2003 年 6 月 24 日 星期二 【雨】

今朝本來諗住8點零9點醒,叫埋人叫我,但係大眼訓喇..熟睡既我miss左個電話,好傷心T.T.. 結果11點零hety打黎先知醒,今日講好左食飯同欏本野俾佢,所以諗住早d起身,點知結果係唔知醒,搞到time table亂晒,起身快快脆脆刷牙洗臉沖個涼,12點15分就出去,搭85號去沙田巿中心,去到沙田都就1點.跟住食個飯食到2點半,同hety行左陣就趕去下一站--小虎約左我同阿so去聽talk-__-",3點45分@灣地恆.2點45分o係沙田火車站,打左個電話俾阿蘇睇下佢做緊咩,點知咁岩佢出深水埔去高登買野,我少搭地鐵,一向覺得地鐵好快,所以見仲有成個鐘就同阿so講話去搵佢,佢"下"左聲就收線.唔經唔覺去到深水埔已經3點10分..淨番半個鐘,同so好快咁行左轉高登,佢買左2個藍芽usb頭,佢話佢將會試一個驚世既發明..之後3點半我地快快脆脆衝去地鐵站,果陣落住微雨,3點50分左右到灣仔站,一出閘行去恆生就見小虎,佢帶左我地上間商業大廈,個talk4點15分開始,d內容其實係講外國升學既,同我&阿so都冇咩關係,不過見小虎要交人,我地就捱義氣啦.個talk5點15分完,之後同阿so行附近d電腦廣場,順便等小虎電話一齊走,佢要執手尾.同阿so一路行行到累,睇下隻錶已經6點40分,點解小虎冇打黎呢?我發現我唔記得開電話,頭先聽talk我好乖咁關左,而阿so就以為我有開番手機,兼且佢又爆分鐘就熄左,結果..-__-".跟住同佢去附近買左d野醫肚,就各自歸家.果陣落住少少雨,我行左陣決定甩下路,去搭地鐵,到樂富跟住行左陣就上左架85號番屋企(今日出黎又係85號),番到屋企7點半,一番到去阿爸就話班主任打過黎,話謝師宴d野上校網有得睇,於是沖完涼就上網online睇番,跟住一口氣打番尋日同今日既日記.

>>June 25, 2003 at 12:23:41 PM GMT+8

2003 年 6 月 23 日 星期一 【晴】

今日訓到1點幾先醒,醒左食埋野就開機上網.3點左右阿舜話玩cm,跟住開左黎玩左成個下晝. 夜晚食埋飯,睇左陣電視就番房睇小新.9點零有個無論樣貌同聲線都有八成似蕭亮既阿叔上黎sell換鋁窗,佢話趁住大廈外牆裝修搭左棚可以借棚換鋁窗,d人真係識把握搵錢既機會.阿媽又咁岩有意換d窗,於是佢地就展開一場激辯,原因係阿媽覺得貴,不斷話唔換唔換,企圖以退為進,不過果位阿叔都唔弱,一眼睇得出阿媽嫌貴但係有換既意思,就自己減價,不過阿媽最愛係殺價,佢不斷換算話唔換唔抵,搞到位阿叔好躁,不過攻擊阿媽話佢麻煩,阿媽呢d要面子當然撐啦,不過位阿叔好似讀過心理學咁,一輪咀講晒阿媽諗既野,我o係房都聽到都不禁聽到笑,好準..準過半日仙.當然我feel到阿媽聽完有d嬲,不過呢個時候位阿叔又話減多少少,跟住阿媽又心郁,繼續談判,又聽到位阿叔用激將法令阿媽為面子而決定買..一路議價講到11點,阿媽同佢都於達成協議(?),跟住平靜晒.呢個時候我同阿舜玩緊cm,夜d阿so破天荒又join黎一齊玩,不過我覺得佢係三分鐘熱度既姐.

>>June 25, 2003 at 11:53:21 AM GMT+8

2003 年 6 月 22 日 星期日 【晴】

今日訓到1點先醒,醒左食完個晏,上網睇左陣人地d日記,跟住打左俾阿舜,成個下晝就同阿舜玩cm,玩到6點零睇新聞,聽到香港終於o係世衛既疫區名單除左名,聽到都覺得幾振奮,希望香港從今起會好啦(不過硬係覺得七一果日..-__-"). 8點幾食飯,食完飯阿舜打黎同佢傾左陣,跟住去左洗碗,洗完碗番房聽住903睇小新,睇到11點零online打日記,呢個時候菌姐打黎,就邊傾邊打日記.

