2003 年 4 月 8 日 星期二 【晴】

尋晚icq到3點零,跟住上網搵左陣game,4點同二佬玩fifa,玩到6點零,跟住都冇咩訓..7點起身換校服,睇新聞睇到8點出門口番學..好耐冇行街,今朝見有時間特登早個站落車行下.番到去9點,見到5A得好少人番,不過過多陣就慢慢黎..但係都應該得半班人番左.收左d卷揭黎揭去,都冇咩感覺..mock掛?之後同miss Lam,馮sir傾過下d卷,又俾彭sir捉去鬧冇聽佢講書,鬧到我都覺得有d內疚..之後諗住搵miss Yip問下hist,不過佢同希文傾緊,就同carrie寒喧左幾句,先發現原來佢部腦死左,怪唔得佢d日記停產啦. 10點鐘左右楊sir就話清場,跟住就番左屋企,番到去好眼訓,一訓就訓到夜晚6點半..晏都冇食過,起身醒起要拖地,就快快脆脆搞掂佢. 7點零睇電視,8點零食埋飯..跟住睇報紙,今日報紙講好多哥哥既野,都睇得出佢係個好好既人,對人好,人地都好擁戴佢.. 10點零睇秦始皇,跟住11點睇左陣勁歌,關心妍好勁>O<..之後番房聽三姑同上網online icq.

>>April 9, 2003 at 6:10:47 PM GMT+8

2003 年 4 月 8 日 星期二 【晴】

近排聽到好多哥哥既歌,最鍾意都係呢首.. 追 張國榮 曲:李迪文 詞:林夕 編: George Leong 這一生 也在進取 這分鐘 卻掛念誰 我會說 是唯獨你 不可失去 好風光 似幻似虛 誰明人生樂趣 我會說 為情為愛 仍然是對 誰比你重要 成功了敗了也完全無重要 誰比你重要 狂風與暴雨都因你燃燒 一追再追 只想追趕生命裡一分一秒 原來多麼可笑 你是真正目標 一追再追 追蹤一些生活最基本需要 原來早不缺少 有了你 即使平凡卻最重要 好光陰 縱沒太多 一分鐘又如何 會與你 共同渡過 都不枉過 瘋戀多 錯誤更多 如能重新做過 我會說 願能為你 提前做錯 誰比你重要 成功了敗了也完全無重要 誰比你重要 狂風與暴雨都因你燃燒 一追再追 只想追趕生命裡一分一秒 原來多麼可笑 你是真正目標 一追再追 追蹤一些生活最基本需要 原來早不缺少 有了你 即使平凡卻最重要 一追再追 只想追趕生命裡一分一秒 原來多麼可笑 你是真正目標 一追再追 追蹤一些生活最基本需要 原來早不缺少 只得你會叫我 彷彿人群裡最重要 有了你 即使沈睡了 也在笑 聽日就係你既生日,希望你可以開開心心..

>>April 8, 2003 at 4:31:48 PM GMT+8

2003 年 4 月 7 日 星期一 【晴】

尋晚同二佬,阿舜,阿正鋤dee鋤到4點..玩到阿正同阿舜話訓先停,之後又同二佬玩fifa,玩到6點..今次冇乜斷線(斷過一次..),不過就仲衰d,hang左三次機..! 今朝訓到11點零起身,聽住903,食埋晏,開fifa玩,開埋個修改器update番d資料..3點零鐘就玩孔明傳,玩到6點幾,最後一關,80個回合,o係我打到一半,有明顯優勢果陣hang左機,激到死左..即刻冇心情玩..跟住上網睇討論區,聽到少爺占播shine首新歌,個歌名幾得意..叫"曼谷瑪利亞"..之後開winmx download左d純樂音落黎聽,呢排幾鍾意聽純音樂..d感覺好舒服. 食埋飯,番房阿妹用緊腦,佢睇緊學校d通告,我就借左借上校網,終於開到份通告..聽朝9點要番學校,今晚仲落到咁大雨,天文台出埋黃色暴雨警告,聽朝如果都係咁就幾煩下..不過希望呢場雨水可以洗乾淨香港,沖走d肺炎菌,沖走香港d霉氣啦.. 10點零睇秦始皇,佢越黎越奸~哈哈,偶像!之後11點睇完番房,聽到三姑好唔開心,撐唔到喊..跟住播左4,5首哥哥既medley,播埋11點半新聞,三姑講晒d感受出黎先平伏番個心情..之後佢都冇咩野,好pro,好佩服佢.希望好似佢咁講,哥哥可以快d去個新世界,開開心心咁生活啦. 永遠懷念你. 今晚睇住neway d廣告攻勢..突然好想去唱k,有冇人敢陪我去玩命?

