2003 年 8 月 15 日 星期五 【雨】

今朝訓到8點半醒左,不過又訓過,9點半peony打黎先再醒,跟住起身沖涼換衫出去,今日去唱兩個半月以黎既首次k,10點半出去,11點10分到佐敦地鐵站,見到梓為同peony,打番俾小虎,佢話岩岩出緊黎,所以冇等佢,之後去左附近間green box唱k,上到去先叫左個lunch黎食,跟住過左陣小虎黎埋,好耐冇唱過k,初初開唔到聲,不過過左陣開始唱到,一路唱到1點半俾人迫走..無良..不過都唱到喉嚨沙晒.之後諗住飲茶,但係小虎去左附近間機鋪打機,就跟左去搵佢.o係果度hei左陣,之後都係去左飲茶既.間野d野食都ok好食,d茶都好飲,飲到停唔到..唔覺唔覺咁就飲左好多,搞到去左4,5次廁所..-__-" 由3點零一路坐到5點零先埋單走人,跟住又行尖咀,行左好多鋪頭,行到6點45分先走,胃痛加勁疲累..

>>August 16, 2003 at 4:30:20 PM GMT+8

2003 年 8 月 14 日 星期四 【陰】

今朝俾個鬧鐘由7點15分響到7點半先起身,沖完涼換埋衫執野番學,又要番學校-__-".. 8點45分左右番到去,9點左右阿sir帶左我地班中六過小學果邊既禮堂,今日用佢地既禮堂黎玩變態遊戲,不過今日果d都幾好玩既,一路玩到12點幾,跟住d導師又俾左張紙叫其他組員圈或者寫低對佢自己既感覺,之後睇番我果陣竟然有人圈我開朗,活潑可愛-__-",反而有個圈左我文靜既我覺得合理d..不過其實都係既,o係我果組我算係多嘴既人(難得-__-"..).12點半左右解散. 之後下晝同peony去食晏,去左太子食,食完去行陣始創,跟住陪左佢去左尖沙咀,跟住o係海港城行,又o係一間書店逗留左好耐,睇書睇到好滿足,5點零四圍行,買左d野食醫下肚,送埋佢番屋企,又o係佢屋企附近行左陣,7點我就搭車走. 番到去7點半,食埋飯睇番左房online,聽vani同打日記.跟住同abby icq,聽到佢話美國停電,即刻上yahoo睇d新聞,果然係喎..北美大停電,難以置信.. p.s.阿舜生日快樂~

>>August 15, 2003 at 2:13:19 PM GMT+8

2003 年 8 月 13 日 星期三 【雨】

今朝7點零俾人叫醒,起身覺得好凍,個冷氣勁得滯..我震住咁執牙膏牙刷去梳洗.果陣冇咩人醒,唔駛爭廁所,之後出番黎醒多幾個人,開始又爭廁所用,好彩..-__-".跟住齊齊睇晨早新聞,睇到8點去飯堂集合等食早餐,食完可以自己活動兩個鐘,同sally & suyi去左打羽毛球,打左陣已經好熱好累,流晒汗..9點45分上左機鋪涼冷氣,不過嫌佢嘈,之後去左sally間房同sally,suyi,阿梅玩啤,玩到11點執埋行李就走番去活動中心,又開始玩佢地d變態遊戲..一路玩到1點,今日d遊戲冇咁變態..玩完影埋大合照就去食最後午餐.食埋個午餐,等左陣都1點50分,架車黎接我地走,突然有種唔捨得既感覺,呢d camp幾好玩,又free,如果同d熟既fd黎一定仲好玩,不過其實呢幾日都識左唔少朋友,都算係咁啦.2點搭車走,2點45分到左九龍塘地鐵站果邊,跟住落車搭2號van番屋企.番到去買左個車仔麵食,沖埋個涼就online上網,5點零落左去剪頭髮,好長lu. 7點先番到黎,上網上到8點食飯,食完飯睇電視,9點洗碗,跟住番房online,用左差唔多成個鐘打番呢兩日既日記.

