2002 年 11 月 16 日 星期六 【陰】

唔通我d日記真係好長? 但係如果少ge話就寫唔出要點架喎...anyway, 盡量少d 啦...
早: 朝早無乜野好寫, 淨係去食左個早餐咁大把! 仲有係去左拎身份證同約人唱k 囉...
午: 一條友撘火車出去, 都算係趕, 但係火車路軌又出現問題, "塞"火車塞左三個字, 遲晒到! 十二點幾約左yee(my net fd)and her fd o係地鐵站等, 但係佢地未到...我同kwan and ho惟有食住野先, 食食下佢地黎搵我地, 終於都見到佢地咩樣喇...! 跟住照原定計劃去唱k, 但係係happy hour ar...><".
埋單每人六十三, 都唔算貴啦, 但係做乜仲有五蚊唔找錢呀!
唱完已經係四點幾五點, 出番黎, 又諗唔到有咩做, yee 佢地惟有走先...我又約左pierre, 我都走埋, 其餘ge人之後做乜我就唔知喇!
晚: 五點幾約埋阿昌一齊去pierre度, 原來+x一早兩點幾都已經到左, alan又到埋, 搞到我地好似好遲咁tim...
去到real屋企打左幾舖機就落左樓買"宋", 買買下, 包包打番心我, 傾左一陣, 幾好幾好, 唔錯唔錯~買完野上返去, 我地四個就go on打機, 得番pierre一個o係度洗野, 鬼叫你係主人咩~
玩winning o個陣玩得好激, 我地用盡所有方法互串, 但係講乜都無用, 入到波就自然無野好講!! 我地食下打下咁, 到左唔知幾點, 阿基上埋黎玩, 其間, 我仲同阿昌影左寫真tim~hehe^.^
今日ka lok無黎到, 但係情有可原, 至於鋒ma...無故缺席, 返到去你就知死!
差唔多十二點, 趕尾班車呀...好在都趕到, 唔駛又要飛的~~

>>November 17, 2002 at 1:33:48 AM GMT+8

2002 年 11 月 15 日 星期五 【晴】

自從pierre前日黎留左一句野之後, 佢ge事蹟好快就o係班入面傳...個個都好擔心佢咁~其實係八掛~!
今朝一早返去做lab, 做到十點左右, ive 都學人玩走火警, 第一次聽到ive響鐘呀~跟住我地成班人落左去playground, 企下坐下咁一陣, 唔知邊個人同我地點左名就話走得...勁白痴!
到左十一點半落堂, 但係我地仲未走得, 因為約左教英文ge miss, janet食飯, 佢放十二點半呀, 頂! 我地惟有好無奈咁捱餓踢毽, 但係踢大無三個字就比+x k.o.左....無奈地我地成班要去libar打發時間, 到左十二點半, janet打比我, 呀, 終於都可以去食野! (出席人物如下: janet, pierre, 鋒, 我, gary, +x, ka lok, alan, 奶媽)今日係gary生日, 我地食緊野o個陣同佢歌生日歌, 仲唱到好死大聲, 全店震撼呀~
食完野, 我同fung, ka lok, pierre去左買珍寶珠and 毽, 然後返ive~
踢左無幾耐毽, 唔知邊個班左個欖球返黎, 我地照舊玩番數字球, punishment一樣都係要用"細佬"磨柱--happy coner!
上次中招ge pierre今次又係第一個中~~今次我地去得仲激, 磨完之後仲要轉! 死未~
第二個又係鋒, 佢最輕, 最好玩~
第三個又係上次中過招ge ka lok, 但係佢逃走喎! 死野丫, 走?! 你地都未死過~跟住我地捉番佢之後, 抬佢o係當眼ge柱面前磨, 呢碌柱好有質感呀, 因為有野突起左, 佢完全受晒~
第四個好似係第二次玩呢隻game ge +x, 上次我做佢唔到, 今次終於死得~
第五個係第一次玩ge奶媽, 簡直好玩到跌渣啦~(haha, 我勁正, 佢地咁多個我都有份抬~)
gary大難不死呀, 本來見佢係壽星仔非要做佢不可, 但係佢今日走運, 死唔去, 你好野~!
兩點半去上堂, 但係呢堂overtime左, 勁難頂, 到左四點二先放...踢左陣毽之後去左出面球場睇classmates踢波!
o係隔離場睇到有女子手球比賽睇, 勁正~我地擺到明係睇女唔係睇ball, 尤其係粉紅色o個隊, 嘩真係正爆呀, "好好波"~! (#12 pig<-- gd ar!, #17有d野~~)
同鋒and alan睇到六點幾先走, 要一個返屋企tim...

隻手一路都無好過咁...今晚用火酒"那"左兩野, 希望快d好番啦~!

