2003 年 7 月 29 日 星期二 【晴】

尋晚唔覺唔覺5點幾先訓,icq得太開心-__-". 今朝9點幾醒左醒,不過跟住又訓,訓到11點俾阿媽叫醒..跟住出去睇電視,睇完食埋晏開機上網.跟住去左睇二佬個日記,佢個泰國之旅好多笑料,搞到我一路追緊,不過到目前為此佢寫左兩日..唔..慢工出細貨掛? 之後同二佬icq,傾傾下變左打電話,打打下又變左打機..結果同二佬玩傲世三國,玩到hang左3次勁頂癮..有次先開始5分鐘,有次就玩到出晒兵先hang,好無奈..之後齊齊控制一個,可能人少d,冇hang喇,5點零6點ko左電腦,跟住去左yahoo篤波,二佬有過一Q清袋既瘋狂紀錄..佢雖然好耐冇玩,不過依然寶刀未老,輸到我傻,終於8點食飯之前俾我臨尾贏番round.食完飯睇左陣電視,跟住番房聽vani,10點零online icq同小虎傾睇皇馬場波d野,跟住打日記,聽903,11點聽阿媽番黎,俾佢鬧就閃左去"訓"..

>>July 30, 2003 at 5:12:31 PM GMT+8

2003 年 7 月 28 日 星期一 【晴】

200307290030? 尋晚5點訓,今朝8點45分醒左,仲好眼訓..不過都係起身.9點10分出左去,搭6C去油麻地果頭,本來唔識路,不過出黎之前睇左地圖睇左大約點行同埋o係油麻地警署對面.落左車就照所定既路行,好快就見到座好特別既建築物,呢座就係不時會o係電視見到既油麻地警署,咁即係冇搵錯路..到左間診所,先去左詢問處問清楚,跟住上左10樓,一入去見有好多人,以為有排等,原來預約果條隊好快,得兩個人,其他d人都係等緊睇醫生.10點零已經走得,跟住搵車走,搭番6C番去,不過o係紅磡落左車,果陣10點半,逛左逛紅磡廣告,跟住行番屋企.行到過去都11點,打左俾阿妹問佢lunch想食咩,順便幫佢買埋..11點半番到去,食埋野,好眼訓..去訓,訓到1點零有人打俾我,醒左,同佢傾左陣就online,跟住成個下晝都係online icq. 5點幾見熱去沖涼,6點幾玩vos,一唔開心就會諗到呢隻game.. 7點零梓為打黎話玩cm,同佢玩左陣就去食飯,食完飯睇埋電視去洗碗.洗完碗就番房online打日記同去玩yahoo game. 之後9點半俾阿妹無啦啦黎霸部腦,佢話"用一用",結果我等等下昏迷..11點半先醒番..

>>July 30, 2003 at 6:21:38 AM GMT+8

2003 年 7 月 28 日 星期一 【晴】

呢排勁聽既歌,亦都係我既三大eason愛歌之一(仲有兩首係《與我常在》同《時光倒流二十年》) 歌詞內容: 同你唔再可以好似以前咁..諗番起果陣自己所付出既..會覺得自己好蠢. 為你而唔訓,陪你傾通宵,咩都拎黎傾.. 話從來都冇愛過你,我對個個都咁好,我只係鐘意懷念過去..其實呢d都係俾藉口自己去好過. 到蒼老之日,前事雖然好似睇化晒,但係相信依然會苦惱. 一個愉快既睡眠..能夠斷去幾多煩惱絲(髮線)呢? 綿綿 陳奕迅 作詞：林夕　作曲：柳重言　編曲：王雙駿 和你也許不會再相擁 大概你的體重 會抱我造夢 從前為了不想失約 連病都不敢痛 到哪一天 才回想起 我蠢 和你也許不會再通宵 坐到咖啡酸了 喝也喝不掉 從前為你捨得無聊 寧願休息不要 談論連場大雨你窗台漏水 不得了 從來未愛你 綿綿 可惜我愛懷念 尤其是代我傷心的唱片 從來未愛你 但永遠為任何人奉獻 從沒細心數清楚 一個夏雨天 一次愉快的睡眠 斷多少的髮線 和你也許不會再擁抱 待你我都蒼老 散半里的步 前塵就似輕於鴻毛 提及心底苦惱 如像自言自語說他人是非　多麼好 從來未愛你 綿綿 可惜我愛懷念 尤其是代我傷心的唱片 從來未愛你 但永遠為任何人奉獻 從來沒細心數清楚 一個夏雨天 一次愉快的睡眠 斷多少髮線 從來未愛你 只喜愛跟一顆心血戰 亦懷念那些吸不透的香煙 從來未愛你 只喜愛共萬人迷遇見 從來沒細心數清楚 一個夏雨天 一次愉快的入眠 斷多少髮線

