2004 年 1 月 5 日 星期一 【晴】

星期一又要返工，今朝搭地鐵居然飛站，原來發生大件事！

琴晚好早訓，今朝七點幾就醒佐，早佐三個字出門口，知道逢星期一香港o的交通就亂，特登走去搭地鐵，點知去到灣仔，個司機就話金鐘站出佐事，架車唔停金鐘。好o野！可以快三分鐘！我個心係咁諗，點知原來係有人放火燒地鐵，真係狼死！

上晝又係無無聊咁過，早佐食飯因為要落區。今日係最後一day落荷李活道、文武廟、摩羅街同中區警署。好o野！又完佐一個景點！今日好少好少遊客，悶到嘔電…

完佐又返中心唔知做乜…另外四個就搞緊星期六科士街個攤位。

放佐工，見心情靚靚o地，就約您去街街，點知您要八點先出到o黎… @_@ 今日亂咁講o野又搞到您喊…我真係隨口up o架咋，點知您聽落覺得咁認真…對唔住，發佐您脾氣添…唉…又係因為呢o的無聊小事…

之後去佐個乜q「環球嘉年華」，好多以前荔園o既無聊o野玩，不過o的公仔大部分都成座山咁大又核核突突咁，如果係Hello臭Kit，都可以考慮玩o下，價錢都幾貴o下嘛…結果我o地只係玩佐摩天輪，仲要同人share，o的服務真係差！仲有o的機動遊戲好似好危險o下，唔係咁信得過…

>>January 6, 2004 at 9:51:53 PM GMT+8

2004 年 1 月 4 日 星期日 【晴】

星期日，終於都唔駛返工喇！

統計成個十二月，我o地o個組只係得一日係全組人放假…真係慘… @_@

星期日放假，同閒日放假都冇乜分別，反正都係訓…ccc…

>>January 4, 2004 at 3:24:59 PM GMT+8

2004 年 1 月 3 日 星期六 【晴】

落區落足四個鐘，真係人都癲…

好鬼悶，企o係條街度都冇乜幾多遊客真係需要幫手…不過o的西人真係好nice o架，呢個工作總算係有人欣賞。

放佐工食過飯就返屋企訓，訓到食晚飯。食完飯打埋份leaflet淨返未打o個o的，又訓過。

好想訓…訓極都咁累…越訓就越累… @_@

>>January 4, 2004 at 3:22:50 PM GMT+8

2004 年 1 月 2 日 星期五 【晴】

終於都返中心返工喇，好悶…

今日全日留o係中心，除佐搞o的行政o野之外，仲做o下書簽。大家都覺得好悶，但係叫佢o地做好聽日要派o既書簽數量，佢o地又可以做得快到火箭升空咁…唉…唔通呢份所謂o既「旅遊發展助理」真係咁多餘，咁浪費納稅人o既錢？定係政策上o既問題，請得人太多？

問佐呀嫻係咪可以續約到三月，佢話今日下晝去開會就係傾呢o的o野，好啦，等你好消息啦…六點準時走，七點鬆o的就返到屋企。

您聽日要present個fyp喇，唔駛太緊張o丫，船到橋頭自然直。

>>January 4, 2004 at 3:11:49 PM GMT+8

2004 年 1 月 1 日 星期四 【微冷】

新o既一年，心跳呼吸正常，一切安好正常…

琴晚九點就訓，o係睡夢之中渡過，真係好。今朝一起身，都已經十一點喇…又要返兩粒鐘工，真係煩…

放佐工，落佐去銅鑼灣行佐陣。今日又玩遊行，x咁多人，巴士仲要改晒道，搞到要o係天后行返去銅鑼灣。o的人真係冇o野搵o的o野o黎搞，食飽飯冇o野做，搞亂晒個場…

同超人吹佐陣水打佐陣機就返屋企…幾時都話o係屋企最嘆…因為有部電腦同張床…ccc

>>January 1, 2004 at 9:32:45 PM GMT+8

2003 年 12 月 31 日 星期三 【晴】

嘩…咁又一年…

今朝要去何文田training，不過我都唔小心咁訓到七點九，八點三先出門口，好在冇塞車，半個鐘就落到旺角，再行埋過去，o岩o岩好冇遲到！但係…今日個導師今日居然遲佐成半個鐘…

個導師真係好頹，好似呃鐘錢咁，講得好少o野，又早放食飯…o的人又嘈到死係咁傾偈，搞到我訓得好差…o的人真係冇公德，嘈住晒！

完佐就落佐旺角行一陣，不過我好累，五點就走去搭車返屋企lu…返到去等o下飯，食完飯即訓…

新o既一年，就係o係睡夢中渡過…ccc…

>>January 1, 2004 at 11:33:05 AM GMT+8

2003 年 12 月 30 日 星期二 【晴】

起身又要返工，一早又要落區。

本來晨早係冇乜人o既，但係今日特別多日本人，不過個個都咁醜，可能靚o個o的去晒拍AV… @_@

下晝返到公司，個A乜lan又想側側膊唔上佢o既老家西環村，係咁拖我o地時間。結果搞到三點半先可以開始搞班友仔o的行政o野，填o下工作週記同舟車單咁，搞o下o的病假紙同簽到簿咁，就一day喇…

放佐工再飛入沙田，因為約佐健健、KK同George食飯，Benedict病佐冇到。佢xy！今日終於都一嘗我o地想試好耐o既「阿拉麵館」。火佢！等位都等q佐成粒鐘，真係火！o的o野食又唔係特別好食，o的侍應服務態度又差，斟茶斟到瀉晒，上菜又整倒人o地雙筷子，漏佐單又唔認，話cancel又o係度拖拖拉拉，仲要迫人要佐碟o野（我o地緊係死都唔要啦！！），十個火呀！火火火火火火火火火火！食完之後再同個經理理論。呢間o野，bad listed！以後唔駛我再幫襯！真係期望越大失望越大！

