2004 年 5 月 24 日 星期一 【酷熱】

又熱返…

今日好悶，又為佐唔好無端端加重自己o既工作份量，今日成日都留o係座頭o個度，避免進入管業處…ccc…

好悶，企佐成日…又累累o地…頹頹地過…今日真係好平淡…

>>May 24, 2004 at 7:42:34 PM GMT+8

2004 年 5 月 23 日 星期日 【晴】

好快就冇得休星期日喇…要好好珍惜…不過日過日咁星期幾都冇乜分別嗟…

琴晚出佐去同超人吹水，佢話我比之前忿世嫉俗佐，叫我唔好畀咁大壓力自己…mmm…都唔係o既…或者係因為我做o野o個時太過認真啦…

訓到點幾起身，再同十三去佐探Josephine班（其實係佢想要隻大頭狗公仔…），再o係銅鑼灣行，十三o係Sogo用佐三十蚊（因為有張一百蚊o既coupon…）買佐個細o既磨沙銀色Zippo火機，都幾靚o架…之後我就返屋企…十三就去同佢個friend去唱K，哈哈！抵死…要同o的MKs一齊無聊！ccc…

聽朝又返早，慘…

>>May 23, 2004 at 10:28:29 PM GMT+8

2004 年 5 月 22 日 星期六 【陰】

第二日返七點，今日試o下搭118頭車，六點一o係小西灣開，六點三先去到漁灣…嘩…好多人呀！六點十先去到大角咀落車，搞到要急步行返公司…

上晝留o係座頭度學o野，又問o下Warren有乜要幫佢做…佢叫我filing，但係我filing之後佢先話唔記得記低邊o的單位要覆… @_@ 遲o的我要幫佢搵返出o的單位出o黎…不過係o係電腦o的file度搵…唔係咁急，遲o下先。又學多樣o野。

之後仲上樓幫個住戶睇o下點解浴缸個塞閂佐開唔返。呢個女人o既態度唔多好，間硬揭開個塞一睇…嘩…作嘔呀！好多頭髮呀…嘔…叫佢自己清佐去先，再唔得就去「客戶服務中心」自己搞掂。

下晝要收樓，個女人又遲到又急…填完份表話用自己個名登記水錶、電錶，但係後尾又反口話用佢老公個名…頂！搞到成份o野要填過！！！話分兩頭，今日收樓o個時又有另一班人約佐收另一個單位，但係居然冇人o黎幫佢o地做收樓！！打電話急call Warren，先至搵到人落o黎！佢xy！個死pk Eric啦！預約係佢做o既，編人去收樓又係佢，但係又唔會通知人，聽到佢細細聲話收樓個同事（呢條友都唔抵幫o架喇，保皇黨！）︰「居然要收樓都唔知，有冇搞錯！」哦。

條友係負責handover（收樓）o既，但係搞到o的o野一塌糊塗o既又係佢，應做唔做o既又係佢，收樓程序做錯晒o既又係佢！條x樣仲話連鎖匙都唔駛入落個禮盒度就咁成袋畀o的客就得…後尾我聽Michael講話上次就係因為佢收樓時咁做，個客唔見佐一條匙就賴公司…哈哈！真係唔駛旨意我再聽呢條x樣所講o既所有o野！

食晏o個時聽Michael講o的住戶證o既問題，原來第一批證係冇問題o既，衰佐o既係第二批o既新證，呢批證並唔可以畀部份o既card reader讀到，所以先有o的閘入到，冇o的閘入唔到…唉…死得啦！冇辦法，為佐我老細同3、7、8座o既人著想，我即時「納」晒所有舊證o係手，一定要減少3、7、8座畀人投訴o既數目！！o係呢度做o野，冇辦法唔可以「各家自掃門前雪」。

