2003 年 4 月 14 日 星期一 【陰】

尋晚icq到2點幾,之後offline打左陣機就訓.今朝訓到12點零,起身搵野食,食完個晏仔上網同icq,o係個hocc既fans介紹下之左hocc既網,去到個討論區仲見到hocc既留言,阿詩d留言又dai b又好笑,仲同佢d fans玩野,feel到阿詩好百厭,我唔覺唔覺睇左個幾鐘,由1點幾睇到差唔多3點..對阿詩越黎越多好感~之後3點零,聽聽下森美小儀,又覺得眼訓去左訓.一訓到6點醒,起身上左陣網,之後開三國志九整左d新武將,阿媽就番..佢一番到黎就話樓下有區議員派傳單話對面棟樓冇人中招,衛生署個網有錯喎..之後上左去個網一睇,名單上果然冇左對面棟樓..之但係多左兩棟o係隔離!一棟隔住條馬路仔,另一棟就o係街尾,我屋企就夾正o係中間,搞到阿媽仲緊張..激都激死我..俾d菌菌吹脹.. 食埋飯番房聽903,之後10點出番廳睇秦始皇,呂不韋終於冇左個相位,見佢咁唏噓其實都幾戥佢慘既..不過佢衰功高蓋主,對住嬴政呢種強勢君主都只有等住做犧牲品架喇. 11點之後又係番房online同聽903,睇黎已經成為左一種習慣lu. 就o係打緊日記果陣,icq收到個地球寫住個網名叫"準到你哭"既網址..我就去睇睇佢有幾準..去到見到條咁既題目: 　　想想有哪些人和下面這些顏色相關(那些人必須是了解你並且對　　你很重要的)每一個顏色只能對應到一個人, 不能重複. 　　1)黃色　2)橙色 　3)紅色 　4)白色　5)綠色 因為一邊打緊日記,一邊icq緊,咁我就好求其咁填好晒一至五~ 　　1)阿舜(我記得佢係黃社既~) 　　2)佢(***..) 　　3)正正(印象中阿正成日見佢著紅衫) 　　4)二佬(突然發現未填佢,前面d色又唔襯佢) 　　5)自己(我鍾意綠色..同埋佢冇話唔可以填自己) 一睇個答案搞到我哭笑不分.. 答案?下面開估..

>>April 15, 2003 at 4:14:59 PM GMT+8

2003 年 4 月 14 日 星期一 【陰】

答案: 原來1)黃色代表你永遠不會把他忘記(準丫~) 2)橙色 代表可以與之成為好朋友(***..) 3)紅色 代表實際上你最愛的人(最有娛樂性既答案,睇完笑到我傻~) 4)白色代表你得雙胞胎的靈魂(我話準,大家覺得呢~) 5)綠色代表你一生將會記得這個人(都準掛?我唔會唔記得埋自己掛?)

from: http://ww2.ntcnc.edu.tw/056/準到想哭.htm

>>April 15, 2003 at 4:05:41 PM GMT+8

2003 年 4 月 14 日 星期一 【陰】

詞人寫歌詞係多數係憑歌寄意,借詞達意黎講出佢心聲. 我鍾意用歌詞改info,都係睇岩歌詞言簡意賅,可以婉轉/直接帶出訊息,不過就未必人人睇得透詞人心聲,或者大家對住同一歌詞有唔同睇法,所以大家唔駛去get我用歌詞既箇中意義,我話係我既正歌推介,你信唔信丫? 司機 余文樂 作曲／編曲／監製：伍樂城 填詞：黃偉文 話直行就直行別轉彎 身份有規限 我最笨我最鈍但我肯 伴你到終站 像我的天職早注定 只可載別人伴侶謢送往返 一起上路 無緣停下與你看人間 隧道前大道旁鬧市間 火花太短暫 你約會你吃飯或買衫 但我靠邊站 若你一伸手總會在 多簡單召來喚去 未到我揀 真的愛人 何曾同樣接你上下班 為何還未看開 司機怎可以說不載 搭客心不在 這份愛 未曾裝載 感激不講一句也應該 為何還未看開 不喜歡背人感慨可以不愛 不用愛 就當喜歡給你差遣 原來還勝過被愛 共聚時靜默時運送間 車速要多慢 你發現我正在後鏡中 神態太慘淡 若你一伸手總會在 多簡單召來喚去 未到我揀 真的愛人 何曾同樣接你上下班 為何還未看開 司機怎可以說不載 搭客心不在 這份愛 未曾裝載 感激不講一句也應該 為何還未看開 不喜歡背人感慨可以不愛 不用愛 就當喜歡給你差遣 原來還勝過被愛 一盞燈一盞燈經過面前 看清楚這司機跟你第幾年 風霜不改 為你趕來 這份愛 誰來.. 裝載

