2004 年 4 月 4 日 星期日 【陰】

今日好唔老like，因為係04年04月04日…

校佐十一點半鬧鐘都唔識醒，係十二點半個電話appointment o既工能叫醒我… @_@ 真係好彩，如果唔係實遲大到…考兩點嘛…

又係準時到啦，我呢o的人就永遠都唔會in time o架喇，只會on time o既嗟…一去到好彩又未開始考住，有五分鐘休息o下咁啦…頂…原來個client係我最憎o個個女組長，佢平時串串咀咁都唔知點解佢都可以做倒呢份義工o既…另外仲有個project o既主持人，不過唔記得佐佢咩名。

今次要面對o既問題係幼兒教育工作，唉…撞鬼，唔知做乜春摷來摷去都搵唔倒o的資料…真係摷佐我成兩個字都有呀…灰晒…跟住又唔識用本資料冊，考試又唔會有人幫o架啦…十個「慘」呀…考佐半個鐘左右啦，個主持人話我摷料唔掂…唉…我都知最難o個部分就係呢度o架喇！之後再提返o的字眼上要注意o既o野…咁，究竟合唔合格呢？真係唔知呀，佢又冇講，不過我估佢提得我咁多o野o既我估都冇問題o卦…幾時先知結果呢？

唉…衰佐…

>>April 5, 2004 at 3:28:10 AM GMT+8

2004 年 4 月 3 日 星期六 【陰】

星期六，今日唔駛見工，太好喇，唔駛急！

訓到點幾超人叫我出去，原來佢今日都起唔倒身返工…點知佢叫醒佐我又訓返，結果搞到成六點幾先出到o黎觀塘，陪佢食o的o野，發現佐一間車仔麵檔原來裝佐有線，居然有波睇！結果留o係o個度睇佐曼聯對阿利奴，半場阿仙奴已經輸佐一粒，見佢o的人踢得好散漫，完全唔似上個禮拜打聯賽咁勁，結果阿利奴全場都係輸一比零，冇機會贏三料冠軍lu…

九點先返到屋企食飯，完飯洗埋碗又hea o下咁，又一day。

今日搵佐媽媽幫手搞掂o的grant/loan先…mmm…真係唔好意思… @_@

努力搵工！

>>April 5, 2004 at 2:42:16 AM GMT+8

2004 年 4 月 2 日 星期五 【陰】

今朝又要早起身去見工喇…有兩份，第一份係十一點半o係觀塘。

搞到十點三先捨得起身，急急沖涼換衫gel頭，再走去地鐵站搭紅van…要等開車，仲要落埋西灣河，結果都十一點半到佐觀塘，但係要行要搵結果都遲佐兩個字先上到o個間公司…

上到去速速填表，但係都要等佐陣先有得in，好快手搞掂，又係用英文介紹自己，同答佐一個問題，之後就即該轉返廣東話喇…原來呢間o野係做大公司外判o既電話客戶服務，都似都幾大間o下咁，冇問幾多錢人工，雖然都係customer service officer，但係感覺上絕對好過PCCW，硬係覺得大公司擺架子…又要等有冇機會2nd in…

搞掂呢份之後都只係十二點幾，搭地鐵去到葵興都未夠一點，悶到嘔…下一份工見兩點半呀…好在超人今日休半晝特登過o黎陪我食飯咋，如果唔係葵興咁荒蕪o既地方一定悶得死我。

第二份工係其中一間香港大型化驗所o既assistant chemist，老實講，我就真係完全唔想做囉，只不過係手痕send o下信去，估唔到咁都有得in…又係一開波用英文自我介紹，之後居然叫我用普通話…我諗佐一陣，結果都冇講，佢見我唔講，就冇逼我。好無聊o既一次interview呀…化學，怕怕喇…咪搞我。

完事後就走返落旺角幫媽媽報名o的再培訓o既英語拼音，但係名額已滿，唯有報佐國語班先。上一代人真係同我o地呢代人好唔同，學習心態真係number one，媽媽只係遲佐幾日落名，就爆晒再有四個人o係waiting list，真係唔可以唔佩服佢o地！

搞掂之後就返屋企，休息o下先… =)

>>April 5, 2004 at 2:30:44 AM GMT+8

2004 年 4 月 1 日 星期四 【陰】

今日係愚人節喎…四月喇，幾時有工開？

訓到三點半先起身，沖涼搞到成四點半，即仆落去(魚則)魚涌太古坊o既電訊盈科見份call center o既customer service officer，準時五點上到去，填份表仲要等佐兩個字先有得見，等到傻。

