2003 年 10 月 9 日 星期四 【雨】

今朝訓到9點45分起身,沖埋涼10點半出去,今日約左阿正,阿佬,sally,suyi,carrie去唱k. 11點到九龍城廣場,一路唱,carrie唱到2點零走,我地就唱到3點俾人cut歌先走,跟住行左陣九龍城廣場,又去左大快活食d野. 4點幾我同阿正,阿佬上左sally度,sally諗住今晚打邊爐.5點幾阿正同阿佬玩緊大富翁6,我就同sally去買打邊爐d料,番到黎6點零.跟住去睇番阿正同阿佬玩,7點零carrie上埋黎就開飯.食完都9點零,阿佬急不及待捉住阿正去決鬥,因為玩淨佢地兩個,等d電腦都ko晒,我地睇住佢地決鬥到9點45分,阿正一路都係劣勢,結果都係追唔番..最後阿佬贏左,之後就番去,走果陣落住雨,好彩上車落車d雨細番,但係我到屋企樓下又落到勁大,不過都唔關我事lu. 番到屋企阿爸鎖左門,個門鐘又虧左,結果要o係門口打電話番屋企,勁白痴..番到去打日記同約定聽日既行程,11點半同二佬去睇戲,2點半就去幫suyi整電腦.

>>October 10, 2003 at 5:03:53 PM GMT+8

2003 年 10 月 8 日 星期三 【晴】

今朝6點15分就起左身,搞掂晒就出去,7點20分去到摩士公園,等到7點45分等齊班committee就入場.入到場就開始準備,換定拖鞋.今日我既工作係去捉d報左名又唔見人既社員,初初都好順利,之後開始有d失蹤人口,要四圍撲..撲到傻,又做友誼先生四圍安撫d小師弟去游水. 今日好熱,加上四圍走又冇咩水落肚,突然做到頭頂冒星,筆都拎唔實..之後坐左陣過番看台飲水就好好多,跟住又繼續我既工作,一路去到12點20分放lunch.上晝coral都幾黑仔,有4個人游唔晒要由救生員協助返上池,結果lunch之前仲差emerald 17分. lunch同阿正,阿佬,sally,suyi,carrie去樂富食,間野$22蚊好多野食,仲要有包有湯,食到好飽.跟住見1點10分要提早番去就急急腳同sally,suyi走先.番到去1點20分,繼續努力.跟住見個計分板coral差emerald 2分,sally呢個社長好開心.下晝冇咩社際比賽,得社際4x50接力會影響大局,諗住兩分會有得追,點知下晝d其他賽事開始冇耐,個分板又有分數轉變,原來lunch之前d背泳未計分,計埋分coral反超前第二位既emerald 14分,社上下既committee都好激動,因為接力贏第1都係得14分,坐和望贏,只要唔俾人disqualify就得. 最緊張既時刻到左,我落左去幫手打氣,一開始第一棒失手排第4,第二棒果位軒仔好掂,追到第2,第三棒由學校既女飛魚游,聽講佢拋全校第2名既女游手有成10秒,結果當然追到第1,仲拋左一段仔,最後一棒當然搵社最勁果個,唔駛講佢一口氣游到尾,佢掂線果刻全社既人心情都難以形容,真係贏得好精彩,好感動既一刻..結果個接力仲要破埋紀錄,三喜臨門. 之後頒獎,有份出去影相,好開心..今日既辛勞都總算冇白費過.尾聲果陣,學校既制服團體之一,塘苗少青團勁可愛,居然走去特區區旗面前想出手拆左佢落黎,講起都失禮..好彩截得切,不過之後都唔知有冇手尾要跟..跟住佢地降校旗又有困難,"cake"實左落唔到,但係又俾佢地o係歌校完之前既一剎將支校旗急降落埋地,贏得全校"激烈"掌聲. 蝦碌一番就放學,執晒野就解散.跟住同阿正,阿佬,sally,suyi,carrie去吉之島坐低食下野,坐左兩個幾鐘,之後又去左九龍城廣場既三聯書店. 夜晚番去到好累,沖完涼食埋飯洗埋碗就番房online同打日記.