四點放工前仲要覆個麻煩客朱先生，又係o的投訴…頂佢個肺o丫！最後再搞埋o的雜務，五點半先走得… @_@ 不過冇所謂，因為…我要上位！！！

>>May 23, 2004 at 9:10:34 PM GMT+8

2004 年 5 月 21 日 星期五 【雨】

絕！原來PA同JPA o既分別，並唔係五舊水咁簡單！！！原來佢o地人工得五千幾六千蚊！！！！咁o既價錢請個大學生，而佢o地又肯做，世事真係無奇不有。

今日開始返A更，五點三就要起身，五點九出門口，不過發覺原來五點八同五點十一先有N118由小西灣開，六點一就有第一班118…嗯…其實搭118都得o既…N118又貴o的喎，咁早返到去都係冇用…仲可以訓多三個字先起身添…

今日死都留o係座頭咁滯，費事走落MO，以免畀人屈做無聊o野。佢xy！真係小人當道喇…今日明明放四點，個SPO Eva又屈我o地四點半全部A更留o係度開會，講就講埋晒o的廢話…pk啦！唔係你畀個客鬧你就梗係講得口爽啦！係人入幢樓都要登記，仲唔畀人罵叉到暈呀？！所以話佢都戇ngch o既！又話要認住o的電訊sales…大佬呀，佢入得o黎sale o野都唔會著晒制服咁戇x啦！點欄呀？佢話係個客個friend你都吹佢唔脹o架喎！仲要我o地每半個鐘頭打畀個客check住佢，係咪有病呀佢？！一味淨係識得話問o下o的有經驗o既人。哦。要耍o的客，經驗係好緊要，但係最主要都係食腦o既嗟！

唉…總之「七」人「七」政策，偉邦冇得救o架喇…求其儲一年經驗就要走人。呢班MO o既茂里，有事o既事候就一係卸畀人，一係就玩「呢埋」，佢老鼠o丫！

>>May 21, 2004 at 11:03:56 PM GMT+8

2004 年 5 月 20 日 星期四 【晴】

又一個炎熱o既日子…苦…

今日做終於都第一次自己一個人完成「裝修退按」o既工作，Warren係咁畀o的單我，總共畀佐三次，足足有成廿張咁多，真係激…感動…

搞佐成日，到六點先完成…真係辛苦…不過都係因為期間有太多濕碎o野畀我做同埋太多人爭用影印機！火！o個個藉住關係由「出卡大使」升上APO o既嘉慧真係超級霸道，影印機前面企滿晒人排隊，佢居然可以係咁迫入o黎話要用機先。哦。小人當道，真係冇計。前兩日已經幾乎畀佢用個活動flat files架夾死！明明見有人o係兩個架中間都係咁夾過o黎開佢要用o個行架，佢xy o丫！咁q樣，抵成間公司都冇人聽佢講o野！

聽日係第一次返朝七晚四，死梗…要早o的訓先得… @_@

>>May 20, 2004 at 10:35:39 PM GMT+8

2004 年 5 月 19 日 星期三 【晴】

今日都幾忙，一返到去諗住上座頭企一企，點知就見到前兩日幫佢拆佐廁所燈膽o個個住戶，佢就即刻叫我上去幫佢換燈膽… @_@ 換就容易呀，不過要固定返支燈o係個假天花度就難嗟…結果搞佐我成粒鐘…嘩…成身濕晒…熱死。

之後落返MO，出o下卡，call o下客咁。做o下o的文件咁…濕濕碎碎…

晏晝飯同10座o既Roger同新人Ken食飯，個Roger講o野九唔搭八，但係呀Ken都幾好傾，可能大家都係煙民啦…不過我從Roger口中知道佐PA同JPA o既分別！原來公司好衰，冇乜工作經驗o既人就請佢做JPA (Jonior Property Assistant)，即係低級過我…大家做o既o野係一樣，但係人工仲要少五百！！真係幾賤都有！

