2003 年 5 月 20 日 星期二 【晴】

今日梓為約左阿正,sally同我去唱k,今朝11點半就到九龍城廣場..去九場間neway唱左個k lunch,唱左$33..今日幾好玩,尹光好好好好正,又發現joey首《心淡》同《習慣失戀》個mv男主角個樣有d似二佬~一路唱到3點15分.唱完之後冇野做就四圍行,去左大快活食野,食完傾計,傾左好耐,加上個環境唔錯,有種好舒服既感覺.唔覺唔覺就5點半,傾到佢半個場要熄燈先走,跟住就各自番屋企.

>>May 22, 2003 at 3:01:28 AM GMT+8

2003 年 5 月 19 日 星期一 【晴】

尋晚勁累,9點就訓左..訓番呢兩個月黎既覺..不過今朝都係7點零醒左,記得已經考完,突然有種唔見左野既感覺..跟住開機聽下歌,到9點零沖涼換衫,10點出左去. 見就到18歲生日後第30日,又考完試,就趁得閒去左換身份證.去到觀塘間入境處,10點半,今日冇咩人,20分鐘左右就搞掂..11點已經走得,之後自己落紅磡行,買左d野,12點零去麥記醫肚..我居然唔記得我手指有d打指模既墨水(抹左仲有少少漬)..d墨水隨住薯條兄弟落肚-__-..算啦,食唔死我就算..食得死都抵死丫.

>>May 20, 2003 at 11:18:36 AM GMT+8

2003 年 5 月 18 日 星期日 【雨】

今朝6點幾醒左,一醒左就好興奮,因為今日就係考最後一科,不過又好擔心hist會死,因為我個mock hist係死左既. 今朝同鰻魚去華英考,不過果度張檯太細,做卷一果陣不斷聽到跌野聲,好煩厭..又feel到隔離左手邊果個人仔超癲,勁寫勁寫..加紙又加紙,加左兩張,搞到我心都慌埋. 不過到卷二見佢做到皺晒眉,我同鰻魚都諗緊..究竟佢實力係點既呢? 11點45分..歷史性既一刻,當阿sir嗌"pens down"..我當堂透左啖大氣,眼有淚光..果刻真係好感動.. 考完喇..!

>>May 19, 2003 at 6:16:26 AM GMT+8

2003 年 5 月 17 日 星期六 【陰】

今朝終於裝番部冷氣喇!! 今日諗住全力溫書,點知撞岩阿婆生日,好無奈咁帶埋d history書入將軍澳,一如所料,去到溫唔到書,可愛既表弟表妹同我阿妹,我阿姨既仔女(都係表弟妹啦)玩到拆天,d野完全入唔到腦,結果全日溫左4,5頁,好頹.. 食埋晚飯都費事溫..d大人又傾下計,我就同d細路玩(我都係!),之後食埋個生日蛋糕,成10點先走,番到屋企10點45分..跟住狂溫溫到3點幾先訓.

>>May 19, 2003 at 5:05:14 AM GMT+8

2003 年 5 月 16 日 星期五 【晴】

今日9點幾醒左,溫history,不過冇咩心機..可能見淨番最後一科,心散..下晝梓為打黎撩我出去,你個魔鬼丫..你溫左我未溫,害我囉..冇出到去,不過傾到3,4點..之後收線就訓左訓,醒左溫書. 夜晚聽住森美移動,森美玩遊戲又輸左,要罰留鬚..好變態,令我諗番今年番學既日子,dora成日話玩變態小遊戲..好懷念..有機會既下次玩輸左就一個月唔好剃鬚!哈哈哈~不過我實唔玩..我d鬚仔出得好快. 森美上個禮拜已經輸左次,咁先抵死..貪靚既佢要連續兩個禮拜冇得剃鬚,搞到佢受好大刺激..不過欣賞佢夠君子,冇賴貓.

