2003 年 11 月 26 日 星期三 【晴】

晨早又返工，返到去佢o地做書簽，傾o下偈咁，我就又煩o下o的行政o野同打埋份note印畀佢o地。

之後四個supervisor同呀嫻開會，講佐好少o野，基本上除佐講之後落SOHO區蘭桂坊o的o野，就乜都冇。呀嫻無端端話我上個禮拜五開會訓覺。嘩！咁都得？條x樣Jamie居然係背後講我o的衰o野！！我即刻認呀，仲問邊個報串咁衰仔呀？呀嫻話總之有人，於是你不仁，我不義，係你x我先o既，我唯有以彼之道還之彼身，我就加多句話︰「係呀！呀Jamie o個日都有訓喎！」哈哈，祝你好運啦老兄！玩報串！自己都未做好就唔好學人督背脊！

好似一個聖經故事話齋，有一次有班長老咁o既人拉佐個犯姦淫o既女人去耶穌度，話要用石頭擲死佢，耶穌就話邊個人話自己冇犯過罪o既就可以拿石頭擲佢先，於是o的人慢慢散水。同樣道理，所以我好少o係人o地背後插人，除非佢真係好嚴重咁犯著我，如果唔係我多數都會唔出聲暗啞底就算。

呢個世界上居然會有o的好似Jamie咁o既x人，所以話防人之心不可無，害人之心就不可有。

下晝就走佐落區睇o下環境，解釋o下四圍o的o野畀班友仔知。真係好，可以提早散返屋企。

>>December 1, 2003 at 9:35:38 PM GMT+8

2003 年 11 月 25 日 星期二 【晴】

今日第一節就落區，最鐘意第一節落區，因為冇王管。

呢次係最後一次企中環商業中心區喇，係咁先喇，高樓大廈。

下晝返到去搞佐o的行政o野，又搞o下書簽，教o下英文，又教o下班友睇地圖，溫習一o下中環o既情況，講o下點用英文點人由蘭桂坊或者SOHO區落佐中環各個地方…為o既，只係準備呢個禮拜尾要落SOHO區同蘭桂坊。大家要畀心機喇，我o地組係最top o架嘛，唔可以衰畀人睇o既！

放工之後就同您去街街，o係紅磡火車站o個頭行佐陣，就走佐過去黃埔，好多年冇去喇。買佐飛睇《豪情》，再去大家樂食一哥火鍋。都ok好食o既，仲有碗仔翅。睇完場戲都成十二點幾…行呀行呀，終於都返到屋企…啜啜~~~

>>December 1, 2003 at 9:22:57 PM GMT+8

2003 年 11 月 24 日 星期一 【晴】

九點幾起身，搞佐陣沖個涼十一點先出門口。

一o野飛落佐敦，幫亞辛問本書，點知冇貨，仲話要等兩個禮拜…冇法，唯有再落旺角問多一間，呢間之前o個次買話佢冇入過貨，不過冇法，上次幫襯o既商務都冇貨，一定要搏一搏。

去到間o野，一開波佢睇佐兩o野就話冇，我叫佢摷o下個ISBN，佢又唔肯，o係個書架度摷多兩o野就摷倒。有o的「巢」，我問佢拿過本，條友o的態度真係差到呢…

買完再飛104返西環寄佐本o野，個郵差懞o下懞o下咁，o徙晒我o的時間。書連郵費一共港幣三百五十蚊，記住入錢落我個恒生戶口︰290-145705-882！

o係郵局搞佐三個字，好在最後返工都冇遲到。

一返到去又逼住上西環村，做書簽同教o下英文咁，今日講街名，研究o下咁啦，又講o下o個份英文o野，玩o下role play咁，再教一o的問路同指路o既技巧咁啦…之後又要飛落何文田training…好悶…好累…完佐之後冇食宵就返佐屋企。

