2004 年 6 月 3 日 星期四 【酷熱】

又放假喇！係咪好得人驚呢！呢間公司冇o野好，係勝在多假放。

下晝同婆婆去睇醫生，今次個醫生唔同佐，換佐個後生o的o既，又細心o的，又好人o的，唔似得之前睇開o個個咁，次次都係頹睇！

好快就睇完醫生，拿埋葯，但係都要等到四點先有車載我o地走… @_@

休息…

>>June 5, 2004 at 4:43:46 AM GMT+8

2004 年 6 月 2 日 星期三 【酷熱】

返B就係有樣好，可以訓到晏一晏起身都唔駛怕遲到！

今日十二點四先上到118，城巴，好正，極速！結果都係早佐半個鐘返到公司… @_@

班友對於我今日居然仲返到工同好精神咁覺得好意外…哈！返到去做埋淨返o個半份customer request，估唔到7座一個五月都可以有成百項咁多，真係copy and paste都copy到手軟…再做o下o的濕碎o野，又收工。

今日係傻頭傻腦o既Tony最後一日，估唔到佢咁快就走… @_@ Ken仔都話想走…o下…唔好掛…難得有一個咁friend底喎…冇錯，呢份工係有o的無聊，但係總算冇乜壓力o丫，只要記住o的客鬧o既係間公司，而唔係自己，咁就冇問題o架啦…不過呢份工確係有太多濕x o野要做o既…又學我老細話齋︰「條村開得唔好，呢客咪有少少o野搞大去囉…」唉…畀心機啦！

>>June 3, 2004 at 12:32:03 PM GMT+8

2004 年 6 月 1 日 星期二 【酷熱】

放完孖day之後，真係特別唔想返工o既…好在，今日係返B。

早佐成九個字返到去呀…十二點鐘出門口實在太早喇… @_@ 因為中午呢段時間根本唔會塞車o既。

返B更都幾慘，原來係冇乜時間落MO做其他o野o架…積埋o個o的住戶證都唔知幾時出好…

今日又開無聊例會，又係廢話連篇o個隻…o徙晒o的時間。

做B更都ok嘆，原來夜晚o的時間都幾好用，雖然一定要留o係座頭度，但係可以用電腦做o下o的paper work，今晚好努力咁成佐半份customer request，聽晚繼續做。

放工就同Trevor、Billy仔、阿Ken、Coffee同埋MO條廢人Eric去唱K，好好玩呀！我同Coffee、阿Ken係咁猜梅同玩骰盅，結果我同阿Ken係咁喪飲飲到到晒頂。實在太開心喇…不過…原來我今日係五點半食飯囉，唔怪得之飲到嘔o個時淨係得o的水嘔出到o黎啦！搞到要十三接我返屋企添… @_@

>>June 3, 2004 at 12:21:01 PM GMT+8

2004 年 5 月 31 日 星期一 【酷熱】

有o的累，訓到下晝先起身…

今晚要返學友社，接佐幾個奇怪問題電話，亦都有五次係同一個人打o黎但係冇出聲就收線… >_<

好o野！今日係第一次o係偉邦出糧， 不過得六千幾蚊咋… @_@

好快又六月，聽日開返B更，但係時間改佐返下晝一點半去到夜晚十點半，好定唔好呢？不得而知…

>>June 1, 2004 at 10:20:07 AM GMT+8

2004 年 5 月 30 日 星期日 【清涼】

今朝八點幾就要起身，因為約佐九點半o係中環等，要搭船入長洲…

今日樂施會義賣樂施米，而我o既工作，係同個樂施會職員，一齊入長洲，拿返o的物資出o黎… @_@

今日超級熱，個太陽未停過…入到去佢o地又未賣晒，等多半個鐘先執o野，結果就係要拿返四箱米（390包），同埋三個大o既紅白藍袋出中環… @_@ 我o地得兩個人…好在有好多人幫手…o的o野真係…好重呀！！！

搭十一點半船，十二點半先出到去。雖然熱，又冇冷氣，但係都訓足成程船…zzz…

成個下晝就留o係銅鑼灣區活動…好熱呀…

>>June 1, 2004 at 10:09:35 AM GMT+8

2004 年 5 月 29 日 星期六 【酷熱】

今朝原來校錯鬧鐘，不過好彩五點九都起到身，返工冇遲到。

今日真係好多o野做呀…o的o野好似做極都唔完咁，樣樣都濕濕碎碎o既…又要上樓同個住戶影相睇o下佢o的喉生鏽咁，最衰就係星期日、一放孖days，如果唔係都唔駛咁樣走來走去…頂…五點半先走得… @_@

