2003 年 4 月 20 日 星期日 【晴】

尋晚12點半左右post左篇日記,send埋隻game俾阿舜,12點50分左右就off左line去訓. 今朝好早醒,7點20分就醒左,好早..自己都驚..跟住又訓唔番,好慘..起身online又冇人,之後上網四圍睇,搵得首正歌"多得你唔少"之懵太抗炎主題曲,用左多啦A夢既曲,改左歌詞諷刺董太,好好笑..跟住聽左陣《好天氣續集-十九歲》,好有感受,就打左篇野..之後11點零聽番903,原來《男上女下》都幾好聽..阿芝同林公子夾得幾有火花. 下晝d記憶冇晒,可以話係一片空白.. 夜晚食埋飯,就番房聽903,一路hae到10點零,先出廳睇秦始皇..跟住11點番房聽903同online.

>>April 22, 2003 at 11:12:09 AM GMT+8

2003 年 4 月 19 日 星期六 【晴】

尋晚睇波睇到5點半先訓,今朝11點醒..食埋早餐就番房開903聽.. 下晝,阿媽見好天氣,洗晒衫同欏被去晒,座大廈d外牆仲裝修緊,外面d棚架仲未拆,跟住阿媽就用d棚架黎掠衫..-__-"..服左佢,阿妹見到就話大廈d通告貼左話唔好擅用d棚架,阿媽聽完就鬧佢,話星期日邊有人做野,宜家陽光咁好梗係要"善"用啦,佢仲話都多到夜晚收番晒入屋云云.. 1點幾,我開win mx download《好天氣》《好天氣續集》..終於俾我成功一次過將我冇果十幾廿集download齊..好激動!我要多謝winmx度叫Alvin233_xxx既人,全部o係佢度download,d下載速度仲要成2xx k/s,仲有我既屋企人,我既朋友,仲有就係一路支持我既fan....越講越似歌曲頒獎禮得獎d歌手,開心到黐左線..哈哈. 2點零,睇完二佬篇日記,好似俾佢傳染左d眼訓症咁,好眼訓..訓果一陣,一時阿媽叫我幫佢做d咩咩,再訓過,到阿爸又叫我做d咩咩..跟住又訓,成個下晝訓下醒下,一醒溫書,溫陣眼訓又訓過.. 食埋飯,番房開903,好眼訓好眼訓..訓訓下阿舜打黎追隻game,其實我好眼訓,想第日先send,不過見尋晚應承左佢在先..我捱到10點幾,跟住online send隻game俾佢,點知個死仔玩野..係咁寸,我唔夠訓既話會好好火,但係我都忍左陣,佢就得寸進尺..之後真係好憤怒\../..佢唔好彩喇,我一野cut左個file,早知唔做好人,唔訓仲要黎俾佢玩,打埋篇日記就諗住訓..好眼訓呀..=.= 好眼訓呀.....連個死人showhappy都阻我訓.. 　　排隊政策 　　現在有超過 600 個用戶同時使用本站服務! 　　為保障正在使用本服務的用戶的速度，本伺服器暫時不能為你提供服務！ 　　本頁會在 x 秒後替你重試一次! 　　VIP 會員可用 VIP 登入服務 優先使用日記! 想成為 VIP 會員? 頂...唔順喇..zzZZZ...