>>December 1, 2003 at 9:06:29 PM GMT+8

2003 年 11 月 23 日 星期日 【晴】

琴晚打通宵牌，九點先返到屋企，返到柴灣仲去佐投票，之後一返到去就上床訓佐。

訓到夜晚七點幾先識起身食飯，食完飯洗埋個碗出去會一會超人，咁就一day。

返到屋企，就準備o的英語教材畀班友仔。好在聽日返下、夜，整完仲可以訓晏o的…不過聽朝要去同亞辛買書…唯有叫佢嗌我起身…希望佢唔好失憶啦… @_@

>>December 1, 2003 at 8:52:39 PM GMT+8

2003 年 11 月 22 日 星期六 【晴】

訓到晏晏先起身，起佐身食飯再返中大，順路去o的圖書館借書準備英語教材。跟住就即刻去您宿同您整o下電腦，同部新notebook裝softwares，搞到差唔多六點先走，之後再幫您抬部機返屯門…搞到成七點幾先由屯門搭960返落銅鑼灣。

電話又冇電，千辛萬苦先可以同班友匯合。今晚係曼聯對布力般，我、欣欣、聰同Marco一齊上佐bar睇。雖然布仔係輸波，但係打得都算ok，輸二比一，好正路。睇完波再上佐間雀館打牌，打到第四圈，Gary先o黎到，佢就接欣欣力，我o地打到朝早九點先走。打完十二圈，贏佐百七蚊，o岩o岩就係今晚飯錢同埋房鐘錢…

呢間雀房都幾舒服，招呼又好。只係唔知點解打打o下牌廁所度門自己反鎖佐，真係邪….

食佐舖奇牌︰十三么…

>>December 1, 2003 at 8:49:49 PM GMT+8

2003 年 11 月 21 日 星期五 【微冷】

今日又要返三節喇，都幾無聊。

約佐o的人九點半去到修頓，因為今次個會係唔可以遲到o既，遲到會影響公司形象。好好彩，雖然有人遲晒大到，但係總算o係十點鐘之前全部人到齊，可以入去開會。

嘩，呢個會，不知所謂到呢…無端端要成幾百個中西區同油尖旺區o既TDAs走埋一齊，又求其搵兩個女人出o黎做主持，o係出面講廢話，但係呢個係運動場o黎o架大佬！o的回音勁到根本完全聽唔清楚佢講乜，真係搞笑。結果我就抖抖先，訓佐一個鐘左右。訓醒起身見o個兩件蛋散仲未講完，而四周圍o的人又只係傾偈同做自己o野，就捉佐Gary過o黎傾偈。傾呀傾，傾到差唔多食飯，Gary就過返聖公會o個邊。

食完飯，個會仲有下文。嘩，救晒命！咩q會呀…又搞埋晒o的無聊分享大會，訴心聲、講成功…好嘔心。一返到去，Jamie就話叫我叫班友唔好玩電話、傾偈同睇書。哦。大佬呀，佢o地呢班好話唔好聽係所謂o既「讀書不成」，叫佢o地坐定定o係度做埋晒o的咁o既o野邊有可能呀？求其叫佢o地靜o的，訓o下覺唔好嘈住想聽o既人咪算囉！條友係要搞事，又話我訓覺唔o岩。哦！你訓就得，我訓就唔得。哦哦！之後我同佢講我就搞佢o地唔掂，要掂佢就自己搞掂去。一腳踢返個波畀佢，爽。

之後分享時間，要我同Kitty出去講，咁我o地就求其拉埋Marco同呀楠出去講。好無聊。我o地四個o係下面望上去…嘩…搵x聽咩！根本就冇人o係度聽緊。求其叫佢兩個分享o下，我同Kitty再講返前日特登返中心開會o的o野就收工。臨完之前Marco特登擦o下Jamie鞋，好似勁歌頒獎咁話多謝佢…條pk即刻笑到四萬咁口！佢xy o丫！咁我當然係不忘我班組員咁關照啦！

講完之後到個女人回應，佢xy！乜都話唔關佢o地社聯o既事。唉！一早知啦！呢班x人有責一定卸o架喎！唯有答「哦」o既嗟。明知呢o的所謂o既「激勵大會」根本係廢o既，o徙x我時間。

等個女人講完之後，諗住去個廁所，點知突然走個乜q明愛呀鋒出o黎，話佢之後會守我o地而家企緊o個度，根住問長又問短。見佢個樣xx o地，都唔忍心玩佢。講佐十幾句，再交換埋電話，收線。

