2003 年 12 月 16 日 星期二 【颳風】

遲佐十五分鐘，鮮有咁下晝中環都塞車，又畀政府屈機。

返下、夜，最後一次落去SOHO區同蘭桂坊。我o地o既主動係冇白費o既，起碼我o地一直都有畀o的市民讚o下。不過今日o的書簽居然派唔晒，因為真係好少人，同埋o的人插佐隻手落袋就唔會拿出o黎接。

下晝做書簽，全體人都總算精神，做夠我o地今日要派o既數量，又做到冇晒料喇。呢o的唔平、唔靚、唔正、唔快o既書簽，究竟要做到幾時？

終於都搞掂個話劇o既名同主旨，開始諗內容，真係有o的安慰。或者佢o地真係留意倒我已經悶悶不樂佐兩日…要快喇…仲有十日咋…

收倒風，話A乜lan o個組o的人畀中心o既人捉倒o係西環村捉象棋，仲話個A乜lan叫佢o的靚話畀呀嫻聽係因為見倒我o個組o的人咁做佢o地先咁做。哈哈，唔係嘛，有冇腦呀？明知人o地做錯都仲跟住做，唔係咁簡單o既是非都唔識分呀嘛？點解你之前唔告發我o地而家畀人做到正先爆出o黎呀？更何況我又可以有大條道理話break緊，所以先玩。問題係︰我o地冇斷正！哇哈哈哈哈！一於處之泰然，敵不動我不動。個A乜lan又狗x o的o既，有乜理由自己死仲要拉埋人落水o架，仲要用o的咁戇x o既藉口，廢人即係廢人，冇腦即係冇腦。

OK. Catch Me, If You Can!

>>December 17, 2003 at 1:57:00 PM GMT+8

2003 年 12 月 15 日 星期一 【颳風】

今日又冇預期之中咁累，朝早好精神。

上晝冇乜特別o野做，只係寫o下工作周記，根住大部分人訓佐，少部分人做書簽…唉…所以都唔怪得呀嫻話成日都見倒有o的人好努力做o野，有o的人只係玩…不過，呢o的咁悶o既工作，又點可以要求佢o地唔偷懶，乖乖咁坐定做o丫…無奈…

同Kitty傾傾o下偈，又見倒Elsa好似有o時間，就拉住佢傾佐陣，問佢張約係咪可以續，佢都話未知，唉…續定唔續好？佢o地學倒o的乜？學倒做庇護工場？我又學倒o的乜？唔係佢一日返七個鐘，又唔駛受氣，做o的o野又唔係好難，都唔駛旨意我o地成組仲同您留o係度啦…

下晝就慘o的，因為呀嫻返佐o黎，又畀佢逼交廿六號o既貨。眼見佢o地一盤散沙咁，廿六號o的o野乜都未郁過，真係無話可說，一面沉默。好衰唔衰有o的人訓緊o個時呀嫻又殺佐入o黎，唯有話佢o地正在break緊…唉…

心裡面總覺得講士氣我o地o個組一定係三組裡面最高，因為我o地o個組一個人都未走過。但係我可以要求佢o地o的乜？根本做o的o野太無聊喇，就算要逼佢o地做o野，都要搵o的冇咁悶o架…不過今日下晝見佢o地唔係訓覺，就係打機、傾偈，真係冇乜心機。

隔o黎組今日仲死，由朝玩到晚、嘈到晚，慶幸我班細o既十四個人咁大班都未至於咁。同事們，可唔可以齊心o的？

放佐工，見您o係金鐘，就約埋您返我屋企食飯，返屋企之前仲去佐睇聖誕樹。o的燈飾好似年年都差唔多咁，或者係我唔識欣賞啦…見您睇得都幾開心，是但啦哈哈…

>>December 17, 2003 at 1:38:22 PM GMT+8

2003 年 12 月 14 日 星期日 【晴】

星期日，訓到十一點幾起身，打佐一份英文note，咁您借o個本書就可以還喇！

搭遲佐一班車，搞到遲佐兩個字先到。今日好悶，時間過得極慢。一來要企三個鐘，二來又冇書簽派，好慘…好難先捱到五點九收工…灰…

之後九個人，包括我、Marco、聰、Mandy、敏敏、Carmen、伍蚊、堅堅同欣欣，走佐入赤柱燒o野食。九點幾先開始燒呀陰公…仲要個爐轉佐兩次位，不過唔係轉佐位，我o地o的o野食一早畀o的海水沖到濕晒…有冇搞錯，又會咁大浪o既…

玩到十一點倒，其中三件走佐，玩多陣，又走多兩件。最後到十二點倒，Gary入埋o黎，玩通頂…今晚鋤dee輸佐少少錢添，好在後勁有力，先唔駛輸咁多…十賭九輸，真係冇錯。返到屋企都成六點半，打o下日記咁就到八點幾…沖涼，準備返工。