>>May 19, 2003 at 5:02:01 AM GMT+8

2003 年 5 月 16 日 星期五 【晴】

呢排o係少爺占留意到既一首歌,聽落好舒服..原來佢之前寫俾梁奕倫+范振鋒合唱,宜家欏番黎自己唱..我特登搵晒兩個版本聽,各有各好啦,不過我就鍾意一峰個版本多d. d詞幾哀,背景我諗係節日(除夕!?),講節日得自己一個人,好孤獨,d朋友又雙雙對對黎問候你,更加顯出自己既孤單.不過諗真一層,o係尋求幸福既過程,原來自己唔太清醒,其實唔駛咁執著,於是就帶出安慰自己既一句話,今日係節日,應該要更加開心,好多人到大時大節見自己得一個人過,會好易迷失,會懷念,會唔開心..所以亦都應該要更加清醒,既然係節日,就開開心心慶祝,一個人又如何? 今天應該更高興~ p.s. 首歌詞幾難搵..搵完仲要唔係一峰版,要自己再改改.. 今天應該更高興 林一峰 曲詞：林一峰 編曲：林一峰 監製：林一峰 突然剩我捱下去 即將葬身歡騰鬧市 電話為何仍未響 突然害怕難面對 雙雙友好噓寒問暖 自己仍然無伴侶 佳節熱鬧倒數像諷刺著我 誰人像我一個人 誰人沒氣力談情 避免感觸太多 感覺太亂難清醒 成全幸福的拼圖 人潮中我漸忘形 至少燈飾照閃 假使你在旁 今天應該更高興 達明若聽到這歌 應該記得 當年為了大家 全情投入過 大雄亦無忘技安 畢竟最不開心已經走過 錯過能認錯 靜宜或靜香現在也快樂嗎 仍然懼怕一個人 仍然沒氣力談情 避免感觸太多 感覺太亂難清醒 成全幸福的拼圖 人潮中我漸忘形 滿天燈飾照閃 即使碰著誰 都不知怎去反應 為何懼怕一個人 為何太急於相戀 你緊握兩手 雙緊扣著 仍然溫暖 尋求幸福的過程 原來自己不清醒 每當穿起暖衣 將心跳記住 今天應該更高興 今天應該更清醒 今天應該更高興.. 今天應該更清醒.. 今天應該更高興

>>May 17, 2003 at 2:55:38 AM GMT+8

2003 年 5 月 15 日 星期四 【晴】

今朝起身唔清醒,好眼訓,又成身汗..d死人裝修佬o係最熱呢幾日先拆左部冷氣,搞到我晚晚都熱到痴線..風扇吹出黎d風都係暖既..結果今朝起身就快快脆脆沖左個涼,side左我溫書既時間,沖完涼個人醒晒,就出門.去到8點零,見唔到熟人..咁仲好,自己坐埋一面溫,狂溫..份卷一上年係強項,今年做到皺晒眉..不過好彩溫果d文學史有出,執番唔少.做做下卷一,無啦啦俾後面個baby踢我個pat..淨係卷一踢左我三腳,卷二又伸一腳..練踢腿都無踢得咁高掛..仲搞到我寫寫下又要停一停,斷我思路..又唔另得個去話佢.. 卷二感覺今年答得好過上年,不過文學d讀文好難答,我都唔肯定點,基本上滿意既..仲有件離譜既事,話說我前面果個人做做下卷調位走左,唔通佢知我裝佢份卷(笑)?我冇理到,之後做做下卷.."滴滴"兩聲,我即刻望我張準考證..濕左兩大撻,變態架..原來前面個人因為冷氣機滴水調位..我見淨番10幾分鐘..抹左抹張準考證就唔理佢繼續狂寫,好彩部冷氣都俾面我唔再玩我o者..

>>May 16, 2003 at 5:31:26 AM GMT+8

2003 年 5 月 14 日 星期三 【晴】

今日好勤力,花左成日溫番1年前溫過既文學,岩岩上手咩都唔記得..好頹.不過好彩溫溫下開始背得番d文學史同d詩詞.期間分左心上左陣網,不過上網都係去講文學d網邊睇邊icq,都溫番唔少文學常識.12點off番line狂溫,結果溫到2點,雖然仲差少少..但係太眼訓..最後去左訓.