食完飯打佐陣機，再送您返宿。之後搭巴士出旺角轉車返屋企。中大，對於我o黎講，總算有好多好多回憶。每一段路，都令我諗起好多好多o野…o係呢度，我識佐寶寶啦，又同超人做佐死黨。冷冰冰o既空氣、陣陣寒風o既巴士站、飛快地玩飄移o既亡命小巴、等十年都唔會到站o既巴士…一切一切，都可貴o既。因為我總算o係度生活佐年半有多。經過公路、隧道、浸會…一幕一幕咁閃o下閃o下…

人生…

>>December 31, 2003 at 1:57:28 AM GMT+8

2003 年 12 月 29 日 星期一 【晴】

好o野！又放假！心情大好。

琴晚襯住有時間，scan晒成本《香港中西區風物志》，成三百幾頁，估唔到要scan到三點幾先有得訓，但係今朝又訓唔倒…十點半就起佐身… @_@

起佐身就要等個整洗衣機o既人o黎睇部洗衣機先可以出街，等等等…等到十二點半先o黎…唉…等佢一走佐就閃，首先出佐去圖書館還書先，之後再返中心先，還佐本中西區書再搞o下o的行政o野。點知呀嫻同Jamie兩條友都連放幾日假…呵！佢o地就真係歎喇！我o地呢o的small potato就冇咁好待遇喇…

返到去都兩點幾三點，搞埋o的o野四點走。今日我o個組終於都有第一個人辭識唔做喇…伍蚊搵倒份六千蚊o既賣錶。祝佢前程似錦。

之後再過去高登黃金，諗住搵o下個adaptor有冇得賣，結果食白果。搞搞o下都差唔多七點先落到去poly，還埋兩本書，就同您去食飯喇。行程真係緊密到嘔…

同您去佐間上海o野食麵，呢間o野係大學二年班sem break放成績o個日同成班大學同學仔食完之後去飲酒開心得滯飲到嘔晒成個陽春麵出o黎之前去食o個間。都幾好食o架…

食完飯就去佐海旁影相，又影o下o的百年不變o既燈飾。之後搭船過返灣仔，買飛睇法文戲《無可挽回》(Irreversible)。呢套影真係睇到人頭都暈埋…個鏡頭係咁x轉…頂個死人導演個肺o丫！睇完戲只係十一點，就行o下行o下咁去佐全港最平而又幾好食o既「點心皇」食o野。呢間o野係我同郵差o既御食o黎o架！平靚正！原來灣仔有一間o架，下次佢返o黎可以同佢去喇，唔駛成晚都o係老麥度x咁慘。

食完o野，返屋企。今晚您玩得特別開心。其實我都係呢… @_@

>>December 31, 2003 at 1:59:31 AM GMT+8

2003 年 12 月 28 日 星期日 【晴】

今日好無聊地咁要返兩個鐘頭駐守景點o既工作…唉…

訓訓訓，由琴晚九點幾一直訓到今朝十一點幾，好正，但係都好似仲未夠喉咁… @_@

放佐工就返屋企，佢o地班友仔走佐去玩「環球嘉年華」，我就諗住等埋您先去喇。

留o係屋企舒服o的，唔多願郁…但係最後都係去佐接您放工帶您返屋企… @_@

>>December 29, 2003 at 2:39:52 AM GMT+8

2003 年 12 月 27 日 星期六 【乍雨乍晴】

累到嘔呀…八點半畀個電話嘈醒佐之後又訓返，訓到九點三起身，搞到九點七先出門口，仆返工，好死累…

今日係第一次要企街企足四個鐘，琴晚去佐唱k o個班友個個死狗咁…好難捱，今日o的時間渡日如年咁，又凍又累，真係慘…結果都係早十五分鐘走…頂唔順。

返到屋企食佐個麵就訓…訓到食晚飯…好快又要再訓…

----------------------------------------------------------------------------------------------------------------------------

不浪漫罪名
王傑

沒有花　這剎那被破壞嗎
無野火　都會溫暖嗎
無煙花　一起慶祝好嗎
讓愛戀　仿似戲劇那樣假
如佈景一切都美化
連相擁都參照主角嗎
你說我未能定時令你每天歡笑一次
我沒說出一句美麗台詞
是你心中一種缺憾定義
流進了眼角裡的刺

為何不浪漫亦是罪名
為何不轟烈是件壞事情
從來未察覺我每個動作
沒有聲都有愛你的鐵証
為何苦不浪漫亦是罪名
為何總等待著特別事情
從來未察覺我語氣動聽
在我呼吸聲早已說明
甚麼都會用一生保證

沒有花　這剎那被破壞嗎
無野火　都會溫暖嗎
無煙花　一起慶祝好嗎
讓愛戀　仿似戲劇那樣假
如佈景一切都美化
連相擁都參照主角嗎
你說我未能定時令你每天歡笑一次
我沒說出一句美麗台詞
是你心中一種缺憾定義
流進了眼角裡的刺

為何不浪漫亦是罪名
為何不轟烈是件壞事情
從來未察覺我每個動作
沒有聲都有愛你的鐵証
為何苦不浪漫亦是罪名
為何總等待著特別事情
從來未察覺我語氣動聽
在我呼吸聲早已說明
甚麼都會用一生保證

為何不浪漫亦是罪名
為何不轟烈是件壞事情
從來未察覺我每個動作
沒有聲都有愛你的鐵証
為何苦不浪漫亦是罪名
為何總等待著特別事情
從來未察覺我語氣動聽
在我呼吸聲早已說明
甚麼都會用一生保證

>>November 10, 2005 at 9:10:08 PM GMT+8