2003 年 9 月 30 日 星期二 【晴】

屋企係我弱點,一講起就好易會眼濕濕..始終俾最親既人咁講咁去對待,好難可以唔去在意..佢地真係句句入晒心肺,拮到好痛.我都唔想同阿媽嘈,我都知佢緊我,但係偏激左d,佢會講講下開始加入佢既幻想黎扭曲掐造我既行為,我份人最唔鍾意俾人屈,忍得多阿媽會得寸進尺,以教訓既口吻黎教訓一個佢所幻想出黎既我(其實我唔係佢所想象咁既,不過我點講佢都標籤左我),結果就成日撞埋..都唔知要點去應付佢,有時真係好心灰..希望我可以睇化d,我要開心. Shall We Talk 陳奕迅 曲：陳輝陽　詞：林夕　編：金培達 明月光　為何又照地堂 寧願在公園躲藏　不想喝湯 任由目光　留在漫畫一角 為何望母親一眼就如罰留堂 孩童只盼望歡樂　大人只知道寄望 為何都不大懂得努力體恤對方 大門外有蟋蟀　迴響卻如同幻覺 Shall we talk　Shall we talk 就當重新手拖手去上學堂 陪我講　陪我講出我們最後何以生疏 誰怕講　誰會可悲得過孤獨探戈 難得　可以同座　何以　要忌諱赤裸 如果心聲真有療效　誰怕暴露更多　你別怕我 螢幕發光　無論什麼都看 情人在分手邊緣只敢喝湯 若沉默似金　還談什麼戀愛 寧願在發聲機器面前笑著忙 成人只寄望收穫　情人只聽見承諾 為何都不大懂得努力珍惜對方 螳螂面對蟋蟀　迴響也如同幻覺 Shall we talk　Shall we talk 就算牙關開始打震　別說謊 陪我講　陪我講出我們最後何以生疏 誰怕講　誰會可悲得過孤獨探戈 難得　可以同座　何以　要忌諱赤裸 如果心聲真有療效　誰怕暴露更多 陪我講　陪我親身正視眼淚誰跌得多 無法講　除非彼此已失去了能力觸摸 鈴聲　可以寧靜　難過　卻避不過 如果沉默太沉重　別要輕輕帶過 明月光　為何未照地堂 孩兒在公司很忙　不需喝湯 Shall we talk　斜陽白趕一趟 沉默令我聽得見葉兒聲聲降

>>October 1, 2003 at 2:13:39 PM GMT+8

2003 年 9 月 30 日 星期二 【晴】

尋晚成晚裝個win xp,裝完就中左前排好勁果隻blaster毒,熄左modem再format裝過,今次裝左防毒軟件先,跟住先開modem上網,update埋個windows xp就去訓,果陣己經係3點幾4點.今朝11點起身,起身刷完牙俾阿爸話我夜訓.跟住之後開機繼續裝番d driver,下晝食住飯整,終於搞掂..當我好投入去做一樣野果陣我會廢寢+忘餐.一切整完晒,下晝好眼訓,開住部腦訓左陣..醒番都3點幾,拎左隻gta 3出黎試,終於又玩到喇,windows xp附埋既driver好得,我張soundcard重生.4點零阿媽番黎,佢無啦啦走埋話我一餐,我同佢頂撞左幾句,本來都唔想..不過佢d氣燄好勁,得勢不饒人..係咁起勢講,我都終於忍唔住駁下,跟住嘈左輪,好唔開心. 4點零5點落左樓,peony行完街經過黎搵我,同佢到碼頭吹左陣風,心情緩和番好多,跟住同佢四圍行左陣,行到8點先番屋企.食埋飯,洗碗都9點,跟住番房o係"發聲機器面前笑著忙"..夜晚好平靜.

