2004 年 4 月 14 日 星期三 【雷雨】

今日連踩幾場，飲到爛醉為止…

琴晚實在太過得人驚，一時間心情仲未平伏，但係今日又要繼續原先安排好o既活動。

今晚好難得，因為我、Joseph、Angel同Carol四個可以重聚食晚飯。我o地係咁將o的工作呀、讀書呀、感情問題呀搬晒出o黎講。原來個死女包Angel終於都得嘗所願，同緊佢鐘意多年o既男人拍拖…我一聽佢介紹佢男人個名就覺得好熟口面，原來真係佢…Carol就仲係同緊o個個拍佐三年拖，但係唔健康關係o既男朋友一齊…我呢…嘩，幾巴閉呀，佢o地真係唔信我而家搞緊四角戀呀，我同佢o地講有幾煩有幾煩，佢o地都冇乜辦法幫我…

o係Outback度食飯好舒服，o的o野又好食，o野飲又仕飲，哈哈…估唔到六個人食飯，佔佐三分二圍桌係煙民…

其實我都唔信星座o架，但係有好多o野真係好邪。我同欣欣都係白羊座，但係都同緊一個天蠍座o既人拍拖（白羊同天蠍係難夾o既一對…），結果係大家都有o的辛苦。一係唔講起，講起就得人驚，原來Angel同佢男人都係咁o既配搭…哈哈…祝佢o地好運喇…

食完個飯都十點幾，再落觀塘同超人聚一聚，期間媚媚打o黎話分手。我冇應承。

我唔知點做好，如果問我會揀邊個，我會答︰「唔知呀…」

結果係咁玩骰係咁飲，仲有波睇添，搞到五點幾先走，飲到死，嘔完之後開始玩流浪。

媽媽好煩，係咁問我同媚媚搞成點。哦。

>>April 26, 2004 at 1:24:37 AM GMT+8

2004 年 4 月 13 日 星期二 【暴雨】

今日係小弟廿五歲生日，過得非常之意外。

琴日係咁去玩，今日訓到下晝先起身，沖涼之後再落銅鑼灣接媚媚返屋企食飯。

無奈地，o係食晚飯之前，畀您o係個電話度發現佐佢send畀我o既sms。您質問我點解會係佢，之後就開始喊，仲話要走。

雖然留得住您o係度食飯，但係未必係一件好事。您竟然o係食飯桌上面喊，仲要攬住我媽媽喊…仲要喊住話我有第二個女人…係我o係度發緊夢？定係而家拍緊戲？我知道我o既煩惱將會接踵而來…

未食完飯，媽媽已經o係度問我搞乜？話我學人搞三角戀呀？（sorry，其實係四角戀。）鬼死咁慶，即刻叫佢唔好理咁多。之後急急腳食蛋糕，又畀媽媽串，話食完蛋糕生性。哦。

有人講過，話一段一男兩女o既三角戀之中，通常都係原配或者喊o個個會贏。

好x煩呀！

只可以向媚媚講一句︰「對唔住，我冇心傷害您。」

----------------------------------------------------------------------------------------------------------------------------

失樂園
草蜢

結果我共你　仍然逃不過
被圍攻　被捨棄
愛得驚天動地　總算運氣
無論褒貶尊與卑

愛可有定理　談情誰講理
越無理　越淒美
就算飛天遁地　萬年千里
亦決定要共你一起

苦戀註定難　我已經習慣
沿途承受不留情的雙眼
請給我負擔　叫世上人間
平凡情侶為你共我轟烈汗顏

苦戀註定難　我卻這樣貪
途人凝望中　寂靜的稱讚
請給我負擔　叫世上人間
惶惶愛侶在美麗與哀愁之間
留一線空間

已經愛定你　流亡情海裡
沒陽光　沒空氣
再多險境絕地　視而不理
任世俗繼續看不起

苦戀註定難　我已經習慣
沿途承受不留情的雙眼
請給我負擔　叫世上人間
平凡情侶為你共我轟烈汗顏

苦戀註定難　我卻這樣貪
途人凝望中　寂靜的稱讚
請給我負擔　叫世上人間
惶惶愛侶在美麗與哀愁之間

苦戀註定難　我卻這樣貪
綿綿情話中淡淡的感嘆
喜歡這負擔　看冷酷人間
何年何世　為你共我苦戀驚嘆
為戀愛平反

>>November 10, 2005 at 9:22:47 PM GMT+8

2004 年 4 月 12 日 星期一 【晴】

今日又係紅日，不過對我呢o的失業人仕o黎講，日日都係放緊假。

下晝約佐o的人出o黎聚一聚，又話同我慶祝生日，都只係得Mandy、敏敏同欣欣o係度咋！真係過晒火！全部玩放飛機…

今晚有得踢波呀，不過冇超人、冇大鴻，但係有返個keeper，而我，仲做佐輸潻罪人添…對手今日雖然話係平時o個班，但係佢o地起碼有五個人係換佐，有o的之前踢過，有o的見都未見過，踢落先知原來班新人都幾有料到，又跑得快…

