2003 年 4 月 1 日 星期二 【晴】

尋晚一online冇耐二佬就叫我玩EE,見冇野做就同二佬玩EE一路玩到5點幾,903成晚都做特輯.. 今日訓到12點幾,醒左食左個lunch,阿妹霸住部腦..跟住我又去訓過..3點左右醒,一醒就開903聽森小.之後開機玩cm4,玩左陣見部腦熱,就上網搵d管理cpu既software,幫下手降溫都好..費事粒U咁短命..搵搵下俾我搵到好多得意既程式,部腦今日裝左唔少垃圾.. 食埋晚飯,阿妹又霸住部腦,我唯有睇住電視啦.睇到10點,諗住睇秦始皇,下!今日暫停?有冇搞錯..跟住番房hae,阿妹仲用緊部腦.. 11點零,聽住<嘩嘩嘩打到黎>,好明顯聽到三姑係好唔開心..搞到我都覺得唔係好開心.11點半,終於欏得番部機..就上網online同打日記.

>>April 8, 2003 at 1:57:44 PM GMT+8

2003 年 3 月 31 日 星期一 【晴】

今朝訓到12點零醒,起身之後出去買飯,番黎就成個下畫聽住903玩CM,本來諗住今日愚人節用個日記黎玩人既,尋晚同二佬諗左好多橋,不過諗諗下又費事整蠱人咁衰仔,嚇親人就唔好啦..結果擺埋一面.玩到6點零,之後玩左陣vos同二佬尋晚send既Bandjam打鼓game,後黎就上網睇下d討論區..到處都係d玩野既新聞,睇完都佩服d人咁好文釆,不過有位細路就不智左d喇,入侵明報個網出假新聞話香港會變疫埠,製造混亂同恐慌,卒之俾人拉左..咁佢又係過份左d既,放任唔代表唔駛負責任..做任何野都要諗下個後果既,佢d電腦常識咁掂欏黎搞d咁既野又係o徙左d既..可惜.. 食埋飯,8點50分左右,睇到無記既新聞話歌星張國榮墮樓死左,我第一時間係心諗愚人節新聞,跟住又諗冇理由欏呢d野黎玩,之後番房上網睇yahoo新聞,9點聽埋903既新聞都係咁報導..突然覺得好顎然. 97之後,經濟大衰退,好多人變負資產,個社會d人既壓力越黎越大,所以呢幾年好多新聞都係令人睇左會唔開心既. 踏入2003年,諗住新一年有新既開始,香港會轉運,個社會會振作..但係香港依然正值多事之秋,就連呢個世界四圍都仲係立立亂..今年有好多唔開心既新聞,前排財政司梁錦松單野啦,宜家仲發生緊既非典型肺炎潮啦,美伊戰爭啦..唔開心既新聞真係日日有,今日都有..張國榮先生因為情緒問題跳樓身亡. 初初聽到都唔信,以為係d愚人節既新聞,不過之後見d新聞出晒,覺得好顎然..現今樂壇有份量既歌手越黎越少,羅文先生舊年既離去,樂壇已經損失不少,宜家連哥哥都走埋,樂壇又少左個人材.. 突然覺得今年香港有好多天災人禍..睇得呢d新聞多,香港人既士氣真係有排低落..

>>April 8, 2003 at 1:57:32 PM GMT+8

2003 年 3 月 30 日 星期日 【晴】

尋晚download緊隻航海4,無啦啦俾二佬叫左去玩DS,一玩就玩到6點..又去番暑假果陣既日夜癲倒既頹廢生活.. 今日訓到4點先醒,又破今年既新紀錄..醒左者左個麵食,跟住開903聽同開機上網搵下game,今日搵cm4,好成功俾我搵到..勁開心,唔駛特登出街搵. 6點半睇新聞,有個幾鼓舞人既消息,就係非典型肺炎既人有95%既醫好機會..不過散播既情況就未受到控制.同埋住淘大E座既人都幾慘,成棟俾人隔離..變到好似監牢咁,我諗住o係入面d人一定唔好受. 食埋飯,睇左陣電視就番房試隻cm4,之後10點出番去睇秦始皇,睇到11點番房繼續開cm4,同聽住三姑,今晚佢d言論又好出位喇,之後又聽到位曾經有非典型肺炎既康復者講佢既辛酸史,聽過佢講到有d位都好激動..我都不禁戥佢覺得慘.

