2003 年 9 月 21 日 星期日 【晴】

尋晚有人將"塵拂"當做"陳狒",笑到人仰馬翻.. 今朝起身個人吽吽地(其實不嬲都係),跟住阿媽突然走入房,神色凝重同我講左句:「你尋日係咪問我你出世時間?」我諗左諗點頭,事實上我係問過佢黎check我既上昇星座.跟住又聽到佢一句:「呢d野唔好亂話俾人聽,一陣唔知d人會用黎做咩..」我「哦」左聲佢又再三叮囑唔好聽俾人聽,驚死人落我降..搞到我好無奈-__-". 今朝7點20分出門口,今日天氣好好,涼涼地唔熱,令人覺得好舒服..番到去8點左右.完埋早會頭兩堂上英文,quiz完做listening,d listening好難..跟住第三堂空堂,拎左中史落去做,d同學仔終於似番d人,有人都未做晒功課~齊齊撩..做到小息都未做完,之後兩堂文學聽左一堂書,一堂用黎作文學d短文.lunch快快脆上左又一村食,1點番左去開中文學會既meeting,去到遲左1分鐘到,聽完miss講一輪,我無啦啦俾偉大既chiarlady阿emily小姐點名,仲要miss潘和議,我就咁做左中文學會文書,而中史學會同中文學會關係密切,我又係中史學會既副主席,呢劑大鑊..兼且我要惡補學番點寫會議記錄-__-".. lunch完一堂沉悶既econ,跟住中史堂,勁寫做番張功課,答miss問題因為分心做緊功課講左兩個史前冷笑話,d人竟然都識笑-__-"..最後一堂中化正式教書,今日有第九堂,上english oral,上到4點半. 放左學之後同peony去又一城行,o係log on俾我撞到natalie..我同佢對望左一眼,跟住大家目光迴避,佢就轉身同個fd傾計同行開左..果刻心情好怪,唔識形容..之後同peony行多陣,落左百佳廣場搵野食,之後就同佢搭車走.夜晚番到去食埋飯洗碗,跟住番房online,icq同打日記.

>>September 22, 2003 at 4:06:55 PM GMT+8

2003 年 9 月 20 日 星期六 【雨】

尋晚又篤波,今朝訓到10點零俾電話嘈醒,醒完訓多陣又俾阿媽叫醒食早餐,跟住睇報紙同傾電話.講到12點幾去沖涼,下晝出左去.我發現我唔出街唔到目的地個天都唔落雨,淋左一身.跟住上左peony度,拎野俾佢..之後icq同玩下yahoo d game.玩到6點零走,俾人電話追魂..今晚阿爸阿媽落樓下食飯,好難得..佢地叫我去樓下搵佢地.之後去樓下間野,原來阿婆都黎左,仲有舅父舅母同表弟妹.食左好多野,食到好飽,亦都幾貴下..食完番去8點,上到去同表弟表妹玩下game,之後做功課,跟住悶悶地上下網同玩下game,之後傾住電話打日記.. 今晚個人暈暈地,好似發燒咁-__-",等我快d搞掂埋d功課去搵搵林夕..

>>September 21, 2003 at 4:01:03 PM GMT+8

2003 年 9 月 19 日 星期五 【晴】

尋晚又篤波先訓,今朝9點半起身,上下網同玩我最愛既連環新接龍,一路hei到2點幾.4點去到深水埔,陪阿正去高登買soundcard,sally都有去.買完去阿正度,都6點幾,跟住幫佢format部機,點知佢冇開機碟,搞左一輪發現佢隻win98 cd有埋,format完幫佢分partition,跟住裝番windows,裝完又幫佢裝soundcard,拆開左部機插番張soundcard落去,都研究左好一陣先砌到.之後裝埋d driver都搞掂得七七八八,最後幫佢裝埋webcam driver同soundcard附埋既program,睇番個鐘成10點幾,都仲未食晚飯,就同阿正,sally出左旺角食,去到11點15分,食完都11冇點45分,跟住就各自番屋企,番到屋企12點半,就online同打日記.