>>June 23, 2003 at 9:26:42 PM GMT+8

2003 年 6 月 21 日 星期六 【晴】

今朝11點零醒,食埋早餐就俾阿媽叫左去拖地,拖左兩次,自己都覺得勁乾淨,不過阿媽好似唔滿意咁又自己拖多次-__-"..之後下晝阿爸阿媽出左去,阿妹一見佢地出去就傾電話,訓覺,我勁叫佢溫書都唔聽..好鬼憫,佢唔溫書阿爸又會鬧我喎..阿妹簡直靠害,阿爸又好鬼錫佢,阿妹有咩唔岩就鬧我囉..痴線架,阿妹佢唔聽我講又係我錯啦,我成日下晝講左不下十次"快d溫書啦",講到自己都覺得自己煩..不過阿妹就依然故我啦,直到阿媽一番即刻扮野欏本書睇..讀書又唔見佢咁叻,呢d偷懶既小聰明就好叻.. 6點零沖完涼出黎見阿妹用緊腦,再細睇原來佢整甩左部機個蓋仔,佢死唔認佢整,俾我問多幾問佢口啞啞..果下嬲到我死,由果刻開始我決定俾d教訓佢,我唔會再理佢,反而我關心佢佢都係唔理,冷戰第一日開始. 食埋飯睇左陣報紙,阿媽講起智能身份證d野,係啦,聽日(6月23日)開始有得做,如果我遲一個月出世都勉強做到啦,之後唔駛去多次.. 9點零番房聽903,聽聽下訓左,11點幾醒番就online打日記,今晚個icq又百年難得一見咁忙,個日記足足打左我二個鐘..

>>June 23, 2003 at 6:09:17 AM GMT+8

2003 年 6 月 20 日 星期五 【晴】

今朝發左個唔開心既夢,跟住就醒左. 今日就12點醒,刷完牙洗完臉之後一開903就聽到芝see菇bi interview黃毓民,聽落都幾搞笑..一邊online,一路聽到12點半落去買lunch食,順便去埋東方欏多次本書,果職員望左望我,好似認得我前幾日黎過咁..之後去左樓下間大家樂買飯食.食完1點半,番房online同玩cm,玩左陣就同阿舜連cm,第2次連..之前果次未save就hang左,所以今次一開game就快快脆脆咁save左先,一路聽住四點水玩到5點零,之後去沖涼. 7點零o係廳睇報紙,之後食埋飯去洗碗,又教左阿妹溫左陣書,已經開始考試,見佢咁冇心機真係教到有d灰.佢又掛住睇電視,溫到10點佢去訓,我就番房睇小新.11點零online,12點左右諗住同阿舜玩番個cm,點知個save唔知做咩開唔到..之後send隻cm4俾佢又睇唔慣,結果第3次重新開game,希望今日冇事啦.

>>June 22, 2003 at 5:35:26 AM GMT+8

2003 年 6 月 19 日 星期四 【晴】

今日訓到12點幾醒,起身見阿妹已經考完試番埋黎..之後梳洗完都冇食野,開機上左陣網,post番日記,跟住就開cm玩,玩到2點零3點菌姐打黎,佢病到把聲變左另一個人,就係咁,傾左半個鐘先知佢係邊個-__-",就4點,阿妹唔溫書用腦,讓左部腦俾佢,我就欏住個電話邊傾邊煮個麵食,食完4點半,跟住電話俾阿妹搶左,我就用番部腦,玩左陣阿舜打黎,不過又係好快俾阿妹搶番.. 7點幾出左廳睇電視,8點零鐘食飯,9點阿媽叫左落樓整番個信箱,佢扭爆左個鎖-__-"..欏起支鑼絲批扭番個信箱鎖果陣諗番起好多野:細細個果陣,屋企有好多野壞左既野,阿公都會自己去整,我就坐o係隔離好好奇咁睇,阿公好勁架,成日都整得番d電器,我覺得佢好叻..久而久之,睇耐左我都有興趣起黎,小學果陣我成日會去整屋企壞左既野,又拆過電芯,拆門個鎖完再砌番..又試過拆四驅車摩打,點知調轉左砌番,一開架四驅車倒後狂"標".. 整完番上樓,10點零番房聽903,睇尋日買落既電腦雜誌,睇到11點幾先online,見冇咩人chat就趁住仲有今日既記憶打埋篇日記佢.