>>December 15, 2003 at 8:14:24 AM GMT+8

2003 年 12 月 13 日 星期六 【颳風】

非常好，休假，訓到點半先起身…

試佐朱古力味，好一般。

起佐身就搵食，去佐間做午市o既bar。諗通佐一件事。其實有時同您出街食飯都唔駛慳住慳住咁嗟，有時覺得您要一齊食埋晒o的貴夾唔飽o既o野係錯，呢個觀念係錯o既。學您話齋，o個o的頹o野您o係學校日日都要食，我就更加係啦，又何必兩個人出到o黎都仲要咁饑饉呢？嗯，您o岩。

返佐大學，同您睇睇部腦，都唔多ok…大學o既空氣有o的凍，個鼻真係唔多頂得順…mmm…以前唔係咁o架喎…唉…

十點就訓，好舒服。

>>December 15, 2003 at 8:15:25 AM GMT+8

2003 年 12 月 12 日 星期五 【陰】

上晝又要逼上西環村學普通話，老師又話我o地o的人學習唔主動…mmm…我覺得我都幾主動o丫！我有講o架！不過我都係想學返o的「bo，po，mo，fo」喎…遲o下搵班補先！隔o黎組有條友好煩，成日用o的廣東普通話o係度show off，老師叫我出去講o既時候，我偷偷o地講佐句以前o係lab度學返o黎o既北方粗口鬧佢…老師讚完我講普通話ok之後，再話我叻到連粗口都識講…mmm… @_@

下晝好忙呀，一來要趕起個攤位，二來又唔知點解會有各樣o野要跟進。Mandy就畀呀嫻屈佐做廿六號個event o既司儀…真係慘。其他人就做o下書簽，我就打埋一月十號西環科士街另一個攤位o既proposal，即刻搞掂，唔駛留到星期一，因為呢幾日我都冇乜時間…

終於都等到夜晚。約佐您考完試去鬆一鬆，訂晒飛咁去睇《無間道III》。但係唔知做乜o係自動售票機拿唔倒訂佐o既飛，幾驚係中佐「假匯豐銀行網頁」o既招…好在，原來只係佢部機short佐，讀唔倒Master Card o的data…拿佐飛心安理得，去佐大熊本食芝士火鍋，您又食到面紅紅，好得意。都幾好食，又平喎。食完再過先達睇電話，睇中o個部LG G7030要成二千幾，好貴。不過佢係用佐新科技，就係我undergraduate o既honours project做o既OLED科技，雖然以現時o既能力只係做倒256色同埋用o係o的簡單o既display，但係我相信好快OLED就會應用o係其他方面！OLED好o野！OLED萬歲！好！我等！

睇完電話就去睇戲…mmm…老實講，套戲好無厘頭，有o的覺得佢間硬o黎，同埋黎明個角色真係可有可無，梁朝偉就成套戲好似o係度玩緊咁，劉德華仲痴佐線添…真係麻麻，冇乜鬥智鬥力o既場面，仲差過《無間道II》…不過可能係有希望所以先會失望啦…又有一句金句︰「放心啦，過埋聽日就冇事o架喇…」

今晚總算係同您過佐好開心o既拍拖第十七個月…啜啜~~~

>>December 15, 2003 at 11:12:37 PM GMT+8

2003 年 12 月 11 日 星期四 【晴】

今日返到去又係搞o下o的書簽咁，好無聊。個攤位都做得七七八八，錢都係用佐一百蚊左右，我o地組真係掂，做o野又平、又靚、又正，不過今次唔夠快…

個攤位叫《雪球也飄移》，都幾正，其實只係一塊普通發泡膠加竹韱o既板，碌個乒乓波落去，不過都幾好玩o架！正所謂簡單就是美！

下晝又落區，今日帶少佐書簽，搞到好快就派晒，其實以我o地o既工作效率，每人派三個都得啦！幾時都話我o地o個組係最top o既！

嘩，前所未有，九點就訓佐…真係好累…zzz

>>December 15, 2003 at 8:02:58 AM GMT+8

2003 年 12 月 10 日 星期三 【晴】

星期三，正常咁返上、下，雖然今日只係得十個人返工，但係一直都畀人逼遷，做佐遊牧民族咁…好慘…

Raymond居然因為琴晚睇曼聯而起唔倒身返工，成朝打電話都搵唔倒佢，搞到我以為汀九橋炒車單o野同佢有關，所以先返唔倒。又好在呀嫻今日好忙，成日都要開會，朝頭早冇問有乜人冇返，如果唔係我都補佢唔倒…又唔打畀我，我又搵唔倒佢，點係路呀？！

