2003 年 11 月 16 日 星期日 【晴】

好呢累，星期日都要返工，真係慘…

琴晚郵差佢又開始唔開心，同您傾完電話之後再陪佢傾佐一陣，再搵o下o的同cm有關o既o野，結果四點先走去訓…今朝訓到九點三先肯起身，十五分鐘之內搞掂自己出門口，搭車都係用佐四個字咋！你話香港o既地面交通幾令人失望o丫…

十點二已經全部人返齊晒，今日成個中環都係菲律賓人，好得人驚，足足坐滿佐半條天橋呀！今日都有幾多遊客問路，時間都唔算過得好慢。放工之後同幾個細o既落銅鑼灣地帶間仙蹤林食飯，嘩，呢間o野o的店員都算pk，居然放多張台都話唔得，又話我o地阻住條路…佢xy o丫！一於bad list埋佢！今時今日咁o既服務態度未夠o架…

食完飯就返屋企，跟住就由四點訓到八點先識起身食晚飯，真係累死…

>>November 18, 2003 at 10:48:29 AM GMT+8

2003 年 11 月 15 日 星期六 【晴】

星期六都要返中心「庇護」，真係慘慘o地…

今日好忙碌呀，走佐六場。第一場唔駛講就係返工啦，要七點幾起身準備返工，真係慘…不過我最鐘意就係星期六，唔多塞車。去到中環再搭慢車都仲要早佐三個字到，真係爽。

第二場就係食完飯再同o的同事去打機。本來諗住返屋企之後再出o黎，不過唔想舟車勞動，不如就搵o的o野做打發o下時間好過。午餐o個間扒王之王又畀我o地bad list佐，因為佢o的檸茶好有問題。之後打機打到三點九倒再陪佢o地過旺角，因為欣欣話要買波衫畀佢男朋友。但係一落車您就打畀我，話要買電腦喎…結果我就唯有同佢o地四個拜拜啦…

第三場呢個揀電腦環節呢，就真係麻煩喇…因為太花多眼亂喇，不過其實您都揀定佐。其實我對notebook都唔係好熟，不過有時買o野就緊係要串o的o架啦，冇理由個sales話乜就係乜，佢講到天花亂墜都得o架啦。老實講，百老匯o的人，我覺得，一o的都唔專業，只係識少少扮代表去呃o的唔識電腦o既人。不過咁，部機係您用，您畀錢，梗係揀部您覺得o岩心水o架啦！平、靚、正嘛！不過有咁多贈品，部機又快o的，都冇所謂啦，您o岩心水就得o架喇。

試機試佐兩部先得，因為佢第一部個LCD有死點，結果搞到成六點先可以趕第四場。超人由大陸返佐落o黎，又睇o下佢有乜新體驗啦…原來佢而家可以話係assistant manager，真係勁。做o的o野都幾得意，係研究點降低成本。嗯，不過我對化學已經死心，唔係走投無路，我都唔會拿返o的老本出o黎做呢行。

之後欣欣又急call我，話搵唔倒波衫。鬼咩，車路士今年咁勁，一定畀人掃好多啦！後尾同佢o地班人走佐去一間上樓舖買。嘩，成六百幾蚊o架，真係…波衫點值咁o既價o丫！不過冇計，佢咁鬼鍚佢男朋友，完全冇法。見倒佢買倒件衫o既滿足樣，真係…頂佢不順。我話佢九成平時畀佢男朋友治得好掂o架啦，咁怕佢又咁死心死塌地。欣欣o的性格真係有o的似我以前o既女朋友，Josephine。