兩個人一齊in，都幾過癮。但係我o既對手居然係個中五學歷o既女人… @_@ 個人事部乜乜一開波就叫我o地用英文自我介紹，於是我又當係練習咁求其是但咁講o下自己o的野啦，話晒都係用英文，講得都ok啦，不過個女人就慘喇，佢都冇乜自我介紹，係咁二咁講o下自己o的會考考成點同埋做過o的乜咁…我o的英文都唔係好o架喇，但係原來而家香港考完會考o的學生o的英文原來真係都幾差o架，聽倒佢講佐好多錯o既grammar囉…唉…真係慘，o係香港讀書o既呢一代被逼用母語教學，搞到o的學生咁…唉…

自我介紹完之後就用英文答o下問題咁啦…之後再用返廣東話。好彩唔駛講國語嗟… @_@

見佐廿分鐘左右就玩完喇，佢話要等下個禮拜有冇電話通知2nd interview，但係工作地方同2nd in o既地方都係o係沙田小瀝源… @_@ 死咁遠囉…人工就底薪七千，再加埋o的bonus之類o既o野就有八千幾…都幾奀o下…但係只係聽客戶服務電話，一年約，都唔知做唔做好…

----------------------------------------------------------------------------------------------------------------------------

愛神
古巨基

神　請你動凡心
請給我回音　你可不可轉身
知你愛世人才膽敢　誠邀你讓我等
人類太不合襯　妄想合襯
才因此傷得更深

神你可否戀上我　神聖不可侵我麼
情關得不到你相助　誰又肯被我觸摸
僧人都不喜愛我　神你不歡喜我迫我入了魔
愛侶幾百萬　誰料我蠢得竟可重覆去犯錯

人　戀愛極殘忍
分手更難堪　連傢私都要分
等我那女神來親吻　神蹟哪日發生
無論有多合襯　縱不合襯
人只想追超快感

神你可否戀上我　神聖不可侵我麼
情關得不到你相助　誰又肯被我觸摸
僧人都不喜愛我　神你不歡喜我迫我入了魔
愛侶幾百萬　誰料我永遠只可回憶我上個
纏繞到下個　重覆惡夢毫無力氣伸手去拖
怎麼可幫我戰勝心魔　難道你看不清楚

神你可否戀上我　神聖不可侵我麼
情關得不到你相助　誰又肯被我觸摸
僧人都不喜愛我　神你不歡喜我迫我入了魔
愛侶幾百萬　誰料我蠢得竟可重覆去犯錯

>>November 10, 2005 at 9:19:30 PM GMT+8

2004 年 3 月 31 日 星期三 【陰】

嘩，勁呀，訓到唔知咩咁…

下晝四點幾五點先起身，仲要係超人去到羅湖打電話叫我先識醒…佢話要去剪頭髮先，而我就o係屋企食完飯先出去陪佢食飯。條友返落o黎香港上ISO9000 o既堂，上完堂仲有證書添呀，真係正。

傾到一點就走喇，因為聽日下晝要去見份PCCW o既customer service officer，大公司，正！不過PCCW 呢o的公司出晒名係賤o既，專門呃o的員工，如果真係請我都唔知做唔做好喇…

聽日要還學費添，點好呢？唔好理喇，都係快快搵工！今晚又send佐十四封信，真係勁呀！加油！

----------------------------------------------------------------------------------------------------------------------------

來到今天
李克勤、黃伊汶

李：我路過　行李藏著太多的傷痛　那會為誰逗留盛放我笑容
黃：我也路過　既能被你感動　你都失重　為何將言詞　都鎖進在眼中

黃：年紀小　不等於我是錯　盡情活著　為何代表闖禍
李：請別來愛我　我沒法親手　又再寫多一首昨日的歌

李：來到今天　就當做記念趁著我們能避免
黃：我會勇敢跳進你的空白點
李：為何像隔開一光年
李：今天我又再失眠（黃：今天以後更驚險　都一起脫險）

李：來到今天　別了別掛念趁著結局能預見
黃：我不怕雨天　預備共你的愛　用血與淚提煉
李：如若肚餓了願你細心點　找到合適餐店

黃：我也路過　既能被你感動　你都失重　為何將言詞　都鎖進在眼中
　　年紀小　不等於我是錯　盡情活著　為何代表闖禍
李：請別來愛我　我沒法親手　又再寫多一首昨日的歌