>>June 20, 2003 at 8:14:06 PM GMT+8

2003 年 6 月 18 日 星期三 【晴】

今朝12點零醒,起身刷完牙洗完臉就落左樓買飯,尋日阿爸叫我今日幫佢去樓下東方日報個分店欏本《雨後彩虹》,佢話佢公司d人要喎,於是我第一時間去欏左先,費事轉個頭唔記得左(我d記性-__-"..).之後去7仔求其買d塞得飽個肚既野食.食完飯就上網,發現我個日記同showhappy個server一個咁頹,好多link交叉左,上番我擺野個server一睇,神左..裡面淨番舊不明物體,0 btye,delete唔到,可能係bugs啦..放棄理佢.用另一個a/c擺野,結果成個下晝就整個日記d link,同時我又發現我部腦d圖既backup冇晒,於是我索性改晒佢,後來我又懶得幫d日記link整gif,所以就咁deadlink叉交晒佢,如果各位唔鍾意自己個日記link交叉既話,可以俾幅gif(88x31)我幫你link番既. 整完都4點幾,先發現部收音機仔冇左聲..聽少左成個鐘森美,好傷心..跟住玩左陣cm,阿舜打黎,又打埋俾阿so,就去玩starcraft,玩到6點阿so神秘失蹤,冇耐阿舜又走,我自己玩左陣就save走人. 7點零o係廳睇大廈d信,裝個修都搞到鬧黎鬧去,真係煩..日日都收到業主立案法團同間建築行既信,內容仲好睇過電視劇,8點零食埋飯,睇完套唔知咩咩彩虹就去洗碗.之後同阿妹溫書,佢d作句真係正到痺-__-"..一時間我都唔知點教佢. 溫到10點佢又話執野訓,就係咁,我番房online同打日記.

>>June 20, 2003 at 5:20:33 AM GMT+8

2003 年 6 月 17 日 星期二 【晴】

今日12點零醒,起身刷完牙洗完臉就落左樓買飯,食完飯開cm玩,玩到5點零沖涼,沖完涼拖地.跟住教阿妹溫書,但係好多電話搵佢..教左陣佢走左去傾電話,7點零睇左陣電視同報紙,8點幾開飯,食完飯阿妹困o係房話自己溫書,我就o係廳繼續睇電視,9點半亞視個類似焦點新聞既節目成晚播碧咸轉左會皇家馬德里既消息,我就一路坐o係度睇,不過就10點俾阿媽轉左台睇衛斯理=.="..跟住番房online,聽903同玩cm,玩到2點零同阿so玩Black Thorn,之後我同阿so join阿舜玩starcraft,一路玩到天光. 尋晚阿so send左個幾嘔又幾搞既flash,不妨去睇睇,網址係http://www.giantad.net/si.swf 注意!!宜空肚去睇..

>>June 20, 2003 at 5:19:23 AM GMT+8

2003 年 6 月 16 日 星期一 【晴】

今日12點醒,起身之後開左陣機.之後1點零落樓買飯,醒起阿爸尋晚畫左張六合彩飛叫我今日去買,話咩十八歲要見識多d喎..入到投注站,感覺好怪,周身唔聚財咁,d人既目光望過黎果陣就好似話緊"咁細個黎就賭錢"咁,好討厭呢d目光..快快脆脆咁買完就走左,即刻個人鬆左唔少,睇黎入投注站唔多岩我..買埋lunch番到去1點半,食埋野就玩cm,玩左成個下晝. 7點零鐘三姨丈黎左,佢買左好多野,又燒鵝又啤酒,果陣我o係房度俾佢叫左出黎陪飲-__-".食左少少燒鵝,又俾姨丈屈我飲左一大杯酒,苦到傻.之後聽左佢一番話,8點零我一招借尿遁走左,跟住番房玩cm,玩左陣就食飯.食完飯教阿妹溫書,同佢溫history,9點零溫到10點,佢話執書包就停左,跟住去左摺衫..摺緊衫果陣聽到阿媽又鬧阿妹咁早就唔溫,之後見阿妹入左黎房溫書,不過我摺完衫佢已經去左訓-__-".

>>June 18, 2003 at 7:13:11 AM GMT+8

2003 年 6 月 15 日 星期日 【陰】

尋晚睇波,睇到5點先訓. 尋晚同阿舜阿so約好左今朝8:30起身睇NBA Final,仲話邊個醒先就打俾兩個.今日俾電話嘈醒,一聽之下,係阿舜打黎,見係佢打黎,我一開口就問佢開左波未,feel到佢勁疑惑,我再望下個鐘..下晝2點50分!即刻知講錯野,d氣氛好尷尬,俾佢笑左餐-__-".原來佢打黎叫我玩aoc,之後擦牙洗面完醒起要幫阿爸交電話費,就落樓交順便買個晏仔食下,見到35期小新出左(之後二佬同我講番5月尾已經出左),就買左本.番到去食埋個tea 3點半,之後就同阿舜小虎玩aoc,輸又輸,最後終於贏番盤,都6點零,跟住同阿舜玩陣Black Thorn,7點零send隻cm俾佢,阿妹就霸左部腦,我就睇本小新. 食埋飯,阿舜打黎,同佢傾左陣去洗碗,跟住之後欏住本《雨後彩虹--謝婉雯醫生紀念集》睇,本野係尋日阿媽o係樓下東方日報分社欏既,尋日睇東方見到話出呢本既編輯做呢本野感動到喊左幾次,今晚食完飯見冇野做就欏黎睇下,一睇就由頭睇到尾,俾謝醫生既事蹟感動,睇埋d人留俾佢既話..um..真係唔識點講,有機會既話大家睇下本野啦. 11點零,聽住三姑,佢地玩野齋播歌,實質無聲抗議23條..12點先正常番個節目.

>>June 17, 2003 at 6:39:25 AM GMT+8