>>August 14, 2003 at 1:53:01 PM GMT+8

2003 年 8 月 12 日 星期二 【晴】

今朝到8點45分,沖完涼就出去同peony食早餐,去到10點,等左10分鐘先見佢落黎,食完之後上左佢度玩.玩到1點幾返學校,今日入camp,去兩日一夜.番到學校2點零,見到sally同suyi,同佢地入去,過左陣點埋名就上車去北潭涌. 大約半個鐘多d車程就到目的地,發現呢度似曾相識,我諗我小學果陣黎過,呢度都冇咩點變過.之後去飯堂聽講師講呢兩日既程序,3點半左右,就解散番房同人分配房同床,呢度分開幾座屋仔,每座有幾個單位,每個單位又有幾間房,學校幫我地編好晒住邊,8個人住一個單位,淨番d房俾我地自己分. 4點左右開始活動,玩埋d令人又累又變態既遊戲,玩到身水身汗兼傷痕纍纍..到左6點就去食飯,食完飯番房睇左陣電視,7點又繼續玩d變態遊戲,9點零熱到傻果陣,位導師話玩野外定向,簡直想嗌救命..之後同同組既人去四圍搵果12個check point,搵到大汗疊細汗..10點零終於可以番場館歎冷氣,我果組只係搵到9個check point,跟住玩埋最後一個小遊戲,大約10點半就解散.解散之後d人一窩蜂湧去霸廁所沖涼,有d人直頭走黎我地間屋仔借廁所,不過當然都要等啦,我好好彩11點10分左右俾我攝到位入廁所,唔駛等太耐..沖完出黎無無聊聊,睇左陣勁歌,跟住sally同suyi落左黎玩,俾佢地兩位捉左我入房傾計-__-".12點零我出番去同其他人睇電視,sally同suyi o係間房談心,電視果陣做緊《O記實錄》-__-"..見到d人個樣都唔想睇,陳年劇..不過太無聊,勉強睇睇又幾好睇喎..睇到1點半,做晒番房,見到sally同suyi訓著左,搞到其他人都唔敢入去.跟住我同林振繼續睇電視,睇到1點45分電視俾人cut左,個營勁無良..之後番房諗住叫醒佢地,但係唔成功..我出番廳坐,跟住同個新同學傾下計,傾到2點零,跟住佢番房訓.我都攤o係梳化訓左陣..2點半sally醒左,仲欏埋杯麵坐o係我附近食,俾d麵香攻醒左我,跟住3點suyi醒左先有得番房訓.

>>August 15, 2003 at 11:49:58 AM GMT+8

2003 年 8 月 12 日 星期二 【晴】

今次Microsoft Windows 作業系統出現的嚴重保安漏洞是源自遠端程序呼叫(Remote Procedure Call)功能內的分散式元件物件(Distributed Component Object/DCOM)服務的滿溢漏洞. 由於Remote Procedure Call (RPC) 服務支配絕大部份系統功能包括DCOM、Indexing Service、Network Connection、Shell Hardware Detection、Error Reporting Service 等, 一旦RPC 出現問題會同時導致系統大部份程式無法運作, 甚至可以利用其控制Windows 用戶存取權限更改系統登入密碼. 另外, 由於Windows 的自我保護機制發現WORM_MSBLAST.A 不正常的RPC 存取指令, 因此會自動關閉系統以免進一步受到破壞. 若果已不幸被到受感染, 請按照下列步驟修復: 1) 按"開始"->"執行"->輸入"shutdown -a"以停止系統重新開機. 2) 同時按"CTRL"+"ALT"+"DEL"進入Windows 工作管理員->處理程序->找出msblast.exe 及結束該處理程序. 3) 刪除在windows\system32 內的msblast.exe 4) 按"開始"->"執行"->輸入"regedit", 然後往 HKEY_LOCAL_MACHINE\SOFTWARE\Microsoft\Windows\CurrentVersion\Run,刪除"windows auto update"="msblast.exe"機碼 5) 最後, 安裝Microsoft 提供的系統修補程式 Windows XP 中文版修補程式下載 Windows XP 英文版修補程式下載 其他Windows 作業系統修補程式下載 資料來源:HKUltraline.com