去完廁所返去坐，Jamie居然單打我o地同我o地講︰「搞掂拿？」我挑！條x樣緊係以為我同Marco去佐抽煙啦！佢xy o丫！我o地呢o的公私分明，呢o的咁o既人以小人之心度君子之腹，真係冇佢咁好氣。對唔住，我對你做唔做得o野o既評級又要降低。廢人。

完佐個會之後又要仆過何文田上堂。好悶。上完堂再去返上次旺角間o野食宵，您都一齊去，玩得都ok開心啦~

>>December 1, 2003 at 8:30:11 PM GMT+8

2003 年 11 月 20 日 星期四 【微冷】

星期四，因為琴日返佐一節，搞到今日又係返一節…唉…o徙時間…

今日o的TDA新聞終於都見報，係東方同埋太陽呢兩份屎忽報，o的批評好唔中肯，不過算罷啦，都係一笑置之。返到去上英文堂，好多空閒時間，因為今日個老師要做individual assessment，所以冇乜時間看住成班人。不過今日都幾好，可以同Kiko、Shirley、呀君咁傾佐好一陣偈，居然仲多多少少同基督教有關添，所以都咪話唔邪呀…

上完堂之後，呀嫻突然間話聽朝唔駛上普通話，因為要改去社聯開個唔知乜會，仲要朝頭早十點坐到下晝四點添…搞乜呀又？

返屋企之前，經過銅鑼灣，就走佐上去商務，一來要幫郵差搵本書，二來要搵o下有冇o的tourism o既英文書可以買o黎用，因為下個禮拜我o地就要落蘭桂坊同SOHO區，呢兩個地方都係超級麻煩o既地方…唉…點死？

>>November 24, 2003 at 1:49:37 AM GMT+8

2003 年 11 月 19 日 星期三 【陰】

救命呀，今日返到去真係好無聊，根本冇o野畀我o地做。而我就搞埋o的行政上o既事。

最後兩個鐘，公司畀機會o的細o既發表o下對落區o既意見。其實講來講去都係三幅被，最大o既問題係點樣可以幫倒佢o地「突然之間」提高英語同國語水平…談何容易？老實講，英文唔好，佢o地就唔敢主動埋o的遊客身，唔埋o的遊客身，即係就咁企o係度，就咁企，又好難話唔畀佢o地傾偈。

好無間，好無奈。唉…

另外，今日亦都生佐一件奇事，就係呀嫻話星期一o既十二點幾見倒呀聰o係西環出現，仲要同佢打招呼。邪爆啦！明明o個朝全部人落佐區，我亦都一直o係每一個景點行來行去，從來都冇發現過呀聰佢行開過。另一方面佢o個日o既partner呀君亦都可以實明佢冇行開過，其他組員亦然。我完全唔明點解呀嫻可以一直堅持自己見倒呀聰o係西環。o係中環落西環大大話話都要成半粒鐘，來來回回都要成粒鐘。搭的士快極都要用二十分鐘來回啦，邊有可能呀？更何況呢日因為少佐兩個人開工，得六個位置要去，我就巡得更密。我相信我對眼，相信組員所講o既，更相信呀聰唔會咁冇o黎「搭霎」。我所有組員都咁聽話，就算話要行開都會單聲，我亦都唔會唔畀，根本就冇偷走o既理由。雙方繼續堅持只係口同鼻嗌，事件最後不了了之…

呀聰，撐你！

----------------------------------------------------------------------------------------------------------------------------

有感而發。我愛我每一個組員，不論他們是好是壞。

早前政府推出了一個名為「旅遊發展助理計劃」，小弟亦有幸成為其中一分子，心感政府終於在我身上施以援手…怎料這班初出社會工作，還未懂性的青年人，竟然每天都受著社會輿論的攻擊，說他們未能發揮功效云云。但大家又可有留意，在這班無知的青年人裡，大部分也是剛完成中五、會考零分、全無工作經驗，十七、八歲的小伙子。