早我少少返工o既JPA Tony唔做喇…佢自己話舊公司請返佢，但係我聽小道消息話佢係畀佢o個座o既小隊長阿Wing話得多（好似話佢蠢…），所以先辭職。都好，橫掂同佢都冇乜兩咀。

終於都拿到保安員證，好o野！

放工約佐十三，遲晒大到… @_@ 對唔住，要您次次都呆等我放工…返A更真係辛苦，一入夜就開始累… @_@

>>June 1, 2004 at 10:22:52 AM GMT+8

2004 年 5 月 28 日 星期五 【乍寒還暖】

今朝一起身就已經係六點半喇…即刻打電話返公司請假，以錢o黎換假期。

今日唔知做乜真係好死累…下晝見冇乜o野做，就去輪街症拿醫生紙，點知柴灣o個間兩點o既籌十二點八就已經派晒… @_@ 真係誇！唯有再晝o的落筲箕灣馬會睇…

四十五蚊，一張醫生紙，仲三日葯，真係抵。醫生話我有o的感冒…嗯…我都覺係…

>>May 28, 2004 at 9:56:25 PM GMT+8

2004 年 5 月 27 日 星期四 【酷熱】

又係返七點，今朝個司機怪怪o地，架車慢之餘，仲見個司機成日「卒」個(車太)盤… @_@ 而家玩賽車咩…差o的畀佢累到遲到。

又係好悶…一個朝早可以畀我睇晒所有upload o係hk.yahoo.com新聞o既港聞… @_@

放佐工同十三去睇《明日之後》(The Day after Tomorrow)，都ok好睇o既…環保片，條橋都幾無聊，但係勝在特技玩得好。

睇完戲返到屋企，好死累呀…真係o係邊都訓得著…奧海城露天廣場、118巴士…zzz…

>>June 1, 2004 at 10:23:15 AM GMT+8

2004 年 5 月 26 日 星期三 【晴】

是日休息…

zzz…狂訓一day…

哇哈哈！

>>May 26, 2004 at 11:38:25 PM GMT+8

2004 年 5 月 25 日 星期二 【酷熱】

今日本來都應該係同Simon拍拖更，但係無端端一個電話，佢就要去8座喇，留低我一個人自己坐o係7座…仲未有保安員證，就已經要自己一丁友坐o係座頭，呢間公司真係過癮…仲教我o地話如果有人查，就話我o地係做顧客服務，如果有保安工作，會call保安員做。哦。

火呀！本來聽日放完假之後係返B更o架，唔知點解而家又畀人改佐連續三日都要返A更！火呀！小人當道呀！

今日成日都無無聊，睇o黎以後一丁友坐座頭都係咁悶o架喇…唉…死梗喇…朝朝淨係同o的裝修工人、送貨工人係咁登記…好鬼死悶呀！！

放工前又開例會，聽埋o的無聊o野。放工前見之後冇乜o野做，所以仲要o係公司四圍騰，結果幫人頂位去廁所、吹o下水、又覆o下客電話咁就搞到五點半先走… @_@

放工之後就同健健、Benedict同埋十三一齊食飯，傾o下偈咁，但係間餐廳o的o野食就唔多o岩口味，唔會再有下次。

----------------------------------------------------------------------------------------------------------------------------

白羊座

你最好係：你份人做事積極、非常有活力、在團體中屬於行動派, 只要你想到的，便會義無反悔地先作出行動，至於結果如何，只有天曉得！你其實又是勇氣和進取的象徵，不怕強權，亦不怕惡勢力，做事很果斷兼具自信，又有能力接受新事物。對於你的朋友來說，你是一個非常有義氣的人，講得出做得到，交托給你辦的事，一定不會失望。要有一場可歌可泣的短暫愛情，你絕對是一個好對手，你的愛火辣辣得可以令甜心溶化，同樣地要恨一個人，三分鐘都嫌多。

你最唔好係：白羊人好聽一點叫坦白率直，直接一點叫簡單，說話唔經大腦，所以常常禍從口出而不自知！加上自信心太強，以為自己認為的便是真理，抵打！做人缺乏耐性、又易發脾氣、做事又欠計劃、又浮誇、又粗心大意……感情方面，無論你多大年紀，都希望擁有一個像童話故事般式的戀愛故事，之不過得到之後，你的來得快去得快的愛情態度，真真令身邊的甜心擔心死！……唔認？當然，白羊人怎會喜歡給人這樣數臭，看到這?，還不大罵：「都唔準！」，即時掉低此書者，肯定你是典型白羊人，恭喜，恭喜，以後睇書不妨淨係睇白羊座，因為其他月亮、金星、木星都唔見得好能影響你的性格！但承認有此缺點者，改者未為晚也！

>>November 10, 2005 at 10:41:18 PM GMT+8