>>April 15, 2003 at 11:23:10 AM GMT+8

2003 年 4 月 13 日 星期日 【雨】

尋晚睇波睇到3點,之後波癮大發,開左隻fifa玩左陣先訓.今朝訓到12點,醒左食晏就開903聽..online同玩左陣cm4,今日好似冇乜mood同部腦溝通,個人成日都好累咁,2點零就攤屍,聽聽下森美小儀聽到訓著左..一訓訓到6點零,阿媽番黎佢第一件事就叫醒左我..好興..次次都係咁,未問就先鬧一餐,之後我講番佢聽我唔舒服佢就扯開話題,叫左我上衛生署個網睇SARS既新資料喎,俾佢睇佢睇左睇就去換衫..之後,阿媽見阿妹換左衫,就問阿妹有冇出去,阿妹話落左樓睇信箱有冇信,結果當然係俾阿媽痛罵一場啦,勁鬧佢咁危險仲出去,話搭lift都危險,睇黎我同阿妹都有排唔駛出街,除左幫阿媽辦事既話..例如買送,幫佢買野,欏野..講真,街市咪仲危險,人咪仲多過樓下,都唔知佢係點諗野.. 6點零果陣無無聊聊望出窗外,見到落住大雨,最鍾意就係落雨,好想出去淋下.跟住聽到少爺占播edmond首新歌,尋晚o係wasabi個節目都聽過,好有印象,就上網搵首歌同歌詞.之後7點零食完飯,就番房online.8點50分個tvb新聞聽到今日SARS死七個人..幾恐怖,都成個月,仲係越死越多人. 10點零睇秦始皇睇到11點,之後番房聽左陣三姑就online.

>>April 14, 2003 at 4:16:28 PM GMT+8

2003 年 4 月 13 日 星期日 【雨】

Edmond最新派台正歌,首歌好聽得黎都幾慘.歌詞係講白雪公主身邊既雪姑七友有個鍾意左白雪公主,可惜身份唔同,同時就算鍾意,都仲有其他六個小矮人,平時就算對公主再好,佢地始終都只係朋友.呢個七友只有默默o係身邊支持安慰不時受傷既公主. 七友 梁漢文 為了她 又再勉強去談天論愛 又再振作去慰解他人 如難復合便盡早放開 凡事看開 又再講 沒有情人時還可自愛 忘掉或是為自己感慨 笑住說沉淪那些苦海 會有害 因為我 堅強到 利用自己的痛心 轉換成愛心 抵我對她操心 已記不起我也有權利愛人 誰人曾照顧過我的感受 待我溫柔 吻過我傷口 能得到的安慰是失戀者得救後 很感激忠誠的狗 誰人曾介意我也不好受 為我出頭 碰過我的手 重生者走得的都走 誰人又為天使憂愁 甜言蜜語沒有 但卻有我這個好友 直到她 又再告訴我重新被愛 又再看透了我的將來 完成任務後大可喝彩 無謂撘檯 別怪她 就怪我永遠難得被愛 然後自虐地讚她可愛 往日最徬徨那刻好彩 有我在 因為我 堅強到 利用自己的痛心 轉換成愛心 抵我對她操心 已記不起我也有權利愛人 誰人曾照顧過我的感受 待我溫柔 吻過我傷口 能得到的安慰是失戀者得救後 很感激忠誠的狗 誰人曾介意我也不好受 為我出頭 碰過我的手 重生者走得的都走 誰人又為天使憂愁 甜言蜜語沒有 但卻有我這個好友 白雪公主不多 認命扮矮人的有太多個 早有六個 多我這個不多 我太好心還是太傻 未問過她有沒有 理我的感受 待我溫柔 吻過我傷口 能得到的安慰是失戀者得救後 很感激忠誠的狗 誰人曾介意我也不好受 為我出頭 碰過我的手 重生者走得的都走 誰人又為天使憂愁 甜言蜜語沒有 但卻有我這個好友