>>November 16, 2002 at 12:28:41 AM GMT+8

2002 年 11 月 14 日 星期四 【晴】

re pierre: 你唔好諗咁多先喇...只要一日唔死, 一日都仲有希望, 因為我都係咁諗...又或者找個比她更好, 活得比佢精彩, 用自己開心ge生活黎串佢, 唔揀你係佢笨!(<--不過呢樣野講就易...)
本來今日應該返九點做gym ge, 但係我同alan諗住預左半點鐘返去食左個早餐先玩, 但係o係大埔等pierre等左幾個字...我個嘆茶ge如意算盤比佢打爛左!
返到佢都已經八點九, 我地三個求其叫d野黎食, 差唔多食完o個陣, +x都返到黎, 佢又食左少少野之後就一齊上左去gym room 喇...
上到去, 聽阿sir講左一大輪lecture之後就都成十點...玩左半個鐘, 成身都軟晒, 好似打左幾個鐘頭波咁, 而隻左手個傷口又傷多次...又要換膠布喇><"
十點半落堂, 我地四個人用餘下ge些少力氣踢左陣毽...踢踢下, 見到耆英轉堂, ka lok又返到黎, 十一點上返去又要上堂, 但係alan同pierre一早都預左要黎訓, 因為後者係今朝4:59先訓...
出奇地, 我無訓到...佢地各自都恰左一陣...
時間飛快咁過去, lunch無乜特別事發生, 一點半上李力持o個堂, 個個人個頭都照舊有好多"???"同埋"0101001011".....
放左學又去踢毽, 都唔知去邊度搵d咁ge力氣番黎...咁o岩又見到耆英轉堂^^"踢踢下, 阿昌急call我去打波, 五缺一...o個度又曬又熱, 簡直想死, 而且隻左手比人地隻手大力咁掃左下, 好痛丫~~!!我個傷口無喇...但係估唔到我地班都仲有幾個人識打波!
打到唔知幾點, 得番我, +x, alan呢三條粉嶺仔一齊走, 死+x o係我身上學到唔少呀今日~
今日就好tired咁過左喇....聽日係gary18生日, 一於淨係講聲"生日快樂"算數啦~

>>November 14, 2002 at 11:42:01 PM GMT+8

2002 年 11 月 13 日 星期三 【晴】

今日發生左好多笑野, 睇到你地死~~!
尋日o係十二點之前打左比人講"生日快樂", 佢把聲比我想像之中唔同~!
今日簡直笑爆咀呀~...
十點零二分返到去上堂, 今日都已經算早喇, 以為阿sir仲點緊名, 點知入到去, 佢已經收埋支筆...邊有阿sir一返去就點架, 仲要咁快手腳tim, 其他阿sir唔遲到都偷笑, 佢居然...勁無奈呀!
上完呢個串精ge堂之後, 我地去左沙田ge好運食野, o係大家樂入面食緊野ge時候, 消失左一段時間ge gary and real帶住外買m記入黎食! 仲要係食得好揚囉! 搞到個主任都走埋出黎叫佢地, 但係死pierre仲咀衰衰咁話我地(有七個人)有o係度幫襯, 唔緊要咁話! 之後佢地搬過黎我地隔離同兩條學生妹坐. 點知佢地實在太揚喇, 個主任都頂佢地唔順, 仲拎埋碟同杯出黎比佢地兩條友裝汽水and 薯條! 勁誇張囉! 呢兩條有仲唔知死, 一路食一路玩, 搞到佢地隔離兩條女都笑佢地..^^
o係第二邊ge隔離, 又有另一班較細ge學生妹坐住, 我地個個都估佢地幾歲, 死pierre話猜輸左就過去問, ka lok, gary同埋佢就猜, 點知ka lok輸左又唔去, 卒之都要由好有mood ge pierre同gary過去問, 不出我地所料, 係15歲~! 呢次係我地第一次集体撩女, 值得紀念啦, 頂~!
食完野去左蒲機舖, 三點未到就返到去ive, 踢左一陣小毽子就去左上堂做lab, 成堂乜都無做過, 好白痴咁, 到左四點半做完野落堂, 去libar睇ka lok做左一陣report就出番去踢毽, 踢踢下, 唔知點解chris會返黎沙田ive 等我同alan...講到踢毽, 笑料黎喇:
話說我地今日又係玩番數字毽, 平時ge懲罰係除衫, 但係今日例外, 係要射pat, 到pierre輸左五次之後, 個punishment唔同左, 係要玩happy coner~~! 我地四個人夾手夾腳捉住佢四肢, 將佢卒落支柱度, 呢個game佢都唔係第一次玩架喇, 舊年佢o係旺角同九龍堂都玩過, 無理由黎到沙田唔玩ge~
第二個係鋒, 呢條友仲輕過我, 特別好磨~, 仲磨左兩野咁多tim, 點解我咁清楚?因為佢兩個我都親手行刑囉~
到最後, ka lok都中埋, 條粉腸有百七磅, 勁重, 仲詐唔知想走人, 於是我地就抬起佢行左幾米去磨"細路"(即係ka lok B)~~
alan死好命, 已經係四次架喇, 唔係夜ge話你實中招呀~佢命都短左幾年呀我諗~!
*我地應該開番個學會仲做"H.C.C"(happy coner club!)~~