第一球失球只係o係開佐波冇幾耐，因為我控佐個波畀對手度而畀佢有機會即刻輕易射入… @_@ 第二球亦都好快輸，係我冇返後補位…唉…結果球隊慘負零比二… @_@

踢完波，再返落銅鑼灣同Marco食飯吹水…其他人都失蹤晒，又話出o黎結果又放晒飛機！

>>April 26, 2004 at 12:27:39 AM GMT+8

2004 年 4 月 11 日 星期日 【晴】

下晝o係大陸都冇乜做，嘩，仲要熱到死添呀！o係街度有個牌，佢個顯示居然話有成三十幾四十度…唔係嘛…

大陸空氣差，又焗又熱…火！

提早走人，搭得火車就順路入埋馬場，睇o下o的馬仔咁，o的馬仔幾靚喎又！今日天氣太好，一入到去就揀佐最熱o個三隻串埋買單T，點知就係最熱o個隻脫腳，仲要跑尾二過終點…頂…就係呢隻死人馬，搞到冇佐幾舊水！

睇完馬仔再食埋個飯、吹o下水咁先返屋企。

>>April 25, 2004 at 8:37:56 PM GMT+8

2004 年 4 月 10 日 星期六 【晴】

趁住連續幾日紅日冇人會搵我見工，上大陸見識一o下…深圳一日遊。

下晝先開始上去，都唔係好多人咋喎，都唔駛點等，都幾爽。

今晚睇佐幾場波，其實都幾悶。但係o係呢度食o野真係好平好平，仲有原來呢度都有家鄉雞、百佳咁o架，我以為只係得麥當勞o既添… @_@

不過都係台灣好玩o的，起碼感覺都安全o的啦…

>>April 25, 2004 at 8:26:40 PM GMT+8

2004 年 4 月 9 日 星期五 【陰】

真係一起身就要頻頻撲撲咁走來走去…累死！

下晝同您拿住個攪拌機開始周圍走…先係要去葵涌見工，都唔明點解今日係紅日都仲有工可以見，電話又冇電，一丁友企o係條街度戇xx咁係咁等係咁等，真係等佐成半個鐘有多，拿住個攪拌機又唔行得遠，四圍又冇商場冇o野行，真係悶到嘔呀！等佐半個鐘都唔見您，o係街邊打電話畀您又唔聽，真係以為您出佐事添…好在，最後都平安無事… @_@

之後就走返去新都會o既意粉屋食飯，食完飯諗住同您一齊拿個攪拌機返屋企之際，又有人叫您去見工！今次係屯門o個間金屬器皿公司，您仲應承人o地即刻去見… @_@ 本來諗住我拿o野返您屋企，您自己上去見工，但係您又話您媽媽話一定要有人陪您去工廠區先得，話o個度好雜…結果六點過o的您上佐去見工，我就o係下面係咁等係咁等…o個度都幾旺o丫，並唔係想像中o既黑暗，但係見等極您都未出現，都幾擔心。其間上過去間公司門口幾次，都覺得間o野都幾光明正大，冇乜古怪。最後等到七點幾您先出現，原來要做晒test咁…吹脹。

拿o野返您屋企後就走人…累累累累累…

>>April 25, 2004 at 7:34:34 PM GMT+8

2004 年 4 月 8 日 星期四 【陰】

又有工見！yeah~~

今日約佐十點九見馬會，頂！又要我白白等佐成半個鐘有多先至有得見！眼見馬會個recep得閒到係咁打電話傾閒偈，就可以想像倒o係大機構做o野o既好處…

今次玩一王兩后，兩個都好nice o架…中英對答唔少得，但係原來呢份叫做customer program assistant o既工，根本就係一份做admin o既工，完全同customer冇關！好彩琴日同超人通過電話，佢叫我千祈唔好話自己賭錢…哈！果然有問！我死都話冇，仲吹到屋企人連六合彩都唔買，又講話咩做人要腳踏實地之類…吹到o丫…