走到最後一場，真係有o的累。唔係為佐同您拿o個o的話唔要又要o既臭kit公仔，真係唔駛咁辛苦。Josephine佢仲係咁「豐滿」…點搞… @_@ 我o地上佐魚一丁度食飯，當係補償上次成套「屎尿屁」卡同埋今次成套八件臭Kit車仔，同埋聚一聚舊，講o下近況。老實講，一餐飯o既價錢肯定買唔倒我手上o既咁多o野。不過最緊要o既，係大家可以互相交流一o下嘛，唉，佢又畀佢男朋友仔蝦喇，不過都係因為佢講大話呃人在先o既…仲係咁鐘意講大話…唉…不過，女人不外乎都係想要一個可以陪佢但係又唔會成日管住佢o既男人嗟…唉…畀心機啦，得得B…

>>November 18, 2003 at 10:46:25 AM GMT+8

2003 年 11 月 14 日 星期五 【晴】

今朝要上普通話堂，唔遲得，落到中環見車就上，又搭佐104，結果早到佐十分鐘…

普通話堂都ok悶，係咁同欣欣同Carmen傾偈，佢兩個都係我o既妹，因為佢兩個都係姓李，而且仲要係大家都叫李嘉x，真係橋。

上佐兩個鐘堂，又開始做佢o地所講o既「庇護工場」工作︰整書簽。悶悶o地，下晝再同Raymond、欣欣同埋Kiko做supervision。原來Raymond本身係咁多苦衷o既，真係唔講都唔知，不過如果佢早o的講就唔會有咁多問題啦…不過…有o的o野又真係講出o黎好尷尬o既…畀佐好多advices佢，希望佢會有進步啦！其實我o地呢o的做大o既，真係當佢o地成班都係仔仔女女咁o架，冇法啦，鬼叫而家係做大o既咩！

不過我一向o既宗旨（就算係見工o個時），都係以同佢o地做朋友為出發點，出「軟工」，大家互相尊重，從而搞好個組。好似A乜lan o個o的咁o既管治方式，根本唔當o的細o既係「人」咁看待，又點會有人尊重佢同聽佢支笛o架…Kitty又係「林」到死，畀唔倒一種「壓場」o既感覺班細o既，班友仔就緊係成日作晒反啦…好在，直至而家為止我o個組都未有一個人係畀公司炒同埋做得唔happy嫌人工少而走佐，亦都冇話好抗拒公司o既政策，或者好多人事關係問題。可以的話，我希望佢可以續我約到三月十四日，等我可以睇住佢o地走，唔駛做到二月尾就丟低佢o地就咁走佐…唉…可以嗎？

感謝主，畀佐我一班尊重我同合作o既同事。

夜晚，因為約人食飯o個度改佐，而屋企又冇人煮飯，所以索性出旺角陪您食飯，去佐間唔好好靚o既花園餐廳，不過又畀我bad list佐，因為呢間o野唔係好乾淨，o的鐵板有一陣臭味o架！

行佐一陣街，同您睇notebook，原來您想買部新機等屋企可以上寬頻…行佐陣，又睇o下錶咁，咁又十點幾，最後陪您買早餐，買佐一條中大間百佳冇得賣o既瑞士卷，就係o個條我同您一齊揀o既瑞士卷喇。

>>November 18, 2003 at 12:01:33 PM GMT+8

2003 年 11 月 13 日 星期四 【晴】

星期四，又要落區喇，今日我選擇佐搭地鐵，因為我覺得香港o既地面交通唔再信得過。預佐八個字時間落中環，結果早佐兩個字就到佐香港站，嗯，地鐵，果然係守時之選。

因為下晝要上英文堂，所以十二點幾就要離開中環返中心。最鐘意就係朝頭早o個節落區o架喇，因為遲到又唔駛畀中心記名，而且又近o的可以遲少少先起身，仲可以偷少少懶早o的收工返中心，真係正。

下晝o既英文堂都ok啦，個game都幾好玩。不過玩玩o下又要搞o的行政上o既o野，再同Kitty傾o下點樣管班馬騮，結果上少佐個幾鐘，但係冇乜所謂啦，反正個先生教o既英文都唔係咁實用…

