2003 年 10 月 17 日 星期五 【晴】

今朝訓到10點45分醒左,跟住一路online,聽下歌,睇下人日記直到12點40分去沖涼.沖完涼換埋衫就出左去食lunch,大約1點35分到peony屋企果邊,之後同佢搭車去尖沙咀. 去到尖咀落車同佢去左swindon睇書,睇到4點10分走,跟住同佢行下街,行去旺角果邊,因為我要幫阿爸拎部咩固網電話機,同peony行左去永安,跟住就行去西洋菜街,去168上電訊盈科拎電話,排左陣隊去拎到. 跟住同佢番去,擺左個電話上佢度,之後同佢去左食飯..11點先走,好開心既一晚.之後去peony度拎番部電話機,跟住番到屋企就去訓. 人生已經唔算長,而我亦只係可能o係你生命裡面佔得幾分之一既時間,所以我會好好珍惜同你一齊既時光.由今日開始我同你要相敬如賓,珍惜對方.. 可惜我這個世代 很懂吻別 很快放開

>>October 19, 2003 at 4:24:02 AM GMT+8

2003 年 10 月 16 日 星期四 【晴】

今朝6點40分醒,今日係最後一日番早啦,太好喇.番到去同左輪行左成朝.第一堂中化,教公函格式.跟住兩堂英文做group discussion,小息落左去兜個圈,之後兩堂中史教書,越黎越覺得miss嚴好有料,成肚都好多中史既野. 今日好人齊,所以lunch照舊上左去又一村既惠康+7仔,不過下兩個禮拜就可以唔駛再淨係食呢兩度啦.食完番到黎1點,跟住番左番課室就去左sac開prefect會,知通我地下兩個禮拜小息當值,我同左輪編左去3樓,我地兩個都好興奮,好期待..因為我地都覺得亂世先好玩,我地已經悶左兩個禮拜地面既太平盛世..之後番去課室就擺定書上locker,放學要極速整board.. lunch之後文學堂,教左堂書,終於開始教我最最最最最愛既莊子,不過時間淨係容許楊sir講到解題,好期待..之後兩堂econ堂,上到好灰心,根本集中唔到精神聽書,一唔集中就唔明,唔明就唔會識..突然對econ冇晒信心,之後一路都好moody. 放學趕個中史學會既board,整到好核突下,不過要趕住起貨都冇計..之後5點幾同阿正,sally,carrie落左新世紀麥記,suyi請食野,因為佢欏左d獎學金,去到見到佢同小玉坐左o係度,食埋野傾左陣計娛樂大家一餐就走.齊齊落左旺角行,行到9點先走. 番到去食飯洗碗就去左訓,好累好眼訓.. 『沿途就算跌 要跌得好看 才能不自責 報答別人厚望 然而誰明白我 沒你們所想的堅壯 我很想找個人 對我說別怯慌』 多謝你今日俾信心我..

>>October 19, 2003 at 4:04:50 AM GMT+8

2003 年 10 月 15 日 星期三 【晴】

今朝6點40分醒,今日唔敢再賴床,7點05分就出左去,番去到7點半,拎埋書就當值.今朝個早會加班,有頒獎禮.第一堂中化,教書.跟住兩堂中史,先測左一堂驗,跟住教左一堂書.小息落左去拎報紙,睇神舟5 d新聞.之後兩堂空堂,今日紅十字會黎左,好多人去左捐血,suyi好熱心猛叫人去捐血,點知最後自己捐唔到-__-". lunch suyi唔出去食,sally冇番,我就同阿正,阿佬,carrie去左食河粉,好耐冇去過,所以覺得特別好食.. 番到黎冇耐就打左鐘,跟住兩堂令人眼訓既econ,第二堂好彩有阿show既爽浪救左我一命,睇黎我都要買定一袋黎對付econ堂..最後一堂中化oral,今日到我講,講起都失禮,不過好彩我用左唔少四字詞黎搭救,最後都有4同5分(9分滿分),都算不過不失. 放學就走,跟住幫sally整佢個日記.夜晚食埋就洗碗,又睇左陣電視同報紙,跟住番房online同打日記.