>>October 1, 2003 at 2:12:23 PM GMT+8

2003 年 9 月 29 日 星期一 【晴】

今朝起身又俾人話左餐,早餐都唔太想食.7點半出門口,途中見到好多便服既人,醒起今日係公益金既便服日,以前英華都年年有搞,九記就慣左聖誕先搞.跟住又撞到suyi,番到去拎緊書果陣打鐘,搞到最遲去早會排隊.今日學校預祝國慶,早會升國旗唱國歌. 第一堂文學,教下書就完左一堂,之後兩堂中化,都係教書為主,好快又完兩堂.小息落左去操場逛下,第四,五堂空堂,o係library做中史份野,又畫下畫同傾下計,好快又lunch. lunch同阿正,carrie,sally,suyi,阿佬上左去惠康買壽司食,番到去去左5A班房食,食完去買左d野飲,飲完我番左課室欏名單搵人,幫sally收coral d游水人既回條,3個人..收到一張,一個話交左,一個失蹤. 之後三堂漫長既英文堂,其實都唔算漫長,因為有野要寫要做,今日lunch先同阿正講完聽三堂書難捱過寫三堂字,果然唔駛聽足三堂,用左堂幾黎寫野,其他時間派下野俾下功課咁. 放學擺埋書就走,行過球場見到陳校長好親民,同d學生打籃球.我因為要去銀行交錢,所以4點就由學校行左落九龍城,行左20分鐘,原來係要行咁耐,記得上年同大勝行都唔覺行咁耐,可能係冇人陪既關係啦,冇野傾住d注意力就去晒隻錶.交完錢番屋企,番到去4點40分,買左d野食醫肚,就邊食邊打日記,5點10分去沖涼.沖完涼上網,上到6點零出去.去搵sally幫佢整番個lan card,6點20分到左等佢,等到7點零先見人.跟住幫佢裝左xp,果然detect到張lan card,搞掂晒..跟住佢屋企請客請埋我去食飯,之後先走,番到屋企就online上網打日記,我拎左隻win xp番黎,有d蠢蠢欲動想裝.. 今晚數數埋埋,原來我幫過阿正,阿寶,queenie,sally整過部腦,carrie都遙距整過,聽講suyi都想整部腦,唔爭在啦~

>>September 30, 2003 at 4:40:38 PM GMT+8

2003 年 9 月 28 日 星期日 【晴】

今朝訓到6點50分醒,又要番學,唔係幾想番學.. 番到去8點零,撞到阿正,跟住上locker拎完書番課室就岩岩好打鐘.落到去早會發現班得番好少人,以為集體遲到/請假..原來係有幾個同學仔上左台宣傳佢地既學會. 今日第一堂就空堂,拎左份中史落去做,結果又係傾下計玩下就完左,冇咩進展.跟住兩堂文學,第一堂默書,之後果堂教書,又完一課書,暫時叫教得快既係中史同文學lu我諗.. 小息之後就係中史,今日兩堂中史過得奇快,我感覺上係坐左坐就走,都唔記得做過d咩..好神奇,對左一堂卷同教左一堂書咁囉其實. lunch留o係學校食,因為sally要操girl guide,就同阿正,carrie,阿佬番6A班房食(今日suyi冇番)..食完12點45分,sally走左.我同阿正阿佬買野飲同四圍行,今日lunch library門口出面有drama club擺左counter,見到坐住既人都識,就同阿正走埋去傾下計(搗亂?). lunch完左兩堂中化,用左黎作實用文,今日寫表揚信..好快就寫完.最後果堂空間,轉堂期間米奇欏住人地用個筒裝住d糖黎食,佢好頂癮講左句"我似唔似摷緊垃圾筒d野黎食",聽完果刻我腦入面浮現左佢既披頭散髮look摷緊街邊d垃圾筒,淨係諗住都夠我笑到傻,唔能夠唔認同佢. 放學之後去library做中史,做到5點10分同阿正,carrie,sally走. 之後去左sally度,幫佢format部機,將win me轉番做win98,但係佢冇晒d driver碟,我冒險上網dl定d driver落黎買大細.好彩format完裝得番,不過佢冇左lan card個driver,裝唔到lan card,上唔到網,之後佢搵到類似lan card driver既物體,又發現佢冇floppy drive,即係冇用..佢話聽日先算,跟住番屋企.搭左架亡命巴士,個司機手車好得..番到去食埋飯洗埋碗就online上網,之後執完書就打埋日記.

>>September 29, 2003 at 4:16:30 PM GMT+8

2003 年 9 月 27 日 星期六 【晴】

今朝10點零起身,食完早餐睇左陣電視,跟住番房睇報紙.12點零食晏,食完下晝一路online,玩下mini game咁,之後就開始做功課,有好多功課做..跟住同peony傾住電話,佢傾傾下訓著左..-__-",我就hold住個電話做中史,由4點零做到5點幾佢醒左,跟住我去沖涼,沖完涼又做左陣就食飯,食完飯坐左陣醒起要做news cut,拿拿臨落左樓買份scmp番上黎做,跟住online做中史,做到9點零10點俾阿媽煩,好唔開心..佢成日自以為是,我根本講咩都無用,夜晚阿妹搵唔到$20又話我拎左佢,無奈-__-".. 之後趕左d news cut同vocab先,做完到12點幾,就打左日記先再努力,仲有文學都未背-__-"..