>>April 14, 2003 at 11:26:48 AM GMT+8

2003 年 4 月 12 日 星期六 【晴】

尋晚自己玩隻三國志九玩到6點幾,跟住今朝10點零自己醒左,食埋個早餐俾阿媽捉左去同佢買送.番到黎都11點幾,跟住番到黎訓左陣,冇耐阿媽就叫醒我食晏,食完晏就玩番隻三國志九,之後上網睇衛生署個網,見到原來隔離座樓入名單喎.跟住覺得好眼訓,又去訓過..過左陣又俾阿媽叫醒..跟住佢問我係咪上網有得睇d大廈名單,我開左衛生署個網俾佢睇,當佢睇到隔離座o係個名單入面,佢既反應好似世界末日咁,口不斷話"死喇,死喇,o係正隔離."又話"今朝出去冇戴口罩,大鑊.."之類之類既話,好似一定中咁.行過附近駛死咩..咁大反應..最搞笑佢下令我同阿妹唔准再落樓,買lunch都唔得,佢要我地自己煮野食喎..真係仲有排俾佢軟禁.我諗我都挨唔到幾耐架喇. 夜晚連平時同阿媽嘈既阿爸都突然同聲同氣,講埋一模一樣既說話..好無奈.食埋飯番房訓,訓到11點自己醒左,可能我潛意識叫醒我聽wasabi..哈哈,一開903岩岩好聽到佢句開場白,佢又講左d好正既野,真係好鍾意佢既節目,同埋佢播番呢幾個禮拜佢祝願既一首開場歌--身體健康. 我不要千金百銀 也祈求這小小的福蔭

>>April 13, 2003 at 3:42:01 PM GMT+8

2003 年 4 月 11 日 星期五 【陰】

尋晚俾sally屈去sina打牌,又俾我亂撞亂砌之下食左三次糊,好神奇..之後4點零開icq hae,一路睇下網hae到6點零,就熄機去訓陣.7點俾阿爸叫起身,今日有個親戚黎..佢又唔識路,驚佢落錯車,所以我同阿妹要一人一個站咁等..8點10分落去,等到9點零都唔見人,唔對路,跟住打俾阿媽,阿媽叫阿妹番屋企樓下睇睇,過左陣,阿妹打黎,原來個親戚去左大廈樓下等..激到我痴線..早知唔黎,o徙我時間,又吸左唔少病菌,都係多得阿媽d安排..番到去9點半,開903聽叱o宅榜,一邊玩番隻三國志九,12點零食晏,食完晏聽左陣903,芝see菇bi interview,今次interview twins,好好笑..聽完開始有d眼訓,就去左訓.訓到5點幾起身,又玩左陣三國志九,跟住一排冇聯絡既菌姐打黎問野,原來佢咁好學,傾左陣阿媽用電話就收左線,之後都7點幾,食飯,食埋飯睇報紙,睇到d醫務人員既新聞睇到好感動..要承受咁大既壓力,冇d信心同定心,個人都隨時崩潰..冇左呢班堅定勇敢既醫務人員,咁呢場仗更加唔駛打.咁岩今晚tvb又做個節目支持班醫務人員,睇到我更加佩服佢地. 10點零,菌姐又打黎問野,傾到11點,跟住就開個日記黎整.用我最鍾意既顏色黎整,唔係橙色,亦唔係藍色,唔係黃色,都唔係紅色,而係綠色~ 前線既醫務人員,我會支持你地.

>>April 12, 2003 at 3:32:40 PM GMT+8

2003 年 4 月 11 日 星期五 【晴】

呢幾年真係發生左好多野..今晚聽多樂飛聽到呢首歌又令我諗起好多呢幾年間發生既野,唔開心多過開心,原來世界變左好多,我好想番去2000年,果個可愛既903大家庭到.. 我跟唔上喇,我仲停留o係果陣,俾我番去啦.. 瀛寰搜奇 作詞：林夕　作曲：謝霆鋒　編曲：王雙駿 別讓我遇見 活在化石再重生的恐龍 別讓我遇見 坐在怪物背上那個牧童 就讓我拾到 十六歲後已遺失的感動 但願唱罷聖詩 再睡覺 比普通的我更普通 誰期待震撼 天天總決賽 誰期待喝采 可簡單去愛 何必要過紅海 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 不用再 練習怎麼去飛 碰那罕有運氣 別讓我亂碰 入夜以後變月光的燈籠 別讓我命中 十萬里路以外那寸裂縫 就讓我夢見 像面貼面那樣天真的夢 但願唱罷聖詩 再睡覺 比普通的我更普通 誰期待震撼 天天總決賽 誰期待喝采 可簡單去愛 何必要過紅海 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 拒絕去 瀛寰探秘搜奇 多麼想 都只想 找到個伴侶 抖氣 不敢想 不必想 假使再遇一個你 再度雖要耗盡無窮力氣 完全為著好奇 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 拒絕去 瀛寰探秘搜奇 去找一個人 一雙眼看到歡喜 肚餓時會共嘗熱辣美味 賜我一個人 一雙臂摺隻飛機 再度去 瀛寰探秘搜奇 會更加掛念你

