2003 年 2 月 23 日 星期日 【晴】

頹廢的一天...
一早九點幾就起左身, 食埋早餐都只不過十一點未夠...尋晚又無約到人喎, 所以就online碰下運氣睇下約唔約到人喇, 但係都無乜人online...注定今日呆滯!
online o個陣終於都見到阿琳, 好耐都無見過佢喇, 問下佢近況先~八八掛掛ge我問佢拍左幾耐拖, 原來都成八個月喇~! 佢就好啦, 女仔可能係著數d! 阿舒online又八下佢d野, 佢真係有好多野都鮮為人知架喎~呢幾日真係了解左佢唔少呀!
全日都o係屋企唔係online就係打機, 仲有睇漫畫, 今日真係充實!
60%, 全日都好平靜, 無乜事發生過, 好耐都無唱過k 喇...好想洗下錢!

>>February 23, 2003 at 11:39:07 PM GMT+8

2003 年 2 月 22 日 星期六 【晴】

眼鏡記@.@
兩點鐘同崑出到去粉嶺中心, join 埋kwan就去左拎眼鏡, 好緊張呀!! 戴左副野好唔慣, wing wing地咁...>"<...kwan係四仔入埋第一個見到我戴眼鏡ge!
拎完之後崑就走左, 我同kwan去左搵埋ho仔同埋ho嫂仲有佢個fd, 行左一陣, ho仔要返屋企拎多張飛比我, 咁我就同kwan去左附近間中學喇(人地open day), 入到去完全唔知做乜, 但係我同kwan 就四周張望...hehe~~唔知點行好, 打左比lok(佢以前o係度讀)諗住叫佢帶我行下, 但係佢又拖住條女, 唉, 唔得閒埋我喇~! 比佢見到我四眼tim, 但係幾好, 佢話我戴左眼鏡靚仔d, 實可以...keke~~~
過左無耐, ho called me to leave, 跟住我地就一行四人去左聯和墟個社區中心喇, 係去睇ho嫂o個team人表演跳舞呀~! 行左成三四個字, 我地個個都就曬到出煙...個個都出晒汗, 但係ho仔仲可以著住件背心冷衫, 有病架!
成三點幾先有得睇表演, 首先係睇左幾個由小朋友做ge話劇, 再睇一個中學生做ge, 不過黎黎去去都係叫d人"咪幫罪犯, 咪買翻版"! 悶呀! 等左好耐, 終於"主角"們都出場...睇佢地跳舞, 整我都有少少身痕tim...但係佢地都唔齊ge~
到左四點幾, 我地返番粉嶺, 唔知ho仔佢地去邊, 我同kwan就去左食tea(我未食lunch!!), 食完都唔夠, 仲去埋m記食左個漢堡包and吹左陣, 見係時候走就同佢散喇...今日真係無聊!
戴左眼鏡, 評語都係好多過唔好, 最好就係比lok話靚仔左, 實可以o係學校...~~而個樣大個番亦都係事實! haha~
60%...

