2003 年 10 月 27 日 星期一 【陰】

今朝訓到6點50分醒,7點15分就出門口,所以好早番到去,拎埋書就勁溫中史,今日有test. 第一堂空堂,用左黎溫中史,跟住兩堂文學,今日完左課《逍遙遊》,今日都係好累聽到好眼訓. 小息去左當值,拎左份中史去溫,小息之後兩堂中史,第一堂測驗,因為溫得唔熟,寫到"甩甩cut cut",結果寫得一版,肥硬.. lunch去左太子食河粉,跟住兩堂中化,教完課書,俾埋功課同派番作文,最後一堂空堂落左去做謄文,咁就做左我一堂空堂. 放學打排球打到5點先走,跟住去左太子行,買左d糖食,行到6點就走.

>>October 31, 2003 at 5:05:58 PM GMT+8

2003 年 10 月 26 日 星期日 【晴】

今朝6點50分醒,7點25分出去,番到去7點55分,今朝幫sally同suyi拎埋書,好多好重. 今日第一堂中化,分心咁上左一堂.跟住兩堂英文,先有一個無厘頭既quiz用左25分鐘,跟住又有個matching既quiz,quiz完仲有十分鐘就用左黎對功課. 小息上左去3樓,今日算平靜,我同左輪都勁期待下個禮拜既lunch,仲有d form 2好變態..跟住兩堂中史堂,有個presentation同討論,講宋既理學,幾好玩..聽日仲好似有個辯論.. lunch去左新世紀食台灣野,杯野飲好好飲.跟住文學堂竟然好累好眼訓,不過都撐住聽左堂書.最後兩堂econ,好彩有爽浪o趙住,唔係實訓著.今日堂econ有教統局d人黎監堂,好唔容易先上完兩堂,不過明左好多野,左輪好勁. 放學擺埋書就走,跟住去左peony度,佢有驚喜,今日佢整左tiramisu,好好食.. 番到去去左百佳兜左個轉,突然有個人走黎問我係咪"獻主會"(我間小學),原來係小學同學,我好似小四同過佢一班,佢真係好記性,仲記得我個名,我就好差..唔記得左佢個名,尷尷尬尬問番佢個名,一講個名我即刻記得番佢,之後同佢講左幾句就番屋企.夜晚番到去沖涼,食埋飯同洗碗,睇左陣《衝上雲霄》,睇落好似唔錯..睇左陣就番房online.

>>October 31, 2003 at 5:05:05 PM GMT+8

2003 年 10 月 25 日 星期六 【晴】

今朝11點起身,跟住開機玩左陣cm,12點食個早餐,下晝玩cm玩到2點就開始做功課,一路做到夜晚,又係一個做功課既星期日. 6點零食飯,夜晚玩cm,到1點先訓.

>>October 31, 2003 at 5:02:34 PM GMT+8

2003 年 10 月 24 日 星期五 【陰】

今朝10點幾起身,跟住上左陣網,然後幫阿媽拖地執屋. 下晝一路上網同玩cm,3點半去沖涼.沖完涼諗住出去,今日約左阿傑,suyi,阿正同sally唱k.點知出門口果陣阿媽捧住個微波爐番黎,跟住幫佢拆,砌,搬,擺..搞到半個鐘,阿媽又煩,三心兩意唔知個微波爐擺邊好,結果4點幾就5點先出去,走到都5點半.阿傑有張$500 coupon,我地一路唱到8點,埋單我地計到好盡,岩岩好$499,於是就免費唱左個happy hour喇,仲食到好飽. 之後同阿正,sally,suyi行旺角,四圍行下睇下波鞋,跟住最後suyi買左件冷衫,個過程好爆笑.. 行到10點就走.