李：來到今天　就當做記念趁著我們能避免
黃：我會勇敢跳進你的空白點
李：為何像隔開一光年
李：今天我又再失眠（黃：今天以後更驚險　都一起脫險）

李：來到今天　別了別掛念趁著結局能預見
黃：我不怕雨天　預備共你的愛　用血與淚提煉
李：如若肚餓了願你細心點　找到合適餐店

李：只貪溫暖　終於只有更加混亂　如沒有缺陷誰會堅決絕緣
黃：明明是愛著要扮到隔開很遠　若愛燒光耗損
李：世上都繼續轉（黃：世上不必轉圈）

李：來到今天　就當做記念趁著我們能避免
黃：我會勇敢跳進你的空白點
李：為何像隔開一光年
李：今天我又再失眠（黃：今天以後更驚險　都一起脫險）

李：來到今天　別了別掛念趁著結局能預見
黃：我不怕雨天　預備共你的愛
黃：用血與淚提煉（李：不可並肩）
李：如若雨未過
黃：就算濕透身
黃：亦要再遇見（李：請等晴天）

>>November 10, 2005 at 9:18:54 PM GMT+8

2004 年 3 月 30 日 星期二 【溫暖】

今朝七點先訓，真巴閉。

訓到五點先起身食o野，食完o野就等您七點半去將軍澳見完工再去我屋企食飯。

突然之間覺得好似好耐冇見您咁，見倒您、攬住您、啜o下您…我先發覺原來自己仲係比自己想像中愛您同掛住您…突然之間覺得自己好似欠您好多咁…

食完飯送佐您去銅鑼灣搭車，一直都落好大雨。返到屋企就即刻開始send求職信，send佐十幾個emails…唔掂喇，我真係要搵倒份工做喇…因為我真係冇乜錢淨喇…

聽日又要還loan喇…差唔多成四千蚊…點搞呢？好唔好叫媽媽幫我還住先呢？

哎也！點好呢？今晚我真係好亂呀…

----------------------------------------------------------------------------------------------------------------------------

好想好想
古巨基

好想好想和你在一起
和你一起數天上的星星
收集春天的細雨

好想好想和你在一起
聽你訴說古老的故事
細數你眼中的情意

好想好想　好想好想
好想好想和你在一起
踏遍萬水千山
走遍海角天涯
讓每一個日子
都串連成我們最美麗
最美麗的回憶

好想好想和你在一起
並肩看天邊的落日
並肩聽林間的鳥語

好想好想　好想好想
好想好想和你在一起
踏遍萬水千山
走遍海角天涯
讓每一個日子
都串連成我們最美麗
最美麗的回憶

好想好想　好想好想
好想好想和你在一起
踏遍萬水千山
走遍海角天涯
讓每一個日子
都串連成我們最美麗
最美麗的回憶

>>November 10, 2005 at 9:18:05 PM GMT+8

2004 年 3 月 29 日 星期一 【雨】

今日又冇做過o野，係咁訓係咁訓，訓到下晝五點先起身… @_@

今晚終於都o係屋企食飯喇！已經有連續六日冇o係屋企食飯同睇《血薦軒轅》喇！呢套片真係幾好睇。

夜晚都係冇乜做o野，諗住send o下信，但係大部分時間都係用佐o黎icq同埋打日記…

好！聽日要努力喇！

----------------------------------------------------------------------------------------------------------------------------

