2002 年 11 月 6 日 星期三 【晴】

今日個天勁正, 少少曬, 但係又唔係太熱, 好適合打ball, 所以我特登著左對波鞋番去~!
返到去, 個阿sir 唔知係咪食左屎, 處處針對我地, real唔知做錯d乜, 無lala比佢捉著黎噴, 我地成組人都好無奈, real好唔好采咁比佢祭旗!
轉左課室之後, 佢ge目標轉左去florence度, 無lala又比佢嘈一身, 呢條賤佬可能係man到, 好燥! 跟住鋒仲唔知死, o係佢面前踢左兩腳毽, 跟住佢又收埋個小毽子, 仲話要叫班主任先肯比番我地, 如果唔係, 七日之後就垃圾筒見!
lunch time, 我地個個都談論條粉皮, 簡真好似全班都好似得罪左佢咁!
今日lunch都好似有唔少人一齊食野, 我地ge行動就愈黎愈多人行動喇~
三點幾, 放左學我地去左打ball, 由於著住左對似樣ge鞋番去, 所以今日發揮得好好, o係ive連win三round~!好耐都未試過咁喇, 但係個太陽好曬, d体力亦下跌得好快, 好快就無力lu...
打到四點半, 同alan入去canteen會合real, 坐低休息左陣, 到五點就同alan返粉嶺打喇!
返到去, 同chris and alan一隊, 呢個組合咁玩法, 如果輸到就真係奇蹟!
第二round, chris換入kwan, 呢group仲勁, 但係對手都唔係弱雞, 打到duce幾次我地先win, 好耐都未試過win咁多同埋咁盡興喇~!^^
聽日放半晝, 約埋成班人去睇戲, 好期待呀~

>>November 6, 2002 at 11:47:03 PM GMT+8

2002 年 11 月 5 日 星期二 【晴】

好在今日無咁凍, 如果唔係又要著褸返學!
今日著左對籃球鞋返學, 整到好想打波, 可惜無時間...勁吊癮呀!
lunch o個陣好多人一齊去食野, 佔左成班ge四份之一人數! 所以度度都無位坐, 要去大排檔食, 由於多人得滯要分兩張檯坐!
間野好旺場, 而且d野又黎得好慢, 我地12:50叫野食, 最快o個批都要到一點十幾分先有得食, 我同cathy叫左兩個麵, 但係到左上堂時間1:30都未黎到....成檯有九個人, 七個食完, 就淨係得我地兩個未有得食, 勁無奈呀, 好在佢之前先黎野飲, 跟住叫老闆cannel d orders, 好在個老闆都算識做, 豪左兩杯野飲比我同cathy, 今餐真係食得"飽"呀, 好在今日返晏, 食左早餐打底姐!
返到去又要遲到, 條cheap佬阿sir又串我地...
到左3:00, 有半粒鐘空堂, 我拿拿臨點番名就落去canteen食個tea, 係就係唔飽架喇, 但係只係用左$11.50, 今日都算抵食!
唔知做乜, 夜晚個頭勁wing, 成個人就黎搖搖下咁...好難頂!!

>>November 5, 2002 at 11:38:51 PM GMT+8

2002 年 11 月 4 日 星期一 【晴】

噓~今朝起身發覺凍左好多, 成個人即刻懶晒, 完全唔願起身! 出門口要著多件衫tim!
fanling見到alan, 見佢著晒長袖衫褲, 好似好凍咁, 但係我又覺得無乜野jar wor, 我仲係著短褲+長衫and風褸之ma!
返到去ive, 佢地見到我剪左hair都有好大反應, 有人話我似monkey!!><"
o係做lab o個陣, 我地o個組發生左d小意外, 話說alan扭緊縲絲o個陣, 佢大力得滯, 導致撻Q, 支縲絲批剷起左佢自己隻手指層皮....之後ka lok又講番佢自己ge往事: 一兩年之前佢踩冰發生意外, 又係整到隻手指, 仲流晒血, 好大穫咁, 又聯左幾針...到左而家我地仲睇到佢手指上深刻ge一條疤痕, 我地聽落都有d寒...
lunch之前, avis(艾華斯)同florence(科雲斯)遼我地去飲茶, 見有咁多時間我地就落意奉陪!
結果我地就好浩蕩咁去左茶樓喇!
坐底左, 我地原來有十一個人: 我, avis, florence, 家成, ka lok, 基, real, alan, 鋒, 昌and gary~阿昌仲比人笑唔識"畢"野~咁講即係話佢唔pro 姐, 勁爆笑~~~^^
上多幾堂無聊電腦之後就係放學, 我地踢左一陣毽就走左, 但係今次史無前例咁有好多人一齊撘火車(同班), 有我啦, alan, 家成, real and 基, 仲有四仔ge kwan! 好熱鬧~