>>October 31, 2003 at 5:01:12 PM GMT+8

2003 年 10 月 23 日 星期四 【晴】

今朝6點50分醒,番到去7點55分,拎埋書開始溫econ,今日econ test.第一堂中化,教左堂書.跟住兩堂中史,好開心上左兩堂..小息當值,跟住兩堂空堂溫書,溫唔入腦,lunch帶埋notes去太子邊食邊溫,都係唔太識,好苦惱.lunch之後兩堂econ,第一堂測驗的而且確係死晒既,第二堂就等如空堂,因為miss去聽talk,我就做中文功課,最後一堂中化oral,個題目幾得意,不過我岩岩上次先講左,冇得講.. 放學同阿正,阿佬,小玉,suyi,rebecca去左又一城,今日o係又一城有兩個奇遇.首先去到落左去citysuper撞到patrick,開心死suyi,我同阿正都覺得patrick真人好得.之後去行百佳搵野食,跟住上food court坐,5點半左右sally黎左,跟住sally又話番citysuper,第二件神奇既事又發生左..我地入去逛左陣出番黎諗住走,點知出店行左冇耐我發現地下有錢..最後.. 最後我地讓可愛既錢發放佢應有既光芒..有$40,跟住去番citysuper勁買野食,好開心,結果好多個白痴o係又一城搶野食. 仲有5日!

>>October 31, 2003 at 4:58:49 PM GMT+8

2003 年 10 月 22 日 星期三 【晴】

今朝6點50分,番到去7點45分,拎埋書就去左溫中史.頭兩堂英文,對listening,好眼訓咁過左兩堂,第三堂空堂好努力溫中史,小息去當值,冇咩特別,跟住兩堂文學聽楊sir爆料同教書.lunch去左新世紀食,番到去溫左陣中史.之後econ堂,訓下醒下又過..唉,我唔想咁.跟住堂中史test,miss嚴好陰濕,出番功課做過果題,冇人估中佢出咩..不過都勉強吹到水既.最後中文堂教埋書就放學,不過今日有第九堂,上埋個英文oral就走.本來聽講去唱k,不過之後去左新世紀再行過旺角食野,食完傾左陣計就走,咁又一day!

>>October 23, 2003 at 3:08:41 PM GMT+8

2003 年 10 月 21 日 星期二 【晴】

今朝6點50分醒,7點25分出去,又撞到小虎同billy,不過今次三個分開晒黎坐. 番到去拎埋書就去左搵miss郭諗住拎番locker鎖匙,點知佢話俾左miss潘,仲要好耐果隻.跟住去搵miss潘,佢唔o係度,反而潘sir o係度,就番課室拎中文學會d稿俾佢,同埋份會議紀錄俾miss chan.跟住收番4份稿要再覆核,又幫emily拎左張中文科老師既list. 頭三堂econ,上到斷氣.小息去on duty,都冇咩特別事發生.跟住兩堂文學,對完卷教書,楊sir不時又吹下水,好快就兩堂.lunch去食野果陣,唔見左sally,原來佢胃痛得好緊要..不過佢最後都亡命咁同我地一齊出左去太子食河粉,食完野佢好番好多. lunch之後中史堂,教左陣書就分組討論,好快又一堂,同時發現欠落miss嚴好多功課..-__-".最後兩堂空堂,第一堂同阿佬上yahoo篤波,好好玩好刺激..第二堂無無聊玩調轉身份遊戲,好笑,一路玩到放學. 放學同阿正,sally,suyi,carrie去左新世紀搵阿fa,跟住搭火車去左又一城行,行左陣我地去麥記食野同傾下計,坐到6點半先走. 番到去發現張新梳化送左黎,夜晚食埋飯就online同打日記.

