2003 年 9 月 12 日 星期五 【晴】

今朝9點半醒,起身沖完涼就出左去.今日約左阿正,sally同queenie去尖沙咀唱k.約左sally10點15分等,點知佢10點半過d先到,之後搭1A去尖咀. 去到11點05分,見到阿正同queenie都o係度,跟住去左寶勒巷果邊間green box,由11點唱到2點,俾人cut歌就走.之後去海港城行左陣,行到累去碼頭間麥記食左d野,之後齊齊上sally度. 去到玩下電腦上下網,我就胃痛-__-"..一路hei到9點零queenie嗌晒肚餓先出去食晚飯(其實果陣得佢肚餓,我同阿正,sally都o係麥記食左野所以唔太餓..).之後落左附近既一間標榜上海菜既鋪頭度食,d野食都ok,每人$40幾食到好飽,食完傾左陣計.之後10點零走,齊齊送queenie去搭車,跟住又送埋我搭車-__-".. 搭車番去果陣,到屋企果頭既站,我唔記得禁鐘落車,咁岩個站又冇人上車,個司機竟然飛站..車上有個人都係咁,見過左先即刻去禁,不過都係等下一個站..結果遲左個站先落車,見到間circle k就入左去行轉,不過仲係好飽,行入去就入番出黎.之後兜左條路番屋企,諗住去超市睇睇,點知間野關左,望下錶先10點半,間超市真係唔識做生意,又唔敬業樂業.. 番到去10點半過d,俾阿媽訓左幾句話,跟住番房online同打番d日記.

>>September 13, 2003 at 3:45:46 PM GMT+8

2003 年 9 月 11 日 星期四 【晴】

今日其實冇咩特別..今朝一訓訓到10點幾醒,跟住好例牌再訓過,訓到1點零先起身.起身on左陣line,跟住2點零沖涼出去,出門口之際阿媽問我今晚番唔番黎食,我多嘴講左句唔駛,講左先驚覺今晚果餐點算-__-"..之後去左搵peony.去到之後都係上網同打機,之後4點零5點同佢落左去買野,又去百佳行左陣,行到6點零,之後去番佢度,o係佢度食埋飯,然後坐多陣先番去.番到去見眼訓聽住903訓著左..

>>September 13, 2003 at 3:17:35 PM GMT+8

2003 年 9 月 10 日 星期三 【晴】

今朝訓到5點醒左醒,跟住訓過,6點50分起身.7點20分就出左門,番到去學校撞到carrie,carrie同我講佢家姐話揀geog好過econ,我個心又有d動搖,suyi都drop econ唔多唔少有影響,佢考B都drop..開始又煩惱..不過唔俾自己諗咁多,狠下決心econ就econ,我諗中史,文學都要記好多野,如果加埋geog就仲慘..econ明左應該唔難,似maths咁,不過要明econ d theory就真係幾難,唯有上堂勁專心啦,不過我坐第一個位,附近d人又唔太熟又專心聽書,應該冇問題既.. 完埋早會,兩堂英文..其實個心仲諗緊點,如果今日唔講都唔駛再諗,因為都叫開左兩個禮拜學..英文堂心神恍惚,遊晒魂..跟住空堂拎左本書落去睇. 小息之後兩堂文學,今日做文學賞析d野,比起中五難好多,d字睇到傻,又寫到手軟,不過做得好開心,始終有興趣唔同d.. lunch去左新世紀食,行左好多個圈先搵到地方食,未食先減肥-__-".食完番到去見d同學仔玩cum綿胎同打手,玩到打鐘..跟住econ堂,今日教d要計既野,都唔算難..好快就落堂. 放學同sally走,之後自己去麥記食左d野,然後搵車走,發現冇散銀同八達通,山長水遠搵7仔,又山長水遠去番車站,7仔又話梗有一間o係左近,俾佢吹脹.. 番到去4點半,沖完涼online,尋日冇開過icq,今日一開icq發現wilson同梓為既message,佢地知道我煩緊揀econ同geog,不約而同send左佢地既意見俾我,不過一個話econ,一個話geog-__-",哈哈..wilson講中晒我諗緊既野,勁..anyway,好感激佢地兩個> <. 跟住打番尋日日記,on到6點食飯,跟住online on到8點零.之後就上左sally度,今晚約左出黎食月餅同賞月喎..去到見到阿fa o係度睇書,sally就練古箏.我都求其拎左本書睇,sally猛話我整爛整皺佢d書,唔俾我睇,好無奈-__-".10點齊齊落去九龍城廣場,suyi同queeie都到左,跟住去買左d蠟燭,番到黎又買左筒螢光條,去番九龍城廣場門口見到阿佬黎埋,等多陣carrie都到,人齊..今晚有sally,suyi,carrie,queenie,阿fa,阿佬同我,唉,阿正,阿siu,鯉魚又冇黎,阿寶又去左英國,覺得場面比起上年好冷清,中秋唔係話人月兩團圓架咩? 跟住就出發上格仔山,由九龍仔上去開唔到度門,白行一趟,跟住落番去再由樂富上,上到去都11點25分.之後切月餅食,今晚唔知食錯d咩,有d胃痛..跟住又點下蠟燭,傾下計,之後又玩左陣啤牌,最後大家就影下相,我俾人偷拍左幾張,好慘T.T.. 坐到1點零走,我地陪sally行番落九龍城,之後上佢度拎左粒胃藥食,跟住就走,番到去2點10分,好眼訓之下沖左沖涼換埋衫就立刻去左訓.

