2003 年 7 月 12 日 星期六 【晴】

尋晚花左d時間睇埋篇野蠻女友小說個結局佢,個結局幾慘,不過又好正面,賺人熱淚.之後上網搵下關於我的野蠻女友既網黎睇,有個整得好靚,好有內容,仲節錄左電影入面唔少金句..一路睇到5點零先訓. 今朝訓到11點幾俾人鬧醒,睇黎都係早d訓,但係訓唔著的話早d攤落床又有何用呢?原來個親戚今日又黎左繼續整,佢都辛苦喇,要對付我阿媽呢d咁完美主義既人,睇黎佢都仲要黎多幾次.今日阿媽話個天光又裂裂地,結果個親戚又剷左片落黎整過,咁又一個下晝. 今日好熱,我食完晏開機整左陣網,upload埋上網就去左訓,一訓訓到4點幾,醒左好滿足.不過隨之而來既就係幫手掃地,洗廁所,又成地灰喇!一下子見到一大堆野好似冇可能執得晒既垃圾真係冇咩動力,不過點都要做..執呀執,好唔容易先清左個廁所,發現得我一個做野..阿爸煮緊野,阿媽去左訓覺,阿妹上緊網.. 之後清埋阿妹間房,阿媽點阿妹去抹窗,阿妹又懶懶閒又敷衍抹幾下,結果?當然係捱鬧啦.整到5點零終於搞掂,暈低咁濟,阿妹就極快速霸左廁所沖涼,激氣..平時做家務又唔見佢搶..等佢沖完到我去沖,出到黎坐左陣就食得飯,果陣6點零,好早~ 食完就一路睇電視睇到9點,先番房上網online,整個網,聽903同打日記.

>>July 13, 2003 at 2:27:29 PM GMT+8

2003 年 7 月 11 日 星期五 【晴】

尋晚一路玩koala介紹既yahoo games,一玩就玩左成晚,玩到5點幾見眼訓先訓..呢排又開始到5,6點先訓得著..日日又要10點零11點醒..-__-" 今日訓到11點幾俾電話嘈醒,落樓買晏食果陣見pc weekly出左本extra,買左番黎睇.番到去食埋野就睇本野,本野好正,講左好多p2p程式既野,對於呢排成日用p2p黎dl野既我好有用. 睇到2點幾梓為打黎,原來佢整好左個寬頻,上到網,就急不及待打黎叫我玩cm,我就叫埋阿舜,一路玩到5點幾,跟住去左拖地.6點零就開番部腦玩vos,玩到7點零,跟住食飯,食完飯番房又玩左陣vos..唔知點解心情一低落就好沉迷呢隻game,可能純音樂可以治療心靈啦?玩玩下有人打黎,同佢傾到11點收線,跟住又玩vos,同埋打番篇日記.

>>July 12, 2003 at 3:11:04 PM GMT+8

2003 年 7 月 10 日 星期四 【陰】

尋晚胃痛得好劇烈,痛到訓唔到,要一路坐o係度,見埋天光就6點先覺得好番d,跟住攤o係張床碌,7點先訓到. 今日訓到1點醒,起身食完個"早餐",上左陣網同玩vos,1點零abby打黎,玩左陣富甲3,2點落左去買lunch,o係樓下逛左陣,行左半個鐘先番上去,食埋野就叫阿舜玩cm,一路玩到5點半,跟住俾阿媽叫左去幫佢手,6點零再同阿舜玩過.7點佢去食飯,我自己開vos玩,開始覺得speed 10都唔係好難.. 8點零食完飯番房online,send左d vos歌俾carrie,跟住上網search vos d野,發現原來有skin換,不過d skin就唔係好靚,又搵到netplay,不過韓文我睇唔明,同埋個windows都出唔到韓文..跟住阿貓打黎,同佢傾左陣,跟住去左洗碗.洗完碗番房聽903,部腦阿妹用緊,我就睇佢留言,見佢唔識畫,就隨手教左佢幾種畫法. 之後欏番部機又玩vos,玩到11點半就聽番三姑同打今日既日記. 胃呀胃,我平日待你不薄,都叫餵過你食過唔少美食佳餚,你呢排做咩咁對我..嗚嗚..