>>October 22, 2003 at 3:13:44 PM GMT+8

2003 年 10 月 20 日 星期一 【晴】

今朝訓到6點50分先醒,起身好凍..7點25分出門口,搭車果陣撞到小虎同billy. 呢排好黑仔,今日又有一例,今朝番到去去左locker拎書,開完locker拎埋書,發現個locker鎖唔到,仲可以無限上鎖,不過個鎖頭唔出,好鬼慘..好彩都叫開到locker拎到今日要用d書,但係成朝就為個locker頻撲.先去左校務處,校務處d人叫我搵左班主任先,我就去左同miss潘佢講個locker壞左,佢就叫我去搵miss郭.於是我去隔離個教員室搵,搵唔到佢,跟住上左3樓去番個locker睇睇,又落番地下搵,見到個好似係我又唔肯定係咪miss郭既miss,唔敢上去問,認錯miss好樣衰架嘛..我仲唔夠咩,於是四圍o係操場諗住搵個識既人問下,點知搵極都搵唔到,激死,好彩之後見到個prefect同我同組既form 4阿禮禮同學,走過去問清楚確定左再走番過去同miss郭講我個locker,跟住我條鎖匙就俾佢收左,隨即亦都打鐘.今日個早會有人上台唱歌,唱得都唔錯. 第一堂文學,教左陣書派卷,第二堂中化堂,教左兩堂書,唔覺唔覺就完.跟住小息要當值,小息上去3樓當值,諗住乘機搬埋locker d書走,點知miss郭效率好快,我個locker換左把鎖,但係我仲有d書o係入面,冇理到..因為要當值,之後撞到中文學會個潘sir,佢交左d稿俾我. 小息之後兩堂空堂,用黎對中文學會d稿同埋printer中文學會d野,又係中文學會-__-"..唉..呢個故事教訓我地做大既學會千祈唔好做高既職位.. lunch終於個個冇野做冇會開,去左太子食河粉,番黎又買左個蛋糕食.lunch之後3堂欏命英文堂,訓下醒下咁做listening,生不如死呀.. 放學四圍搵兩位miss,無功而還..放學依然冇locker用,擺左d書o係sally度,條件係聽朝幫佢拎埋書-__-",希望聽日有番個locker啦.

>>October 21, 2003 at 4:20:58 PM GMT+8

2003 年 10 月 19 日 星期日 【晴】

今朝終於唔駛早起,不過都係6點45分醒左.今日慣性咁早左出門口,番到去拎埋書就去左交中文學會文集d稿件. 第一堂空堂,用左黎背文學,第二,三堂文學堂默書同教書,課《逍遙遊》幾正,無厘頭過王家衛d戲既橋段. 小息上左去當值,原來小息既3樓都係好平靜,冇lunch咁惡搞.第四,五堂中史,做下討論同教下書好快又兩堂,真係唔覺唔覺,因為toto問我幾點,我就以為未打過鐘答左佢句"頂多咪11點半"..點知望完隻錶俾佢笑死左,原來已經12點05分.. 12點10分放lunch,今日本來大家唔駛當值可以去遠d食既,不過因為我同suyi要開會,sally要參加英文書法比賽,結果上左又一村間7仔食,食完就番去開會.個會由12點45分開到1點20分,我呢個文書寫會議紀錄差d寫到手跛. 之後兩堂中化用黎作文,作唔晒,跟住最後好彩有堂空堂俾我作埋佢,又幫阿show做下proof read捉下錯字,放學前交晒d文. 放學同peony去左荷李活廣場,佢買鞋,但係搵唔到,跟住5點幾去左旺角搵,都冇..最後6點幾去埋尖沙咀搵,終於俾我地o係海運大廈一間店度搵到佢想買既鞋,佢買完行左陣,走果陣都7點幾.. 夜晚番到去食埋飯就online打日記同整份會議紀錄,做文書真係好煩! 希望你每次著住對鞋果陣,都會記得同你踏破鐵鞋既我=P.

>>October 20, 2003 at 4:02:04 PM GMT+8

2003 年 10 月 18 日 星期六 【晴】

今朝訓到11點先醒,食完早餐就準備做功課.下晝睇下報紙同做功課,一路做到夜晚,又係一個做功課既星期日-__-".

>>October 20, 2003 at 3:21:17 PM GMT+8