>>February 23, 2003 at 12:41:10 AM GMT+8

2003 年 2 月 21 日 星期五 【晴】

一早返去又係好無聊咁上工場開工, 做到十一點就落堂, 晏晝要成兩點半先上堂, 諗住走去唱k, 但係約左janet(教英文個miss)食飯, 所以唱k團cancel! 踢毽踢左成粒鐘先等到janet 放lunch, fung bee走左去學車, ka lok返左屋企, 淨番就同janet去飲茶!
o係飲茶o個陣janet講左好多關於一個新同事ge野比我地聽, 就咁聽佢講都聽得出該新人好煩, 而且係九唔撘八, janet比佢激到"bare bare聲", 能夠忍佢忍到最後先發脾四, janet都幾好野!
食完野就"中"左返ive, +x同阿基就話走先...淨番我, gary, alan, pierre o係度踢毽! 踢踢下fung bee先返到黎, 佢返到黎就好玩好多, 呢條死仔丫~
夠鐘上堂喇, 完全都聽唔明阿sir "up"乜, 一條數都唔識計...好大劑, 真係唔知考試o個陣會點死法!
放左學個人好散, 好"支力"...同alan同埋florence撘火車走, 返到粉嶺見到崑同埋佢班fds o係度打波, 波癮起呀, "支力"都無計, 鬥左一場先走!
返到屋企有好多人, 因為o係英國返黎, mum ge表哥一家黎左, 過左陣就出去食飯...食飯o個陣呢, 個三個o係英國返黎ge"竹星仔/女"能操一口純正and流利ge 英語, 好在佢地仲識講中文姐...如果唔係就"人同鬼講", 無法溝通! 佢地全日都好活躍, 猛咁撩我同佢地講野同埋玩...其中一個仲叫我同佢拗手瓜tim! 又搣人喎, 搞到我瘀左! 玩玩下仲屈親我隻手, 搞到我而家個手腕仲痛痛地! 千祈唔好搞到我射唔到波呀! (該幾名竹星只係12至14歲, 但係天生神力, 而且有晒外國人特質--大份! 所以唔係幾夠佢做!)
終於食完野可以脫離佢ge魔掌喇, 返屋企lu...成個人散晒!
今日見到喇...但係又如何, 得講左一句野! 60% 因為今日實在太無聊!
*dinner o個陣又比人問左個我唔想去諗ge問題, 就係過去英國study...睇黎我遲早都要揀杭州或者英國讀架喇! shit!!

>>February 22, 2003 at 12:58:16 AM GMT+8

2003 年 2 月 20 日 星期四 【晴】

哎呀, 好耐都無上住網咁寫日記喇...難得幾日無日記睇你地仲會上黎, hehe~
講番今日先, 一早返左去同+x做gym, 我地呢排好熱心, 就連登記o個d人都認得我地~即係話我地已經成左習慣!
十一點去左上堂, 但係我地成張檯d人都係返去hea, 大把人o係度睇漫畫, 包括我在內呀, haha~好不容易就放lunch, 去左"食樂美", 今日我地闔家終於都人齊, yeah~!
返到去上digital electronic, 簡直想死! 個阿sir(李力持)完全唔識講書, 佢淨係講d ic ge operation之ma, 問咩人"有冇意見"姐, 白痴架?! 過左無幾耐, 我終於都頂佢唔住, 訓左三個字以示不滿~!
放學最好玩, 成班人去左玩數字球, 十二條仔玩, 玩咩都得啦, 難得阿昌同埋文輝都o係度, 今次仲唔做佢地兩個?! 而且今次用ge ball係網球, 死得仲快~ 首先阿昌比我地做死左, 跟住就到文輝, 無奈地佢地就要好似打靶咁比我地射龜, haha, 勁好玩~ 跟住好戲盡在後頭: 話說阿昌想捉住fung bee想磨佢柱o個陣, 無人幫佢手, 而且比我地反捉, 可憐ge阿昌o係人多勢眾之下不得不屈服, 做左佢ge第一次--被磨! haha, 終於都做到佢喇~~~~文輝想佢救佢都黎唔住, 因為幫得阿昌時, 佢又會顧唔住自己, 人點都係自私ge~~
四點幾走左, 同pierre去左sham shui po等chris, chris黎到pierre就走喇, 皆因佢要去搵奶溝~我同chris行左高登同埋黃金, 勞碌左成日, 比我地買到想買ge野, 好在! 返到屋企有得上網喇~!
60% miss, miss, miss....u!