上晝成班人逼入個房仔做書簽同攤位，下晝仲慘，要上西環村…做書簽、休息…冇皇管係幾爽o既，不過悶o的嗟… @_@

終於都有糧出喇！yeah！不過今日好抵死，隔o黎組居然搞到唔出糧唔開工，嘩，惡到呢…o個個乜q Sony仲衰，居然連呀嫻都夠膽串，呀嫻話佢遲出去食飯又遲返，返到公司仲o係度睇報紙，o丫，條友君然話呀嫻都食飯遲返！真係畀佢嚇x死呀！呀嫻即火，火到乜咁，鬧佢，真係好抵死，唔通真係戇x有樣睇？係咪撈o架？！同個大老細頂咀…後生仔始終都係後生仔…

放工超人突然打畀我，原來條友偷渡返佐o黎香港…原來佢做o野o個度好煩，想搵個人吐o下苦水，搵我o岩晒啦！之前係佢成日聽我講，今次到我聽返佢喇！食完飯又行o下波鞋街，見倒有對Lotto都幾靚，遲o的買。之後又o係街邊見倒五十蚊個唔知乜皮袋，見都ok靚，我又冇斜揹袋，真係o岩晒！五十蚊買o黎粗用，抵！

>>December 15, 2003 at 7:37:52 AM GMT+8

2003 年 12 月 9 日 星期二 【晴】

今日星期二，但係因為您要試，所以我o地今日冇約會。 =(

返下、夜，下晝又係有o的人搞o下o的書簽，有o的人就搞o下星期六加惠台個攤位，夜晚落區，生活無聊…

真係離譜！A乜lan o個組搞個攤位居然out晒budget，搞到仲要問其他組借錢，不知所謂！唉…廢人即係廢人…

下晝開會，講佐呢個月尾要搞o既o野，總算分佐工，但係…幾時先真正開會傾呢？仲有兩個幾禮拜咋喎…

>>December 15, 2003 at 7:24:08 AM GMT+8

2003 年 12 月 8 日 星期一 【陰】

勁慘呀，八號都仲未有糧出，真係就快要食屎喇…好在亞辛過返三百五蚊買書錢過我，呢個禮拜o既生活應該唔成問題…ccc…

今日返到去o的人又死咁半折咁，因為成個上晝都係做書簽，悶到死，仲要做到冇晒料添…點搞…下晝都好o的，因為呀嫻買佐料返o黎，但係都係o的廢料，貪平，買埋晒o的核突料返o黎畀我o地用，好死…

不過有個更壞o既消息，就係今日冇糧出，最快仲要等到星期三…頂…有冇搞錯呀，咁咪又係即係要等到月中先有錢用？！！真係火…不過我都唔算好慘，因為戶口仲有三百蚊，但係班細o既就慘喇，而家日日都o係度「歡樂滿東華」咁，冇陰公，又拖糧，搞到佢o地日日都饑饉，佢o的車錢又遲遲claim唔倒，欠欠埋埋我都唔知有幾多…搞到班友仔o的士氣極其低落，仲幾乎搞到要罷工咁滯…唉…好地地一個咁大o既機構，都可以咁，真係遲早勞工處見o架喇…

四點半又急開一個會，講十二月尾o既工作，無厘頭地有o野搞，但係又九唔搭八地要我o地諗，都幾煩o下…HQ o個組今日開工仲畀社聯o的人捉倒遲開工，唉…真係…一個字︰「煩」！

完全唔知自己今晚係咪命犯天剎孤星，打打o下個新resume都可以冇晒，o徙x佐我兩個幾鐘…之後諗住錄隻MD聽o下（隻MD好抵，紫色居然賣七蚊…），又可以無x端端整爛佐張sound card個adaptor…灰爆。冇心情再講落去…

>>December 9, 2003 at 1:21:40 AM GMT+8

2003 年 12 月 7 日 星期日 【微雨】

打孖食佐兩粒抗敏藥，跟住訓到成點鐘，真係正！

下晝又要落區，今日十五個人全部落區，派佐三百張書簽！吹咩！

初時都怕派唔晒，點知都唔駛個半鐘，蘭桂坊o個一百張已經派晒！o的書簽都幾核突o下，邊派邊修理，煩。我、欣欣、堅、伍蚊同Carmen係咁派係咁派，見Raymond o個組唔係好派倒，仲幫佢拿佐五分一左右派埋，頂佢個肺！居然到佐五點九都仲有成廿張未派！有冇搞錯呀！賴屎賴屁o係度話自己冇運，派唔出，o的人唔要…咁，點解我o地組只係上一條街又可派百幾張？眼見佢o地組真係唔夠主動！我走埋落去，做埋畀佢睇我點派，一派就派倒，容乜易就派晒！九唔搭八係咁話冇運！火！又係o個句，冇o野係唔得o既，只係你做定唔做o既嗟！真係丟晒我o地全組o既面！火！唔怪得之個計劃成日畀人話廢，就係因為有o的咁o既人！

食完晚飯，又一day…

>>December 8, 2003 at 2:16:41 AM GMT+8