>>July 11, 2003 at 4:29:32 PM GMT+8

2003 年 7 月 9 日 星期三 【晴】

香港真係多災多難. 今朝一起身都2點,一開903做緊2點新聞,聽到新聞嚇左跳,有架265M雙層巴士o係汀九橋飛墮橋底山坡..聽落就好似玩緊隻midtown madness2咁,我成日搵dl落既巴士亡命飛車,飛橋,仲以為呢d o係game入面先有機會發生既事居然發生左o係現實. 件事發生o係6點零,岩岩係d開始番工時間,所以都造成人命傷亡..呢d咁罕見既意外(事故)都發生埋,香港都真係好頹,流年不利..下晝聽完呢單新聞覺得好唔開心,今年d衰野一波未完一波又起,唉..希望d死者安息,傷者早日康復. 本黎今日諗住同二佬去唱k,不過佢約左fd在先,咁就算喇.2點零上網勁睇d新聞,睇到3點開個網黎整.整整下冇心機,熄機去睇小新,之後abby打黎,online佢send左隻富甲天下3,於是就玩,玩到6點出去睇新聞,順便食晏+晚餐,食完番房online. 之後繼續玩隻富甲天下3,玩到7點幾出廳摺衫,摺完衫番房繼續,一路玩到8點50分左右quit game,跟住icq同打日記,隻耳仔邊聽住903同廳亞記既新聞專輯,到10點零番房聽vani.今晚feel到唔係幾開心,跟住開住隻vos玩,彈左勁多歌仔(十面埋伏,想得太遠,心淡,多謝失戀等等新歌..),邊彈邊唱,種感覺好正,玩到12點先online.

>>July 10, 2003 at 4:43:57 PM GMT+8

2003 年 7 月 8 日 星期二 【晴】

尋晚諗住訓,訓唔著,起身自己打機玩通頂,5點零先訓.今朝11點俾阿媽叫醒左,原來佢轉夜班,睇黎呢幾個禮拜我都冇得點訓.. 起身刷牙洗面之後出廳睇電視,跟住睇到12點食飯,食完飯番房on左陣line同icq,冇咩人,邊整vos d歌,邊同二佬傾左陣聽日既野,傾完就開左vos玩.玩到2點零好累,個胃仲係少少痛..就去攤陣,然後..訓著左..醒左都4點幾,發現部腦熄左,原來阿妹番左黎,真係慘..咁快都有既. 之後開機再上網,無無聊聊四圍網link網睇人homepage,跟住abby打黎,同佢傾左陣同介紹個BT俾佢download,之後聽下歌.7點零offline去睇小新,過左陣阿爸番黎就食飯(阿媽番工前煮好晒),食完飯見阿妹霸左部腦,我就繼續睇小新. 8點零出去睇電視,睇到9點番房睇番本小新就online,呢個時候聽到平日好錫阿妹既阿爸鬧緊阿妹,原來阿妹去個camp駛晒阿爸額外俾佢既百幾蚊(本身俾camp既錢包晒食、住),阿爸問佢點用佢又吞吞吐吐,佢係抵鬧既,中一已經成日問阿爸欏錢,第時仲得了既?

>>July 9, 2003 at 1:42:59 PM GMT+8

2003 年 7 月 7 日 星期一 【晴】

唔敢訓唔敢訓唔敢訓..其實係訓唔著.. 結果,尋晚..唔係,係今朝7點幾先訓到,訓到10點零個親戚又黎整天花.好奇怪醒左唔覺眼訓,不過個胃又隱隱作痛,之後佢整左陣,我就開機online.11點零同佢落去買材料,之後就12點又駛我落去買唔知咩粉,我就順便買埋飯,今日發現左樣個名幾頂癮既菜.事源我入到間餐廳,個老闆娘好落力sell野,o係佢講左幾樣送之後,我俾跟住個送名吸引住,呢個送叫"冬瓜豆腐",簡直貪佢好意頭..聽完我差d笑出黎-__-"..有趣,於是我就點左黎試下(有興趣食既人又經過土瓜灣既話call我啦=P). 下晝整個網,個親戚繼續整天花,佢每隔半個鐘就叫我落樓幫佢買野,大大話話都走左6,7轉,搞到俾個看更用奇異眼光望住,我諗佢心裡面話緊「又係你?走私都冇咁密!」..跟住整網整到4點開始feel到眼訓,點知個親戚話今日到此為止,叫我執屋..自己閃左人. 我好可憐咁掃地,再掃地,執屋,再執屋..最後抹牆,洗埋地,呼,冇左半條命.其間阿傑打黎搵我過橋,佢做IDD promote果d,叫我登記,o係萬分唔願之下幫左佢,岩岩前排又俾小虎屈去聽talk,睇黎我太心軟,由呢刻起要強硬d.. 唉,警告各位,唔好再搵我過橋,好鄙視呢d人,自己唔努力去搵客仔,唔熟唔食..如果唔夠能力就咪鬼去做啦..我都識發火的! 清潔完間屋個人訓唔著,繼續online,發現一峰出左新碟,track 1果首《離開 是為了回來》好正,曲詞都清新輕快柔揚,聽完個人好舒服. 8點零食飯,今晚阿妹去左camp,屋企寧靜左好多,不過阿爸同阿媽就因為個天花嘈,阿媽覺得個親戚整得好求其,跟住阿爸就話佢自己欏黎,個親戚佢叫黎既,就係咁,又嘈一餐.. 洗完碗番房,發現我dl左4,5日隻game就掂,好激動,一dl完就立即入game set野,不過見部腦熱熱地就冇玩落去,去on左陣line.之後胃痛就熄機抖陣,11點又on番line,玩左陣iss3就欏左隻vcd黎睇,睇左一半阿舜話打黎,跟住online,打日記.