>>September 20, 2003 at 5:36:07 PM GMT+8

2003 年 9 月 18 日 星期四 【晴】

尋晚同二佬篤波,玩到1點幾2點,臨尾仲要玩花式入波. 今朝6點50分醒,番到去8點05分. 今日頭三堂econ,眼訓到我想死,好唔容易先聽書捱過三堂.之後小息就匆匆忙過左去英語角做文學作文,要作2個鐘..10點40分開始,好耐冇作過文,突然嘔唔到d字,又好眼訓,求其撩左撩夠800字就收筆,岩岩好12點10分,扮下野坐多10分鐘就落去搵阿正,sally,carrie同阿佬佢地去食lunch,不過suyi仲未出來,等到12點40分suyi出左黎就上左又一村食飯. 食完番到去1點15分,見到震震下操緊佢d人,佢d廣東話真係笑死人..碧咸變必咸.lunch之後中史堂,又係捱眼訓之下過..講到墨子lu,好期待佢講到莊子,我好鍾意莊子既思想..文學再下一課都好似係莊子,正~ 最後兩堂空間,第一個空堂o係library同carrie,阿敦,阿佬傾計.第二堂佢地番去上堂,我就搵書睇,先睇左幾頁就訓到3點15分..醒左準備一陣既社員大會,3點半一到我就第一時間上左去我負責既4B搵番社d人,總共8個,帶佢地落學生活動中心坐,入到去原來我係第二班入去.個社員大會大概去到4點半,之後同阿正o係球場等sally走.同阿正傾計食下野,好耐冇試過同佢坐o係度傾咁耐,好懷念上年同佢坐既日子,搵到個岩傾有計傾既知己都幾難..同阿正傾計幾舒服,唔覺唔覺6點,sally都搞掂晒佢d野,就落左新世紀走,走果陣又見震震下同學,今次佢叫d人欏手扣出黎,我心諗唔係掛..手扣都有?一睇之下原來係手套-__-",笑到我同阿正都傻左. 7點番到屋企,沖埋涼就食飯,食完飯番房on左陣line,9點零去洗碗,洗完碗番黎繼續online聽下歌同打日記.. 今日全日都覺得個人好累,可能係又捱左一個禮拜啦.. 不定時絕句擇錄--今日lunch時by sally:「食野食得咁快,驚死個胃唔痛..」

>>September 19, 2003 at 4:36:08 PM GMT+8

2003 年 9 月 18 日 星期四 【陰】

印象中已經係第二次o係日記提及呢首歌.呢段歌都可以算係我幾大愛歌之一,首歌旋律好輕快柔和,唔開心果陣除左聽深藍之外,呢首亦都會係我既選揀,歌詞都寫得唔錯,寫到我追求既簡單生活,唔駛大起大跌,唔駛歷盡驚險,只要搵番令我感動既人同事,安安穩穩咁生活,唔駛煩三餐,又可以無憂無慮四圍去旅遊,唔知第時有冇咁寫意既生活呢? 講到信心,呢個一直都係自己一個好大既缺點,我知自己一路好欠缺自信,我都曾經唔止一次去迫自己改變,可惜就係差果少少,克服唔到,我硬係做親咩都會覺得自己唔得,做咩都慌失失,會好怯.. 記得細個果陣無論做咩既結果都係俾人鬧,俾人鬧得多開始覺得自己冇用,細個好好勝自負既我,亦都開始慢慢自卑同內向,開始唔多想出聲..驚自己講多錯多,驚會做錯野,會做得唔好,之後我一路都搵唔番我既信心.. 不過我會盡力去改,我會好努力咁嘗試去搵番同我失散多年既信心.. 請給我信心,當我未如願. 瀛寰搜奇 梁漢文 作詞：林夕 作曲：謝霆鋒 編曲：王雙駿 別讓我遇見 活在化石再重生的恐龍 別讓我遇見 坐在怪物背上那個牧童 就讓我拾到 十六歲後已遺失的感動 但願唱罷聖詩 再睡覺 比普通的我更普通 誰期待震撼 天天總決賽 誰期待喝采 可簡單去愛 何必要過紅海 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 不用再 練習怎麼去飛 碰那罕有運氣 別讓我亂碰 入夜以後變月光的燈籠 別讓我命中 十萬里路以外那寸裂縫 就讓我夢見 像面貼面那樣天真的夢 但願唱罷聖詩 再睡覺 比普通的我更普通 誰期待震撼 天天總決賽 誰期待喝采 可簡單去愛 何必要過紅海 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 拒絕去 瀛寰探秘搜奇 多麼想 都只想 找到個伴侶 抖氣 不敢想 不必想 假使再遇一個你 再度雖要耗盡無窮力氣 完全為著好奇 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 拒絕去 瀛寰探秘搜奇 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 再度去 瀛寰探秘搜奇 會更加掛念你