>>February 21, 2003 at 12:06:09 AM GMT+8

2003 年 2 月 19 日 星期三 【晴】

同mum and 崑食完早餐就去左粉嶺中心, 去左驗眼, 結果我地被現可能係有遺傳遠視, 所以我同崑就要配眼鏡喇...hehe, 星期六先有得拎眼鏡, 可以有兩個look轉換喇~!
配完眼鏡, 見時間尚早, 就去埋崑間學校, 同mum去家長日...十二點三出番黎, 去番火車站差唔多十二點四, 等多一陣豪仔就到, 跟住我同埋kwan and ho仔三仔去左lunch, 死kwan又走堂!! 食完野諗住送ho仔返學o個陣, 見到趕住返學ge chris, 條粉皮一點半上堂, 一點仲o係粉嶺, 遲硬! 所以我地就捉埋佢送ho仔, 好耐都無試過四仔行o個條漫長ge路! (以alan引誘到佢地去沙田ive打ball, chris and kwan都走堂~)
送完ho仔, kwan去左chris屋企, 我就約埋alan一齊返學, 今日我返學有兩個原因: 1. 補測; 2. 同alan大戰~!
返到ive, 比左個ball耆英就去左上堂, 補測完就同alan, +x同埋耆英去左籃球場開波! Alan同耆英一隊, 我就同+x, 擺 到明就係要打沈alan~ 佢個死仔拉住耆英都贏唔到, 反而我呢, 結果唔駛講, alan被我比下去~! 我贏左~~~! 打打下, kwan同埋chris殺到, 猜勻之後就打到五顏六色, 可惜"奇蹟之隊"並唔能夠一隊...係今日ge遺憾! 同人地打左幾場, 佢地就比我d傳波玩謝, 而chris就照舊炒左我幾次好ge傳送, pk仔丫~! 好心就練下射籃底啦!
打到六點半就走, 七點三返到粉嶺, 我同alan就陪chris等carrie黎, 等左好耐, 就同佢兩個行左去粉嶺中心繼續撲線, 點知都係失望而回...好可能又要出返高登先買到...! carrie中途黎到, 我地就陪佢去左拎眼鏡, 佢居然配左副藍色喎, 好在係出街先用姐…~我地四個人周圍hea左陣, 就走lu, 我中途撞到lok, 就同佢一齊撘車返屋企. O係車上面同佢傾左唔少野, 睇黎佢對佢出年都幾迷汒下喎!
今日就咁玩完, 三仔+alan+耆英呢五個上水粉嶺人唔返粉嶺打波, 而大鬧沙田ive, 真係搞笑, 而今日返學亦好無聊...早知唔返好過! 62% la, 話晒都無乜唔開心/如意事發生過!
好耐都無打比佢tim...唔知點呢...? very miss u...

>>February 20, 2003 at 9:25:38 PM GMT+8

2003 年 2 月 18 日 星期二 【晴】

十點半同+x做完gym就去上堂, 但係阿sir到左成十點十都未到, 我地走左去班房門口踢毽~! 班長搵到阿sir之後先話自己唔記得左上堂, 真係"吹bare"!
lunch o個陣pierre話約左miu食野喎, 咁咪出去囉, 但係條死仔又一意孤行話去据扒, 但係邊度會有成十個位比我地丫, 費事阻住佢兩個二人世界, 我地去左大排檔食...! 少左ka lok同埋pierre o係度又少左d笑柄tim!
食完飯就上kk fung ge堂, 呢個阿sir串到爆, Pierre"拮"佢兩句, 佢就串番pierre: "你o係人地面前係咪咁架呢~?" 此語一出, 全場爆笑~~! 難得阿sir有peirre"把柄"o係手, 條友仔之後無辦法唔純過綿羊~!
三點有半個鐘休息, 佢地唔知做乜捉左fung bee黎磨...好慘呀佢, 無lala比人執劑...恕我救你唔到呀fung bee...佢地而家仲係病緊, 我可以話係"帶罪之身", 救得你黎可能又比人做多次...下次救你~!
英文堂終於都派卷, 我有60分, avis66, 闔家最高分都算係我地, 佢地大部份都係得四十幾五十幾分, 都總算有d交代! 但係點都唔夠奶媽勁, 佢返又返得少, 但係佢居然有74分!! 最衰就係我錯左好多唔小心...如果唔係我實唔會有咁ge分數!
放左學有"天降網球", 我地就用左佢黎玩數字球, pierre比我地做得最多, 要射龜, 佢就唔好彩喇, 比我一下head shoot, 準呀~! 聽日同alan鬥波實win!!!
無得上網ge日子好悶...55%...