>>July 8, 2003 at 6:20:46 PM GMT+8

2003 年 7 月 6 日 星期日 【晴】

今日醒左都已經係下晝既4點,好精彩既一日就咁冇左個上晝同下晝-__-".起身醒起今日係謝師宴,跟住好慢條斯理咁上左陣網,5點左右去沖涼,跟住5點半又繼續online,5點45分offline去換衫,6點出去.去到尖沙咀都6點半,佢話7時入席,我見大把時間就慢慢行,行到入海港城搵呀搵,去左馬哥孛羅海威酒店(我要去馬哥孛羅香港酒店),玩死我,睇下表6點45分.. 每當你越急住搵一樣野,你就越係搵佢唔到(我既搵野定律,改篇自二佬既搭車定律.)..所以我就慢慢搵,終於俾我睇到個牌去馬哥孛羅香港酒店,上到去岩岩好7點. 一入去見到阿正,跟住就俾人捉住黎影相,影完晒入去見到阿寶,阿siu同dora,我就join埋佢地度.一路等到7點40分,個grad din開始,一開始見到d人如狼似虎咁衝晒出去,我同正正等人潮散左d先出去.一食左少少個胃又痛起黎,鯉魚突然無啦啦同我講句「你可能係胃潰瘍」,嚇到我咩咁,唔係驚胃潰瘍,而係驚覺阿鯉魚又會知我果陣胃痛緊既? 食完一頓到玩遊戲時間,d玩戲好...,跟住就到俾紀念品老師同抽獎時間喇,我個胃起緊革命,都冇理到個抽獎,好似聽到阿寶講左句「又係5C架..」,我就求其搭左佢一句「係啦,黑箱作業嘛.」話口未完,我居然聽到我個名..係,真係我個名呀!由幼稚園到中學既任何抽獎中都未出現過既一個名..種感覺好怪,究竟我轉運?定係呢次用埋我僅有既運仔? 跟住又抽獎,抽現金獎(現金回贈?咁都得!?)..結果大部份利是落o係5C既手上,好旺佢地.到10點零,個grad din接近尾聲,就分班大合照,大約10點20分個grad din就o係一片閃光燈中散場.. 之後,阿寶話去飲野,就成班人(正正,鯉魚,阿寶,阿siu,dora,sally,carrie,queenie,suyi,雞絲,Szeto,斌哥同方少,呀,仲有我)去左間pub飲..酒.跟住玩骰仔,傾計,飲酒..前前後後我都飲左6,7杯(好奇怪..d酒落左個胃就唔痛)..有冇醉?好似冇..我都想醉,「但願長醉不用醒」,因為..我成晚都諗住佢,就係舊年既今日,呢個時候,電話中同佢分開..呢幾晚訓果陣我都replay住果刻,想佢係夢境既果刻.跟住佢地玩到冇野好玩,玩truth or dare,仲玩到好激.. 一路到2點半左右,隔離檯有條友醉酒撞親,亂混中我地俾人話阻住點路,跟住就索性走人.出到去為點樣走擾釀左一陣,之後我就搭sally佢地架的士走,2點45分左右到馬頭圍間消防局果度我先落車,sally,阿正,suyi同阿fa就去sally度打牌. 消防局離我屋企都有段路,夜晚行路d feel幾正,對上果次有印象係聖誕節同二佬勁行勁行.行行下記得岩岩的士行機場隧道之前經過過條天橋,果條天橋就係o係我日記出現過好幾次果條,開心唔開心都去行下既果條.. 見成肚酒就行左上天橋,以為我想跳橋?唔會啦,諗住行下樓梯幫助下消化..上到條橋好涼,企左陣,吹走d酒味都好,阿媽個鼻好強,俾佢聞到我起碼冇半條命先. 抖涼果陣,又諗番舊年既呢個時候,我做緊咩呢?舊年既呢個時候,一定係我一生人既其中一個谷底..都唔想諗咁多,跟住就快步行左番屋企,番到去3點10分,跟住online打日記,唔覺唔覺打到4點幾,原來又打左一大篇..同佢地玩親都有一大篇野寫(除夕果晚),好開心識到呢班可愛又幾壞既同學. 死喇,寫完唔敢訓,聽朝唔會宿醉掛?

