2003 年 8 月 25 日 星期一 【陰】

尋晚同梓為玩cm玩到3點幾4點,結果今日訓到下晝1點幾俾阿舜打黎嘈醒,佢問我有冇龍族,佢話去7仔買兩杯自由斟就有.其實我已經有,因為咁岩得咁橋我幾個星期前去7仔買左兩杯自由斟(我自己同幫阿妹買埋),咁就拎左隻.. 醒左之後就on左陣line.2點零先落去買lunch,番到黎邊食邊online,食完好鬼飽..所以出去行下,難得見到陽光..3點半就出左搵恆生銀行交管理費..之後成個下晝都好胃痛,飽又痛,餓又痛;食野又痛,唔食都痛..都唔知點搞. 夜晚食埋飯跟住去洗碗,洗完碗就番房,後尾阿媽入黎叫我幫佢電話入增值咭增值,之後就開機上網icq同打日記.

>>August 26, 2003 at 3:23:43 PM GMT+8

2003 年 8 月 24 日 星期日 【陰】

今朝訓到10點幾起.下晝出去買lunch果陣俾位阿叔聊傾計,好驚..無啦啦問我打左風幾日,我答佢三日,跟住佢講左句"打風唔成三日雨",就好心滿意足咁走左.我覺得句野幾得意,於是呢句野今日就成日掛左o係我咀邊..食完lunch下晝1點零online,基本上成個下晝都on住line同訓.. 夜晚睇番自己個hkflash guestbook,發現自己info曾經寫過段幾有趣既文字.. 20020917陳年info 講樣野你知: 有一首歌,我搵左好耐.其實我只不過係聽過半首,就已經認定左首歌好好聽.於是我好努力咁搵,搵左好耐,都搵唔到..就o係我心灰果陣,首歌俾我搵到,我一聽之下,覺得首歌原來冇想像中咁好聽,我將佢擺埋一面.到左後來,我想搵番首歌黎聽,已經搵唔番. 有d野你得唔到果陣,會好唔甘心, 但係當你得到左之後, 你會當佢係必然,唔重視佢, 亦都會搵佢d缺點,嫌棄佢.. 失去左之後,搵唔番果陣,又會後悔.. 人,就係咁唔識得珍惜眼前所擁有既野.

>>August 25, 2003 at 4:02:04 PM GMT+8

2003 年 8 月 23 日 星期六 【雨】

今朝訓到10點醒左,跟住之後就落街同阿爸買送.落到街好大風,個人都差d吹走左,不過就好涼好舒服,我鍾意..11點零番到屋企,極到眼訓,不過訓唔番,望番街外面陰陰沉沉咁..之後睇報紙,跟住online上左陣網,1點幾去食個麵當lunch,之後番房攤住聽903同講電話.3點左右窗外落勁大雨,風又大,d風吹入黎好涼..不知不覺咁我就訓著左,訓到5點10分左右俾梓為打黎嘈醒左,跟住起身同佢玩左陣cm,6點去左沖涼,6點半又再同佢玩過,玩到7點.跟住出廳睇電視,無無聊聊又番房online,8點半食飯,食食下飯驚覺己經3號風球,仲要原來掛左成9個幾鐘..今晚阿爸同阿媽心情都好似好煩躁,郁d都好大聲鬧人,阿妹就真係不幸-__-",所以我食完飯就閃左入房自閉,上網同icq,見冇野做就打埋日記.

>>August 24, 2003 at 1:39:59 PM GMT+8

2003 年 8 月 22 日 星期五 【陰】

今日訓到9點半,12點幾都醒過醒,不過好眼訓,跟住又訓過,結果訓到1點零先醒,醒左見阿妹幫我買左飯.印象中迷迷糊糊聽見佢話落去買野食就順便叫佢買埋.食完飯開cm玩左陣,又開左fifa同gta3玩,不過隻gta3又開唔到..最後開左隻crazy taxi黎玩,唔覺唔覺玩到4點. 4點左右peony上左黎,開左部腦俾佢開icq,之後5點半同佢落左去7仔買左d野食,見未6點,跟住行左過碼頭坐,碼頭好涼好大風,吹住風傾計,感覺好好.今日個天空好靚,d晚霞好橙好紅,唔覺就同佢一路坐到8點,跟住送埋佢搭車就番屋企,番到去食埋飯,睇左陣港姐,見無聊就番房online,過左陣又出番去洗碗,洗完碗番房icq同打日記. 又打風,1號風球..好野~

>>August 23, 2003 at 2:07:53 PM GMT+8

2003 年 8 月 21 日 星期四 【雨】

今日訓到11點零先醒,起身on左陣line同睇左陣電視就落左去買lunch.食完lunch下晝繼續online同睇forum,2點零開左隻fifa黎玩,一路玩到3點零,拖埋地跟住就沖涼換衫出去.4點零搭21號去彩虹,上去阿寶度,因為今日諗住幫聽日生日既阿正慶祝,所以約晒5點半前到阿寶度等,有一班好似2點幾已經上左去打牌,我上到去睇左陣雜誌跟住又玩ps2,再食左兩包熊仔餅,跟住就人齊出發,今日有阿正,阿寶,阿siu,鯉魚,阿fa,sally,suyi,carrie,queenie同我. 去果陣個天陰陰,一路都驚落雨,不過由搭van仔入去直到到左都冇落雨,跟住轉的士到海灣酒店BBQ,一切安頓好晒開始燒野食,呢個時候突然黎左一陣狂風大雨,吹到檯翻椅倒,遍地屍骸,我仲淋到成身濕晒,好狼狽..之後苦惱緊點之際果度d人俾我地換檯,於是我地繼續燒落去,今次順利好多,其間又落多場雨,不過今次我地o係入d既檯,果度有瓦遮頭,雖然d雨都仲吹到入黎,但係開遮已經遮到,所以開住遮照食.食到咁上下跟住落左沙灘玩,好鍾意坐o係沙灘聽海浪聲,又有涼風陣陣,好舒服..所以都冇再上番去,一路o係下面吹住風吹水,鯉魚又捉左隻蟹仔玩..之後佢地提議玩truth or dare(又係呢個遊戲-__-"..),初初都冇咩野,之後10點零叫晒d人落黎玩果陣就變態咯,咩花式都有,玩到12點唱埋生日歌同送禮物俾阿正,跟住過左陣就走. 一路行海傍行番出西貢碼頭小巴站,入7仔買左d野飲,再討論埋每個人番屋企既路就各自分批搭車走..o係小巴一路俾阿siu搞-__-".1點左右出到九龍城,落左車跟住同suyi行番去,1點40分左右番到屋企,沖埋涼2點,跟住番房online同打日記. p.s.阿正生日快樂