>>August 13, 2003 at 1:27:06 AM GMT+8

2003 年 8 月 11 日 星期一 【陰】

今朝訓到12點先醒,起身開左陣機,之後1點零落左去買飯食.1點半番黎,食埋飯online同二佬chat左陣,跟住打左俾佢.佢同個fd傾緊,就駁左conference一齊傾,佢個fd format緊部機,之後裝過個windows依然發現有問題,不過就俾佢個pc-cillin check到有毒,於是我走左去pc-cillin個網睇下咩事,發現尋日出左隻變態既病毒,用windows XP,NT果d電腦,只要一上網就極大機會領野..好大獲..隻WORM.MSBLAST病毒會攻擊windows既漏動,未update windows既電腦中左會俾人倒數60秒熄機-__-"..之後阿舜打黎都話佢中左毒,winXP-__-"..搞左大半個鐘都冇頭緒,話晒新鮮出爐既病毒..有d慶幸之前問阿so借果隻XP碟裝唔到,唔係就.. 之後同二佬去玩炸彈人online,玩到5點幾二佬話lag得滯走左,我自己玩到6點半熄.跟住online同上forum睇野,發現好多人都中左果隻病毒,不過有人搵到解決方法,總算可喜可賀. 8點零食飯,食完飯再睇番個forum,見d人大多都解決到,再上番pc-cillin個網睇,勁好笑..下晝佢估風險係中度,夜晚再睇番風險變左高度-__-".諗住打俾阿舜問佢部機點,不過似乎佢細佬用緊..之後繼續icq online,打日記同執定聽日去果個乜鬼領袖訓練camp d野. 唉..無奈囉,唔想去囉,我會掛住屋企......部腦囉..

>>August 12, 2003 at 3:30:24 PM GMT+8

2003 年 8 月 11 日 星期一 【陰】

自昨晚深夜時份起, 大量使用Windows NT4、XP、2000及2003 作業系統的用戶因系統中一個在上月被現的系統保安漏洞引致系統即時死機, 並自行執行關機程序在60 秒後自動關閉電腦, 即使重新開機亦無法解決問題只會繼續重複上述情況. 若使用以上任何一套作業系統的用戶請即時安裝系統修補程序, 初步估計藉由該漏洞發動的攻擊將會持續數日. Windows XP 中文版修補程式下載 Windows XP 英文版修補程式下載 其他Windows 作業系統修補程式下載 Windows XP 功能的 IPv6 通訊協定Windows XP 的 IPv6 通訊協定，包含下列功能： 6to4 通道設定 站台間自動通道定址通訊協定 6over4 通道設定 匿名位址 在路由器通告中的站台首碼 DNS 支援 IPSec 支援 支援應用程式 RPC 支援 靜態路由器支援 下面幾節詳細介紹這些功能。 Remote Procedure Call (RPC) 遠端程序呼叫 (RPC) 一種訊息傳遞的設備，可讓分散式應用程式呼叫網路上各個電腦所提供的服務。在遠端管理電腦時使用。 -------------------------------------------------------------------- Remote Procedure Call (RPC)] 服務是 Windows XP 的 RPC 子系統。RPC 子系統包含終點對應表及其他雜項 RPC 服務。Net start rpcss 啟動 [Remote Procedure Call (RPC)] 服務，以允許分散式應用程式使用動態結束點。[Remote Procedure Call (RPC)] 服務會管理終點對應資料庫。 分散式應用程式的伺服器端會以 [Remote Procedure Call (RPC)] 服務來登錄其終點。用戶端執行期間程式庫 (代表分散式應用程式的用戶端) 可查詢 [Remote Procedure Call (RPC)] 服務，以取得終點資訊。

