2003 年 3 月 14 日 星期五 【陰】

好涼...
"天文台預測......今日吹和緩至清勁ge東風......最高氣溫廿一度, 最底氣溫攝氏十七度......" 睇完天氣預測先出門口, 比個天文台呃晒, 著左件短袖出去, 凍到我死....
八點半返到ive, 我同alan湧左入canteen充下飢先上堂, o係lift口等埋ka lok同fung bee先一齊上堂, 呢三條死仔走左去點名我都唔知...累我連續兩次上呢堂都計遲到.....><" 勁無奈呀!!!!! fung bee照樣上呢堂都係high晒, 好似食左春藥咁~~
lunch去左沙田ge"小巴黎"度食, d飯又幾好食喎...可惜"闔家"唔人齊, 已經連續五日係咁喇....今次係到加利仔(gary)無返....楊威頂左佢個位...食完野行左好耐先返去. 踢毽踢到一點八先上去上通識...呢堂幾好玩, 而且時間過得好快, 因為又睇slam dunk ma~
EN堂又係悶, 完全唔明阿sir up乜...好迷茫呀...
放學踢毽踢左成兩個鐘...明明同alan都無乜体力, 但係都玩到咁耐, 我地d運動神經真係勁~! 玩玩下, pierre讀design個fd kelvin又走埋黎一齊玩, 平時睇佢個樣好似好cool咁, 又靚仔喎, 十足十花澤類...男ge妒忌, 女ge愛戴! 呢個kelvin原來都係玩得之人, 今日係佢第一日踢毽, 但係都差唔多有踢左半年ge pierre's level!!! 真係好唔抵得....
到左成五點八我地先散...o係canteen我見到"佢", 但係" '佢'睇我唔到...'佢'睇我唔到...'佢'睇我唔到"" ...唉!
今日個個都無乜戰意(i mean心機), 毫無衝擊!
60%

>>March 15, 2003 at 12:49:22 AM GMT+8

2003 年 3 月 13 日 星期四 【晴】

燒錢```!
嘩...今朝起身簡直想死呀! 好耐都未試過打完波打到咁"支力"喇, 成個人好似磁石咁貼到張床實晒(己經訓夠八個鐘架喇!), 完全係唔想郁...卒之都係遲左三個字先出門口....同+x and alan十點半返到ive食早餐...咦~好似見到佢喎...! o係隔離檯, 我地遇番尋日o個兩隊"kai隊", 經過一日, 佢地都係咁kai...一出世就係咁, 整定ge~!
食完野, 比alan撩左去踢毽, 三個都体力透支, 我地仲踢得屎過arm arm返到ge fung bee....><" 十一點喇, 唔玩la, 去左上堂...
由於阿sir講野太大聲, avis and gary都頂佢唔蒲, 叫佢較細聲d個咪, 唔知係咪咁就"辣慶"左佢, 開始有少少勞氣ge情況出現...惡左少少呀佢, 而我同alan仲有+x一於少理, slam dunk照睇~! haha~
十二點八先放學, 佢又overtime la....
我地七個人去左m記度食, 今次我同alan終於都做到個counter overtime la, 今次係送左個軟雪糕比我地~~食完野點幾鐘, 想去睇戲, 七個人分手喇, avis, florence, gary各有野做走先, 得番fung bee同埋粉嶺三人組去左UA. 見到有套野好嚇人, 但係fung bee又淨係想睇阿sa, alan又話淨係會睇一d恐怖戲, 兩個人都係話要有三個人先肯睇...我真係比佢激到啤一聲, 勁掃興囉....v.v"
無戲睇就走喇, 返到粉嶺, 我以向alan借漫畫為名, 剷左上佢屋企, 佢個死野間屋d位執過晒, 睇落鬆動左好多喎, 果然係有唔同呀! 我賴死唔走, 同佢操左三舖winning, 1st round: 意大利贏左英格蘭1:0, alan輸~ 2nd round: 阿根庭大戰巴西0:1而回...比alan覆桌成功tim! 3rd round: 法國勝巴西1:0, 當然係我win la~大家有冇發覺alan淨係識用巴西呢~~keke~
打完機就走喇...好悶!
今日真係"支力"死, 体力得番平時ge 30%....而今日簡直就淨係出去燒錢...
60%