夜晚就再同班友仔去佐灣仔間Neway唱K，但係只係得我、欣欣、聰、澤、Mandy同阿堅六丁友去唱，Carmen就因為上晝吹佐半個鐘頭風而病佐，Marco又話要扮乖仔，伍蚊又話冇錢… @_@

頂o丫！兩個果盤加四碗nuts居然要三百幾蚊！真係火！又bad list佐呢間o野先得！雖然係自助餐嗟，但係都唔駛o係倒屈晒錢呀嘛！而且o的所謂o既自助餐又難食到死，三文魚冇魚味，青口「淡戊戊」，o的雞翼又唔入味，o的涼粉咸o既…又話五十九蚊位，點知要每人百二蚊先落倒樓，真係火！臨尾隻歌又cut埋唔畀我o地唱！佢xy！以後唔駛旨意我o地幫襯！

最後一點幾先返到屋企，兩點鐘先有得訓…zzz…

>>November 18, 2003 at 10:47:09 AM GMT+8

2003 年 11 月 12 日 星期三 【颳風】

嘩！今日好無聊呀！

頂佢個肺o丫！今日返工落中環o個段788居然只係少少塞車，去到中環又即刻畀我見倒架5X，搞到八點半先畀媽媽叫醒、九點一先出門口o既我，居然九點七就返到西環…真係…唉…

之後返到去又有o的濕x o野要做，就係摷返十月o既簽到記錄睇o下邊個遲到幾多然之後寫落個表度… @_@ 足足搞佐我成朝先搞掂…而佢o地班友就負責做o的謂「人手製作」o既書簽…其實個款望落一o的都唔靚，仲可以話係好cheap，不過你又唔好理，社聯同旅發局o個班pk又受喎，真係吹脹。

下晝又同呀聰做佐個supervison，同埋編下個禮拜o既roster。個Raymond勁唔合作，人人都揀星期一下晝dayoff，佢就偏偏要揀星期三下晝dayoff，真係吹脹，係咁同佢講都係要堅持返星期一，因為佢星期三晚個考試多o的o野要溫… @_@ 大佬呀，我都off邊個睇住你呀？唔通又畀你戇居居坐o係度溫書呀？！！最後唯有用o的權力搞掂佢…真係麻x煩。

>>November 16, 2003 at 2:11:25 AM GMT+8

2003 年 11 月 11 日 星期二 【颳風】

今日都幾晏起身，起佐身就入粉嶺，去探健健o既媽媽。買佐好多生果畀佢食，佢又扎返廿蚊利是畀我，之後仲係都要我同佢一齊飲埋個茶先畀我走… @_@ 結果搞到我遲佐五個字先去到中環…遲到，罰錢…要畀廿五蚊…

好平淡咁過佐兩個鐘，見今日大家都冇乜心機咁，就同佢o地傾多兩句，冇好似平日咁行咁多個圈。Raymond今日居然冇帶衫開工…真係…唉…

好快四點過o的就收工，因為要趕住去何文田YWCA九龍會所Traning。佢xy o丫！一路行一路都唔見有站，結果五分鐘之內見住有兩架113走過都上唔倒，結果白白等佐成半粒鐘先有車！真係火！呢o的乜巴士o黎o架！

結果去到何文田都已經五點半喇，得返半個鐘頭，仲要食晚飯o架！其奇揀佐間麵店食o野…嘩…o的o野淡到呢…好鬼難食。之後連續上佐四個鐘頭堂，題目係咩「個人形象建立」，但係又唔見得條友講佐o的乜o野咁同形象有關o既o野，同上次上堂講o個o的o野都係差唔多。結果去到最後o個半個鐘都係頂唔順訓著佐… @_@