>>April 20, 2003 at 4:33:42 PM GMT+8

2003 年 4 月 18 日 星期五 【晴】

尋晚好成功1點幾就offline,因為個icq冇咩人..之後去訓,不過訓左陣又起身打機(死性難改..冇得救=.="),之後玩到眼訓先訓..大約3點半啦.. 今朝10點幾就醒左,為左唔俾自己訓番,我開機上網,之後同abby玩左幾個"半round"既fifa,又斷斷地..好彩冇hang.12點零食晏,下晝就聽住903,繼續搵《好天氣》,原來好難先儲得齊..平均每日先得果三,四集.. 4點零聽到少爺占又玩野,呢幾日佢成日將董太句"記住!!記住!!記住!!千祈要洗手!!洗手!!洗手!!"掛o係口邊,笑鬼死..不過都係想睇果封笑到佢傻既董太鹹蛋超人look既forward e-mail..5點零聽左陣小儀國去沖涼,之後阿舜打黎,跟住幫佢搵集game,搵唔到..之後阿妹話學速成,霸左部腦. 食埋飯,我欏番部腦,跟住上網搵廣東輸入法,發現左原來網上有好多輸入法,不過有d廢廢地,仲煩過打倉頡,記碼都記到傻..幾經辛苦俾我搵到廣東輸入法,之後就出廳睇電視..tvb個全城抗炎..岩岩出去shine唱緊改版半成年,聽到又南走走地音-__-"..突然有個奇想,twins同shine幾似,阿sa可愛d,演好過唱,又南都係..阿嬌就靚d,唱好過演,天佑亦係咁. 之後10點半番房聽903,做緊個講nba節目,感覺幾怪下,明明呢段時間係"組band時間"..講真商業電台真係幾商業,見宜家季候賽就推出個籃球節目,見會考亦都o係前幾日出左個會考既節目姐. 睇黎今晚好難會3點前訓,因為... 皇家馬德里對巴塞隆拿呀!!可惜巴塞隆拿冇左Saviola啦..唔係今晚就會有好多球星睇!

>>April 19, 2003 at 3:07:12 PM GMT+8

2003 年 4 月 18 日 星期五 【晴】

希望日日都..好天氣^O^ 好天氣(天朗氣清版) 林二汶 作曲/編曲/監製：林一峰&林二汶 填詞：少爺占 藍和白形成了天 你共我樂透半天 倚在你肩 靠在海邊 星星月亮兩手牽 日與夜變化萬千 坐上飛氈 飛到天邊 在水平線 就這樣分不出黑白天 在天堂見 折翼天使吃著半支煙 天氣還算好 就算下大雨 令你很糟 不覺你糊塗 天氣還算好 縱遇上風暴 令你跌倒 有我 待你好 在懸崖邊 遼闊天地再會看得見 在回南天 證實戀愛日期沒改變 天氣還算好 就算下大雨 令你很糟 不覺你糊塗 天氣還算好 縱遇上風暴 令你跌倒 有我 待你好 同再起步 同再起步

>>April 19, 2003 at 8:48:14 AM GMT+8

2003 年 4 月 17 日 星期四 【晴】

今日其實冇咩特別,不寫也罷.尋晚4點幾訓,不過原來會訓唔著..o係張床度碌黎碌去,結果都唔記得幾時先訓..今日訓到2點零先醒,一路聽903..之後上網同online,跟住開mx繼續搵廣播劇,我發日尋日搵果d漏緊幾集..今日又download極都未齊,都唔知幾時先儲得齊套《好天氣》同《好天氣續集》,反而今日儲齊左《四點水》,都算有d收穫,突然又想儲埋套《五星級的家》..有排煩-__-". 7點零食埋飯就番左房開903聽,就10點阿舜打黎,同佢一路吹水吹到11點幾,一路睇秦始皇,所以都唔係咁知今集講d咩..之後番房聽三姑,佢又請左"撻"sir..救命! 唉,成日訓到咁晏,決定左早d訓,不過慢慢黎..首先呢個禮拜既目標係3點前訓..幾時醒就..冇得講既..希望計劃成功啦.

