫！

下晝就去佐剪頭髮…嘩…條女好唔掂，剪個頭剪佐成個幾鐘，真係頂佢不順…頸都梗埋…之後再去太原街問佐o的長氣球o既價錢…都幾貴，但係又急用…

>>November 2, 2003 at 6:28:40 PM GMT+8

2003 年 10 月 24 日 星期五 【晴】

今日係寶寶o既生日！好o野！

今日放工o係金鐘走，本來都好地地o既，點知原來我唔記得佐帶返本書返中心還返畀個同事… @_@ 搞到今晚要去玩o既我，要特登返一返屋企拿…真係失敗…

今日係我第二次陪您過生日喇！首先您陪我去佐買o的日用品先，之後我o地就去佐買禮物喇。去佐J's度買佐一對介指，仲加錢刻埋名添…本來都唔想買一對o架喇，但係見您咁高興都冇法啦…雖然我都明白一對o既o野係有佢o既特別意思，但係如果次次買o野都要買一對，就真係…好容易破產o架… @_@ 結果對介指要十一月中先有得拿，冇法啦，呢o的o野邊有現貨o架…唯有等o下囉…

之後我o地就去搵食。今日我冇帶您去平時同Joseph去開，o係翡翠明珠o個度o個間Outback食牛扒，而係上佐世貿o個間Tony Roma's度食o野。o個度以前都去過幾次，不過四係上去飲咖啡。今次係食o野，o的o野都幾貴o下o架，不過好好食喎！見您今日生日都冇乜所謂啦，食餐好o既唔好次次都係味千拉麵咁寡嘛。我o地冇食牛扒，反而叫佐佢o地o既主打︰The Roma's Feast，係燒烤o黎o架，有雞肉，排骨，仲有腸仔同粟米。好好味o架！就算係條麵包，都已經係又熱又軟。仲有o的完全唔「鞋」o既香滑雞胸肉，加上燒得o岩o岩好連您都要試o下o既排骨，仲有好甜o既粟米，同埋睇落好頹，但係食落滿有香草味o既腸仔。嗯，呢餐，真係物有所值，不過唔記得佐同個餐影返幅相添…

之後再去佐灣仔海旁同您影佐好多相。再直落玩落去… @_@ 短短一個晚上用佐成四分一份人工添… @_@ 不過玩得好開心。

>>November 2, 2003 at 5:59:18 PM GMT+8

2003 年 10 月 23 日 星期四 【晴】

火到爆呀今日！！！

今日本來心情大好，柴灣去到中環完全破天荒完全冇塞過車，搞到我足足早佐三個字就返到西環。點知一返到去，就見倒個簽到牌板又試簽到亂晒，於是就問︰「邊個係乜乜乜呀？」佢xy！明明自己做錯o野仲聲大夾惡？！哦！我知！你條x樣叫Kelvin o丫嘛！我認得你！上次去上環行人坊遲到三個字，中間又唔知走佐去邊冇做o野o個個Kelvin o丫嘛！跟住個A乜lan o既唔怪得知咁冇家教啦！問我係邊個？我係你老細呀！完全唔知「地」，同我撐到盡？！哼哼…你以後做o野都係小心o的好，唔好行差踏錯！呢o的咁o既pk，完全唔聽上司命令，如果係出面做o野一早就畀人炒佐啦！

之後約佐個A乜lan落o黎中心開會，點知到佐十一點，條pk打電話落o黎話做緊o野唔得閒傾。哦！咁好o丫！你要做龜o既話，咪我同Kitty上o黎摷你囉！大佬呀，個Halloween Party趕住o架，你o係度做「左輪」？！我估地球上每多100個佢呢o的咁o既人，就足以令地球提早一千年滅亡！

好，上到去西環村，見倒條友o係度開會，但係問佢得唔得閒，佢又話得… @_@ 我挑！你唔想落o黎就出聲，唔好同我搞咁x多花臣！但係呢個會o既結果就係冇結果…條pk又係完全未郁過o的o野…唔係呀嘛…我覺得佢份proposal係完全冇同自己組員商量過o既，完全係佢自己o既意見！問返隔o黎組o既浩文，知道條x樣真係乜q都未開始傾同埋做，就真係火！火火火火火火火火火火！十個火咁火呀！