>>July 29, 2003 at 6:34:48 AM GMT+8

2003 年 7 月 27 日 星期日 【晴】

尋晚好早就好眼訓,2點左右去左訓,不過今朝都係訓到11點先起身,好耐冇試過訓一覺醒左覺得訓得好充足.但係,一次愉快既睡眠,能夠減去幾多既煩惱? 食左早餐就出左去交管理費,去銀行排行都排左半個鐘..之後經麥記順便入去買個晏仔食.番到去食埋野就開機上網睇forum,跟住整個網,之後3點幾同梓為玩cm,玩到4點.跟住聽住903 online,俾我搵到全套《四點水續集-落雨路》既廣播劇,dl左落黎. 6點幫阿媽洗菜,跟住又玩yahoo d game.7點幾食飯,食完睇電視睇到9點,跟住番房,阿妹好快手霸左部機.我隻左眼無啦啦又痕又痛,越捽越紅,捽到咁..-.= 合埋眼聽vani,今晚請左eric kwok同grace,好正..聽到10點零online,阿爸入黎叫我聽朝幫佢去排期預約睇醫生(驚唔知醒-__-").跟住就一路icq,聽903同打日記. 一次愉快的睡眠 斷多少的髮線?

>>July 28, 2003 at 3:30:22 PM GMT+8

2003 年 7 月 26 日 星期六 【晴】

尋晚打緊日記adrian send番尋晚影既相,尋晚有位自動請纓既女侍應,adrian欏住部數碼相機同佢講幾次佢先識用,好令人擔心,所以叫佢影左兩張,果然,佢影既兩張,一張歪一張朦,不過朦都好過冇.. 今朝訓到11點,起身食左少少野..個胃仲有d痛,話說尋晚我同adrian一齊食左某某買既TCBY雪糕就齊齊絞肚,evan冇食過所以佢無事.起身睇到無記做利物浦既特輯,醒起今日下晝有波睇. 下晝冇食晏,唔知幾時訓著左..醒岩岩好2點45分,出廳睇利物浦表演.o係電視見到大球場接近滿座,好恐怖,十年難得一見..睇到就5點,結果利物浦勁數港隊6:0-__-".. 之後沖涼,沖完涼食飯,食完先6點零.跟住梓為打黎話玩cm,同佢玩到7點半,佢食飯.我就online,見無聊整下個網頁,整整下突然想聽eason首《綿綿》,上cmidi又咁岩見到首綿綿midi,dl左落黎轉造vos玩. 9點零on番line,突然醒起二佬都應該就番黎,佢去泰國5日遊,禮拜二起程,都應該今日(聽日?)番.咁又過左5日,淨番10日就死期..唉,突然好想"渡日如年"..等我有多10年命. 好鬼邪,我9點幾打定今日日記,10點俾我見到二佬on左line..-__-",跟住之後聽住wasabi去yahoo篤波玩到1點.