>>November 4, 2002 at 11:46:37 PM GMT+8

2002 年 11 月 3 日 星期日 【晴】

今日係阿ma生日, 又要返深圳...其實今日好唔想返架, 但係係佢生日, 無計啦, 而且佢地話要封番一封生日利是比我喎, 所以仆到咁返去~
過關o個陣發生左一件事:出境o個陣, 個staff見到我拎住張行街紙, 佢話唔比用黎過關架喎...但係都預左, 好在佢叫左個兩粒花黎, 發左封信比我, 證明張行街紙用得先可以過關jar~
返到去無幾耐, mama就比左一封大利是我, 個大孫十八歲, 梗係唔會比得少, 張野最少都五百呀~
食完lunch之後, 去左cut hair...好長, 又jel唔起, 無計, 都唔係太想剪住...><"
今次個頭淨係剪碎左好多, 有少少似gary 個頭tim, d colour 又差唔多...
夜晚, 出左去酒樓dinner, o個d橙汁ge色淡到一睇就知係溝左水, 好在d waitress都肯換, d野食品質就唔係太好架喇, 但係勝在服周到囉! (唔怪得呢間本來係三星級ge酒店跌到落兩星!)
到左七點幾八點, 係時候返屋企, 今日真係好喇~突然間變左暴發戶tim~

>>November 4, 2002 at 12:16:08 AM GMT+8

2002 年 11 月 2 日 星期六 【晴】

今朝約左三仔同埋carrie and yan去玩(約左十點半), 目的係預早同豪仔慶祝十八大壽, 我無lala比人屈九點起身, 係為左morning一個人...><"我想訓晏d架...
我都特登晏d先去到(約十點五, 跟住去下toilet, 又約埋yan先入閘, 點知班友都係遲到, 最早o個個都要十點八先到....
之後去到旺角ge neway city唱k, 去到都幾好玩, 死carrie and yan 就黎比我玩死~勁過癮!
唱到兩點幾差唔多三點, 我地六個人周圍咁蕩左一陣, 到左三點半就去創興篤波, o個度環境幾好, 好似好高級咁, 格調都唔錯!
上到去, 我, yan and carrie都無篤到, 其實我都想篤架, 可惜無地方比我提款啦!.><.既然唔想比錢, 咁我就玩一d零消費ge玩意—畫黑板! 我發現原來我用隻左手畫英文字係靚好過用右手架~! 我地玩厭左塊板就玩粉筆, 好唔好彩, 我件衫係深藍色...><:"! 玩玩下, 我地又去玩佢地篤左入袋ge ball, o係度碌黎碌去, 睇騷擾佢地, 有人發晒顛咁, 超傻呀~
之後我心情又唔知乜咁突然轉差...又唔出聲, 都唔知做乜...!
carrie明明話同我一齊走, 但係佢同ho and yan又行到慢到死, 要我, chris, kwan傻等...等左唔知幾耐, 我又趕時間, 惟有一個人黯然無人陪咁離去...
跟住佢地玩咩我就唔知喇...好可惜, 無得一齊玩!
十月同十一月係生日旺季, 黎緊十九號就係耆英生日...唔知會唔會又破呢...

>>November 3, 2002 at 12:30:31 AM GMT+8

2002 年 11 月 1 日 星期五 【晴】

今朝返八點半, 照舊七點起身, 但係個人簡直係唔想返學,可能係尋日捐完ge後遺症,要睇下e生先~
返到去, 同尋日幾個有份捐ge同學傾計, 個個都有唔同ge睇法...但係好得意~
到左十一點放lunch, 去左吉野家食, 食到就黎十二點, ka lok,鋒, real, +x, 威, 基去左網吧打機, 而我同alan and 奶媽就要返ive比賽><"好tired ar, 點打喎!
返到去換埋衫十二點半, 睇左一陣, 到左一點零幾就到我地, 我對鞋好耐無著過, 又平底...點本就防唔到人....我地之前又無夾過, 失左好多波, 奶媽又打得好拘謹, 全場得入左七分, alan 5分, 我兩分...都算係有所交代...!
打左一round我地輸左之後, 奶媽有事走先, 我同alan到左兩點半就去到ka lok玩緊o個度join埋一齊玩喇~
講真, 真係好耐都無入過網吧喇, 最大原因都係waste錢姐...
同佢地打四點, 又係時候分頭走人, 我同alan, 基仲有real就撘火車走喇, 其他人有事走先~
嘩, 今日返學簡就淨係玩, 勁無聊, 如果唔係為左做lab同埋打比賽我都唔返呀, 咁tired!!!