>>September 19, 2003 at 1:19:40 PM GMT+8

2003 年 9 月 17 日 星期三 【晴】

今日一起身就覺得今日會好忙,因為印象中今日有好多meeting. 今朝6點50分醒,跟住7點20分出去,番到去8點零,第一堂上文學,由於我係科長,幫緊阿sir收數,d人遲唔俾早唔俾,楊sir一講完d錢收成點個個就扮乖湧過黎俾錢..搞到我手忙腳亂,果陣我貼緊學生證張相,收完錢搵唔番張學生證,搵左我一餐..之後兩堂中化,教左少少書,小息為左找錢俾人落左去買燒賣食,最頂癮我以為落左豉油,點知食落變左o急汁-__-". 小息之後兩堂空堂,拎左份英文notes落去諗住溫,d人話miss冇番,我半信半疑,不過見佢地唔溫我都冇溫,睇下報紙咁,跟住又無啦啦俾人游說入drama club,頂..drama關我鬼事,我同drama最有關聯咪就係叫做睇過下drama囉..結果o係唔知咩事,推左等如冇推既強迫屈人入伍政策之下,我入左drama club-__-",其實都多得sally唔少,自己唔玩又話我想玩..不過我無所謂,未玩過咪試下玩下囉~ lunch有2個會要開,所以去左又一村食,不過番到黎都1點,遲左少少..先去中史學會個meeting,我呢個副主席自我介紹完企多陣就急急腳過檔義工隊個meeting,去到都差唔多講晒d野,拎左本小冊子就番課室. lunch之後3堂英文,本來好難捱,不過miss真係冇番,結果變相多左3堂空堂,同d同學仔傾下玩下,唔覺唔覺都放學. 放學前既班主任堂有段小插曲,話說miss潘講番尋晚tvb個節目,講到母語教學,有d新既同學開始起哄,話反對,不過佢地講既內容我就有d聽唔入耳,我覺得點都要有d尊重,用母語教學唔係錯事,唔好狗眼看人低.就算你之前用開英文讀,讀既係名校,都唔駛氣燄咁勁,唔應該去踩學校,唔應該拎之前間學校d野黎比,食得鹹魚抵得渴,大家都係猛猛緊既分數入黎,何必咁執著呢..唔憤氣大可repeat多年儲夠分堂堂正正咁升番原校..做咩要表現到好不滿,好不屑,又好似好勉強好唔想咁,而又o係度讀呢?其實每間學校行政都唔同,既來之則安之,學識欣賞,唔好下下去挑骨頭去批評,咁咪大家開心囉..突然發現班裡面有好多小山地. 放學又有meeting,今次開社既meet,聽日係社員大會,聽日又有排忙-__-".. 之後落左去幫carrie整board,5點走. 夜晚食埋飯洗碗,跟住沖涼,沖完涼番房online同打日記.

>>September 18, 2003 at 4:26:42 PM GMT+8

2003 年 9 月 16 日 星期二 【晴】

今朝訓到6點50分醒,番到去8點左右,之後早會.早會完左第一堂空堂,用左黎做英文功課. 之後兩堂文學講之前份功課既答案同教書,小息同toto去左4A,4B寫黑板.之後兩堂中史,講完一堆性善性惡論,俾d論論到我頭都大埋..捱左兩堂終於到lunch,去左太子食. 番到黎兩堂中化,做聆聽,中文d聆聽係難過英文好多..最後又空堂,去左library上網睇新聞,放左學去幫carrie手整board,做到6點,跟住同carrie,阿正,sally,suyi去左新世紀大眾.逗留左1個鐘就走,番到去食埋飯就番房online,睇下執下書,做下功課,11點左右出廳睇電視,之後又番房online同打日記. 今晚好神奇,成個icq d人都認唔到我,無奈..