>>April 11, 2003 at 8:36:18 PM GMT+8

2003 年 4 月 10 日 星期四 【陰】

困左咁鬼多日,個人開始搞到冇咩時間觀念.你問我係今日幾號,我諗我要勁諗勁諗先答到你,答到你都好,最弊我連鐘都唔太識睇.. 今日醒左,睇睇個鐘11點搭3,見咁早起身諗住落樓買個lunch之後番黎就打機,換好晒衫,出到廳望下個鐘..咦?3點..?唔會掛,我換左3個幾鐘衫?突然明白時光飛逝係好得人驚既一樣野..之後再番房睇番個鐘原來真係3點喎..見三點都費時食野,番房開機玩cm4同聽森美小儀. 講番尋晚,同二佬無無聊聊,先走去小魚個空白日記屈人氣同留言(有興趣既人去我二佬個日記link過去啦~我懶整link喇),之後又走左去小魚個hkflash留言板玩野搞破壞,勁抄人留言格式玩野,笑我地咩咁(有興趣既就去hkflash留言板將個id打做id=dupdupe啦,我懶整link).點知搞壞左佢個板喎..一個3:21分留言居然o係個3:22分既後面,好奇神..之後發現我塊留言版都好唔掂,唉..咪提,o係度我想特別鳴謝阿傑姐,hety弟弟,二姐,同fi仔既,令到我塊板咁"興旺"-__-..跟住同二佬玩fifa,好似俾小魚塊板報復咁,勁hang同斷線,咩都試齊..差d冇心機玩,好彩最後都冇事..我仲發現左一樣野...光頭劉華同成龍大哥好好波!哇哈哈!! 講番今晚,8點零食埋飯,就番左房聽903同上網,跟住有電話打黎搵阿爸既,我就叫阿爸聽,呢個時候阿妹行過,我叫左叫佢個名,跟住"樣"左"樣"個聽筒,佢以為搵佢,就好敏感咁即刻衝去欏起個電話聽..之後笑到我人仰馬翻.. 之後10點又出去睇秦始皇,睇到11點完阿妹又係用緊電話,又俾阿媽鬧..佢今日又用左成大半日,真係頂佢唔順-__-".番到房聽三姑,今晚又請tark sir上黎教書,好正..招顏色記憶法好掂.

>>April 11, 2003 at 4:21:19 PM GMT+8

2003 年 4 月 9 日 星期三 【雨】

簡單講句,又係複製既一日..完 哈哈..費事悶親大家,或者我記多d細節野啦.. 尋晚同二佬玩fifa玩到6點半左右,跟住就訓..訓到3點半先醒,訓左都冇咩做,開左隻cm4黎玩,玩到5點零醒起要幫家母欏眼鏡,跟住就出去.出到去落住雨仔,我冇拎遮,不過見行果幾步路冇理由上屋企欏過把遮,欏得黎都行左一半路啦.跟住淋住雨仔行,我最鍾意毛毛雨果陣行又唔用遮,d涼涼地既雨"dup"落面,身同手果下好舒服.欏完副眼鏡行過報紙檔,搵到本cm4攻略,就買左佢番屋企.番到去見阿妹又霸左我部可愛既腦,呢幾個禮拜唔駛番學,佢就全日拎住個電話煲,我忍佢..估唔到呢排佢日日同我爭腦..之後算,去沖涼.今日阿媽冇加班,好早番.所以好早食飯,7點零就食左飯.之後番房睇本cm4攻略,阿妹就唔識死係咁拎住個電話,印象中我今日見佢冇掂住電話係食飯果陣..佢簡直當個電話係耳環咁掛左o係耳仔度,直到我睇完秦始皇,11點零,阿媽見佢仲用緊就鬧左佢一餐..之後我就番房聽三姑,玩cm,過多陣就上網online.

>>April 10, 2003 at 5:00:53 PM GMT+8