>>November 2, 2002 at 12:58:40 AM GMT+8

2002 年 10 月 31 日 星期四 【陰】

本來今朝一早興致勃勃咁返去ive做gym, morning call左real, 九點返到去淨係得鋒等緊, 去到gym room見到無人, 門又鎖住左....先知道今日唔會開...勁無奈...叫我地返黎o個個real又無返到...正pk!
跟住我同alan and 鋒好無耐咁去左canteen食早餐, 食到無野好做, alan拎左佢部手提出黎比我地玩, 跟住玩到十點三, gary返到黎, 我地就行左入去libar, 行緊o個陣又見到+x, 入到去, 又好o岩咁見到中學學同, 真係好多"咁o岩"!
到左lunch o個陣, 收到風今日要去捐血! 勁"劣"喎...real又未返...對呢個人好灰心呀~!
到左三點放學, 我地約埋成班人, 有仔有女咁去捐血. ^.^"去到見到有好多人, 個個都好似心情幾好咁, 但係內心就….淆底到爆~!
到左我捐o個陣, 個心都唔知幾緊張....個姑娘問我打唔打麻醉針...佢話揪血支野有波針咁粗, 就係比佢咁樣拋一拋, 唔打都唔得, 但係支野好無料到, 都係feel到佢吉支”波針”入黎, 痴線架!
由四點四十八分抽到五點零四份, 終於都抽完, 個心都鬆番~咁o岩, ka lok, alan同埋鋒做完電腦功課入到黎, 成班人就食下tea, 吹下水~
之後, d 人走下一d, 走下一d, 淨番我同alan and 鋒o係度踢毽, 開頭見到real仲好生猛, 我真係懷疑佢係咪人, 實在太活躍! 本來我都好虧, 到左個人開始適應番, 個身都開始聽話, 但係話晒都”唔見左d野”, 始終都好tired…但係點講都唔夠鋒雞, 簡真連beginner級數都無(我話到明要做大你架, 你今次仲唔死, 你做左今日ge主角喇~鋒~hehe)
踢到差唔多七點, 去沙田會合埋yan, chris, carrie同埋企鵝, 開頭諗住影埋相先走, 但係carrie又話要趕住走, 食左野之後就走左lu, 真係浪費左佢地ge衣著呀~(yan 著到成個可愛小女巫咁, carrie就俏皮女巫, 而企鵝呢, 就扮魔鬼~)^.^"
本身出到去都好地地架, 但係我唔知係咪幾時得罪左佢地某人, 成晚都比佢窒住晒, 又粗口, 又cut我線, 一d面無比到, 你好野呀! 有人又將我興上加興, 之後就無理到佢地...好睬佢地都知發生左咩事, 仲識道歉~無事lu~
今日如果唔係以為佢地話去影相都唔係幾想等佢地, 因為真係tired...又唔係太盡興! 其實我都係為左....~~