>>July 27, 2003 at 5:15:26 PM GMT+8

2003 年 7 月 25 日 星期五 【晴】

呢排feel到銀包會大出血..先有人約話睇戲啦(暫時知有兩齣-__-"..),小學同學meeting啦,903chatroom一年一度既聚會啦,又約好左二佬唱k.. 今朝訓到11點零,起身冇耐就落去買晏食,食完就online玩yahoo桌球(開始迷上..),跟住2點零就換定衫,今日d小學同學約左出黎食晚飯..(點解個個meeting都要咁夜先搞-__-",一黎開始俾阿爸阿媽話,二黎夜搵車番屋企都係件煩事.) 3點零去左個其中一個小學同學(evan)屋企,見到有3個都上左去,佢地本來想開檯,不過又唔得,結果佢地玩啤牌.我一路睇佢地玩,之後evan開左部ps2我玩,佢地玩輸既有懲罰,結果其中一個fd輸左,俾人屈錢買左盒家庭裝TCBY雪糕,好慘.. 5點零evan話執屋,我接手玩,重新計過.我一路都手風唔錯,一路都係第一第二個輸少既人,玩到7點,尾二果round,我仲有明顯優勢唔駛輸,但係個fd玩既係四炒玩法,我果round出得一隻,俾人3炒..12x3都36..一下過晒d人-__-",岩岩過左本來最尾果個8分..點知果陣執屋果個fd話屋企人就番7點15分出去,咁即係玩我啦..咁岩都有既..last round一定唔可以輸,兼且要尾二果個最起碼輸8隻牌俾人炒雙我避到被罰.. 今次罰既條件係..一陣聚舊食飯果陣,要嗌晒全檯人食飯,要逐個嗌. 講番last果round,d牌幾差下,我好快咁清晒d牌,諗住輸少當贏,最後,我..輸左!!!呀~果刻真係無奈過無奈,點會咁架,一路都領先冇事俾果round x3玩死左-__-".唉,輸左都冇計,嗌囉,我豁出去!!不過最弊..一陣先講. 講番7點15分,我地落左去,今晚約左8點45分o係旺角金聲等,見仲早有人提議行尖咀.搭28號到碼頭落,跟住入海運兜兜兜,行行下發現都8點半!急急行去地鐵站,有個fd買錯飛,結果迫住搭到去麻地油就落..(尋日上錯車,今日落錯車囉我-__-"..),行都行左5-10分鐘,去到都見黎左大部份人,10零個啦.跟住我同adrian同evan去左隔離間7仔買d野飲,口渴嘛(其實係涼冷氣!?),都hei左3,4分鐘先番去,人齊!行得. 今晚食自助火鍋,行去既路程中,一路上俾人提住要記得全檯逐個人嗌食飯..冇晒mood-__-".講番最弊係咩,最弊係果度18,9個人之中,我過半數係唔記得佢地個名-__-"! 到左之後,拎埋野食,我好乖咁嗌晒我果檯人食飯(嗚嗚,超慘..T.T),但係d人勁cheap,又話要鞠埋躬,唔理佢地,開始食野.. 食到10點40分,食到好飽下,途中又傾小學d野,又話果陣邊個鍾意鍾意,好熱鬧~臨尾影大合照,點知背景有個"壽"字,好搞笑..我地又唔係擺壽宴,小虎一馬當先衝埋去扮拆,但係佢剎唔到撞跌左個"壽"字,果到個員工皺左皺眉睇佢,我地笑到傻.. 之後11點,又話行陣去飲野,有幾個中途走左,淨番7個人,其間小虎又有笑料做左出黎,佢部手機..一個字正啦. 話去飲野,不過d仙xx許xx都爆晒,無可奈何去左麥記.坐低晒冇人去買野,坐坐下有個fd話有uno,就拎左出黎7個人圍住玩-__-",今次有仇報仇喇我.玩左好多round,話玩到1點,計分,分數照數字計分,特別牌20分隻,玩左8 round,最後個個過晒100分,最高輸400幾分,得我雙位數64分,總算一吐烏氣,臨尾贏番個靚既..感動T^T. 1點鐘走,出彌敦道搵van仔搭,番到屋企1點半,開機打日記.

>>July 26, 2003 at 6:23:30 PM GMT+8

2003 年 7 月 24 日 星期四 【晴】

尋晚幾點訓呢?唔記得..唔緊要啦.. 今日又訓到下晝..2點幾醒,起身食埋野開機,跟住睇forum答下人問題. 下晝一路睇d cgi既野,突然好有心機去cgi,呢幾日都四圍link搵d正網黎睇.呢排亦愛上左yahoo桌球,呢幾日成日上去玩,一玩就一個下晝.. 玩到5點,開始執野,今日阿正sally佢地約左話去睇《戀上你的床》,我5點半出左去,跟住好準時咁6點正到左新世紀..等左成15-20分鐘都冇人黎,以為sally又約早左我半個鐘-__-".. 其間我唔知係咪幻覺,我見到個好似佢既女仔,有埋眼神接觸..果下個腦由又混亂起黎..究竟真係佢,定係第二個人黎?我唔敢肯定..不過真係好似.. 等下等下,手機響,一欏起個電話發現好多未接電話,個號碼好陌生又好似曾相識..諗緊邊個果陣見sally氣喘喘跑過黎,原來係佢打黎-__-"..原來今日臨時取消左睇戲..原來得我唔知T.T..原來.. 果陣都6點半,跟住諗住走,sally又話一場出到黎就行陣,佢要買野,跟住去左ikea,行完佢買埋野都7點幾,佢又話陪佢搭地鐵去樂富吉之島,跟住o係附近既太子站搭地鐵,我地兩個勁白痴,唔覺唔覺行左入架向油麻地方向既地鐵-__-"..瘀爆+笑到傻.之後好狼狽o係油麻地落車,跟住又差d行左線搭左架入荃灣既地鐵,好彩今次有睇牌.. 好唔容易到左樂富,sally上左頂樓睇&買攪拌機,8點零同佢行落九龍城,遲唔落早唔落,就係行出吉之島果陣落雨,不幸地我地都冇帶遮,見兩細就繼續行住先,但係行行下發現越黎越大,途中企左陣避雨,好彩好快又細番,8點20分左右番到屋企,跟住食完飯洗碗又番房,開機睇戲..睇左1隻cd就冇心機睇,跟住online. 11點零,icq緊,同梓為玩緊cm,又打緊日記..勁忙之際收到電話-_-"",原來d小學同學打黎,聽日搞meet喎..呢個時候阿妹霸左部機(我地有君子約定:用電話/電腦果陣,如果另一個要用電腦/電話就要俾佢,冇得霸晒黎用.)佢地唔知駁左5,6line,一人一句..講講下又講左其他,終於傾左半個鐘約到我(?)(其實我一早答左好..佢地未諗聽日d野o係打俾我果陣順便講埋搞左勁耐..)..凌晨0時,我自由了>O< !(希望冇小學同學有我日記網址~XD)