>>February 20, 2003 at 9:22:27 PM GMT+8

2003 年 2 月 17 日 星期一 【晴】

一早就嘈醒左avis, 邊個叫佢收埋晒d野落locker咩, 我地無得做, 我都唔想咁快叫佢番黎, 鬼叫我整病佢! 其實佢返左黎我地都都無用過佢d野:P ~到左十一點多d, 我同alan同埋佢落左去canteen充飢, 食完野返上去精神幾多呀! 上番去又係吹水, ka lok返到黎就大把野玩~成朝都串佢"soldier", 又話會傳染, 又乜又七~整整下又話fung bee得"三分一jar", 但係"短小精幹", 有晒亞洲人ge"優良傳統", 白痴, 又核突又搞笑呀, 最搞笑就係avis都在場! 四個比我整病ge人圍住我黎坐: ka lok, avis, gary, fung bee, 佢地話今日一定要開我con...做我一穫...><”
lunch去左大排檔食野, 大飽眼福呀~~成班賤人坐埋一檯~!
食完野返到ive就心知不妙! 一個二個對我虎視眈眈...佢地終於忍唔住喇! alan開始追埋黎捉我, 以佢咁ge款又點係我對手丫, 食塵就有佢份~! Kei諗住黎包我, 但係比我一個假身呃左; gary最狗, 扯頸巾呀! 但係我鬼掩眼, 唔知做乜走左去塊board前面, 就係咁, gary就埋黎將我捉住左, 我就任由宰割喇: 五個人走埋黎招呼我, 抬我埋支唔正常ge燈柱度, 轉左一個半圈就dum左我落地下, 隻手都損埋...今次真係天亡我也! "柱子"之身就比佢地破左, 幸好"小峰子"安然無恙! 唉...好在o個陣唔多人姐...又好在pierre唔o係度, 如果唔係就嘈都嘈死!
上左四堂電腦就放學...好眼訓...
返到粉嶺同alan去左撲RJ-11(上網o個條線), 但係最cheap都係粉嶺, 乜叉都無!! 又要過一d無得上網ge日子...><"
今日雖然比人開con玩左happy coner, 但係好刺激...the next target is...hehe~ 65%!
To fung bee, 眼見你個女神同個肥仔一齊行, 你梗係好灰頂喇~! 唔緊要, 理論上你係夠佢爭架, 不過物理上就...節哀順變啦~! 我實撐你架喎~~~!!

>>February 20, 2003 at 9:15:46 PM GMT+8

2003 年 2 月 16 日 星期日 【晴】

朝早食完早餐返黎就上網, 一路到兩點就去左舊舖連記度食tea...都唔好食ge, 如果唔係要比面表伯, 我真係唔會去佢間野度食...! 想當年mum打理得咁好, 到左而家...唉, 唔好提!
三點半出門口去打ball ge時候, 又上唔到網喇...><" 經崑"小心求證"後, 發現又係條線問題, 今次仲係斷入面ge其中一條tim!!!! 正式宣佈死亡!!
成四點幾先去到球場, o係紫外線達到十級(係我定ge, 即係隨時曬得死人咁解!) 打左幾舖, 勝率都有一半ge...打打下波, 比我地發現左"d野", 就係隔離排球場有兩個女仔幾好, 一個八號, 一個六號, 我地仲有眼神交流tim~! hehe~ (呢排三仔成日都叫我"你上啦"...你地玩咩...呢d野係咁易就好...何況我都唔係d咁ge人...) 到左六點幾, 我, chris, kwan, penny同埋耆英先肯走, 諗住去龍豐睇下有冇線買, 但係好cheap, 乜都無, 哼! 跟住我同chris, kwan去埋7仔買野飲就各散東西喇...
返到屋企, 表伯話咩"做芽"之類, 叫左崑, mum同埋我去左連記bbq 同埋食飯, 去到有幾個三唔識七ge人, 九唔撘八咁! 燒燒下, carman打黎, 同佢傾左半個鐘, 睇黎佢好似好煩咁...唔知幫唔幫到佢呢...
又睇電視, 又燒下食下咁就到左九點幾先返到屋企, 諗清楚都係拆條cable出黎聽日拎返學校check下先!
原來無得上網ge日子係會咁悶...天意弄人!
得番50%, 鬼咩...個fd唔開心, 又無得上網...仲點會高興丫!