>>April 8, 2003 at 4:21:05 PM GMT+8

2003 年 4 月 7 日 星期一 【晴】

九記通告

>>April 8, 2003 at 1:55:00 PM GMT+8

2003 年 4 月 6 日 星期日 【晴】

尋晚邊icq邊玩左陣孔明傳,跟住同二佬玩fifa2003,陣中玩下都幾過癮,不過就幾易斷線下..印象中得一兩場完整踢晒. 今朝11點半醒,之後食埋lunch眼訓又訓左陣..2點零醒,跟住開機玩三國志九,俾阿abby影響,佢呢幾日打黎係咁話佢d戰況幾激烈..今集的確又幾好玩既,d AI又勁左..搞到初級都隨時玩到game over,有挑戰性..經過成個下晝先將個局勢發展到較為穩定. 夜晚食埋飯,番房聽903,跟住10點就出房睇秦始皇..睇到11點幾番黎,上左陣網..原來"野人"呢兩個字有好大回響..我以後都係小心d用字.. 之後同人鋤dee,好耐都未玩過..玩番又幾正架喎.

>>April 8, 2003 at 1:53:07 PM GMT+8

2003 年 4 月 5 日 星期六 【晴】

尋晚同二佬玩Empire Earth,二佬玩到就大軍壓境報仇果陣,佢hang左喎,冇save..當堂灰晒,之後佢send我隻侏羅紀做主題既game俾我..之後send番隻fifa 2003俾佢,send完都5點見眼訓就去訓.跟住offline之際haze話打俾我,原來佢唔開心..咁又同佢傾左陣傾到6點幾. 今朝10點幾俾阿媽剷起身,食埋早餐之後好得閒,可能係因為尋日做晒今日做d野..跟住開機玩左陣,下晝就聽903..聽聽下俾阿媽捉左出街,整番手機個天線,之後又同佢去眼鏡88配左副眼鏡,跟住就去剪頭髮..剪頭髮果陣,對住塊鏡見到困左兩個星期既自己幾似個野人,哈哈哈..頭髮好長,又冇梳到,d鬚根出晒黎冇理.. 剪埋頭番到屋企5點零,沖埋涼之後冇幾耐就食飯..食完飯冇電視睇,番房online icq,同人chat發現好多人呢排都唔開心,我做聆聽者都有時唔知點安慰佢地,不過希望佢地講左d唔開心出黎會開心d啦..同埋今晚阿爸同阿媽又嘈,呢幾年成日都家嘈屋閉,搞到自己都有d唔開心..今晚又有wasabi聽喇,唔開心既人聽下啦,個節目我幾推介架. 呢排香港d氣氛真係麻麻,d肺炎諗住控制到點知今日又多番..哥哥d負面新聞仲不時有,人都死左啦,唔好猜測咁多..就俾佢安息啦,我要d鼓舞人既新聞呀!希望今年會過個開心既生日啦. 「人，總需要勇敢生存」

>>April 8, 2003 at 1:53:51 PM GMT+8

2003 年 4 月 4 日 星期五 【晴】

903同你唱健康歌 你是最好的 你知道嗎？ 歌手版主唱：梁漢文 DJ版主唱：細So、Marco、Vani 你要打噴嚏　你知道嗎 我知道呀　你要打噴嚏　 如果別人企得近　你知道你應該要tun一tun 讓我給你一片雪白o既紙巾 大局要緊　God bless you're the one!! 501 DJ版主唱：森美 如今要　戴甚麼　怕了口水沾染甚麼 要出街你若和誰亦是戴它　口罩幾個　 如今要　戴甚麼　世界好多均有認可 願你藥房內不要認錯　合規則的模式　好多個 下一站天后 DJ版主唱：阮小儀 假使發高燒發震　無謂接吻 打乞嚏顧住人 人人都怕　白沫飛揚 一差錯　你會打敗仗 即使有口水要噴　無謂接吻 你有冇帶紙巾 防備污垢過份貼身　不可跟人亂吻 你有自己一套 DJ版主唱：Mini 你有自己一個　同學除低o個個 就唔好(羅)錯o左 如果　要撥開口罩　食蘋果 蘋果會笑住 話佢坐o係飯盒等你入廁所 洗完手先(羅) 可惜我是水瓶座 歌手版主唱：方力申 DJ版主唱：Vani 切勿忘記　用o下清潔藥水 拿來全屋洗勻令你抹去憂慮 食飯時就用住公筷　咳兩咳你切戒出街 發病時　你都不要立亂出去 The Best Is Yet To Come 歌手版 主唱：阿慈 DJ版主唱：林海峰 永遠有一兩個細路　話吽o係屋企老土 沒有課室搏命嘈　仲有電話粥可以煲 你要知道　你要知道 The best is not to go 最好o係　屋企跳舞 我的驕傲 歌手版主唱：容祖兒 DJ版主唱：朱薰 漂白哂 咖啡室漂白哂 公司店鋪條街 傢俬也抹乾哂 Follow me 漂白哂 要1比Ninety Nine 稀釋放半盆水 清潔哂最愉快 聖潔的招牌 Walk-in客最擁戴 失戀王 歌手版主唱：陳小春 歌手版主唱：鄧健泓 歌手版主唱：關心妍 DJ版主唱：細So 每部車裏都有幾個人 通風好要緊 抖氣要趟盡個窗先開心 陽光 跟你在車程熱吻 時刻空氣清新 吹到亂個頭 都總好過「up」到病圍住熱毛巾 更安心 車裏面清涼在滲 無有怕大覺「訓」 愛不釋手 DJ版主唱：Vani 遇上咳嗽　就要「暗」口 料理嘔吐　然後要洗手 用個新口罩　好好去遮遮個口 若一差錯　小心你會惹埋下個 愛上殺手 DJ版主唱：朱薰 你要抹手摸眼鼻時候 掏出火酒去殺死污垢 細菌失救 何時罷手 摸眼鼻然後 如番「揀」足夠 屋企有一大舊 清洗你無敵手 LaLa世界 歌手版主唱：Boy'z DJ版主唱：鄭家輝 係o野睇見就抹　不應怠慢　不應怕煩 酒精可殺死肺炎飛彈 火酒棉花棒　強力讚 係o野睇見就抹　好少會爛　好少會殘 手指想抹咀掂鼻捽眼 火酒唔好慳　成日讚 第一類接觸 DJ版主唱：細So 拖地阿嬸 全世界敬愛你 洗淨架「lift」 家不再索哂氣 多謝阿叔 同我抹哂冷氣 一落到地 又跳起 完全為我健康辛苦加班多得你 我講句唔該 (Fan Q U, I love u...) 再講句唔該 (Fan Q U, I love u...) 祝您身體健康出入平安好福氣