>>October 9, 2003 at 2:50:59 PM GMT+8

2003 年 10 月 7 日 星期二 【晴】

今朝6點45分先醒,7點15分先出去,番到去岩岩好差d遲到.又當值當到8點幾,第一堂空堂,就帶左英文dictation去改正,改死人..之後又背文學,陣間默書.之後兩堂文學,第一堂默書,課書又長,d字又煩,都不知背左我幾耐..好彩都背到番晒出黎.跟住果堂教書,教到10點20分左右火警演習走火警,跟住就放小息. 今日個小息因為走完火警有時間淨俾埋我地而長左,我就做番dictation corrections.跟住兩堂中史,又帶左本econ去邊聽書邊做,中史又係教左兩堂書. lunch又係去惠康,買完食埋就番學校,跟住改埋d dictation corrections佢.lunch之後兩堂中化都教書,講埋呢幾日既功課,因為聽日水運,後日會補假,即係星期一先再番學..最後一堂空堂,幫coral社整啦啦隊用品,整左成堂..聽日就水運會,今日放學好有大戰feel,d校工一箱箱物品掉落貨車度,d社d人撲黎撲去.放學我開完會就落左去整埋個board佢,整到7點先叫做整完..仲遲過尋日先走,冇計啦,今日係deadline. 番到屋企食埋飯洗埋碗就online打番呢兩日日記. 聽日就係水運會,coral必勝!

>>October 8, 2003 at 3:32:41 PM GMT+8

2003 年 10 月 6 日 星期一 【晴】

今朝6點半醒,7點05分出門口,番到去拎埋書就當值.當早其實都幾好,冇咩野做,四圍都好平靜,只不過要早d起身.. 今日同左輪拍住行,學校成朝都播住jay隻新碟d歌,唔知點解..不過有歌伴住當值都幾舒服,一路當到早會完,8點半先走得.上完第一堂既中化,之後兩堂英文,今日派番d dictation,買十包炭都唔夠我燒..慘烈非常.跟住又講下點作議論文,咁又兩堂. 小息之後兩堂中史,教下書分組討論下又完左兩堂,過得好快. lunch上左又一城惠康食,印象中呢排勁去惠康同7仔,冇計啦..做左prefect要當值,都冇時間去遠d食.. 之後一堂文學教書,最後兩堂econ,派番個test,一如所料係死得壯烈既,所以冇咩失望唔失望,又聽左一堂書就放學. 今日仲有單趣野,話說miss潘見toto張檯同主席張檯分開左,就話如果唔拍埋就成行分番開,果個時候,坐佢前面既山地就以勁快既速度擰轉頭啤住toto,口中唸唸有詞同miss潘話"唔好唔好",手就將toto張檯拉埋主席度,成個過程3秒都唔駛..點解咁大反應呢?值得考究..呵呵. 放學留o係度整coral個board,剪,貼,界,搣..手都軟埋,結果做到6點45分俾人趕都未整完,不過都叫貼左個主角--隻獎盃上去.番到去勁累,攤抖左好耐同背文學,食埋飯洗埋碗都冇力online同打日記就去左訓.