>>September 28, 2003 at 4:54:04 PM GMT+8

2003 年 9 月 26 日 星期五 【晴】

今朝10點零俾peony嘈醒,之後起身online同聽下歌,唔覺唔覺聽到1點幾,全部都係jay d歌.跟住send左d林一峰既歌俾阿正,就去執番舊日去camp d衫同毛巾出黎洗,洗完又去左拖地,然後去沖埋涼,番到房發現部機hang左,跟住冇理熄機就出去. 3點15分去搵peony食晏,食到好飽.食完同佢去左旺角行,行左陣再去尖咀,四圍行商場睇下衫.之後同佢去左無印,跟住去左食飯,間野d滷肉好好食,杯芒果愛玉都好好飲,食完好飽.又行多陣,跟住就同佢搭車走,之後番到去online同打埋篇日記. 不定時絕句擇錄--行街時by peony:「好馬不吃回頭草,好草不怕回頭吃.」

>>September 28, 2003 at 3:33:34 AM GMT+8

2003 年 9 月 25 日 星期四 【晴】

話說沖完涼之後,左輪話佢地過女仔房.我沖完涼都過左去女仔房.跟住玩鋤dee,睇佢地玩小型麻雀,之後又睇佢地玩truth or dare.一路hei到4點幾個個眼訓先番去訓,點知番到間房冇晒位訓,果個營好廢,地方細,一眼睇得晒,房又唔夠,設施又少,好簡陋,就連電話都收唔到,用漫遊就會收到中國網,好有與世隔絕既feel-__-". 之後同軒尼斯,左輪,主席搬左d摺床去露天咁訓.果度四圍好暗,我地訓o係度望到個天空好靚,好多星,閃閃下,又有流星飛過.不過就好鬼多蚊,主席就走左去女仔房借床單黎cum(佢地有多左剩),點知引晒d女仔出黎,迫住齊齊睇下星,左輪同主席就唱下歌仔.突然女仔房果邊草叢著火勁燒,我地幾個男仔行過去睇佢就熄左.再番轉頭後面d火又燒過,行番過去又熄左,個個都話邪,搞到d女仔勁驚,我唔信呢d野,諗住行過去睇真相又俾人截住,話天光先睇.之後又燒下又停過,又有時有d"籮"味吹過黎. 等到左開始天光,天一光我地4個男仔行過去睇,見到草叢後面有個類似山墳既物體冒緊煙,睇完一輪都唔知果個其實係咩黎..之後冇理到,去打波.打左陣波番房排隊輪廁所刷牙洗面,之後出去食早餐,入camp之後第一次有食物落肚,一碗通粉.食完竟然覺得飽飽地,等其他人食埋就執檯,然之後番房拎袋過去佢個hall度聽做prefect既talk,講左d職責,本份既野,又有case示範,d人做得幾好笑..一路直到12點就走,結束左呢個一連兩日既camp.

>>September 26, 2003 at 5:49:14 PM GMT+8

2003 年 9 月 24 日 星期三 【晴】

今朝9點幾醒,起身沖完涼就執野,執到11點就出去.去左sally度搵埋佢,跟住12點幾就同佢去旺角地鐵站搵埋suyi齊齊入東涌.去到等左陣suyi先黎,跟住搭左地鐵去荔景站轉東涌線.去到東涌站大約1點半,時間岩岩好.行過去大嶼山巴士站老師都岩岩到,點埋名就上左車.今次個camp去石壁,上左車坐左o係窗邊,曬到我傻,仲要搭左45分鐘車..架車越行,d路同建築物就越簡陋同荒蕪,個感覺就好似入左時光隧道番緊去古代咁. 果然,去到2點15分左右,落車個電話開始收唔到.仲要行一大段斜路去,行都行左10分鐘,入到去等埋另一架車d人黎埋就開始,首先係認識下d人(其間大半班都識,因為我果班過半數做左prefect).之後玩左d小遊戲,最後就分三組再玩遊戲,我果組本來包緊尾,但係o係最後一個環節贏左反超前. 玩完game之後執埋場地就去食晚餐,今晚燒烤,唔知點解冇咩胃口,結果我燒左4條腸,1塊牛扒,2塊豬扒,全部俾晒人食.食完回收d燒烤叉發現唔見左支,果到d人獅子開大口話唔見一支要賠$50,有病,結果地氈式搜索下都係搵唔到,o係最絕望諗住一人出$1之際,有個同學又奇蹟地搵到支叉,唔駛賠錢.之後清埋d垃圾就去休息陣.跟住有個營火會,d人圍住唱下歌仔,我同我果班既軒尼斯,主席同左輪齊齊唱到好high,係咁搵d兒歌黎唱,唱到10點零玩完今日既活動. 之後打左陣波,然後番房等沖涼,等沖涼期間同左輪,軒尼斯玩四個同類字既接龍,估唔到好o禁玩,玩到我地3個沖晒涼都仲有得玩. p.s.菌姐生日快樂~