>>April 8, 2003 at 1:56:10 PM GMT+8

2003 年 4 月 4 日 星期五 【晴】

尋晚又無無聊聊,icq到3點零左右,阿fi打黎,同佢無無聊聊傾到5點幾,好眼訓..跟住去訓.今朝9點就俾阿媽叫醒,放親假佢都晨早就叫醒我..今朝叫我同佢買送,去到10點幾番黎,算係呢個幾禮拜我o係街外停留最耐既可一日..番到黎諗就訓,阿媽就叫我地食早餐,好鬼豐富,食到勁飽..原來呢d只不過係甜頭,跟住11點零佢又大洗屋,阿妹洗d洗手盤,我就要抹晒全屋d窗,食到飽一飽加上有d眼訓黎做家務..好鬼欏命.. 12點幾1點先有得抖..下晝阿媽出左去,我就係咁訓..訓到4,5點起身開左隻孔明傳黎玩..玩左陣阿妹又霸機,我費事同佢爭,後來6點零睇埋隻<九個女仔一隻鬼>佢. 睇完7點,岩岩好出到廳做勁歌季選,唉~TVB連季選都係咁分豬肉獎..真係好唔掂.夜晚就繼續玩孔明傳,玩到11點見無聊就聽<森美移動>,之後online上網..

>>April 8, 2003 at 1:51:17 PM GMT+8

2003 年 4 月 3 日 星期四 【晴】

尋晚send隻三國志九俾阿so,send到1點幾2點,之後又問佢個icq做乜,因為呢兩日佢個icq有人不斷用英文同我chat,初初都幾驚,不過後來估到佢用program,跟住就問佢download左個icq既auto reply program黎玩下,幾過癮,可惜電腦淨係識re英文..不過呢個都算係阿so既愚人節大禮,果晚真係玩到我幾驚..好似真人對答,同外國人傾緊計咁. 尋晚3點零就訓,今朝訓到11點幾醒,醒左見阿so個網換左新look,我就試我前排新download既dreamweaver 4黎玩下野,搵左個網既版面,結果咁就整左成個下晝..不過未整晒,宜家個網就半新半舊..又黑又白咁,都有d怪..其實得頭幾頁睇得,d涵冇郁過..亦都冇加新野落去,完全係舊酒新瓶..哈哈..不過我諗住收手,考埋會考先整,費事到時冇野做. 6點零同阿妹睇番阿舜之前send俾我既<九個女仔一隻鬼>,睇左一半就食飯.食埋飯睇左陣電視番房聽903,開機睇日記,睇到10點去睇秦始皇,我發現阿媽都開始追..11點零番房整埋個日記佢,就打埋今日篇日記.

>>April 8, 2003 at 1:55:28 PM GMT+8

2003 年 4 月 2 日 星期三 【晴】

尋晚icq到2點零訓,今朝12點醒..跟住又係食lunch,下晝又係開機上網同打機,無無聊聊咁又一日..宜家日日好似俾人軟禁o係屋企咁,出街就最多過兩條馬路買飯,之後就番屋企,行過條街都覺得好死寂..d口罩人個個露出一對無神既眼望住你,都幾驚.. 今日又宣佈放既假延長,雖然唔多關我呢d會考生事..不過mock d成績又未欏,個病毒一日未搞掂就一日都唔駛出到去玩..日日咁困住遲早變化石..日記亦都越寫越無聊,日日一樣既生活記黎做咩丫..不如我將今日既日記copy做聽日,後日,大後日既啦..至少可以寫到4月21號.. 講番今日,食埋飯睇洗碗..之後10點睇秦始皇,d劇情越黎越緊湊..好想快d到聽日..睇完番到房忍唔住上網search左d秦始皇既資料黎睇..發現自己有d佩服呢位暴君,死啦,我係咪變態架?

>>April 8, 2003 at 1:56:20 PM GMT+8