結果搞佐成粒鐘，我同Kitty係咁火佢，佢都冇反應，仲表現得好唔在乎同唔認真，唯一唔同o既係佢講o野大聲佐。我同Kitty話佢o的games唔得，叫佢解釋o下點玩，佢又答唔出；問佢o的games邊個諗，佢就只係答係一齊諗（事實上浩文話畀我我佢完全冇叫過佢o地組人諗…），仲o係度話呢o的只係細路仔遊戲，唔駛咁認真。大佬呀！係咪出o黎撈o架而家？！真係火佢！o個o的係客o黎o架！唔係小朋友我o地就可以交行貨，就唔駛尊重佢o地呀嘛？人o地有畀錢o架大佬！真係火到我x咁！三個人嗌佐成鐘，見佢乜都未做，再傾都嫌o徙氣，十二點都未夠我o地就走人。真係火！

今日我o地組唔駛落區，就預備佐好多佈置o既物資，我估都七七八八o架喇，大家都幾畀心機做，尤其係不嬲靜o個幾個，佢o地做得太好喇！又有創意喎！實在太令人感動喇！玩得癲癲o地o個班都做得好好呀，Marco更加係功不可抹！雖然佢o地係成日掛住玩，但係一講到做o野都係最top o既一班！加油呀！我o地呢組永遠都係最top o既！

>>November 2, 2003 at 1:16:00 AM GMT+8

2003 年 10 月 22 日 星期三 【晴】

琴晚寫o個篇日記又冇佐，火火o地走去訓，結果琴晚有有八個半鐘頭訓，不過仲係好累…

十點鐘就要開始落區，又有人遲到又有人冇返工…真係…唉…

今日天氣都幾熱o下，又係身水身汗…來回兩個公園三次之多，真係累累o地…下晝就搞萬勝節o的o野。放佐工，平時都唔多出聲o既我，居然都會走去同呀澤講佐一番肺腑之言…小朋友，努力啦！做好自己最重要，冇人需要為別人承擔佢自己本身要負o既責任！畀o的時間同心機去改善o下自己先係最需要、最先要做o既o野。

深雪話︰「If you love somebody, set them free.」

王菲話︰「自己都不愛，怎麼相愛，怎麼可給愛人好處？」《給自己的情書》

>>October 23, 2003 at 10:44:55 PM GMT+8

2003 年 10 月 21 日 星期二 【晴】

今日好死呀，成班友頹過鬼咁…其他人又靜過鬼咁…結果係全日都冇乜做o野… @_@

食飯o既時候郵差打電話過o黎足足喊佐成半粒鐘…其實「關心永遠在」呀。唉…不過點解o的人咁賤格o架，呃佢錢，搞到佢o岩o岩好返o的又再咁唔開心，真係火o個條友呀！

下晝叫做出一出中環石板街睇o下o的萬勝節物資價格。ok貴啦…不過中心得有限錢咋喎…點搞呀…大家都累到嘔，四條琴晚o既酒鬼o係架車上面訓到隻豬咁… @_@

六點之後諗住同個A乜lan開會講o下萬勝節o的o野。佢xy o丫！真係火！條x樣又o係度自己同自己講o野，支吾以對，答非所問，真係連Kitty都火！問佢o的o野就乜都話大約，問清楚o的又話唔知。又話o的o野畀佐呀嫻同Jamie睇，等佢o地批，乜都話聽日先講喎…哦！最火就係佢一句「今日同聽日有乜分別？」佢xy o丫！今日廿一號聽日廿二號呀！有乜分別！！！！真係火！拖住晒我o地o的進度。你一句話唔做我o地同你做埋彩就你拿我又有乜所謂？！但係你咪o係度做「左輪」先得o架！真係火到x咁！