>>September 17, 2003 at 4:52:26 PM GMT+8

2003 年 9 月 15 日 星期一 【陰】

尋晚唔太眼訓,邊icq邊去左yahoo篤波,玩到2點幾先去訓. 今朝6點50分醒,今日好早搞掂晒d野,7點20分就出門. 今日第一堂係中化,教左少少書,第二,三堂係英文,做quiz同對下hw又兩堂.小息之後兩堂中史又好鬼眼訓,好唔容易先撐到lunch,今日去新世紀大家樂食lunch. lunch完左上文學,文學堂好易過,對下"功課"又一堂,最後兩堂econ好彩冇尋日咁眼訓,不過break果陣都訓到流晒口水咁.. 放學又搭12A,不過今次就同sally,suyi行上一個站搭,等左陣就有車,今次有位坐,都算好啦..不過去到平時個站又係爆晒.. 夜晚番到去食埋飯就番房online上網icq同打日記,發現呢排個hkflash留言板好旺..d留言數量增加之快令我一日不見(個留言板),(d留言數目就)如隔三秋(咁多左好多個)..

>>September 16, 2003 at 2:40:11 PM GMT+8

2003 年 9 月 14 日 星期日 【雨】

今朝6點50分醒,起身食左舊月餅出去,就係因為食舊月餅,差d遲到..今朝落住雨仔,好麻煩又好匆忙咁8點零先番到去,去locker欏埋書,入到課室岩岩miss潘行緊去,快快脆跑去攝佢位入去課室先,入到去俾佢問我有冇遲到-__-". 第一堂中化,講番上星期作落既文,好快就一堂.之後兩堂中史,仲講緊思想史,堂堂都講緊哲學咁,抽象到離奇..-__-".小息之後兩堂空堂,欏左d今日要交既功課落去做,俾d勤奮既新同學仔歧視-__-",話我唔o係屋企做,咁我一向都識利用時間嘛,何況有空堂喎..做功課都有問題-__-"?用左堂幾空堂黎清晒d功課,跟住o係library上陣網.lunch落好大雨,去左又一村食,食完我同sally同開coral既會先番左學校,開完會都完lunch.跟住兩堂econ超級勁爆眼訓,釣左5,6條大魚..臨尾先清醒d.最後中化口述堂,無無聊又完埋放學. 放學又落住雨,走果陣同sally,suyi去搭12A,等左好耐,4點開始等,full左1架車,等到4點40分第2架車黎,又係full full地,好唔容易先迫到上去,有d不滿12A呢條線,平時放學時間d班次會好疏又少車,九巴淨係識朝早番學加班次,放學就由得d人等同迫,冇腦..所以我自從中二開始放學好少搭12A,多數會行5至10分鐘落九龍城搭車,反正等可能仲耐,落到去又有多d車我揀,我可以搭75X,85,85A,85B,85C,11K,12A同2號van仔. 夜晚食埋飯執folder,手忙腳亂之際阿妹又唔肯洗碗,結果我去幫佢洗左-__-",番到黎都10點半,繼續執野,online icq,睇書同打日記.

>>September 15, 2003 at 3:42:45 PM GMT+8

2003 年 9 月 13 日 星期六 【雨】

今朝10點零俾阿媽叫起身食早餐,食完早餐睇左陣電視,之後番房online,四圍睇人日記.呢排好多fd都有好多夢發,成日聽到佢地d夢點點點,有d無厘頭,有d好得意,搞到我都好恨發夢.. 12點幾睇報紙,睇到1點零食晏.之後一路on下line,上網睇下新聞,3點零落左樓去幫阿媽買下野,順便o係附近行下,行左陣見天氣好似就黎好惡劣就番左上樓. 之後去左訓陣,跟住又on番line問人有咩功課,跟住一路做功課做到6點零就食晚飯.食完晚飯番房online同做功課. 好懶..咩都唔想做,唉唉..日記都唔想打. 功課都未做完,今日篇日記行d啦..

>>September 14, 2003 at 1:20:13 PM GMT+8