>>March 31, 2003 at 5:31:45 PM GMT+8

2003 年 3 月 29 日 星期六 【晴】

尋晚無無聊聊,打左俾二佬,跟住同佢研究佢日記個song list,3點零佢突然話想玩empire earth,又俾我上網搵到條link download隻game喎..裝埋玩都就4點,結果我抱住入game兜個圈既心態玩左陣..不過都玩到5點半. 今朝10點半自己醒左,見阿媽唔o係度,原來阿爸今日唔駛番,同佢去左買送.我就搵早餐食,食完睇左陣球迷世界阿媽就番左..惡夢亦都來臨.佢好響應政府今日所訂既"家居清潔日",番黎冇耐就點我同阿媽洗屋,但係佢自己就坐o係染頭髮喎..咩世界黎架呢個! 我既任務係用唔知有冇1開99既漂白水(阿媽勁慳水..可能得1開49..)抹全屋既門,窗同櫃..我抹左一半經已嘔緊泡,d漂白水味勁到索一索d味覺會短暫冇左,加上我有d鼻塞都咁..所以我就停左陣去話阿媽..佢又死撐喇,話咩勁d殺得徹底d,殺埋我就真..我諗經過呢一抹我就算有再變種非典型肺炎都實好番..抖果陣去留左個hkflash既留言就係畫我個肺經已"省"到令一令..之後繼續抹,抹到12點半左右.今日又冇lunch,跟住開機諗住玩隻航海4,不過搵唔到隻game,上網勁搵都冇..之後3點零4點就研究隻empire earth,呢隻game變態架..冇時間既人一定唔好玩..我成晚就係玩呢隻野,食完飯繼續,玩到11點幾..先由遠古升到數位時代..最後既遊戲時間係6個幾鐘,睇完都嚇死我..不過隻game幾正既,一開始由原始人慢慢升到去有飛機大炮機械人,你會感受到人類歷史既漫長..呢隻game既難度幾高下..一般都俾電腦狂攻,早期真係玩到想死..好辛苦先end到隻game,就online聽住wasabi打埋日記喇.

>>March 30, 2003 at 5:10:58 PM GMT+8

2003 年 3 月 28 日 星期五 【晴】

尋晚諗住on陣line去抖,不過一online見到二佬留左offline message,佢話佢同佢個fd玩緊DS,可以隨時join,於是我就join入去睇睇,跟住打埋俾佢,結果邊傾邊玩玩到5點左右,勁累就去訓.今朝訓到12點醒,不過又訓過..一訓訓到3點幾先醒,起身見餓..但係懶落街買,就求其搵左d餅塞住個肚.之後就一路online,一邊玩CM,玩到6點零沖涼,番到黎一個message都冇收過,由下晝到宜家..我發覺icq既作用已經越黎越少,見佢開住黎打機都唔太阻訂先開,最大好處係方便同二佬聯絡(當佢阿哥用緊電話果陣). 7點零就食飯,食埋飯番房收拾個爛攤檔(阿妹搞到部腦中毒)..原來上次隻毒都係佢搞番黎..事緣佢個fd個網有毒,佢唔知又去左..我果陣又未update個防毒軟件,之後一update就話中毒..今次佢再去番果個網,又中同一隻毒..我終於知個源頭喇!由於之前對付過呢隻毒,今次好快就清晒佢..跟住之後開winmx搵mv,搵左好多.10點零睇報紙,呢排d新聞好吸引我去追..唔知個肺炎幾時完呢? 11點零又上網,之後見個擺歌個server work番,就改番晒日記d 背景音樂link..跟住正正問我要vos隻game,我個FTP終於有用喇,佢做左第一個download野既顧客.之後carrie又問我要vos d歌,岩岩我打緊日記..個FTP又有用啦. 呢排心情好左,可能同屋企關係好左啦,同埋有d野都開始睇化左..雖然仲係有d放唔低..

>>March 29, 2003 at 4:47:39 PM GMT+8

2003 年 3 月 27 日 星期四 【晴】

尋晚同二佬玩DS玩到4點左右,今朝到訓7點幾先醒,之後又恰著左,搞到差d遲到..番到去氣來氣喘,跟住今日勁咳.. 今日個人好病,考完history卷一之後,同dora去truck shop買野食,食完件蛋牛治(嘔蛋治)真係食到嘔蛋,勁肚痛,做mc果陣個肚"拿"住"拿"住,痛到上晒心..考完就快快脆脆屋企療傷.. 番到12點半,上網去改左個日記d背景音樂就去訓左陣,跟住2點零就醒左,煮左個麵食,跟住番房聽森美小儀,笑死左..之後就試下尋晚download落黎既G6同serv-u,黎佢地黎開FTP,好順利咁俾我一take就set up左個FTP(ftp://chiu0422.no-ip.com不過我冇開就connect唔到) 夜晚6點零7點online icq,好耐都未試過咁熱鬧,同時同5個人chat,加埋呢幾日大旺既icq地球,搞到個icq有d混亂..突然勁憎d冇意義既地球,成日收到d無謂地球,咩唔駛開用黎掃毒呀,係friend就send番俾佢呀,天氣凍著多件衫之類..無聊到極點..人地個地球用黎send url既,有d人就用佢黎send垃圾.見到呢d地球我通常都唔會睇佢d內容,會即捕即殺,不過都仲係要特登o徙我力去click開佢再close..睇黎真係要成立個icq反send地球組織.. 之後chat到8點幾,個人勁累,攤o係度訓左陣. 8點半起身食飯,個口淡淡,食左好少少飯.之後洗碗,洗完碗番房訓左陣,10點出廳睇秦始皇,睇到11點番房online.