>>November 1, 2002 at 12:43:14 AM GMT+8

2002 年 10 月 30 日 星期三 【雨】

尋晚一點幾臨訓o個陣個icq先有問題, 開唔到....勁無奈呀v.v|||
今日放學就即刻返左黎整...整左好耐, 終於都忍唔住要打chris求救, 最後不消一粒鐘就搞掂左, 唔刻晒!
講番今日返學ge野, 我第一堂返到去就唔想上堂, 又想訓覺, 好在ka lok比左條icq題我地諗, 我地先至於上堂全死! 佢出題又的確幾難, 我同alan三個字之後諗左個開頭, 跟住到左落堂就比我地隊爆左lu~
到左lunch之後, 仲有大把時間淨, 又咁好大家又圍住咁坐, 玩下d邏輯遊戲先~見到有好多人玩極都唔明, 勁好玩~鋒尤甚啦~
行緊學校, 又繼續玩, 我地玩左成半個鐘ge遊戲, 終於比我諗到左, 好開心呀^^~ 見到real返到, 又問埋佢, 條粉腸肯定訓左好多, 個樣好精神, 唔駛三個字比佢搞掂左....好勁咁喎!
上堂o個陣, 我地直情堂阿sir 無到, 又繼續互相出遊戲玩弄, 比左條ka lok ge iq題佢, 佢一個人諗左一粒鐘都無就搞掂左, 真係好勁, 小弟佩服!! 阿海又勁搞笑, 話佢天真好唔好呢~
我地足足玩左粒半鐘直到落堂, 今日完全無聽過書, 但係落雨有落雨ge好玩~~~

>>October 31, 2002 at 12:31:49 AM GMT+8

2002 年 10 月 29 日 星期二 【陰】

今朝明明返10:30, 但係記錯左返10:30, 白白無左半個鐘訓覺時間...><"
差唔多十點去到火車站, 又比我遇見小學同學--老記, 同佢真係有緣~
問佢拎完icq number之後就一齊落月台, 原來alan已經跟住o係後面~o係火車上面一路同老記傾左好多往事, 傾傾下條死仔問:"你有冇女朋友?" 我話:"你估下?" 佢居然話:"你實有啦, 咁靚仔!" (<--真係咁講, alan都可以做證~)乜真架咩?但係點解仲未有ge....v.v|||
話咁快到左lunch time, maths阿sir放得好遲, 所以我地九仔就拿拿臨去禾輋大排檔食野喇~我地專登揀左多女仔坐o個邊黎食~~講起女, 昌少眉飛色舞, 仲流埋口水, 勁爆笑~
我地食到好晏先走, 走o個陣居然撞到耆英同阿昌個fd, 真係o岩!
返到ive, 見到有好多學會可以報, 最頂癮莫過於"北派少林"! 個師傅仲踢左兩腳比我地睇, 後尾+x同埋real比佢地吸引就入左會~!
上到課室, 佢地拎左好多玩war game ge form黎填, 話一齊玩喎~
5:30放學, 收到風有個學會叫"制服學會", 真係有人著晒uniform ga!
本來我地諗住報"美食學會"架, 但係點知遲得滯, 收左檔, 之後real唔知去邊度八到有得報, 跟住我地就趕去報喇(其實入呢個學會為乜, 大家照啦~), 填埋我個名, 張list arm arm滿晒, 勁好運~

>>October 29, 2002 at 11:59:37 PM GMT+8

2002 年 10 月 28 日 星期一 【陰】

28/10包包生日~~!
早上八點上火車, 但係無郁到, o係大學o個顆訊號燈又神左, 整到o係粉嶺停左三個字, d人係咁湧入黎, 超迫!
返到ive梗係遲三個字, 跟住做lab, 我地o個組人好快手腳咁做完, 但係我地無繞埋手腳等放喎, 係唔知點解好好心咁走過隔離o個兩組度做helper, 佢地即刻做快左幾多呀~
11點放lunch, 大班人話去唱k (因為我地3:30先有堂上), 我要返黎拎禮物同埋食飯with yan and her fds!(都係做生日食餐晏仔姐...)食野o個陣死apple串住晒, 真係頂佢唔順呀!
食埋野, 送埋嘉衡走, 約左alan兩點三返ive, 途中, 隻右腳條筋好痛><"返到去, 班友仔仲未返, 我同alan踢毽踢到三點半佢地先返到...唱到遲晒到呀~
上堂上到大約五點, yan and carrie仲有chris都黎左沙田買野, 咁我就走幾隻字去會合佢地喇, 點知就黎去到o個陣, 佢地已經買完...我頂! 我隻腳好痛架, 玩咩!
之後carrie趕時間, 同chris返去先, 我同yan就o係太和買禮物比佢...破財呀...d人專呃細路仔錢(多數都係仔買比女, 所以唔用"細路女")佢地食水好很深!
同yan計過佢今日d禮物ge總值, 計左條數出黎真係驚人, 係千幾蚊呀!
呢班咁好ge fds我問你去邊度搵!!!!
做唔到佢第一個講生日快樂都興興地...今日未夠十一點仲訓埋, 我做唔到最後o個個, 好悲呀!!!

>>October 29, 2002 at 12:51:42 AM GMT+8