>>September 26, 2003 at 5:47:33 PM GMT+8

2003 年 9 月 23 日 星期二 【晴】

今朝6點45分醒,今朝因為有早餐食早左5分鐘起身.食完早餐7點25分出去. 唔知係咪呢排俾人"質"食死貓得多,今朝行番學校見到隻死貓..佢既死狀恐怖(軒尼斯哥都在場). 第一堂中化,教書信d野,跟住兩堂英文,做listening.小息去左食燒賣,跟住兩堂中史,今日教到莊子,比起老子d思想易明..可能我對莊子有好感d. 跟住lunch去左新世紀越南灣食,番到去差d遲到.之後一堂文學堂,上上下堂楊sir走左去訓導,無奈..好彩佢好快番到黎.最後兩堂econ,第一堂測驗,今次覺得個test都ok得,之後果堂教書. 因為聽日入camp,星期一先再番學,d阿sir同miss勁俾功課,冇人性..冇咩心機去理去記,隱約記得有econ,中史同英文. 放學阿siu,阿fa同queenie話番黎探老師,所以我冇走到,留左o係學校,同佢地一路傾一路hei到6點零先走.跟住阿正,阿siu,sally,suyi,carrie,阿fa,queenie同我齊齊去新世紀行陣,去food court食左d野,食完都7點就解散,跟住落左旺角行,行到9點幾先走,好累..番到屋企食埋飯洗碗就番房online同打日記兼執聽日去camp d野.唉,又要去camp,好鬼麻煩同慘..

>>September 24, 2003 at 4:48:22 PM GMT+8

2003 年 9 月 22 日 星期一 【晴】

尋晚1點零訓,今朝6點50分起身,番到去就打鐘,睇門口既鄭sir玩野關左個門,嚇到d人(包括我-__-")跑過去,以為遲到..晨早流流一額汗.今朝早會去聽後日個camp既安排,後日要去個prefect既training camp,煩死啦-__-". 第一堂中化,繼續教書,好快就一堂.跟住兩堂中史,好精彩,因為教到道家思想,抽象到傻,老子個腦都唔知咩構造,諗到d咁唔等駛既野..咩「道」「德」「常」之類,最後我既得著係唔明即係明,明又可能係唔明囉-__-".. 小息收文學d野,跟住兩堂空堂,拎左econ去溫,聽日有test..不過溫左幾頁就冇心機,見阿show同emily佢地o係度整緊野,我就攪攪震搞破壞,跟住傾下計好快唔覺又兩堂. lunch去左新世紀食大家樂,食完同sally急急腳行左番黎先,今日lunch有會要開,仆番去去到發現冇咩人,連miss都冇黎,好無聊咁等到打鐘走人.之後兩堂econ,眼訓到傻..死啦,淨係上econ先會覺眼訓,仲要好嚴重果隻,似乎我對econ冇咩興趣..最弊econ唔聽書唔得,訓一訓miss好多野,但係又冇辦法令自己清醒,好苦惱-__-"..最後中化oral堂,都冇咩特別野發生. 放左學去圖書館溫左陣econ,跟住4點35分走,去左旺角行下,行到5點就走. 夜晚好眼訓,訓左好耐,醒番都9點..食埋飯同洗碗,跟住去沖涼,之後番房online打日記同溫econ notes. 見到人地屋企既溫馨幸福野,我自自然然會好羨慕,亦都會好感觸..

>>September 23, 2003 at 3:16:56 PM GMT+8