最後個會乜都講唔倒，散會收工。無端端留佐半粒鐘堂，真係火！

之後成班人又同呀澤傾偈…唉…講真，我覺得根本唔駛理佢，等佢頹一陣佢就自然會好o架啦…

好累，未到十二點就攤佐o係床度…訓佐…

>>October 22, 2003 at 11:17:55 PM GMT+8

2003 年 10 月 20 日 星期一 【晴】

忙到冇時間寫日記！頂！搞到要一次過寫返晒成個禮拜o既o野，真係辛苦…

今朝又係o係中環轉101返工，三個字就到，多兩蚊但係快兩個字，真係抵搭。

成個上晝都唔知做過o的乜，下晝就開始第一次落區喇…不過第一日開工就足遲佐成粒鐘先開始派o野…下次都係要預早少少落去先得喇。而家我o地組駐守o既位置係香港公園同埋香港動植物公園，即係成個由金鐘至中環o既山頭…大到呢…

我o係兩個公園之間走來走去足足來回三次之多，唔係怕班友仔偷懶，而係怕佢o地遇倒問題唔識解決。又上山又落山，真係行到腳仔都軟晒…不過最慘就係熱到嘔呀…行到身水身汗呀…陰公…

三點至六點，差唔多成個香港公園同動植物公園都熟晒。動植物公園，真係n年冇去過喇，鈎起返好多細細個爸爸媽媽帶我去玩o既回憶！有相為證o架！o個個噴水池，真係十年如一日冇變過o架…o的水亂咁「啡」，頹到爆！

六點收工返屋企食飯，直接金鐘走，慳錢又慳時間。食完飯洗埋o的碗再落銅鑼灣同班友仔匯合。呀澤同呀Sam散佐喇，唯有大家陪o下佢啦。飲到兩點倒走，但係條友仔o係走之前已經嘔到成台都係…嘔出o黎o的o野足足有三分一個啤酒筒咁多… @_@ 之後出佐海邊坐坐，等佢抖一抖…

最後三點鐘曲終人散，各自歸家。返到屋企涼都冇沖，累到嘔…即訓…

>>October 22, 2003 at 10:28:11 PM GMT+8

2003 年 10 月 19 日 星期日 【晴】

星期日，好累，訓到成點幾先起身…

下晝去佐西灣河，同凌志參加佐文傑o既浸禮。呢o的教會一年一度o既喜慶節日，總唔會少得我，但係叫我返去，咁就真係唔多想。

見倒翠琴啦，唔知點解佢永遠都係同國凱一齊出現o既…佢今年終於都護士畢業喇。又見倒志豪，仲有麗平。好多好多舊人，更多更多新人。冇所謂啦，反正要見o既人都見晒喇…

之後去時間廊拿返兩隻錶，咁就冇佐二百二十蚊。肉痛…

最後去買麵包做早餐，居然只係五蚊四個，真係食米唔知米價…

>>October 21, 2003 at 11:33:15 PM GMT+8

2003 年 10 月 18 日 星期六 【晴】

頂！呃人o架！睇警訊呀！

今朝見工，佢之前話要做o的tests，我以為係中、英文，但係佢話要帶計數機…我又冇帶喎…

九點半準時上到去，結果填份form都填佐成半粒鐘。之後原來係做數學test呀！頂！25分鐘做一份分佐7部分共28題o既percentage同ratio！！！問佢借佐計數機，結果都係做唔晒…唉…又要睇o的charts，tables同figures，再睇問題，點做得晒呀？！點知做完佢就叫我o地走，返去等消息…唔係嘛…早知就唔去啦，訓多幾粒鐘唔好！火！

走o個時問o的人做唔做得晒，結果係冇人做得晒。佢o地冇講大話，因為我聽住每個人o既揭紙聲，冇人做得多過5頁。

下晝訓佐個晏覺，之後出去踢波。對方係次次都畀我o地入夠四球o既廢人，已經有一排冇搵我o地踢波。不過我就真係累到x咁囉…結果踢佐一個鐘我就冇踢，坐o係場邊做啦啦隊。而對方就因為我o地收返借畀佢o既龍門而連失六球。米米大演「容易的」帽子戲法，大鴻入一粒，高佬唔記佐咩名又付碌佐佐粒，再加一球own goal。淨勝六蛋。我估下次佢o地唔會再同我o地踢。

>>October 20, 2003 at 8:01:30 PM GMT+8