>>August 12, 2003 at 1:33:45 PM GMT+8

2003 年 8 月 10 日 星期日 【晴】

今朝7點起身,今日要番d咩中六迎新日,冇計..間學校中六收好多外校生,搞到我好似又轉左學校咁-__-". 起身沖個涼睇左陣新聞,8點左右就出左門口,搭埋車,去到8點35分.去到學生活動中心見到好多人o係度,9點左右個迎新開始,上年班中六整左好多無聊既遊戲黎玩,今日又熱到死,迎新既意義(令新同學適應新既校園生活)俾酷熱既天氣蓋過左,得個熱字,完全吃力不討好..熱左成朝,最後佢地用左一包維他檸檬茶/菊花茶安撫我地-__-".跟住聽佢地講d中六生活,介紹下老師,終於o係12點半過d走得.之後搭12A番屋企,順便買埋晏仔,見到條街一撻撻煙灰..呢排農曆七月,四圍都燒衣,但係政府又搞全城清潔,咁其實呢d駛唔駛罰$1500呢? 番到去好熱,食完沖多次涼,跟住番房開冷氣,正死..之後online見到二佬,大家都無無聊聊,打左俾佢,跟住諗玩d咩,二佬醒起上年暑假我地勁煲既炸彈人online,等二佬download番隻炸彈人,跟住就一路玩到5點零.之後6點幾又玩過,今次首次試玩奪寶模式,玩落又唔錯..玩到8點.跟住食飯,食完睇左陣電視,9點去洗碗,之後番房online同打左日記,之後玩左陣vos,今晚有d唔開心..呢排個人d唔開心少左,不過突然黎一黎真係好想喊,個心好唔舒服,唔知點咁..有好多問題想問..好困擾=(. 如發洩是生理需要 為何眼淚會缺少

>>August 11, 2003 at 4:25:03 PM GMT+8

2003 年 8 月 9 日 星期六 【晴】

尋晚同二佬玩msn d game,居然hei到4點半先訓,今朝10點就起身,食埋早餐就同阿爸去街市買送.11點零番到黎,好熱,番房吹風扇睇報紙,睇完報紙睇小新,好快就睇晒,下晝熱到懶開機,訓下醒下,印象中收到唔少電話,梓為都打左幾次黎.佢目標開始明確,戥佢開心.. 一路半訓半醒到4點零,打俾小虎問下佢點,傾左陣就online icq.之後5點半覺得勁熱去沖涼,6點零換衫,食左少少飯出左去(下晝冇食晏).7點10分到又一城,行左陣之後同peony去佐敦食野,間野幾d麵好食,之後行左去廟街食糖水,9點零送佢走,10點20分番到屋企,跟住沖完涼就攤左o係張床度,之後同阿妹玩泡泡龍,玩到11點幾,跟住打番今日日記.

>>August 10, 2003 at 4:18:12 PM GMT+8

2003 年 8 月 8 日 星期五 【晴】

今朝10點零醒,起身冇耐就開機上網,同二佬icq左陣,睇埋佢日記,中午就出左去買lunch,見阿爸拎番部手機,今日可能會冇手機用,就順便行過兩個街口幫手機張咭增值,今日終於買到增值咭..之後去附近間重新開張既鋪頭買車仔麵,好食.跟住醒起新一期小新出左好幾日,順手買埋..番到去食埋野,跟住1點半同二佬玩左round傲世三國,玩到2點零,跟住on番line send d小遊戲同轉格式software俾二佬,之後2點45分就準備出去. 今日約左peony 3點半又一城等,3點我開始等唯一一架去到又一城既車--2號van,其間有架full左,跟住就冇車黎,等到好激氣..過到去3點40分,跟住去食左個tea,行左陣cd鋪就走,5點零番到屋企,跟住上左陣網,之後offline睇小新. 7點零食飯,之後洗碗,跟住sally打黎話佢同queenie諗住去土瓜灣食飯,問我去唔去,我已經食左飯,不過都見冇野做,又冇電視睇,阿爸同阿媽又去左行公園,就落左去.行5-10分鐘左右就到,先8點半,佢地岩岩食緊野,之後傾下計食下野,好快就10點,見小虎住附近諗住叫佢落黎,不過打俾佢咁岩佢出左去,仲俾佢阿媽嚇親-__-"..再打佢手機發現佢o係對面巴士站,跟住目送佢走..呢個時候sally同queenie佢地都食完,埋左單,送佢地行左段路(其實係順路番屋企,寫到自己懶好人咁..XD),跟住我都番去.番到去發現屋企門反鎖-__-",原來阿爸阿媽佢地番左黎,佢地以為人齊鎖左門..番到去抖左陣又沖過涼(今日沖左3次,鬼咩..熱到傻,出親去都一身汗..),跟住11點零睇小新..

>>August 9, 2003 at 6:24:18 PM GMT+8