>>May 16, 2003 at 5:30:14 AM GMT+8

2003 年 5 月 14 日 星期三 【晴】

再黎shine既《半熟男孩》大碟,推介第4 hit. 憂怨既曲,配埋比喻精妙既詞,用燃燒代表住一段熾熱既情,炭係當中既主角.. 從前有舊炭,佢表面睇係好堅硬,但其實好易碎,跌一跌都散..炭既外表亦唔討好,黑色一舊.有一日,有人點著左佢,炭縱使能夠發熱燃燒,但亦好快就完結,佢燃燒既壽命唔長..而且佢脾氣躁,燃燒果陣會發出"啪啪"聲..由佢發熱果刻,已經代表住佢會好易傷害到嘗試接觸佢既人,果然,佢好快就燃燒完.. 冇幾耐,一陣冰冷既水令佢冷卻,潑熄左既佢,舊炭心已經又灰又冷.一陣風吹過,帶走d灰燼,d灰燼就係佢淨番唯一既回憶,瞬間..炭已經絕望,佢緊等灰飛煙滅一刻. 全身灰白既炭已經唔望可以延續d火花,回望佢一生,佢只想可以一次過燃盡自己,壯壯烈烈咁化成灰,燒一個晚上,之後隨風散去.. 可惜到最後,燃燒過..未燃盡就俾人潑熄左..佢既高溫減卻緊,佢唔捨得,只怪佢個心仲未完全冷,仲掛住僅餘一幕幕既熾熱.. 炭 Feat.徐天佑 曲:謝杰　詞:黃偉文 就像石塊一樣地強硬 但是其實我的心 也許 還比你易碎 所以讓那猛火燒下去 死撐從沒眼淚 狂戀總有熱與光 但是你近來 平靜得似雪一堆 冷淡到二人未似一對 情人面前 我註定了是炭 脾氣燥但馬上散 即使一臉黑 沒你所想 這樣強硬 我會燒毀半座山 然而遇見水 我就變冷 一旦被潑熄 就會灰飛一瞬間 誰來助燃 我註定了是炭 無法獨個地 愛得璀璨 即使很性急 讓你很煩 延續火花要是難 就一次燃亮我 成全半個壯烈夜晚 情人面前 我註定了是炭 脾氣燥但馬上散 即使一臉黑 沒你所想 這樣強硬 我會燒毀半座山 然而遇見水 我就變冷 一旦被潑熄 就會灰飛一瞬間 誰來助燃 我註定了是炭 無法獨個地 愛得璀璨 即使很性急 讓你很煩 延續火花要是難 就一次燃亮我 成全半個壯烈夜晚 留住高溫要是難 燃燒過了 就會變得平淡 為何我仍未冷

>>May 15, 2003 at 6:21:45 AM GMT+8

2003 年 5 月 13 日 星期二 【晴】

shine最近既大碟《半熟男孩》,全碟搵黎wyman填寫半熟既人生觀,當中我最欣賞《曼谷瑪利亞》呢首歌,而《半成年》同《曼谷瑪利亞》之前都介紹過,今次介紹呢首係分開兩個版本唱既似情非情歌《簡單而隆重》. 二人分唱兩個版本,點解呢?據講代表住天佑同又南有住唔同既戀愛價值觀,所以兩個首歌最尾個句既意思唔同.歌詞大致上係借簡單既戀愛觀,講出半熟年青人對婚姻既睇法:既然愛一個人,早d婚都冇所謂,唔需要等,突顯出敢愛敢恨既一面. 簡單而隆重 Feat.黃又南 曲:Barry Chung 詞:黃偉文 常人生命 是數十年 起碼十年 苦失戀 遲來一日 甜蜜就更短 我早識妳 早愛定 快幾年 旁人都話 未免快點 多看十年 多觀察點 明年或有大戰亂 拖拍得那麼遠 擔心有承諾 不能實踐 假如動心 假如認真 不如就早婚 想待妳好 想多相處 想令妳安心 假如著緊 不如別等 既然合襯 不必再 找來和找去 世人前跟妳 熱吻 潮流生活 就算自由 戀愛問題 很保守 碰到真愛立刻抱住 要研究多久 肯定愛 何必有保留 假如動心 假如認真 不如就早婚 想待妳好 想多相處 想令妳安心 假如著緊 不如別等 既然合襯 口講也許毫無根據 不如來一吻 地上沒幾多愛侶 夠老慶祝到金婚 若愛定了 為何還要等 假如動心 假如認真 不如就早婚 金屬戒指 簡單婚禮 一樣夠窩心 假如著緊 不如別等 既然合襯 早一秒 給旁人知道 有人還相信 那最舊派婚姻 十八直到近百 也是帶著老伴同行 簡單而隆重 Feat.徐天佑 曲:Barry Chung 詞:黃偉文 常人生命 是數十年 起碼十年 苦失戀 遲來一日 甜蜜就更短 我早識妳 早愛定 快幾年 旁人都話 未免快點 多看十年 多觀察點 明年或有大戰亂 拖拍得那麼遠 擔心有承諾 不能實踐 假如動心 假如認真 不如就早婚 想待妳好 想多相處 想令妳安心 假如著緊 不如別等 既然合襯 不必再 找來和找去 世人前跟妳 熱吻 潮流生活 就算自由 戀愛問題 很保守 碰到真愛立刻抱住 要研究多久 肯定愛 何必有保留 假如動心 假如認真 不如就早婚 想待妳好 想多相處 想令妳安心 假如著緊 不如別等 既然合襯 口講也許毫無根據 不如來一吻 地上沒幾多愛侶 夠老慶祝到金婚 若愛定了 為何還要等 假如動心 假如認真 不如就早婚 金屬戒指 簡單婚禮 一樣夠窩心 假如著緊 不如別等 既然合襯 早一秒 給旁人知道 有人還相信 那最舊派婚姻 十八直到近百 要做世上最大情人

>>May 15, 2003 at 5:28:24 AM GMT+8