>>March 29, 2003 at 7:06:07 AM GMT+8

2003 年 3 月 26 日 星期三 【晴】

尋晚3點零訓,今朝7點醒.今日考英文,作文揀左題看圖作文黎作,寫到都幾玩野下,不過好眼訓..寫到訓著左幾分鐘,跟住醒番又作過. 之後個卷二都唔太難,係第一個閱讀理解有d難度.考完諗住走,不過俾人"的"左去新世紀食野,同行既人有正正,sally,queenie,阿fa同suyi.去到新世紀間大家樂12點15分,唔算太多人.. 食完o係新世紀行左陣,之後就行去旺角搭van仔走人.個非典型肺炎都勁喇,呢幾日o係條街度見到越黎越多既幪面人..同埋香港人好叻賺錢,見到幾攤賣口罩既檔,連我屋企果邊都有,仲有好多人圍住搶,見到都覺得好笑.. 番到屋企2點,開住部腦..玩左陣vos,不過好眼訓.之後去左訓..一醒左都5點幾,就online睇下,6點幾睇新聞見到政府話星期六開始停課,停九日..好明顯政府開始束手無策,同埋後知後覺..d對策都慢人一步. online on到食飯,食完飯溫左陣history,10點就睇秦始皇,睇佢越奸我就越鍾意..嘿嘿嘿..之後11點零睇完就番房online同聽903.

>>March 27, 2003 at 3:43:56 PM GMT+8

2003 年 3 月 24 日 星期一 【晴】

尋晚同二佬打機打到4點幾,玩到眼訓去訓..今日一醒,望下個鐘成2點半,唉~睇黎又係頹廢既一日. 起身勁流鼻水,又有幾下咳..之後開903聽,新聞又話今日多左幾個新既非典型肺炎個案喎..聽到有d心慌慌.跟住落街買lunch,番黎食完之後開cm黎玩,玩到4點零見阿舜online,打俾佢叫佢玩aoc,玩左2盤,第1盤好快就ko電腦,反而之後果場玩到7點半. 食埋晚飯就溫geog,不過唔係好入腦,聽日都十死九傷架喇.. 10點,出去睇<秦始皇>,唔知點解我好有興趣睇..呢套劇亦都算係我近年能夠一集都唔miss用埋肯坐定定追既電視劇喇..(當然呢集只不過係做到第二集o者..) 睇完就番房online無聊,同打日記. 夜晚聽住d新聞,聽到非典型肺炎又有擴散跡象,聽日沙田唔少學校都會停課一星期..自己都有d羨慕,不過諗深層,停課治標唔治本,就算真係全港停課既話,咁首先諗下停到幾時?停到隻病毒受到控制到果陣?即係一個禮拜?半個月?一個月?抑或係幾個月?呢d野冇人知,與其咁等,不如諗辦法快d研究d藥醫到個病先啦.

>>March 25, 2003 at 5:18:27 PM GMT+8

2003 年 3 月 23 日 星期日 【陰】

尋晚同二佬玩隻末日危城玩到4點幾,今朝7點起身,之後出去見個天陰陰地,原來落住毛毛雨. 今日考econ,本來好有信心..但係考完就驚..今日份卷幾難下,我淨係識得做計數果d題..不過都好過上年,上年真係咩都唔識就去考.. 1點左右番到黎,屋企大廈外牆維緊修,今日做到我果層,搞到勁嘈..我就開住903,扭到最大聲同佢抗衡..不過都係咩都聽唔到.. 之後見二佬on緊line,見冇野做就末日危城,玩到6點幾二佬番學..跟住又自己玩左陣. 夜晚溫左陣geog,食埋飯就睇下新既電視劇,見好似幾無聊,就番房聽903,到左11點零就online.

>>March 25, 2003 at 6:55:55 AM GMT+8

2003 年 3 月 22 日 星期六 【晴】

尋晚諗住同二佬玩果隻game,不過佢收file收左成晚,跟住阿舜又叫我玩aoc,結果同佢2v2打電腦,電腦超勁..我地苦戰到5點幾都未玩完(戰爭真係可怕),跟住阿舜就save去左訓,我都去訓. 今朝訓到10點俾阿媽叫醒左,跟住我同阿妹又俾佢"的"左出去幫佢拎送.去到街市,行經一間生果鋪,有條友欏起個榴槤,跟住唔知點解佢要向後fing..果陣我咁岩行過,好彩縮得切,差少少就俾佢個"流星鎚"拮到大脾開花.. 死過番生,番到屋企開機玩左陣,跟住食晏.下晝就溫econ,對住一大堆既notes好無奈..結果溫到3點好眼訓去左訓..訓到4點零醒左,就開機online..5點零沖涼,沖完涼又溫左陣econ. 7點零食埋餐晚飯,跟住睇電視..洗冤錄大結局喎..雖然我之前冇咩睇過,不過都坐o係度睇,成家人排排坐望住電視,睇到10點,就番房開收音機仔聽903同online,順手打埋篇日記佢. 今晚又有wasabi lu,好期待每個星期日既晚上.

>>March 23, 2003 at 3:13:16 PM GMT+8