見完工都差唔多十二點，之後就返佐屋企抖o下，夜晚再活動。

----------------------------------------------------------------------------------------------------------------------------

想得太遠
容祖兒

大慨這算是迷戀　這路程得幾分鐘真是太短
大慨你都想　去後樂園　卻怕孤單一個人兜圈

誰人在挑選　如何被挑選　如何教我結識你怎麼相戀
為何坐到那麼近　卻想得這樣遠　人浪為何會流轉

若幸運一點一早找到你　但幸運可否擔保得到你
就望著際遇舖展我的天與地　願錯亦錯得起

若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
從來未吻你　卻已學懂去被忘記

憑甚麼可以愛上所愛　我自問日夜等待
結局為何揭不開　等緣份　信緣份
我們只好相信　下集定是更精彩

大慨你正在回想　與別人剛剛分手剛受過傷
從前伴侶碰不見　你我偏可遇上　人寂寞便愛幻想

若幸運一點一早找到你　但幸運可否擔保得到你
就望著際遇舖展我的天與地　願錯亦錯得起

若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
從來未吻你　卻已學懂去被忘記

憑甚麼可以愛上所愛　我自問日夜等待
結局為何揭不開　等緣份　信緣份
我們只好相信　來來回回難避開

若命運叫我只懂喜歡你　但願亦有幸懂得留住你
如若過去我太在乎　相遇別離　請准我預備
仍然未識你　卻已幻想那份驚喜

>>November 10, 2005 at 9:22:08 PM GMT+8

2004 年 4 月 7 日 星期三 【陰】

事隔太耐，已經有差唔多廿日，要補寫返今日o既日記實在有o的困難…

究竟我今日做過o的乜？

大概都係o係屋企躲懶罷…

----------------------------------------------------------------------------------------------------------------------------

一支煙的時間
傅佩嘉

每當點起一支煙　便想起你
把煙頭彈向夜空中　沒有絲毫留戀
用你不經心表情　望著我一笑
那一刻　我知道注定難避過一劫

若你點起一支煙會否想誰
是我吧　在兩個空間　做著這相同動作
共你竟可這麼近　同時那麼遠
你走後我只有　這樣懷念你的手

用了一支煙的時間掛念誰
浪費了幾分鐘的感情　計算得到還未算太累
而你似看穿我扮強悍　我姿勢未純熟
吸了煙　呼出　眼淚

用那火機噠的一聲把快樂燃點
隨著風中翻飛煙圈消散
我亦明白　應怎打算

若你此刻點起煙　會否想誰
是我吧　在兩個空間　做著這相同動作
共你竟可這麼近　同時那麼遠
你走後我只有　這樣懷念你的手

用了一支煙的時間掛念誰
浪費了幾分鐘的感情　計算得到還未算太累
而你似看穿我扮強悍　我姿勢未純熟
吸了煙　呼出　眼淚

用那火機噠的一聲把快樂燃點
隨著風中翻飛煙圈消散
我亦明白　應該走了

>>November 10, 2005 at 9:21:31 PM GMT+8

2004 年 4 月 6 日 星期二 【暴雨】

晨早十點就要起身，今朝要去見工呀，好在只係o係銅鑼灣嗟。

其實都唔可以話係見工o既，我send佐封信去一間「獵頭」公司，佢叫我上去做個interview，做佐一o的好簡單o既自我介紹同埋對o下o的資料，再問o下我o的搵工意向…其實都幾無聊，幾o徙我時間，不過記得有個舊同學講起呢o的「獵頭」公司有用，所以先上去癲o下。

見完之後返屋企，交管理費同埋還碟，之後再展開我o既入錦田之旅。今日係做完九鐵份test之後o既interview，約我三點十分見，我一上到去就已經有三個人等緊喇！結果等佐成個幾鐘先有得in！！！火！o的大公司真係乞人憎！

入到去，係一個人事部o既經理同一個火車司機一齊in，問埋晒o的古怪問題…例如話︰「駕火車好悶，我做o的乜先可以令自己集中精神唔好訓著？」 @_@ 咁都得？我死都話點都唔可以訓o架喎，又話冇理由一面駕車一面做自己o野，支吾以對之下，我話呢條問題好難答，佢就話有機會你再答… @_@ 又問︰「如果你發現有個細路o係月台上面同屋企人失散，你又夠鐘開車，你會點做？」mmm…我話交畀月台長，佢又話月台長唔見佐，完全搵唔倒人幫手…吹到囉…我唯有屈服話為佐個細路o既安全，我會唔開車住，等有人o黎幫手，以免個細路有乜危險，影響公司聲譽。

