2004 年 3 月 5 日 星期五 【晴】

三月五日星期五，香港中文大學聯合書院畢業生影相日…

明明較佐鬧鐘八點起身，但係唔知點解一醒就已經係九點九…嘩…pk喇今次…十一點實入唔倒中大…仲有o的頭痛添…

搞埋個冇gel成個禮拜o既死人頭都成十點二喇，飛落街搭118再轉火車…嘩…校巴站多人到兩架車都坐唔晒，仲聽講話而家o的校巴唔畀超載喎…唯有行上去啦…

幸運地十一點八終於都上到UC，即刻就要做「機佬」喇…係咁影係咁影，成個UC都係人…唔知係咪我個人賤格啦，就係唔鐘意呢o的所謂o既熱鬧日子，o的人無聊地咁拿o的香檳周圍見人就噴，搞到o的地方污糟晒，真係唔怪得知o的畢業袍咁核突啦，o的人玩完之後都唔知有冇洗過就還喇…呢o的咁o既情況o係浸大絕對唔會有。就算有，都唔駛旨意我出現。o的人個腦真係有o的問題。

幫您同您o的同學、朋友影佐好多相。最唔x想影o個個人都仆埋上o黎，呢條粉皮Paul Siu都唔知乜心態o既，一x日就混o係人堆之中，成日同人扮晒老友咁，其實佢又唔知人o地o係背後幾咁憎佢，成日講佢o的怪o野。完全唔想同佢影相囉，真係「影衰晒」呀…不過呢o的咁o既日子，就當係畀面您啦…

搞到兩點幾三點終於都散場，收工。之後我o地落佐沙田食酸辣麵，呢間o野好似裝修過咁，真係「景物全非，人面依舊」喇，o的侍應我個個都認得…好耐冇o黎幫襯過喇…嗯…沙田…畢竟係一個生活佐年半o既地方…由唔識到熟絡…

沙田既係一個鬼地方又係一個好地方。

我係愛您o架，您唔知道咩？

>>March 6, 2004 at 3:21:36 AM GMT+8

2004 年 3 月 4 日 星期四 【晴】

今朝要同婆婆去東區抽血，再帶返佢返屋企。

八點終於頂唔順媽媽o既猛拍門，起身。佢仲話我琴晚咁早訓都唔願起身…不過佢唔知我中途起過身嗟…

八點八出門口，行上去唔駛九點鐘就到，婆婆都未到添呀…嗯…o的「易達巴士」咁慢o架，仲收人十五蚊一程…呃錢！

抽血呢o的o野好快就掂，等十點三又坐返o個o的所謂o既「易達巴士」返北角，o的服務員都好好人，好幫得手，抵讚！之後再幫婆婆買盒齋。好過癮呀，原來呢間o野o的大盒齋（$20）同中盒齋（$15）o的份量係差唔多o架！排我前面個呀伯要盒大o既，仲慌死賣o個個聽唔倒重複佐三次，我就因為未買過，就扮到好有禮貌咁，結果我發現兩盒o既份量幾乎係一樣咁多o架…哇哈哈…

好死累啦，仲要o係婆婆度拿返三袋o野返屋企，又生果又曲奇…返到屋企食完飯再打佐陣機就頂唔順要訓晏覺，訓到食晚飯…

今晚媽媽玩肚痾，連飯都唔食…

食完飯洗埋碗又掛住玩…結果又唔知做乜搞到四點先訓…

有個好心人捐佐一億畀浸大做經費呀！浸會加油呀！唔可以畀o個三間所謂名牌大學威晒！做任何事都係o架啦，「平」、「靚」、「正」、「快」，四樣有齊先係Superb o既o野！一味有錢係咁駛，減佢少少又o係度嘈，仲搞到要打校長咁滯，有冇得文明o的呀？！以為自己入佐名牌大學就係天之驕子，簡直完全唔當其他五間小型大學o既學生係人！

呢班人已經比其他人得到更加多錢同資源，都唔會話珍惜，只係識要求多o的…完全只係諗︰「大學可以畀倒o的咩我？」而唔係諗︰「我可以畀倒o的乜大學？」唔怪得o的人笑香港o的大學生啦…硬係年年都要搞o的o野出o黎畀人笑…中文大學即係中文大學，一流學府即係一流學府。哼。

浸會，果然係一個好地方。我愛浸會，係一生一世o既愛。

----------------------------------------------------------------------------------------------------------------------------

政府削資　高等教育水深火熱
傳奇富商一億捐浸會大學

【本報訊】在大學因政府削減資源而處於水深火熱之際，在八大院校中一向處於弱勢的浸會大學，近日突獲一名熱心人士大手筆捐款一億元，是大學界歷來最大筆的捐款之一，平了長實集團主席李嘉誠在零一年捐給理工大學的善款紀錄。熱心人為南太電子創辦人顧明均，他的名字雖不為公眾熟識，但原來這位白手興家的富豪一向樂於行善，今次捐出巨款援助莘莘學子，為他本已傳奇的一生，再添色彩。