>>July 7, 2003 at 8:34:57 PM GMT+8

2003 年 7 月 6 日 星期日 【雨】

去年的今天,你我分開了. 明年今日 曲：陳小霞 詞：林夕 編曲/監製：陳輝陽 若這一束吊燈傾瀉下來 或者我 已不會存在 即使你不愛 亦不需要分開 若這一刻我竟嚴重痴呆 跟本不需要被愛 永遠在床上發夢 餘生都不會再悲哀 人總需要勇敢生存 我還是重新許願 例如學會 承受失戀 明年今日 別要再失眠 床褥都改變 如果有幸會面 或在同伴新婚的盛宴 惶惑地等待你出現 明年今日 未見你一年 誰捨得改變 離開你六十年 但願能認得出你的子女 臨別亦聽得到你講再見 人總需要勇敢生存 我還是重新許願 例如學會 承受失戀 明年今日 別要再失眠 床褥都改變 如果有幸會面 或在同伴新婚的盛宴 惶惑地等待你出現 明年今日 未見你一年 誰捨得改變 離開你六十年 但願能認得出你的子女 臨別亦聽得到你講再見 在有生的瞬間能遇到你 竟花光所有運氣 到這日才發現 曾呼吸過空氣

>>July 7, 2003 at 8:30:46 AM GMT+8

2003 年 7 月 5 日 星期六 【晴】

今朝10點半俾人叫醒,入到廁所見到雙眼好眼,睇黎呢排好唔夠訓. 之後食左少少早餐,又胃痛..跟住幫阿媽掃地,下晝冇食到晏,番房睇小新,睇小新都俾人鬧..聽住903,搵左d電腦雜誌黎睇,跟住3點幾上網搵game,一邊hold機整下個網,睇下篇小說.4點零無啦啦熄左機,好勁,以為熱到燒壞部腦,原來唔係喎,係上次個親戚黎番整個天花(你問我佢幾時黎?我都唔知..),跟住成屋好快又陷入一片塵灰,我匿入房,好鬼熱,熱到訓著左. 醒番有番電,跟住又開機繼續上網,之後一路hold機,食埋飯又繼續搵Bit torrent既野,用到9點零見部腦好熱,熄左佢個順便洗碗,番到房之後見阿妹又開番用緊-__-".. 冇理到佢,胃痛加上眼訓,我選擇訓,10點零去訓,估唔到又係咁!繼尋日阿舜11點40分打黎,今日到小虎差唔多時間打黎,吹脹..我冇得訓冇所謂,我絕對樂意唔訓陪大家癲,不過就拜託千祈、千祈、千祈,唔好、唔好、唔好咁夜打黎囉..以阿媽既守舊想思黎諗：好孩子要早d訓,電話最多傾到11點半(佢既底線),所以過夜有電話響佢第日一定追查(步驟一：睇來電示顯；步驟二：審問我同阿妹-__-"；步驟三：認識佢既大名)..亦即係尋晚打黎既阿舜初步入左阿媽既教壞佢個仔(我..)名單..-__-",無奈喔!

>>July 6, 2003 at 6:34:00 PM GMT+8

2003 年 7 月 5 日 星期六 【晴】

Eric Kwok創作十面埋伏demo的背後故事 Source:www.881903.com-雲妮鍾意留言板 留言姓名：Eric Kwok 留言： To all the people who are touched by my demo, thanks! By the way, the demo name is called Pumpkin. here are the lyrics for the song. It's actually the first i wrote English lyrics for a demo. it's written for my ex-girlfriend, in her perspective, how she never wanted to see or hear from me again. These words are actually what I think what she wants to say. So it's a very sad song. "We should never be together, if you want another. Let us be apart forever and be the way you are. If you're wondering if you should send a card don't bother! But i'll still be thinking of you everytime i write. Hold me in your arms and love forever now, take me away and let the whole world vanish till there's only two of us here. Then you'll cherish all the love that we have now, how can you ever let someone come in between the two of us and let her, made us break apart."

>>July 6, 2003 at 8:20:46 AM GMT+8