上完堂再同班友仔去返旺角宵夜。每人五十二蚊，但係o的o野都幾唔ok…下次都係去廟街食喇。

>>November 13, 2003 at 12:03:42 AM GMT+8

2003 年 11 月 10 日 星期一 【陰】

星期一，已經早佐三個字出門口，但係唔知點解都只係可以準時去到返工o既集合地點︰香港站D出口…香港o的地面交通，真係…唉…

今日只有呀伍蚊遲佐五分鐘咁大把，成班人都屈服o係罰錢制度之下…結果十點三左右全部人都已經開晒工喇！真係好！今日依然只係包圍國際金融中心同埋交易廣場o黎企，中環中心都係遲o的問清楚先開始搵人企喇，廢事煩，而且o的單張都幾乎派晒，而上個禮拜Kitty o個組做o既書籤又畀旅協reject佐，真係吹脹！又係o的廢人囉，要人handmade又要人做得專業，真係多舊魚o既。

下晝都冇乜o野做，我就同Marco同敏敏做佐個supervision先，其他人就o係度hea同埋做個紙上遊戲…唉…好心畀多o的o野我o地做啦…咁搞法，都唔係辦法…

夜晚，因為見星期二夜晚要上機構o既training，而且聽日又返晏，所以今晚優先同您出去玩。見您唔舒服，同您一齊去佐食龜苓膏，好好味o架…您仲好開心咁添！

>>November 12, 2003 at 10:35:53 PM GMT+8

2003 年 11 月 9 日 星期日 【乍寒還暖】

今日涼涼o地，幾舒服。

琴晚好早訓，早到我都唔記得佐係幾多點，總之一食完飯就死佐上床…訓到今朝九點起身，又唔知做過o的乜，十一點左右又訓過…訓到十二點幾又起過身。

跟住個下晝就整理o下o的中西區景點o既相咁，一直到夜晚…

今日都幾好，唔駛點郁動。

>>November 18, 2003 at 10:50:48 AM GMT+8

2003 年 11 月 8 日 星期六 【乍寒還暖】

十一點起佐身，跟住就出佐去入票。今個月份糧開始扣起四百蚊強積金，得返七千六百蚊，好慘…

下晝要落區，唔知做乜上佐車之後就由落微雨變成暴雨…結果好不幸咁，o係銅鑼灣至中環塞佐好耐好耐…最後仲遲到佐十分鐘…而遲到罰錢制度亦都開始佐，每遲一分鐘罰一蚊…結果今日共籌得善款二百零九蚊，真係勁…一場雨，就搞成咁… @_@

今日比琴日多佐人問路咁，叫做冇咁悶…但係o的雨水總係落o下又停o下咁，都唔知佢想點。

六點幾就返到屋企，又可以抖o下喇…

>>November 8, 2003 at 7:10:55 PM GMT+8

2003 年 11 月 7 日 星期五 【陰】

今日開始又要落區喇…好唔掂…

晨早已經慘遭塞車之苦，約佐九點九，但係九點十一先到香港站，好在咁都未算係遲到。不過有人成十點半先到，真係等到「牛」晒… @_@

中環中心原來仲未得到人o地o既approval，搞到畀人趕…之後o係國際金融中心一期又係咁，仲要賤到企o係度都唔得，仲話條天橋係地鐵o既，又話企後少少都仲係佢地方，跟住又話黑色地台o個o的係怡和…哦。最後搞到所有人都集中o係交易廣場，仲要連呢個最後o既據點都畀人趕…結果都係提早收工喇…

頂！好心啦，呢個咁o既pk政府，pk旅遊發展局裡面o的人真係好冇腦o既，中環商業中心區，全世界人都行得快過火箭，邊度搵遊客出o黎問路？戇x o既！我都唔明點解完全冇approval都可以叫人落去同佢駐守，真係好x戇y呀！可以諗埋晒o的完全冇人好o既地方做景點，呢班人真係好o野！跟住如果畀人投訴o個陣時又話我o地o的人質素差，但係佢又唔知自己戇x，編人去o的冇遊客o既地方。咁冇o野做就自然會傾偈，自然係面無表情，自然係企o係度o架啦…大佬呀，唔通要人好似罰企咁一句聲都唔出咩！而家校長室門口罰企呀！低能！

>>November 8, 2003 at 11:57:37 AM GMT+8