記者：倪清江、譚暉、陳健文

浸大將於今日傍晚在校內舉行一個座談會，讓師生與這位善長會晤及進行真情對話。該校昨日公布這個好消息時，拒絕透露捐款者的名字，只引述他表示，這次捐款予浸大，是要秉承其母校培正中學的精神，他亦一向關心教育和社會服務，並認同浸大的辦學宗旨和全人教育理念。浸大獲這筆捐款後，在八大籌款榜即時由第五位躍升至第四位，超越科技大學。

購口罩給醫護抗炎
南太電子在美國紐約上市，現市值約八十七億元，顧明均的個人身家估計逾二十億元。消息人士說，他雖然與亦是培正校友的浸大校長吳清輝並不稔熟，但早前透過報章報道，知悉吳校長籌款不易，而浸大又一向處於弱勢，於是決定捐錢助浸大。

顧明均對培正感情深摯，畢業至今數十年，仍願為母校出錢出力。去年他與香港培正同學會及廣州培正中學，聯手入稟法庭，要求頒令禁制由部份培正舊生成立的「培正教育基金有限公司」，繼續影射「培正」名字及校徽，同時交代因影射校名而獲得的利潤。據稱顧明均用於訟訴的費用逾一百萬元。傳奇富豪一生熱心公益，他在去年沙士爆發期間，在加拿大訂購了大批高度防疫性的口罩來港，送予醫護人員使用。

培正與浸大一向關係密切。浸大副校長（拓展）范耀鈞昨表示，培正與浸大的前身浸會學院，均由香港浸信會聯會創辦，浸會學院在五六年成立時，便借用培正中學的校址上課，直至六六年窩打老道校園落成用才遷離。

>>November 10, 2005 at 9:13:04 PM GMT+8

2004 年 3 月 3 日 星期三 【陰】

又星期三喇，陰公…今日做過o的乜？

訓到下晝三點先起身，之後落街買波，嗯…幾排唔係好中…衰乜呢？

十點幾頂唔順，上床訓佐陣，兩點又起身…深夜又係我send信o既時間，再search o下有乜好工先…個市都幾熱鬧，好多新工，我今次就企硬九千至一萬蚊一個月o架喇，唔理喇，唔係咁o既人工跟本唔夠cover我o的開支，仲要還o個十皮loan呀…仲有差Patrick o既三千蚊…突然間又好worry o的錢…唉…頂硬上！

無聊地同郵差icq到五點先訓… @_@ 聽朝仲要早起添…

>>March 6, 2004 at 2:41:09 AM GMT+8

2004 年 3 月 2 日 星期二 【陰】

好堅呀！又係訓到點幾兩點先起身！

訓醒佐就同您食個下午茶，之後各自歸家。

返到屋企抖佐陣，摷到個戲名原來係Patch Adams《妙手情真》，一定要買呢隻VCD，因為套戲好正。我問郵差有冇睇過一套戲，話有一個男人有自殺傾向，然之後自己要求入精神病院。後尾發覺o的醫生好差，完全唔係想幫o的病人好返…講到呢度，郵差就話o個個人就係佢… @_@!!

之後個男主角就要求出院，再入大學，讀醫，做佐醫生幫人…（呢個唔會係郵差呀嘛？！）

夜晚又好精神喎，結果又send佐幾封信。嗯…send得好慢咁添…

又試五點幾先訓…

>>March 6, 2004 at 2:33:49 AM GMT+8

2004 年 3 月 1 日 星期一 【陰】

訓到下晝兩、三點左右…

起佐身再hea o下，就出去旺角，會一會超人，等您七點半考完midterm出o黎。

我o地去佐新世紀明將食壽司，唔經唔覺之下食佐成二百幾蚊…真係估都估唔到… @_@

o係o個度坐到十點幾先走，之後走返落旺角摷o個隻「唔知名」又「唔知邊個做」o既VCD…摷佐三間都冇收獲，淨係記得套戲係Robin Williams做o既…您陪我摷到好唔耐煩咁，我估您係累啦，結果冇再繼續搵落去，遲o的上網摷o下個戲名先再搵過…

搵地方settle down…

>>March 6, 2004 at 2:25:19 AM GMT+8

2004 年 2 月 29 日 星期日 【晴】

今日超繁忙…

今朝搞到九點先訓，訓到十二點幾又話要去poly上學友社o既義工course。今日o既堂都唔算悶，仲有電影睇添…套戲幾好睇，但係唔記得叫乜名同個男主角個名…遲o下去搵返部戲出o黎先…