>>July 27, 2003 at 12:14:20 PM GMT+8

2003 年 7 月 23 日 星期三 【陰】

尋晚2點零3點俾阿傑叫左去sina打牌,見冇野就去左玩,玩到4點幾去訓.今朝訓到11點零醒,起身食埋早餐就俾阿媽叫去幫阿妹溫習,都唔太想,因為我知道阿妹一定聽唔入耳,冇估錯,教左佢先15分鐘佢就有電話到,傾到唔停,我都冇理佢番房online,下晝一路on住line icq一路睇下d forum搵下歌仔. 3點零聽住森美,講番佢呢排單野..佩服佢咁pro,情緒冇受影響.跟住開三國志九玩,玩到5點零上yahoo篤波.梓為打左黎講完佢點點點就cut左我線,好不滿..之後繼續篤波,玩到6點半去拖地,拖完地去沖涼. 出到黎睇陣電視,8點零食飯,食完飯就番房聽903同icq. 夜晚chat chat下俾人話左句"超....刀子口....豆腐心.......",我忽發奇想,好無聊咁改左佢句野做"刀子口,向左走",變左個謎語.. 之後開個ftp黎整,跟住又開左個wfss既share file program,終於俾到d相人. "刀子口,向左走"(猜一字),聽日記得就揭曉=).

>>July 24, 2003 at 4:35:43 PM GMT+8

2003 年 7 月 23 日 星期三 【晴】

睇人日記睇到既心理測驗一個,自己見無聊又去玩玩.. from:http://home.so-net.com.hk/~erato/article/764.html 結果:得分21-30 儘管生活是有崎嶇挫折,但你總有辦法克服順利渡過!<--真係? 你遭遇過的措折比一般人多<--係掛? 你曾經接觸過一些難相處的人<--嗯嗯! 沒道理的規定和不和諧的人際關係<--呢句up乜.. 你對愛情的態度就像太陽表面一般熱情高溫<--我好熱情的..哈.. 當你被很多煩人的事困擾的時候, 你要不就是非常鎮定的靜觀其變,<--鎮定?係因為我無計? 要不就是以領導者的姿態出現叫大家都閉嘴<--幾中,煩果陣我會喝人.. 你覺得一個人去看電影沒什麼大不了的<--係丫 反而想不通為什麼有些人非要有人陪才肯去看電影<--勁認同! 你感到自在,不論是一個人獨處或處在人群當中<--自在呢d唔係睇人數多少 你對你的父母不很滿意但又無法改變他們<--嗯.. 你會是個很好的情人<--唔會係 如果你能在萬人之中找到和你極為相配的人, 不然的話你和戀人的關係總是不能持久或痛苦結束<--唉.. 你可能已經和一個你並不愛的人在一起太久了<--下?邊個? 生活就像在坐雲霄飛車一樣<--冇咁刺激.. 你總是想盡辦法讓生活過得更加如你所願<--冇錯,可惜事與願違.. 你要不就是個運動迷,<--會玩但唔算,打機迷差唔多-__-" 要不你就曾經嚐試過禁藥<--呢句錯喇

>>July 23, 2003 at 4:18:27 PM GMT+8

2003 年 7 月 22 日 星期二 【雨】

今日訓到1點幾,俾阿傑打黎整醒左,不過都要多謝佢,如果我再訓就大獲,隨時又俾阿媽哦番一頭半個鐘.. 原來佢lan card有問題,幫完佢跟住落去買晏食.番到黎2點幾,掛左3號風球,冇得出去,跟住上網睇forum,link link下去左個網見到個背景音樂既播放器好正,就dl左落黎整,整完擺左去個網度.阿爸3點幾就番左黎,一路整到4點零,又dl左其它程式黎搞下過下癮. 5點零梓為叫我玩cm,同佢玩到6點零我就去食飯,食完洗埋碗,跟住番房訓左陣,8點零阿傑打黎叫我send個media player俾佢,跟住就開機上網,之後睇左陣forum,跟住搵到套要用bt下載既新紮師妹2,跟住又同梓為玩左陣cm,玩完見無野做就dl左落黎睇,睇到11點. 11點零開番903聽三姑同on番line,原來已經掛左8號波,好開心.因為我一向覺得冇8號波既夏天會有遺憾,根本唔係完整既夏天.伊布都好野=)!

>>July 23, 2003 at 3:52:28 PM GMT+8