>>October 16, 2003 at 3:37:07 PM GMT+8

2003 年 10 月 14 日 星期二 【晴】

今朝都係6點40分醒,不過見天氣涼左,就賴左5分鐘床,6點45分先起身,咁就出事喇,搞到我出遲左門口,番到去岩岩好7點40分要on duty,擺低書包都冇得欏書就要開始prefect當值.好彩之後見到可愛動人既sally,叫佢幫我o係locker欏書.今日又守番地下,同左輪一路on duty到早會之後.頭兩堂係英文,去左mmlc睇video,睇到我勁眼訓..好彩跟住有堂空堂,不過要溫文學,小息之後測. 小息一路溫文學,跟住兩堂文學堂用黎test,好難下,又寫唔切..lunch照舊上又一村7仔同惠康,番到課室見d同學仔整緊board,一路睇住佢地整一路溫中史,聽日測.跟住上左堂悶人既econ,之後堂中史清醒番d,最後堂中文教下書. 班主任時間就投票今年學校去邊度旅行,得出結果係廢既..搵旅行團搞喎.. 之後上埋堂oral走得,放學就去happy wednesday,好耐都冇喇,同阿正,sally,suyi,carrie去左新世紀既大眾,跟住去旺角四圍行左陣,又上左田園,6點幾先走. 夜晚食埋飯,洗埋碗就番房online打日記,同埋溫左陣中史.

>>October 15, 2003 at 2:50:58 PM GMT+8

2003 年 10 月 13 日 星期一 【陰】

今朝6點40分起身,番到去7點半,仲有時間慢慢拎書,今朝同左輪行行下地下俾vice head prefect阿crystal姐姐叫左上三樓,上到去有d失望,朝早d人好吽,冇打交冇粗口,得d未訓醒既人企o係走廊黃格阻街,清完都好清閒. 今日頭三堂econ,好難捱,上完三堂我奇蹟地生存,雖然中間放break果陣中左幾槍訓左三五分鐘.. 小息落去買冷衫既鐵校章,見到有個人成個癲婆咁咬住舊腿蛋治走過黎-__-". 跟住兩堂文學堂完埋課書佢,聽日有test,唉..lunch之後中史堂,呃到miss改做後日先測中史,好彩唔駛同文學撞..順帶一提我星期日買左支筆,用左兩日,寫左中史同中文essay,d墨去左三分一.最後兩堂空堂,做英文d功課. 放學落旺角行左陣,夜晚食埋飯,洗埋碗就番房online打日記.

>>October 14, 2003 at 3:10:55 PM GMT+8

2003 年 10 月 12 日 星期日 【晴】

今朝訓到6點40分起身,番到去又好憫,差d遲左個prefect點名,今朝又同左輪無無聊聊行左成朝操場,先發現d house既board 4個有2個俾人惡意破壞,又發現有舊狗屎狀物體,無奈-__-".聽日就可能調去充滿挑戰性既3樓,我同左輪都好期待. 今日第一堂係文學,教左陣書派默書,之後兩堂中化都係教書,不過d進度好似好慢咁.小息落左去買野食,之後兩堂空堂用左黎傾下廢話同趕中史份essay,寫左兩版.lunch上左去又一村惠康+7仔,又係呢個配搭,跟住番到去又做左陣中史essay,阿jeffen同casper無啦啦o係度猜排球,打中我個住對上盞燈個罩,搞到佢搖搖欲墜,我一路驚足最後果三堂英文堂,聽日仲有排驚..最後三堂英文堂作文,放學今日冇會開,好難得可以準時走. 夜晚食埋飯,洗埋碗就番房online打日記,跟住snoce打黎同佢傾左一陣,我都知中六辛苦,俾心機撐落去,同埋放鬆d,唔駛迫到自己咁緊.

>>October 13, 2003 at 3:16:26 PM GMT+8

2003 年 10 月 11 日 星期六 【晴】

今日係開心既一日,朝早起身食埋早餐就睇報紙,跟住下晝食左個杯麵就做功課,做功課同做功課,今日都冇咩特別事喇,平凡既一日.