下晝三點半無端端走個walk-in收樓出o黎，又要我接手…呢個客仲急過我，收樓過程都唔駛一個鐘就搞掂。

之後再上返座頭，打o下座頭o的留言，寫o下維修單咁…結果搞到六點半先收工…

累…

>>May 20, 2004 at 10:18:19 PM GMT+8

2004 年 5 月 18 日 星期二 【晴】

今日超無聊！上晝見冇o野做，上佐座頭，點知無端端又話要上堂…

聽埋晒o的公司介紹、防貪同埋ISO，真係眼訓到嘔…第一part條友講完仲走過o黎串我，話琴晚係咪當夜班，我答佢我食佐葯。佢又再串我唔好返工。哦。咁o既態度做CS，仆直啦！

真係要聽到放工…臨走前仲要有個客話o的低能住戶證入唔到升降機大堂同埋club houses，真係麻q煩…扮晒high用智能卡，點知變佐「低能卡」，吹脹。

>>May 19, 2004 at 2:08:37 AM GMT+8

2004 年 5 月 17 日 星期一 【酷熱】

今朝一早返到去就畀Ivan叫佐上樓幫個住戶換燈膽… @_@ 熱到…成身濕晒… @_@

搞完呢單o野就幫9座o的住戶證scan相，仁至義盡，o的證你o地慢慢做啦！

食完晏，無端端又要將好多住戶o既文件入返落o的flat files裡面…搞佐我成個幾鐘，真係煩！之後上佐座頭一陣又話要幫手收樓。不過咁，我寧願可以去收o下樓，都唔想留o係個office裡面做呀四。

所以話小人當道嗟…同一個時間四點半居然可以有三宗收樓，好心佢就約開o的o的時間啦！邊q度無端端搵咁多人o黎幫手收樓呀？唔係你做你就梗係約得輕鬆啦！乜都徙晒畀人！火！

今日個客都幾好人o架，收完樓都差唔多收工喇…今日要準時走，因為要返學友社。

今晚比較少人打上o黎學生專線，因為而家考緊會考…等佐好耐終於都接電話，呢個client好有毅力，真係勁！

>>May 19, 2004 at 1:21:14 AM GMT+8

2004 年 5 月 16 日 星期日 【晴】

點解我會係出賣者？點解我唔係信心保證？

七點半醒佐一醒，訓到十點半又醒，見心情突然之間唔係幾好，食o的o野就又再訓過。訓到一點半又醒，醒完又訓，訓到兩點半唔想再訓，因為點訓都係醒…

成個下晝都o係度hea，係到食晚飯之前先叫執o下o野，抹o下我間房o的塵。太懶又太忙喇，好耐冇做清潔…抹完塵，心情好似好佐o的…

唉…做人越o黎越冇癮。

>>May 16, 2004 at 10:35:09 PM GMT+8

2004 年 5 月 15 日 星期六 【酷熱】

星期六，因為上個禮拜六原來係編佐放假，但係我又唔知返佐工，所以好難得咁今日有半day放假。

朝早搞埋其他座o的住戶證手尾，又可以跟Michael去收樓。今日個客係個「厭尖」鬼，非常十分之咁煩。今日我仲學埋出泊車證，原來真係好麻煩同埋好多步驟，大熱天時仲要上上落落走來走去，公司果然係小人當道！專門編晒呢o的咁o既cases畀我o地組，離譜！

放佐工就同十三食手攪麵，之後再落佐尖咀。原來今日係唔知乜q世界博物館日，所有博物館都免費開放，太空館o的天象電影免費派飛，但係已經畀人拿晒喇！ @_@ 咁我o地唯有o係太空館行佐個圈，再去科學館。科學館裡面有個後生但係個樣扮頹o既科學講師，我覺得佢講得幾好，成功咁引起o的小朋友o既專注，有o的咁有心o既人教o野，o的小朋友真係執到。

睇完科學館之後都差唔多七點喇，去食飯，食埋個飯再過返灣仔茶餐廳睇波，見證阿仙奴全季不敗拿冠軍，真係勁。

>>January 23, 2007 at 2:59:04 AM GMT+8