>>September 12, 2003 at 4:32:17 AM GMT+8

2003 年 9 月 9 日 星期二 【晴】

今朝6點50分起身,番到去8點左右.其實仲煩緊geog定econ,不過我決定揀econ,費事三科都要勁背野.. 頭三堂就係econ,好變態..咁多年都未試過連續上三堂一樣subject既堂,聽到勁累勁眼訓,加上個心其實仲十五十六咁,冇咩心機聽..不過都係撐足三堂,始終我揀得econ黎讀就冇理由放"pei"唔去聽,一日未轉或者drop都唔應該唔去聽..之後個小息就小休息一陣,跟住兩堂文學,精神好番好多,楊sir教文學幾吸引既,係廢話多左d,不過咁先唔會悶親我地..想當年英華文學班20零個人,過半數伏屍檯面,場面壯觀! 之後上左堂中史,教學術思想,唔覺唔覺咁好快就完左一堂,最後兩堂空堂自修,第一堂見到阿佬同carrie,之後果堂空堂就欏書黎睇,拎左本唔知咩九龍城既書,有好多舊相睇,估唔到90年前九龍城係一片田園,有一條條既村落,宜家就繁華都市,大廈林立..睇到落堂都未睇晒本野.. 放左學係happy wednesday,其實日日都happy緊,同阿正,carrie,sally經新世紀去左旺角行,搵野食,行到6點零走. 夜晚冇咩特別..好早就訓左.

>>September 11, 2003 at 9:42:26 AM GMT+8

2003 年 9 月 8 日 星期一 【晴】

今朝7點起身,7點半出門,番到去去左locker欏書.第一堂文學,楊sir講課程都講左大半堂,最後講多兩句詩就落堂..之後兩堂中化做實用文練習,寫下信俾阿妹,好快又過左兩堂.小息開始好煩惱,其實尋晚已經有,一路諗緊轉唔轉科,唔修econ修geog,其實兩科我都麻麻,不過睇落econ好似難d,但係問人有人又話econ易d,有人話geog,唔知點咁..之後兩堂空堂去左library睇書,睇左一堂幾開始眼訓,勁訓一餐.. lunch果陣醒左,又諗起econ同geog,好鬼煩..搞到個人冇咩mood..lunch完左,漫長既3堂英文,睇下電視做下work sheet,講埋中秋d功課,咁又3堂.. 今日班主任堂sally讀報,佢讀得唔錯,不過都有d怪怪地.. 放學o係學校打左陣排球,打到隻手黑晒,5點俾人趕先走.跟住同阿正,sally,carrie,阿梅去左新世紀個food court坐陣,坐到6點幾走. 夜晚食埋飯番房幫sally打社d野,整到11點先打日記.