>>October 8, 2003 at 3:30:40 PM GMT+8

2003 年 10 月 5 日 星期日 【晴】

今日6點半自己醒左,可能係我太期待做prefect喇.7點05分就出左門口,點知番到去7點25分,學校仲未開門..企左5分鐘先入到去.跟住快快脆脆上去locker拎書,再落操場集合.今日我o係操場當值早更-__-".同左輪兩丁友來來回回行,可以話好逍遙,都可以算係無聊..好彩今日有prefect宣誓儀式,去到8點就去集合(綵排?).早會完左,我地呢班人仔就係新既prefect. 第一堂中化,教左d書.跟住兩堂中史,第一堂對篇essay,第二堂就分組討論,冇得揀之下揀左法家同道家既分別..好有問題,兩個學派好難去比較.. 小息無無聊聊見左輪做緊功課,就幫佢落去拎報紙.之後兩堂空堂,我用左黎幫自己同人print book report同埋溫econ.結果幫人都搞左成堂,econ就溫唔切.lunch上左去又一村惠康同7仔食,跟住1點就番到去,溫左陣econ上左三樓探下sally同suyi,佢地lunch當值.三樓簡直世外桃源,果度遠離staff room,可以話冇王管,四圍一片渾沌,到到都有一堆堆既人集結..得果幾個prefect根本唔夠,三樓淪陷,我上左上去唔夠10分鐘就火速逃亡..「黑暗中 我眼見幾多宗罪惡 看著我 心愛的女主角被奚落」 lunch之後兩堂econ,第一堂test,死得壯烈..上陣10分鐘已經犧牲左.第二堂教書,我搬左上去同左輪坐,諗住有唔明可以問佢. 最後中化oral堂,hei下hei下又過左. 放學留o係學校幫coral整board,整到6點俾人趕先走,結果係淨係鋪左底紙-__-",因為得一把鉸剪,一把釘槍,所以整字都整晒d時間..突然醒起句「工欲善其事,必先利其器.」,如果今日有足夠既工具,我諗d字都砌埋,不過其實今日黎整board既人都唔多,得我,阿正,sally同bonnie. 夜晚食埋飯洗埋碗打番房打日記.

>>October 6, 2003 at 3:52:42 PM GMT+8

2003 年 10 月 5 日 星期日 【晴】

岩岩趕緊功課,阿媽醒左見到我未訓,俾佢鬧左一餐.今次我一路忍唔駁佢d謬論,一路食晒佢講既野,佢d話真係好尖酸刻薄,句句扭曲我,講到我係果d唔讀書既死飛仔咁..有病. 結果佢就由2點半講到3點,又話我唔早d訓又點..我都想早d點,我趕緊份book report嘛,你想我早訓你咪聽日先鬧囉..咁夜"哦"我半個鐘又話我夜訓,咁起碼有半個鐘係拜你所賜既囉.. 我都唔想做到咁夜架,有特發事件,天災人禍咁都冇計..又話我唔想讀書,唔讀書就唔會去趕功課,一早去左訓啦..算喇,唔去諗,講完呻完就算.訓喇,各位早抖.

>>October 5, 2003 at 7:44:20 PM GMT+8

2003 年 10 月 4 日 星期六 【晴】

今日訓到11點幾先醒,起身on左陣line,12點零落去飲茶,好難得..我諗係我咁大個仔一家人第4,5次去飲茶..食到幾飽下,1點零番上去,本來應承左幫suyi整電腦,不過因為見多功課臨時推左(唔好意思呀suyi..),跟住就做功課,下晝做左journal同埋news cut,做完開始睇英文書,睇到好眼訓,5點幾去左沖涼.沖完涼醒左唔少,不過睇多陣書就去食飯.食完飯洗埋碗就番房online,本書仲有好厚未睇完,都冇咩心機睇落去..睇到個心勁麻亂,又驚聽日交唔到功課..好彩俾我搵到個網有summary,就揀左本睇過既書,寫埋d想感,就save左落floppy度.跟住打日記,聽日要早番啦,第一日做prefect,好驚唔知醒番到去變相遲到-__-".

>>October 6, 2003 at 3:53:45 AM GMT+8

2003 年 10 月 3 日 星期五 【晴】

今朝訓到10點零醒,起身沖完個涼就食早餐,食左好多野,因為阿媽又諗住慳番下晝果餐.食完番房睇英文書,睇到訓左..12點半俾人嘈醒左,12點45分出左去,去左德福行陣,跟住2點15分去九龍灣百老匯.今日suyi約左阿正,saly,carrie,queenie同我去睇戲,queenie既表弟表妹都黎左.今日睇無間道2,2點45分開場,一開場黃秋生食住煙講野,好神奇咁有陣煙味傳黎,以為宜家d戲院咁先進..原來有人好冇公德咁o係度食煙-__-",套戲都唔錯,不過睇到有d亂..睇完都4點幾5點,o係淘大行陣,食左d野,跟住同阿正,sally出左旺角去搵carrie食飯.o係旺角去左陣,9點零去廟街食飯,食完又行落尖咀行左陣,11點幾先走,番到屋企12點,飲左碗湯就番房online同打日記.