>>April 18, 2003 at 3:51:14 PM GMT+8

2003 年 4 月 16 日 星期三 【晴】

尋晚chat到3點零,之後又玩左陣GTA3,發現d任務越黎越難,又唔熟d路,結果就開住架車四周圍兜..一路玩到5點幾去訓.今朝10點幾醒左醒,之後又訓過,一訓訓到12點半,起身就開903,之後食埋個晏,就一路開住個icq. 5點零聽聽下少爺占,突然好想搵番佢d廣播劇黎聽番,之後上yahoo搵黎搵去都冇,突然靈光一閃,係喎..用winmx試下,打左"閃令令第六個"同"好天氣"落去搵,真係俾我搵到d廣播劇,果刻好感動..好似搵番好多野咁,其實不嬲都幾鍾意阿占d廣播劇,佢構思同用字夠大膽又有創意,佢d小說雖然似係輕描淡寫,但係就帶到一種好真既感覺,睇完唔覺得佢係作,似係寫緊佢自己既故事,冇左d浮誇,睇既人好易代入到角色,寫得幾成功..當中又有笑料,唔悶..幾欣賞佢. 7點零就食飯,食埋飯睇左陣帝女花,覺得佢d打仗好好笑..冇計既..香港唔同大陸,好難有千軍萬馬既情況出現,有就真係驚喇..之後洗碗,洗埋碗番房聽903,10點正又好準時出廳,今日早到學埋普通話添..今日果集已經講到滅左韓同趙,好快..睇完11點零,就番房聽903,阿妹依照拎住個電話雞啄唔斷..好彩屋企電話既收費唔係每分鐘咁計o者..

>>April 17, 2003 at 4:06:22 PM GMT+8

2003 年 4 月 16 日 星期三 【晴】

今日諗到一樣野..或者令自己變得冷血,先冇咁易俾人傷害. 一個冇感情既人,自然冇情感.

>>April 17, 2003 at 11:24:50 AM GMT+8

2003 年 4 月 16 日 星期三 【晴】

多樂飛果然越黎越似wasabi..今晚聽佢播左唔少好聽既舊歌:少女的祈禱,祝君好,男朋友part 2,喜歡戀愛,當這地球沒有花,北極光等等..首首聽番都好有feel,每首歌都有個回憶.. 特別係林二汶首《男朋友》.. 唔覺唔覺,時間過得好快..大約o係一年前既今日,我識到佢..由開始到完結,雖然得短短幾個月,但係過得好開心..我好記得佢最後留言送左呢首歌俾我,今晚o係903聽番,百般滋味.. 男朋友 林二汶 曲： 林一峰 詞： 少爺占 男朋友 相信有一天你會忘掉我 男朋友 相信沒有我你會更快樂 我倆縱有過過去 是那麼揮之不去 時間總會過去 留在回憶 更有情趣 天氣涼了 請不要倒下去 再努力走下去 不要惦記過去 老了 四五十歲 也許 我們會再聚 另一首係《當這地球沒有花》,呢首係我好鍾意既歌之一,仲記得果陣o係903 chatroom我成日打呢首歌既歌詞..諗番都白痴..不過又好懷念.. 原來歌詞唔止係傳情達意,仲可以令你重拾回憶.. 當這地球沒有花 陳奕迅 作詞：林夕　作曲：Eric Kwok　編曲：劉祖德 就似熱湯 懷念烈火 纏綿頭髮 苦戀被窩 遺憾甚麼 期待甚麼 當樹林也 孤立無助 給樹熊爬甚麼 空著兩臂 為你而留座 當 赤道留住雪花 眼淚融掉細沙 你肯珍惜我嗎 如浮雲陪伴天馬 公演一個童話 當 配樂遺下結他 畫布忘掉了畫 請想起我 如綠草 當這地球沒有花 就算日出 忘掉霧水 鯨魚病了 都想渴水 讓那暴風 柔和地吹 假若離去 只為團聚 給病人留藥水 不斷吻我 讓我能甜睡 當 赤道留住雪花 眼淚融掉細沙 你肯珍惜我嗎 如浮雲陪伴天馬 公演一個童話 當 配樂遺下結他 畫布忘掉了畫 請想起我 如綠草 當這地球沒有花 當 赤道留住雪花 眼淚融掉細沙 你肯珍惜我嗎 如浮雲陪伴天馬 公演一個童話 當 配樂遺下結他 畫布忘掉了畫 請想起我 如綠草 當這地球沒有花