政府只為降低失業率，急速地推出這個計劃，卻只提供很有限度的在職培訓。社會上的人士全不知情，只知納了稅去支持這班青年人工作，就要在他們身上得到合理的回報，要他們操各種流利的語言，在日曬雨淋的街道上照顧來自世界各地的旅客。你說談何容易呢！

這班納稅人可有想過他們的背景、學識和工作經驗？青年人總是充滿活力的，要他們成熟地工作總要給一點時間，讓他們學習正確的工作態度。當然，樹大有枯枝，總會有些不知長進的青少年，只當這工作是消磨時間的方法之一，做出一連串不適當的行為。作為納稅人的你，不應單看他們的過失和放大他們的缺點。而是應該接納、支持他們，引導他們成長，讓他們重拾自信，全心全力去工作。

現今社會的黑暗面太多，政府施政混亂，經濟不景，人人自危。一班在這個動盪的年代成長的青年人，本來已經遍體鱗傷。你和我需要機會，這班初生之犢亦然。只懇求各位高抬貴手，給他們一個機會，讓他們努力地為自己爭取，在這半年的合約裡，慢慢地改變、成長。

>>November 10, 2005 at 9:08:18 PM GMT+8

2003 年 11 月 18 日 星期二 【陰】

琴晚兩點訓，今日又返晏，可以訓到十點半，真係爽。

下晝一開波就係落區，呀Raymond居然可以返佐中心，真係吹脹…咁都得？！真係提少一日都唔得…激死…唉…

因為夜晚又要去何文田training，所以又可以四點鐘就鬆人。今日個training都幾悶，不過班細o既好唔生性，係咁玩係咁傾偈，冇晒乎…究竟搞呢o的training係做乜o既？點解班友仔咁唔生性？唉…真係唔尊重出面講o野o個個，都要尊重自己嘛…唉…唯有同自己講佢o地仲係細，唔識諗…又或者，今次training真係太悶喇…

不過training之前收倒一個壞消息，呀嫻話聽日開始唔駛落區，因為佢話社聯收倒好多關於TDA o既投訴，仲話最嚴重o既係尖沙咀同中環…pk喇今次…搞乜呀？真係有o的擔心。而且聽日個dayoff亦都因為咁而冇埋…頂！真係火！明明夾到盡先得個dayoff，無端端又話要全部人返去開檢討會，搞到聽日同星期四都只係返一節，又o徙時間又o徙錢！最慘就係我o地班人自從上個禮拜一到而家都仲未放過一日完整o既假！灰到爆…乜事呀而家…個roster仲要我改幾多次呀？

上完堂去食宵，又收倒Gary o既電話，佢o係聖公會收倒風，話居然有人o係當值o既時候織冷衫！@_@ 唔係fa…出晒事，仲要即停所有落區事務一個禮拜（我心諗︰係好事定壞事呢？），唉…仲話畀人影晒相，星期四o係東方度有得睇添…唉…救命…做乜事呀？點解呢個世界會有o的人咁賤係要影人相？點解個政府咁無能搞o的咁o既職位出o黎而又畀咁少support？

好死累…煩！

>>November 19, 2003 at 3:03:03 AM GMT+8

2003 年 11 月 17 日 星期一 【暴雨】

今日係第一次返三節，冇乜o野，只係有o的累，但係第三節上堂都訓佐…

晨早溜溜要落區，搭地鐵遲佐兩分鐘，今日呀Wing病佐冇返，呀敏又畀公司安排去見咩海關…結果得十二個人開工，仲要有幾條友仔無心戀戰咁… @_@ 今日好大風，又有o的雨水，要佢o地咁企法又的確係慘o的o既…不過大家都好合作，企到差唔多時間就走人。

點知返到西環冇房用，逼住要上西環村。過埋今日，就連o的「庇護」o既材料都用晒喇…唔知佢幾時先肯補充…結果下晝有一半時間係班友o係度自己hea，而我就同Carmen、呀堅做埋個supervision先。仲差三個先至全部人做完一次…唉…真係辛苦…講到口水都乾…

食完個麥當當，再去高街上堂，今日個talk係咩健康的整全概念，超級悶，訓完又訓，九點半終於都完，返屋企，好累… @_@

>>November 18, 2003 at 12:15:40 PM GMT+8