>>October 4, 2003 at 6:01:52 PM GMT+8

2003 年 10 月 2 日 星期四 【晴】

今朝6點50分醒左,番到去8點零.因為有新同學(suyi個fd)插班,我調左位.終於可以坐後d,不過坐開前面一時間又唔係好慣,覺得熱左(以前坐風扇底),人就係咁矛盾..今日個早會幾好笑,特別係左輪同主席.頭兩堂英文,今日默書,好難,miss又讀得快,間唔中又有深字,死得..之後果堂對listening,無無聊聊.第三堂空堂,又俾人拮左野,仲要支鉛芯仲o係手入面-__-". 小息義務幫emily去收drama club通告,當係我冇入drama club既補償啦,我記得我話過會無條件幫佢地既..之後兩堂文學,講完一堂書,第二堂對作文,估唔到楊sir咁好評價,不過我寫錯左好多唔小心既錯別字.. lunch上惠康買野食,因為12點45分要開prefect會,好趕之下一路行番學校一路拎住黎食,番到去坐左陣就去開會,個會開到1點10分左右就完,跟住番去收埋文學書d錢同謄文,之後行過又幫emily同helen佢地釘左drama club個壁報個底紙. lunch之後econ堂,好神奇咁調左位之後我唔覺眼訓,聽左堂書..但係跟住堂中史堂就聽到好眼訓,最後堂中文玩group discussion.今日放學後有第9堂,上埋個英文oral諗住整coral社個board,點知今日day 6既關係,放學老師要開會唔俾人留o係學校,跟住同sally,阿正去左又一城page one,6點零先走.番到去食埋飯洗碗就上網online打日記(呢句抄尋日~). p.s.唉..呢排好窮呀..不過我會唔後悔,無論點你地唔駛旨意我會屈服.

>>October 3, 2003 at 4:07:49 PM GMT+8

2003 年 10 月 1 日 星期三 【晴】

今朝訓到6點35分醒左,見早再訓到6點50分先起身.跟住7點半出去,睇住2架12A離我而去,心痛..點知一到巴士站又黎一架12A,有病..密過密碼.今朝番到去8點左右,跟住拎埋書番去打鐘,去早會,又有升旗儀式..今日我先留意到學校支旗,原來怪怪地,我初初仲以為調轉黎升,之後經過反覆向阿正阿佬查證先知原來冇錯,不過都仍然覺得怪怪地. 今日頭三堂econ,簡直欏我命,o趙住香口膠都仲係極眼訓,不過我依然死撐,到break先伏屍檯面,覺得自己好叻.好唔容易等到小息,累到坐住過.之後兩堂文學堂,個人清醒番唔少,冇計..有興趣既始終都唔同d.聽楊sir教下書吹下水又兩堂,lunch上左又一村食.食完1點番去開coral社既會,水運就到所以開始多野做,1點半先傾完,傾埋整board果d野.之後中史堂,飯氣攻心,越聽越眼訓,好彩最後兩堂係空堂,唔駛上堂,o係library度hei,先同阿佬,carrie,阿敦傾計,carrie同suyi又大戰.之後又同6A班有空堂既同學仔玩,佢地變態架!我右眼左眼手臂同手肘都重傷,但係我「明明身心經已重傷 扮皮外傷」..放學去左同阿正,carrie,suyi去新世紀,之後去大眾左幫sally手買coral個board d野. sally部機又壞壞地,上左去幫佢裝過個xp就走,番到去食埋飯洗碗就上網online打日記. p.s.suyi,我隨時得閒幫你整電腦,不過錄影機我真係唔識整哩-__-"..

>>October 2, 2003 at 3:22:26 PM GMT+8