>>April 16, 2003 at 6:06:42 PM GMT+8

2003 年 4 月 15 日 星期二 【陰】

尋晚icq chat chat下有人send左eason集新碟俾我,見無聊就開晒黎聽..隨手一click開左首寫住"Track04-十年"既歌..旋律一起,心裏面有種熟悉既感覺,原來呢首歌係《明年今日》既國語版,我即刻四圍搵佢既歌詞..邊聽邊睇,對住d歌詞有好大既感覺,上年首《明年今日》d詞我已經好鍾意..估唔到國語版既《十年》d歌詞一樣寫得咁好,仲好似回應緊首《明年今日》,林夕既功力果然利害.. 跟住12點零同個好好人既net fd一路chat,傾得好開心,講左好多野,個心都舒服左好多,一路傾到2點幾..之後再on左陣line,傾到冇咩人就offline,但係又未想訓住,就搵game玩..之後開番二佬俾我隻GTA3,諗住入去楂車兜下風..跟住醒起可以播mp3,就立即開winmx搵左d mp3,之後入到game,就搶車播住mp3四圍兜,d感覺好正..隻game個地圖又大又多野玩,唔覺唔覺hae到5點幾,就去左訓.. 今日醒左都成1點幾,俾阿媽叫醒,佢今日去睇醫生所以請左假..番到黎見我未起身又俾佢話左一餐..跟住食埋個lunch,阿媽欏左兩碗野俾我地飲,原來板藍根-__-"..開始感受到會有排飲..3點零聽903,之後4點幾online,見到阿舜同鰻魚,同佢地鋤左5盤dee,贏左4盤..睇黎我呢排d運氣用晒o係呢度..直覺之後果幾日一定會勁黑仔.. 原來即刻應驗,玩左陣俾阿媽叫左去"勞役",拖地..拖左幾次.. 7點零就食飯,食完睇電視,睇到9點番房聽903,今日10點半先睇到我既政政,因為阿爸睇緊馬仔,睇到11點零,見勁歌預告有張敬軒,就坐o係度睇,佢唱歌真係好好聽..睇黎係我新寵,哈哈~之後梓為打黎,講今晚睇波,明知我冇有線-__-",跟住傾傾下都12點,阿妹一路o係旁邊望住個電話,傾多陣就收左線..我一收線佢就衝入房勁打勁打..我都番左房online打日記.跟住做梓為send黎既IQ test網,見無聊玩下..153..

>>April 16, 2003 at 5:10:30 PM GMT+8

2003 年 4 月 15 日 星期二 【晴】

繼《明年今日》之後,林夕又用佢手詞寫左首好絕既詞..好鍾意..寫得好岩.. 好令人感慨既詞,戀愛就係咁? 十年 陳奕迅 作曲：陳小霞 填詞：林夕 如果那兩個字沒有顫抖 我不會發現 我難受 怎麼說出口 也不過是分手 如果對於明天沒有要求 牽牽手就像旅遊 成千上萬個門口 總有一個人要先走 懷抱既然不能逗留 何不在離開的時候 一邊享受 一邊淚流 十年之前 我不認識你 你不屬於我 我們還是一樣 陪在一個陌生人左右 走過漸漸熟悉的街頭 十年之後 我們是朋友 還可以問候 只是那種溫柔 再也找不到擁抱的理由 情人最後難免淪為朋友 懷抱既然不能逗留 何不在離開的時候 一邊享受 一邊淚流 十年之前 我不認識你 你不屬於我 我們還是一樣 陪在一個陌生人左右 走過漸漸熟悉的街頭 十年之後 我們是朋友 還可以問候 只是那種溫柔 再也找不到擁抱的理由 情人最後難免淪為朋友 直到和你做了多年朋友 才明白我的眼淚 不是為你而流 也為別人而流

>>April 15, 2003 at 5:31:09 PM GMT+8