>>February 20, 2003 at 8:54:04 PM GMT+8

2003 年 2 月 15 日 星期六 【晴】

今朝無得上網(神左!), 焗住出去打ball, 但係今次無四仔, 而係崑同埋佢d fds! 食埋個早餐, 大約未到十一點去到...一路係咁打, 打到成三點半先去買野食同埋返屋企, 好tired...不過好耐都無打過ball la, 今日終於都可以射番d準繩ge遠距離出黎~!
返到屋企都成四點幾lu, 本身諗住沖個涼先, 但係上網o個度又有問題, 又要約人出黎, 咁就打左比chris 喇, 同佢傾左好耐, 但係傾ge同時佢亦都有電話入, 仲不下四次tim, 係咁等, 等到我d時間都無晒! 成六點先約好人, 都無時間沖啦...約左佢地七點...唉...惟有帶住好唔乾淨ge身軀出去....!
人齊喇, 有我, kwan, chris同埋carrie, 我地去左海皇粥店食…真係好耐無食過喇! 差唔多食完o個陣, 豪仔都出現埋, 今次真係人齊! 食完野諗住去行下呢個綵花會, 但係居然今日無得睇, 要聽日先有, 邊有呢d道理架, 元宵就無得睇, 反而第二日先開始?! 好無奈呀我地, 白白痴痴咁兜左個圈就上番廣場, 終於都決定左去ho仔屋企"論劍"兼睇波~! (carrie呢個死野, 一路都無時停, 就黎比佢玩謝喇~又串咀喎~都係chris講得o岩: "無大無細!", 呢句係我識佢咁耐, 講得最o岩ge一句~!~)
carrie同chris走先, 淨低我同kwan o係度...睇完場無癮ge波就走喇, 結果曼聯係輸0:2比阿仙奴!
返到屋企, 塊面紅晒, 而且手臂又側又痛痛地, 一定係曬成咁! 今日好tired...
65% 始終都係四個性格差唔多ge人一齊係會較易擦出火花(並唔代表我返學唔開心)...!

>>February 20, 2003 at 9:19:07 PM GMT+8

2003 年 2 月 14 日 星期五 【晴】

今朝約埋pierre一齊返, 為左等佢, 我要o係大埔墟火車站月台食風食左三個字佢先出現!
九點返到去空無一人...好似入錯科室咁, 鬼咩...今日淨係for未做完ge students做野架jar! 不過人太少...我又唔係好識, 佢又帶左朱古力返黎分, 又meltykiss又金莎, 勁正呀, 食左佢好多, 本來有少少餓都食到滯滯地! 到左大約十點半, pierre約左miu o係canteen食早餐, 我同avis, fung bee又跟埋落去玩, 但係真係幾頂miu's d fds唔順...太肉麻佢地, 我同avis, fung bee迫住要上番去, 因為o個度有三對情侶呀!!
十一點半放lunch...今日有三個鐘, 諗住返粉嶺同yan食lunch, 但係時間尚早, 首先我地拉隊"中"上o係大埔ge pierre屋企先, 我坐唔夠三個字就要走...! 返到粉嶺, 打比yan, 原來佢今日唔駛返學, 走左去返工!!!! My god...咁我返粉嶺做乜呀! Waste晒d車費...好在約左kwan一齊食姐, 都不至於"dum春"死!! 同kwan 食食下野撞到中三轉左校ge舊同學, 同佢都傾左差唔多半個鐘, kwan話趕時間, 同佢走先...d時間又係好早, 惟有又要去多pierre屋企一趟! 打左一舖機之後就走lu! 跟住alan, avis, fung bee, pierre同埋我就撘番火車返ive...
我地成兩點十先走去上堂...EN派卷, 得25分...點解會咁? 明明擺得最多時間溫就係呢科...我都無野好講!!!
放左學去踢毽, 撞到阿田, 佢同d fds又走埋黎玩, 四點半, ka yu放學又走埋黎玩, 我地玩到成五點, 最後到左差唔多五點幾, 得番我同alan走...未去到火車站撞到耆英, o係月台就等埋大舊仲有景華, 四仔撘火車走...今日就係咁完...
今日撘左好多次火車:
返學, 粉嶺à火炭; lunch, 火炭à大埔墟, 大埔墟à粉嶺, 粉嶺à大埔墟, 大埔墟à火炭; 放學, 火炭à粉嶺! 錢原來係可以用黎咁樣燃燒!!
"闔家"有好多人比我前兩日傳染到, fung bee今日好番唔少, avis 同gary就開始黎料! 而ka lok今日直情無返tim...唉, 唔好意思呀各位!!
今日我最想收o個兩份朱古力都無出現到, 而且車費仲"sit"得咁緊要...好黑仔!
51%睇在avis同埋pierre d朱古力份上jar!
*無情人ge情人節原來係咁難過...><"

>>February 20, 2003 at 8:38:59 PM GMT+8