>>November 13, 2002 at 11:31:53 PM GMT+8

2002 年 11 月 12 日 星期二 【晴】

今朝上maths堂同alan坐左o係florence同埋avis前面, 上堂ge心態果然唔同左, 尤其係avis, 我題題都唔識...好在有佢同alan o係度教我姐, 如果唔係我就訓梗~!!
到左lunch, 我地成十一個人走左過去禾輋o個間"老字號"金時食野, 我地叫左一共八碟米粉同埋飯, 唔駛三個字就已經比我地攻陷左, 成班好似禽獸咁, 勁變態!! 真係餓狗搶咩食...><"
嘩, 由於我地食野ge速度實在太快, 今次上一點半呢堂終於都唔駛遲到!~ *\ (^.^)/* yeah~
上上下堂, 睇阿sir做example, 個個都睇到顛晒, 玩到無野好玩, 鋒見我塊膠布貼到咁過癮, 佢黎手就拎支筆, o係度簽左個名, 一不做二不休, 我都唔理佢喇, 跟住就比埋ka lok, alan同埋pierre簽喇! 睇落呢張野好似好有紀念價值~!
放左學, 見到個英文miss, janet, 佢幾好玩, 我地就約左佢今個week是但一日lunch ar~
我地踢小毽子踢到六點半先走...技術又好似勁左喎, 尤其係隻左腳~~
返到黎已經七點半...好肚餓呀~!
*隻手好似好番好多, 無之前咁痛lu~

>>November 12, 2002 at 11:36:27 PM GMT+8

2002 年 11 月 11 日 星期一 【晴】

隻手丫...無好過...而且仲含左"龍", 勁痴線! ><"
8點, 約埋pierre o係大埔等, 今次係第二次我, alan同佢三人行! 我地個個今日都輕裝上陣, 三個人都無帶到書包, 而pierre淨係帶左個透明ge大筆袋出現, 好sexy 丫~~
一早返到去又係做lab, 今日我好出奇咁做得好快, 係一組入面第二個做完, 平時手腳快o個d好似食錯野咁, "mi mi mor mor"(<--照讀), 我做完交埋條cable, 但係我並無剪開佢, 而係將佢遺愛人間, 睇下有邊個做唔到就比佢交~結果, 我條野reuse 左幾次~^^
十一點幾放lunch, 去neway sing k, 但係沙田有幾間中學sports day, 整到無晒位, 我地十個人惟有走過附近big echo唱~
唱唱下, 唔知邊個拎左幾個骰盅入黎, 咁我就同ka lok玩喇, 唔知點解我次次搖都有pair出現~ka lok成日都輸~!
唔知到左幾點, 阿海同嫂夫人入黎玩埋一份, ka lok 同佢地玩左好耐骰盅, 變左"骰魔"呀~
今日唱k唱左廿蚊jar, 抵到喊~~~^^
三點半返左去上堂, 又係痴痴呆呆咁....放左學都係照舊踢毽先走, 踢到六點半, 我, alan, pierre, +x一齊撘火車返屋企~~

>>November 11, 2002 at 11:20:31 PM GMT+8

2002 年 11 月 10 日 星期日 【晴】

好tired ar....個手肘仲滲血...仲係痛緊, 睇黎真係跌得幾甘! ><"
好耐都無試過星期日好悠閒咁留o係屋企睇nba 地帶喇, 睇十大金球睇到我心花怒放~
中午一路online, 一路打機, 好似好free 咁, 正~
又好似感覺到比人嫌煩ge感覺tim, 睇黎又要"自閉"一排先得... v.v|||
到左晏d, 成家人罕有咁一齊睇電視, 係睇尋日買ge"鬼水凶靈", o係戲院睇果然唔同o係屋企睇, 無乜feel ge!
今日一路都o係屋企休息, ,平時日日返到黎都好有壓力, 可能星期日不嬲都係無人願做野先感受到係悠閒~!