>>September 9, 2003 at 4:08:37 PM GMT+8

2003 年 9 月 7 日 星期日 【晴】

今朝訓到7點,7點半番學,番到去o係門口撞到carrie,佢冇簽體溫量度表,借左支筆俾佢寫.番到去冇耐就打鐘,今朝有早會,企果個位好差,冷氣機底,勁滴水,十足落雨咁.. 第一堂geog,我冇修..去左library,library終於開番,不過都係去齋坐.坐完一堂之後兩堂文學,聽楊sir教文學幾過癮,好有心機聽..佢會講好多得意野,好快咁就過左兩堂.. 小息完左就中史,中史堂都幾無聊,不過依然聽到書,其間無厘頭番左番課室睇人派運動衫,跟住又番英語角上堂,咁行一行冇咩聽書既mood.. lunch上左又一村食,因為趕住番1點既班會,結果遲左5分鐘先番到去,不過有人直頭冇出現過..個班會傾班規,1點半又上堂,上左兩堂有趣既中化,miss潘教我地正確既廣東話發音.最後果堂又係空堂,去左library上網. 放學本來等sally,suyi,阿正同carrie齊齊走,不過等左好耐都唔見人,自己走左先,去到油站打番俾佢地先知佢地仲o係學校,無奈..-__-".等左陣佢地黎到,跟住去新世紀行,suyi就因為要去拎身份證走左先. 我地就去左新世紀間大快活食,食完去左公共圖書館睇書,carrie要搵書for佢考girl guide d章.一路睇到7點圖書館關門先走,番到去7點半,俾人話左幾句. 沖埋涼就去左食飯,食完飯番房嘔番呢兩日既日記,邊icq,邊執書包,邊睇人日記,又要記得叫人起身,好忙..

>>September 8, 2003 at 1:25:32 PM GMT+8

2003 年 9 月 6 日 星期六 【晴】

尋晚同梓為玩cm玩到3點幾,跟住同佢傾到4點先訓.今朝8點50分起身,本來較左8點45分響鐘,鬧鐘足足響左5分鐘我先醒,結果嘈醒晒全家-__-".跟住去左沖涼,9點半到九龍城碼頭.過左20分鐘peony黎到,跟住去左大家樂食早餐,食完同佢去九龍城買書.之後12點零番到屋企,得番阿妹o係度,原來阿爸同阿媽去將軍澳探阿公阿婆.下晝一路online,2點零peony打黎,好快就收左線,好擔心..一路到3點幾先知咩事,4點零過去搵佢,上下網,之後陪佢去百佳,又陪佢去買書,發現我一路冇買本英文,買埋就番去,番到去7點半過d. 食埋飯執埋野就去訓,聽日又要開始辛苦既一星期.. 今日有親戚黎左,睇黎住幾日,呢幾晚睇黎又冇得用腦-__-". 原來今日係阿妹生日,生日快樂~

>>September 8, 2003 at 12:41:48 PM GMT+8

2003 年 9 月 5 日 星期五 【雨】

今朝訓到7點35分醒左,打去叫完fiona起身又訓過,訓到12點半俾電話嘈醒左.跟住起身刷牙洗面online,下晝同二佬去yahoo篤波,玩到2點零佢食野冇玩.我都諗住食,不過懶落街,又見眼訓再訓過.直到4點幾醒左再on番line,跟住開歌聽,今次開eason果d,開左40首自己鍾意既eason既歌黎聽..之後阿媽打黎叫我幫佢去美心拎月餅.搵埋衫5點零落左去拎月餅,番黎果間落住雨,我冇帶遮..但係又費事等,淋住行番去,之後又入左間文具店買筆,又去左7仔買d野塞下個肚.見成身都淋濕晒,又唔想番上樓悶住,於是去左碼頭果面坐下睇下海. 雨景好靚,望住對面灰朦朦,若隱若現既大廈,好有詩情畫意..聽住雨水撞落海水既聲,亦好令人陶醉,暫時將d唔開心既mood趕走.陣陣迎面而來既涼風,夾雜住雨水吹埋黎,涼涼地好舒服.坐到6點零番屋企,上到去阿媽番左黎,俾佢話左幾句-__-"..跟住去沖涼同換衫,出到黎阿妹叫我幫佢整盒,佢買左d硬咭紙番黎,幫佢整埋就番房online,繼續聽番eason d歌,發現我鍾意既始終都係eason d舊歌,好好聽..聽左成晚. 夜晚7點幾食飯,食完飯洗碗,洗完碗番房睇書,9點零online打日記. eason 40首(排名先後略略按喜好而定): 與我常在,時光倒流二十年,綿綿,明年今日,抱擁這分鐘,黃金時代,K歌之王,每一個明天,天下無雙,黑暗中漫舞,低等動物,今日,我的快樂時代,活著多好,當這地球沒有花,大開眼戒,我不好愛,兄妹,單車,Shall We Talk,十年,我什麼都沒有,Lonely Christmas,1874,人來人往,今天等我來,失戀太少,全世界失眠,隨意門,少見不怪,十面埋伏,猜情尋,天使的禮物,幸福摩天輪,黑夜不再來,孤獨探戈,忘記歌詞,反高潮,傷信,歲月如歌