>>October 12, 2003 at 3:12:30 PM GMT+8

2003 年 10 月 10 日 星期五 【陰】



>>October 11, 2003 at 2:34:43 PM GMT+8

2003 年 10 月 10 日 星期五 【陰】

今晚一路播住首《兩個人的幸運》,原來首歌配合埋套電影會有另一番感受. 電影講到兩個人既相遇,彼此又鐘意對方,呢d就係緣份. 如果日日都撞到,但係其中一個唔鍾意對方,呢d都唔叫緣份,呢個係孽緣. 人生真係充滿住巧合, 如果..我中三揀左理科黎讀; 如果我會考唔係10分唔駛repeat; 如果唔係黎左九龍塘學校報repeat; 咁今日既一切一切,可能又會唔同晒. 最少唔會遇到你,唔會識到你.. 可能呢一刻大家有住各自既生活,o係我生命唔會有個咁靚名字既你出現. 「就像城市裡的大多數人一樣，一輩子也不會認識，卻一直生活在一起..」 大多數人被命運戲弄,明明非常接近,卻又差那一點點而無法一起,好好把握每一段緣份. 兩個人的幸運 梁詠琪 曲/編/監製 : 金培達 詞 : 林夕 明明像兩點水 聚到一點 怎會一息之間歸予上天 這斷了線的風箏 在哪邊 明明是你聲音 在我左近 相隔一幅玻璃 敲進內心 寧願 從來未接近 天各一方終於等到陌生 和你 若不相識不相襯 另覓愛侶也會甘心 還能如何愛你方可併發火花 沿途才能被逐寸火花 給我望見 這一格童話 就如騎著木馬 搖著歸家 沿途如能叫你一早叫到沙啞 高呼一個密碼 幾百萬名字裡誰是你 誰讓我查 只想你我幸運到令天地 害怕 明明木馬已經 為我準備 跨上一刻怎麼得我自己 除非 這繁盛都市 竟載不起一刻生醉夢死 如我 在荒島裡相識你 便沒法再錯過得起 還能如何愛你方可併發火花 沿途才能被逐寸火花 給我望見 這一格童話 就如騎著木馬 搖著歸家 沿途如能叫你一早叫到沙啞 高呼一個密碼 幾百萬名字裡誰是你 誰讓我查 只想你我幸運到令天地 害怕

>>October 11, 2003 at 2:34:12 PM GMT+8

2003 年 10 月 10 日 星期五 【陰】

今朝9點45分俾電話嘈醒,起身on左陣line就拿拿臨去沖涼換衫出去.11點出門口,去到旺地恆11點35分,遲左少少.今日見番好耐冇見過既二佬,仲有小魚,對上一次我地三個去睇戲都係上年7月頭既事,去睇《鳥與夢飛行》. 今日去到二佬唔認得我(?),跟住諗住行去新世紀,點知白白痴痴出錯地鐵出口,反左方向行.去到岩岩好12點,買埋飛就入場睇,去睇《向左走．向右走》,入到去全院得我地3個人(話晒911上,都上左畫1個月..),set部大機o係度偷拍("明"拍岩d)都冇人知.睇左陣有兩個人入左黎,結果都係得5個人.套戲自己都幾期待,不過開頭睇落都有d悶場,個結尾就唔錯,有幾幕幾touching.仲有d音樂同d詩句都做得好好,整體都唔錯. 睇完就同二佬,小魚去左大家樂食飯,食完飯都2點10分,因為我趕住幫suyi整電腦就走.去左先達果頭搭van仔,去到suyi度2點45分左右,跟住等佢燒番d要既file就幫佢format部機同裝windows xp,裝左3個鐘,5點45分先搞掂,只怪windows xp d系統需求太高. 跟住行番屋企,搭lift果陣有個婆婆撩我傾計,話我對鞋著得幾好睇,跟住o係搭lift既全程就同佢研究肥人同瘦人既著鞋選擇.6點20分左右番到去,突然醒起冇買單行紙,就踢住拖落樓下買,點知隻單行紙咁難搵,去左附近既兩間文具店都冇,就行左落幾個街囗(都成兩個巴士站)既文具店,行左好耐..本來我步速算快,不過踢住拖,兼且個地下好濕好多水,搞到移動力減半,早知要行咁遠就著鞋..結果7點零先番到去. 買完單行紙行番屋企果陣,差d俾架小型貨van撞到..果陣我見佢停左o係度等車過,就o係佢車頭行過,點知個司機望車唔望人,佢見右邊架車轉走左唔係直行就開車,佢開左步我嚇左嚇失平衡,就兜隻手按左落佢塊玻璃,個司機立刻急停..嚇鬼死,奉勸各位唔睇車過馬路既人過馬路果陣小心d,真係有司機唔識睇人架.. 番到去一路online,幫suyi執埋d手尾..跟住打定日記,8點半食飯,食完飯就番房online聽下歌,睇完齣戲就好鍾意《兩個人的幸運》呢首歌.10點去洗碗,跟住又番房online同做功課. 『寧願 從來未接近 天各一方終於等到陌生 和你 若不相識不相襯 另覓愛侶也會甘心』

>>October 11, 2003 at 2:25:30 PM GMT+8