跟住仲要測驗添呀…好似都有一半錯佐添… @_@

上完堂仲要玩role play，我就最後都要做個求助者，結果搞到呀Apple都唔知點回應…組長都認同三個扮演求助者o既cases之中，我呢個最難應付…嗯…咁…我都知我呢o的死人性格係衰過人o架喇…或者今次係一個機會令我更加認識我自己，同埋可以改善o下一向不屑o既說話語氣都未定…我知我自己講o野係乞人憎o架喇，態度又欠佳…見倒成組人咁積極又咁有活力，真係覺得自己好頹… @_@

死啦，咁多人名，點記呢…

個meeting遲佐完，六點半先急急腳飛落彩虹，好在七點前都去到，超人都係早我些少到嗟…我o地食個飯就上山踢波，今日o既對手又係多次畀我o地數五波o個班…

不過佢o地今日換佐幾隻人呀，踢o黎好似勁佐好多，我上半場仲要猜輸佐守龍守佐成九個字咁滯，真係冇陰公…但係咁都幾好，因為其實今日都幾累o下…

雙方互有攻守，結果完半場前我o地終於都入波，有超人o係度隊波都打得幾生，好過同o個個乜q呀滔踢，雖然條友係有o的料到，但係衰在獨食。最後我o地雖然有攻勢，但係冇入波（可能係因為少佐粒米o係前面執雞…），對方有o的攻勢，但係從來都唔到肉。一比零收場。

踢完波，同超人落返觀塘。買佐幾條波飛之後，興起又想睇波，結果搞到四點幾先走，食少少o野，返到屋企五點幾喇…累…

之後再同郵差icq，又係七點先訓… @_@!!!

>>March 6, 2004 at 3:19:52 AM GMT+8

2004 年 2 月 28 日 星期六 【晴】

今日終於「的」起心肝send求職信喇…

今朝五點終於都幫您搞掂佐部腦，重新裝返Windows 2000同裡面o既一大堆software。訓到下晝唔知幾點，起佐身之後再搞埋o的手尾，再研究o下點解您用Nero燒唔倒碟…原來係個Nero同您個CDRW唔compatible，冇法啦，唯有裝隨機附送o既Easy CD Creator落去，再老翻佐o的softwares之後，跟住就要整埋妹妹部陳年notebook，update個antivirus同研究o下點解佢部機個photoshop會變色…

入夜之後都仲好精神，就索性改佐份covering letter，然之後開始濫發，send佐幾封o係JIJIS搵佐好多日但係仲未send，而又係聽日deadline o既求職信。是但啦…唉…總算係一個開始…

>>March 6, 2004 at 2:02:52 AM GMT+8

2004 年 2 月 27 日 星期五 【晴】

訓到十點幾先起身，好舒服…

食o下o野，又happy o下咁，最後一點鐘都係要check out，短短o既渡假就咁完結。不過畀佢屈機囉，之前又話連稅，最後又唔連稅，要人o地畀多一舊水！算…

陪您返屋企，再帶走埋您部notebook返屋企，重新裝過部機…

琴晚原來中佐波，拿返三百蚊夠畀一半o既渡假錢。哈！

>>March 3, 2004 at 7:25:46 PM GMT+8

2004 年 2 月 26 日 星期四 【微雨】

Yo Vacation!!!

下晝開始入天水圍，我o地今日去嘉湖銀座渡假。

三點幾入到去，點知您仲未到，四圍行o下，順便買多條波。點知個電話又唔知做乜自己熄佐，搞到您搵我唔倒，最後四點終於都集合喇。

今次我o地揀佐一間有開放式廚房o既套房，都幾舒服o下o架，個電視又成十幾廿個台咁多。入到房抖一陣，就出去百佳買o野食煮飯喇。我o地好好利用佐酒店包埋o既一百蚊coupons，買佐好多o野，雞脾呀、朱古力呀、綠茶呀、西蘭花呀、瑞士卷呀……等等等等…一面格價一面執，務求用盡一百蚊…哈…

買完o野就返去煮飯仔，食完飯都好晏喇…抖o下，玩o下，沖埋個靚涼，訓覺…zzz

>>March 3, 2004 at 7:06:43 PM GMT+8

2004 年 2 月 25 日 星期三 【晴】

妹妹生日，夜晚食蛋糕。

開始佐無聊o既退休生活，睇o下o的波盤咁呀，上o下網呀，打o下機咁，咁又一day…

唉…原來我記錯晒o的約會時間，點好呢？我以為係今晚要去Joseph度，原來聽晚先係真…但係原來係約佐您… @_@ 點好呢？

不過原來租天水圍銀座係咁容易o既…最後o既結果就係決定同您去渡假！

今晩format佐自己部電腦，搞掂晒之前頂佐成半年o既bugs，爽！

>>March 3, 2004 at 7:19:16 PM GMT+8