>>September 6, 2003 at 1:22:18 PM GMT+8

2003 年 9 月 4 日 星期四 【陰】

今朝訓到7點訓,7點半出門,8點零番到去學校.(呢句抄尋日=P) 第一堂上中文,不過都唔知教過d咩就完左.第二,三堂係英文堂,miss tang好似好有料咁,佢既自我介紹係咁講.今日呢兩堂佢都用左黎講a-level英文既syllabus,跟住小息,小息去左搵個locker o係邊,地下果個來回走左幾次都搵唔到,跟住我記得2樓好似見過有locker,就上左去搵,白行一趟,都係冇既..落番地下見到d同學仔,佢地話o係3樓,無奈-__-"..上到3樓,果然見有locker,不過開左一睇..好污糟,跟本擺唔到野. 小息之後兩堂中史,好留心咁聽左兩堂書.下晝去又一村7仔買杯麵食,之後趕番去集合,今日下晝有社既中一社員集會.1點15分去p2課室聽完程序就同柚皮去左1B帶班小朋友,因為之前o係英華都試過同d f.1仔接觸,所以今日都冇咩難度,同班人玩得幾熟.玩下成個下晝,好累好熱,不過幾好玩,班f.1都幾可愛,係曳左d.. 放左學之後,同阿正,carrie,sally落新世紀行左陣,又去麥記食左d野,食完去大眾睇左陣書.之後6點半sally話想去無印買野,我同carrie陪佢去,阿正就走左先.落到尖咀行陣無印,跟住行下d店,之後行左去佐敦食野.今日自從lunch之後都冇坐過咁滯,之後一路行,行到腳都跛,食完飯坐左好耐傾下計..10點左右走,番到去10點20分,沖埋涼就去訓. 之後都係冇訓到,on番line,同阿寶icq,send左個九方俾佢,又應承左fiona聽朝7點半morning call佢,都唔知我知唔知醒-__-"..

>>September 6, 2003 at 4:55:57 AM GMT+8

2003 年 9 月 3 日 星期三 【陰】

今朝訓到7點訓,7點半出門,8點零番到去學校. 第一堂上文學,楊sir先介紹個課程,大致上覺得同中國文化科差唔多,內容又俾佢講到好吸引,缺點係多野讀,跟住佢d fun time好掂,令到班新同學好開心,備受擁戴..之後選埋文學科科長--我-__-".之後兩堂econ,個miss一路教書,我一路都聽到好眼訓,不過都撐住..小息又同阿正企走廊傾計,小息完左到班主任堂,處理左d班務,傾下塊board,收下錢,之後講文化科既課程,咁又兩堂. 下晝去左新世紀食,食完番學校.下晝有兩堂空堂,悶到傻..之後又有econ,上完堂就放學.放學去左開社既會議,傾左聽日下晝d野.4點零走,同sally,carrie,阿正去新世紀,sally買月餅食,之後落旺角睇檯,終於俾sally買到張檯,之後又行左去Ikea,行到7點先走.跟住落九龍城買書,買唔到..8點左右番到去,上左陣網去沖涼.沖完涼食飯,食完飯梓為同abby都打過黎,傾中六d野,真係好忙好辛苦,真係未試過番學第一個禮拜就嗌辛苦.. 跟住去洗碗,洗完碗番房online打日記,發現洗漏左個飯煲,第一次咁失暈,跟住俾人鬧,又去洗過..硬係覺得個腦好多野塞住,好唔開心.. 今日楊sir用自己經歷勉勵我地,話說佢暑假玩過教師發展日d活動,要o係學樓頂游繩落地面,以佢身形當然俾其他老師取笑下,不過佢都玩,當挑戰自己,第一次落失左手,好彩靠人拉住安全繩先冇點跌(其實都有救生墊o係底),不過就刷損左手,個教練問佢仲玩唔玩,佢決定玩多次,結果今次佢好慢好慢咁游繩落黎,最後成功左..個教練就同佢講左句幾touching既說話:「我見過你失敗,都見過你成功,就係冇見過你放棄.」 其實楊sir咁講都係想鼓勵我地唔好驚,遇挫折就退縮.遭遇挫折,只要唔氣餒,慢慢再黎多次,吸取上次教訓,結果一定會同上次唔一樣. 共勉之.

>>September 4, 2003 at 2:33:22 PM GMT+8