兒女私情
李克勤

從沒有講你知　這故事其實我知
童年就算不見得豐庶
但我所需要的　從沒你未能給予
縱使整整一季　你沒有新衣

從沒有講你知　講了就如認了輸
從前共你吵過多少次
自那一天至今　還未有被誰寬恕
也許彼此心中也是有根刺

就趁著還未遲　就當是鳴謝辭
用我歷年累積的好句子
難亦要試　詞窮亦勝過沉默至此

何解我擅於爭取旁人歡心
但不懂給你多些留神關心
我的工作愉快　伴侶都算合襯
但還未有時候　讓你開心

何解對著你不敢完全交心
問世上誰又比雙親更親
若這一秒共你　尚有話兒未說
你還在　我還是　別再空等　天已漸暗

從沒有講你知　因這話題沒引子
無從讓你親耳聽一次
沒有聲的告解　誰又會被誰寬恕
有些坦率溝通註定要刻意

就趁著還未遲　就當是鳴謝辭
用我歷年累積的好句子
難亦要試　詞窮亦勝過沉默至此

何解我擅於爭取旁人歡心
但不懂給你多些留神關心
我的工作愉快　伴侶都算合襯
但還未有時候　讓你開心

何解對著你不敢完全交心
問世上誰又比雙親更親
若這一秒共你　尚有話兒未說
你還在　我還是　別再空等　天已漸暗

就當今天投明棄暗
將想法付諸講與實行
然後說和做　兩回事
同時地讓你安心

何只要擅於爭取旁人歡心
亦必須給你多些留神關心
我這一世共你　尚有一句未說
你還在　我還是　別再空等　天也未暗

其實我不太知　因你未曾讓我知
為人父母總有些苦處
待我即使再好　情願這樣談一次
讓我今天好好坐在你身邊　這個位置

>>November 10, 2005 at 9:17:13 PM GMT+8

2004 年 3 月 28 日 星期日 【陰】

訓到好晏囉，因為好死累嘛…

起身o個時都十點幾十一點喇，又要趕住過長沙灣，今日要考試呀！

好多條題目呀，有是非有MC，半個鐘要摷咁多o野，結果做唔晒囉… @_@ 希望o的平時分可以幫補o下啦，合格就得o架喇，求學不是求分數嘛…

考完就o係學友社hea…

今晚買波三串一又係差一場中，激死！出佐去睇阿仙奴對曼聯，場波真係好好睇，兩隊係咁互攻，但係阿仙奴真係打得好o的，可惜曼聯死好命，臨尾都畀佢追返和…阿仙奴贏唔倒真係唔抵！

>>March 30, 2004 at 6:42:33 AM GMT+8

2004 年 3 月 27 日 星期六 【晴】

星期六，訓到下晝。

夜晚又同班友出去同欣欣慶祝生日，連敏敏都有到，非常難得，但係Marco就遲大到囉，約佢七點旺角cyber等可以九點鐘我o地全家食完飯先出現… @_@

之後再去佐飲o野，飲完o野就上佐波樓打桌球。六個人打佐差唔多四個鐘都只係每人夾返五十蚊，真係抵！成晚大家水鬥水，係Marco同堅堅叫做打得好o的，我就一向都水o架喇，不過今晚好似o的感覺返佐o黎，間唔中都有o的佳作…ccc…

玩到兩點幾走，又係打的返屋企，超快，真係正。

乜原來您都係桌球高手o黎o架咩？露兩手o黎睇o下好喎！

>>March 30, 2004 at 6:34:19 AM GMT+8

2004 年 3 月 26 日 星期五 【陰】

嘩…又要入元朗，今次仲要十點半…真係慘…

約佐十點半，我十點都未夠就入到元朗喇…行埋入去都係十點三，唉…是但啦…早o的見完早o的走，可以返屋企訓覺。

見個trading經理，一開波就叫我用英文自我介紹，總算過倒骨。之後佢叫我用國語講o下自己o既性格，唉…死死o地…不過即場爆肚都係咁上下o架喇…講真，我琴晚都只係上網睇o下間公司咩料，都冇乜諗過點樣用多種語言自我介紹，不過warm up嗟，是但啦…請我咪做囉，唔請我咁遠對我都冇著數。

最後又轉返廣東話答問題，問我點睇船務等等。不過我笨佐啦，佢問我有冇o野問我答冇，其實我應該反問返佢o既睇法，咁樣可以令佢覺得我對份工o既興趣大o的同埋我又可以知多o的呢行o既o野下次見工時可以拿來吹…唉…算！熱身不足，所有球隊o係季初都係會有o的咁o既問題o既。

夜晚就有波踢，超人因為唔記得帶回鄉證而滯留羅湖…真係第一次見佢咁囉…搞到我o地o個邊得六丁友…不過今晚都有大鴻去，但係都要問面借個人先可以七打七。大鴻就帶佐條女o黎添…不過條女就真係好咩囉…mmm…

今晚個地都係濕囉…打佐好耐先由個間諜開記錄，之後踢得順o的我o地再入多兩球，淨勝三比零。今晚左邊同右邊都有好多空間走位，但係成日都淨係o係中間玩波…唉…如果用埋球場o既闊度，又點只贏得三球咁少o丫…嗯…我覺得我今晚都踢得幾好，防守功夫做得都幾足。

返到屋企又點幾鐘…zzz…

>>March 30, 2004 at 6:26:44 AM GMT+8