>>August 22, 2003 at 9:00:45 PM GMT+8

2003 年 8 月 20 日 星期三 【雨】

今朝訓到9點半醒,起身見個天陰陰地,之後online icq,一路on住line睇下forum,唔覺唔覺12點.跟住落左去買飯,又去7仔買左杯野飲,見到附近將會開間叫"百鮮佳"既店,應該係百佳既支店,因為有百佳既logo,但係對面已經有間百佳,再由個名去諗,我諗應該會賣d蔬菜鮮肉之類既野,似街市咁,如果係都好,咁以後星期日唔駛去咁遠買送.. 食埋飯又上網online icq,跟住玩炸彈人,一路玩到2點熄機出去.去左peony度,去到5點零6點走,呢幾日都俾阿媽催要買中六d書,所以都諗住今日買,就去附近間書局買書,結果仲差4本,不過買到就算..跟住搭車番屋企,番到去買左d野食上去,上到去見阿妹scan緊部機,原來佢又搞到部機中毒,仲要中親都係果隻,所以三兩下就清左隻毒,跟住上網睇forum.8點半食飯,食完飯番房睇下買左番黎既書,欏左本中文黎睇,內容好似好難咁..跟住去洗碗,洗完碗就番房online同打日記.

>>August 21, 2003 at 2:29:52 PM GMT+8

2003 年 8 月 19 日 星期二 【雨】

今朝訓到9點15分醒左,今日sally約唱k.沖埋涼9點45分出左去食左d野,我唔知邊間green box,就約左sally o係先達等,其間阿正打黎話到左,搵埋sally就上左家樂green box,今日有阿正,阿寶,sally同我.一路唱到1點半俾人cut歌就走(好cheap..),跟住諗去邊,結果齊齊入葵涌去阿正屋企諗住打牌,搭左半個幾鐘車,去到sally買左d野食.之後上去,阿正佢地搬左副麻雀出黎,其實我唔係咁識玩,佢地教左教我跟住玩左兩,三round就冇玩..跟住阿正搬佢d玩具出黎玩,又睇下報紙,睇下電視,之後又好無聊咁砌麻雀..又欏左副啤牌出左玩左幾round,再玩幾round變態"cum"棉胎,"cum"到手痛..最後連波子棋都玩埋,跟住睇左陣電視都6點半,就齊齊落地鐵站走人,7點零o係彩虹搵車番屋企,番到去8點都未到,沖埋涼番房on陣line就食飯,食完飯番房聽903同打日記,跟住online icq.

>>August 20, 2003 at 1:36:00 PM GMT+8

2003 年 8 月 18 日 星期一 【晴】

尋晚同梓為玩cm,玩到3點眼訓去左訓.今朝訓到10點幾先醒,跟住起身梳洗完就去左peony度,上到去開機玩vos同online,下晝一路online同vos,之後3點零同佢落左去百佳買野,行到好熱,番上去坐左陣又同佢落美心拎蛋糕,欏完蛋糕番上黎就食lunch,個lunch幾好食.食完玩炸彈人,一路到6點幾7點,跟住就番屋企,番到屋企食埋飯睇陣電視,跟住洗碗,之後番房online打日記同icq,同埋玩炸彈人,終於玩晒d點數lu..有d衝動買張點數咭玩.

>>August 19, 2003 at 2:21:46 PM GMT+8

2003 年 8 月 17 日 星期日 【陰】

今朝訓到10點俾電話嘈醒,再訓過訓到12點醒,跟住online睇下forum,四圍聽人唱歌.1點零出左去食lunch,跟住之後上peony度,上網同玩vos玩到5點幾,跟住去左kyan度,佢話上唔到網.到左佢度,幫佢睇下發現佢未裝番張lan card,跟住幫佢裝埋就上得番網,又download vos落黎,教埋佢點整vos d歌,跟住坐多陣就走.7點幾走,8點番到屋企,睇左陣電視就食飯,食完飯睇左陣電視,跟住去洗碗,洗完碗番房online icq同打日記. 夜晚好唔開心..

>>August 18, 2003 at 4:48:13 PM GMT+8

2003 年 8 月 16 日 星期六 【陰】

今朝到訓10點醒,食埋早餐跟住同阿爸落左去買送,買完送番到黎就上網.一路上到12點零食晏,食完晏又online,先上yahoo同sina玩game,跟住又同梓為玩左陣cm,3點零見部機熱熱地就熄機.之後梓為打黎同佢傾左陣,傾到4點零上yahoo同佢篤波.5點去左沖涼,6點零出去,去peony度,跟住同佢同kyan去食野,之後叫埋小虎落黎.食到10點零就走,送佢行左陣就番屋企.番到黎就online,跟住打日記.

>>August 17, 2003 at 3:51:28 PM GMT+8