>>November 10, 2002 at 11:35:27 PM GMT+8

2002 年 11 月 9 日 星期六 【晴】

今日ge天氣實在太正喇, 唔做下戶外活動簡直係浪費! 所以就約人去打ball, 居然比我約到一個十次叫佢, 佢有九次都唔出ge人--勛~!
尋日隻右手指公串魚蛋...加上近期遠射手風欠順...都對今日黎緊ge賽事無乜信心...
到左真係打o個陣, 手風都係麻麻...好不幸地, 隻指公又再串多次...超痛...!!><"
之後我地過左隔離場鬥波, 睇個款呢隊ge實力都唔差, 但係打落先知都係一般, 輸左比半奇蹟隊--耆英, 我同埋chris~
跟住到左最後一場, 我比條友呃到跳起左, 但係條粉人勁無品, 居然攝埋黎我下面, 整到我成個仆左o係度, 仲跌損左隻左手手肘! 好在最後一分係我過左chris而入, 比佢話我咁快動作, 都有番少少安慰~!
今日戰績:三勝一負~!
打完ball就同崑and chris去左買vcd, d碟平到爛, 鬼水凶靈只係賣廿三蚊~~~

>>November 10, 2002 at 12:36:47 AM GMT+8

2002 年 11 月 8 日 星期五 【晴】

終於都可以唔駛帶書包返學, 但係周身都唔自在~!
本來尋日話今朝7:45morning call pierre ge, 但係到左八點先記得, 一打去, 原來佢已經醒左, 仲準備出門口tim, 簡直嚇左我一跳! 咁跟住就約佢o係大埔等埋一齊返學喇~
一返到去, 見到ka lok都返左黎, 真係好少有, 平時佢同pierre都係會遲到, 但係八點九就已經返左黎, 佢地見到pierre咁早返到都好好奇, 我都一早講過pierre唔遲到先係新聞~
做lab o個陣, 鋒唔知做乜咁好唱口, 乜歌都唱, 好似傻左咁~!
lunch, 我, alan, 鋒, 基, avis同florence去左吉野家度食, 只係貪平jar...十二蚊, 可憐ge我今日只係得十九蚊食飯....一路上, 我地幾條友係咁圍串艾華斯(avis), 串到佢一楝都無, 串到佢"bb聲"呀, 勁搞笑~^^
食完飯就ive, 我地踢毽o個陣, +x無縛好鞋帶, 又要著板鞋, 一大腳o個陣佢就成隻鞋飛左出黎, 仲有成層樓咁高tim~
點半去上通識, 睇唔出平時阿海無黎正經, 一叫佢出去present, 佢條友ge態度一百八十度轉變, 而且仲有板有眼喎又, 一問之下, 原來佢讀過旅遊! 唔怪得之啦!
放左學就勁踢毽, 踢到四點幾就同耆英去左打ball, 打到五點就走人喇, o係canteen同pierre坐左一陣就同耆英走先喇!
今日返學都幾輕鬆, 真係想日日都係咁~!

>>November 9, 2002 at 12:17:00 AM GMT+8

2002 年 11 月 7 日 星期四 【晴】

尋日打波打得太激, 今日一起身就成身"軟奶奶".....
想左小白十點三拎本書比佢, 順便同佢返學傾下計咁, 佢又比左一袋pass paper黎...重到嘔....
其實今日返學都無乜野做, 返十一點, 又放十二點半, 返到去坐一陣, 交一交功課就走, 勁無聊囉!
十二點半, 係一個令人振奮ge時間, 事關一早都約左放學去睇戲~ 但係gary 同奶媽又"突然間"有事唔去, 跟住+x又話唔去, 放飛機呀o靚仔! 睇到gary 同奶媽咁, 都覺得佢地有d似我舊年found dip ge態度!
醒起耆英又係呢個時間放學, 就叫埋佢去喇, 然後, 我, alan, 耆英, 鋒, 基and real(pierre), 撘火車去旺角睇喇~~勁happy 呀~
去到, 我地大班人o係百老匯"針"左一陣同埋約阿昌, ka lok, avis, florence, 之後我地落左去kfc食lunch, avis話唔睇恐怖片, 所以唔黎, 而florence同阿昌陸續黎到, 食完野, 買埋飛, 行左陣到左差唔多兩點八, 最後ka lok都到左, 我地八仔一女好浩蕩咁入場睇"勾魂谷"喇~~
四點半, 睇完出番黎, 大家互相分享睇後感, 我地個個睇完出黎都覺得呢套野緊張感都得, 但係驚嚇度一般, 而且仲好懸疑, 個個都成頭問號!! 基就排隊同fd睇第二套....
之後florence有事走先, 我地全仔行左旺電一陣, 五點幾出番黎, 鋒撘巴士走人, 我地其他人就撘火車返屋企喇~
今日返學都返得唔錯, 跟本就係返去玩~但係今日使突左錢....聽日無錢食飯.....><"

>>November 7, 2002 at 11:25:40 PM GMT+8