呢份工可能會返朝早五點，或者放凌晨一點，返大圍，駕馬鞍山鐵路，兩年合約o黎o既。唔會再有interview，等通知。哦。如果請我就好喇…真係有一段時間唔駛憂柴憂米。

等interview期間，接倒學友社電話，話我上個禮拜o既考試衰佐！唉…我都知o架喇…遇著隻妖怪…不過佢話我冇心幫個client我就真係好唔服氣囉！「官」字兩把口…算罷啦…不過我又有機會補考喎…我揀佐十六號下晝五點…希望pass啦… =(

----------------------------------------------------------------------------------------------------------------------------

冤家
張國榮

你若說別戀的愛人有罪　你在妒忌他都有罪
他要得到更好　所以愛誰　你亦不忍拖下去

你若要為分手旅程怨恨　有沒有為當初慶幸
當你憎他怪他　喜愛那人　你又難道是好人

為何他只配被你選中待你好
為何他收去贈你的愛便如強盜　當天你放下
在冤冤相報中哪個才能哭訴

為何他一世被你束縛便美好
為何他一拒絕你竟會變得可怖　當天你告別我
只因碰上更好　因果報應你該知道

你若說負心的愛人有罪　往日你便不只有罪
當你給他臂彎　給我重槌　你是否敢聽下去

那日你任他的兩唇貼近　這日你若撫心再問
可有想起我的　寬恕眼神　你又難道是好人

為何他只配被你選中待你好
為何他收去贈你的愛便如強盜　當天你放下
在冤冤相報中哪個才能哭訴

為何他一世被你束縛便美好
為何他一拒絕你竟會變得可怖　當天你告別我
只因碰上更好　因果報應你該知道

當天我對你好　他這次對你差
請不要對他　再計數

>>November 10, 2005 at 9:20:59 PM GMT+8

2004 年 4 月 5 日 星期一 【陰】

同郵差玩o下傾o下再自己打o下機搞到今朝七點先訓，仲要個電話訓訓o下冇晒電，要超人打去我屋企先由妹妹叫我起身…o個時係下晝兩點。

我屋企人吹到今日下晝睇《無間道 II》囉，我估都係因為琴晚套戲o係金像獎拿佐獎先租o黎睇… @_@

搞搞o下搞到四點幾五點先出門口，先同超人諗諗今個禮拜週中o既波盤，再食飯搭車去順利。原來搭619由銅鑼灣去順利係好快o架咋，半個鐘左右，又平，真係正。

今晚場波我o係後面冇miss呀，幾勁呀，真係冇乜邊次我可以次次對方o的高波吊埋o黎我都可以準確咁迎倒，上次踢都miss佐兩次呀…嗯，要保持水準先得。

全場由細佬個friend同超人入兩球領先，完場前因為後面有誤會而畀人追返球，總算係贏二比一，今晚都踢得ok啦，不過中場都係有o的亂，同埋冇利用晒球場o既闊度…嗯…累累o地…

聽日要見西鐵o既見習車長，要溫書…但係又累…

----------------------------------------------------------------------------------------------------------------------------

自作自受
李克勤

人類已沒有習慣用冷靜去把心看透
忘掉每段故事結局只靠你的手
絕對相信有道理　離開了之後
誰留名萬世裡自有解救

期望有日決定你上我下結果怎會有
衡量每份勝負制度化　憑你共我未夠
想改寫一切際遇　掩蓋你內疚
其實已　前面沒有路走

下意識驅使我去　每日自作自受
白與黑的世界　兩極爭到最後
創造了也破壞了　最終失去自由
懲罰已受夠　落泊的四周
自有箇中的理由

期望有日決定你上我下結果怎會有
衡量每份勝負制度化　憑你共我未夠
想改寫一切際遇　掩蓋你內疚
其實已　前面沒有路走

下意識驅使我去　每日自作自受
白與黑的世界　兩極爭到最後
創造了也破壞了　最終失去自由
懲罰已受夠　落泊的四周
自有箇中的理由

下意識驅使我去　每日自作自受
白與黑的世界　兩極爭到最後
創造了也破壞了　最終失去自由
懲罰已受夠　落泊的四周
輪迴落世中逗留

>>November 10, 2005 at 9:20:07 PM GMT+8