>>March 13, 2003 at 11:59:54 PM GMT+8

2003 年 3 月 12 日 星期三 【晴】

sHoOtEr`~
都知張八達通神神地架喇, 見佢影響唔到我就唔理佢住, 但係點知佢o係rush hour用唔到...整到九點二先入到課室! (雖然係遲到, 但係都係自己遲左少少先...唔係完全關張野事~!) CO2係班主任教, 我地無人聽佢講書, 而且又成日都大聲講大聲笑, 佢今日終於都忍唔住發爛渣喇~ 但係都係無乜人驚佢, 佢實在教得太"好"喇!!! 而我呢堂就好充實咁過, 見完slam dunk就上腦, 畫左好多打籃球ge人...haha~~
ka lok lunch走去同班仔食齋...pierre就o係佢走左之後返到黎...avis又約左人, florence無返到, "闔家"長期唔人齊...! 呢餐飯我地好快就食完, 未夠一點就返左去踢毽, 又比我地見到個女神呀, 但係今次唔係肥仔同坐, 換黎就係一個瘦人...fung bee睇完有咩反應呢?? 想捉佢黎做番穫又唔得...條死仔走得咁死遠...人地女神又點留意到你呀fung bee! 下次乖乖地同自動自覺啦~
IM堂又無想書, 拎左slam dunk出黎睇, 臨走又係計埋條低b數就走得...三點都未夠, 呢個阿sir涉嫌呃飯食呀!
放左學去左籃球場打ball, 出奇地平時好早走ge阿昌, 阿文, 文輝同埋杰仔都留左o係度打, 加埋我, alan, +x, gary and kei九個玩三打三~ 打打下有人黎跟隊, 總共打左三場, 贏二輸一...輸同阿文未夾過...! 過左隔離場同番自己友打, 咁arm阿田放學又打埋一份, 同alan仲有我一隊, 贏一輸一, 仲要係輸得好樣衰, 好似比人"禁"住黎強姦咁...得幾分jar....><" 但係輸都係正常賽果, 人地屈高!!
再走番去本身個場, 同人地打左場, 今次隊友係由阿田換左+x, 今次玩二,三分, 仲唔係時候到我呢個shooter出手, 本身打得好唔順, 又成日都甩手, 好在alan o係度...但突然間手感返黎, 我企o係三分界外連入左三球, 真係夠震撼! 跟住之後alan同+x各入幾球, 我又入多兩球三分作結, 屈指一算, 我淨係呢舖都入左十幾分呀, 真係爽~~~
人地又走黎跟隊...d人好勁呀...輸左...><" 到左六點到, 有兩隊"kai"隊走埋黎同我地三個打, 首先第一round打由翻版蘇永康帶領ge "kai 1" 隊...低估左佢地, 贏得好辛苦...又雙腿抽筋><"...到左打"kai 2"隊, 有個死肥仔壓陣, 個死肥野比我封左球, 等佢入得咁得戚丫拿, 但係始終都係輸左比佢...打左咁耐都無休息過咁滯, 仲要係一起跳小腿就想抽想抽咁...好唔抵呀輸得!!! 我憎死死肥仔!!!!! 今日就咁過去, 難得ge係+x終於都肯受/玩跟隊~! 好"支力", 聽日都係唔gym 喇.....
68% be a nice shooter~! 三分神射!

>>March 13, 2003 at 12:28:17 AM GMT+8

2003 年 3 月 11 日 星期二 【晴】

肥仔記~
星期二又係做gym ge時候, 如常地同+x仲有alan o係canteen 度食個早餐充下電先去做, 我地邊食邊講, 又邊睇, 環顧四周, 又比我地見到個死肥仔, 又係fung bee個假想敵! haha, 晨早流流就見埋d咁ge野, 整定下晏大把野發生!
十點半上樓梯去上堂之際, 比我, gary, +x and alan見到"紅眼鏡"迎面而黎, 佢今日並無戴眼鏡, 但我地都照樣認得佢清秀且具氣質ge面孔(呢段野好似寫咸濕小說咁...), 即時令我地四條友醒一醒神呀~! maths堂睇住slam dunk咁做數...完全唔吸收, alan講得o岩, 係時候要溫下書, otherwise連year 2都升唔到! 十二點半lunch去左大排檔度食~!
嘩, 食完野返到ive有野睇喇~~ 我一入門口直角話比知, 我地實會見到肥仔同埋女神, 而且仲係"有你便有我"眼見lecture門口成班人, 卒之我都係講中左, 肥仔o係度傾電話呀, 而女主角就o係度用肥仔個mobile大叫"廿咩, 廿咩.."(當時人係用廣東話講"唔好呀, 唔好呀..."), 人地玩得好開心呀~~fung bee~~~! 上到課室, 我地一路都係圍繞住呢件事黎講, fung bee個額頭就刻左個"灰"字~~~
英文堂未等入課室之時, 居然又比我見好女神同肥仔一齊行呀~ 我仲叫左心情平復番少少ge fung bee黎睇, 真係睇到佢眼火爆呀~~~ ha~
一路由三點上到五點幾, 踢左一陣毽就走lu...今日做gym做到好tired, 為左爆肌呀~!
60% 真係要溫書...唔可以再咁懶, 遲d無得追喇...溫書大計由下個monday開始!

>>March 11, 2003 at 11:59:25 PM GMT+8

2003 年 3 月 10 日 星期一 【陰】

"接受我"、"哥倫琪"~
九點幾avis返到黎, 佢一早就同fung bee and kei o係度討論佢個留言板, 我地個個唔知情ge人就聽到一頭霧水...細問下先知尋日我走寶, 無去到佢個留言板度睇好戲, 內容大約係蕭正楠o個首"接受我" o個類啦~~ 我都唔敢o係度透露咁多, 費事不得好死呀~~~
lunch o係禾輋食野, 我地有招新招呀, 就係一邊問”'阿成' 黎左未呀?”一邊用對眼周圍望野~ 好好彩, kfc度告o個個女仔又入左黎食野~~! Ha~
一點半返左去上c++ ge lecture, 悶到爆呀, 我地有我地玩, 成日都o係度唱"接受我"比avis 聽, 激到avis 啤啤聲~! 我同ka lok 又玩彈手指...好痛架!
三點放break, 我地成八個人(欠pierre同埋florence)走左去canteen 伏肥仔~ 又成日講肥仔點好, 點正比fung bee聽, 呵呵~~! 但係等到三點半去左上堂lu...
又係c++, 本來有得玩icq, 但係比阿sir發現左我, 即時斷正, 佢仲cut埋上網, 乜都無lu...期間, avis走埋黎問我, 我地成日o係icq入面d "一間間"點打出黎, 我教完佢之後佢就比左個好大徹大俉ge樣比我同fung bee, 死仔反應好快咁話佢個樣勁似哥倫布發現新大陸咁, 我就即刻幫佢命名為"哥倫琪"喇~ 我地"雙fung"拎佢個名黎笑, 將"哥倫琪" 變做英文讀音, 整整下個死fung bee仲讀左個"求X其"出黎~佢居然可以將中文變做英文再變做粗口, 你都咪話唔把閉~! 就係咁, avis又多大兩個新名, 而且今日個主角就係佢喇, "折壽我"~
70% c++好搞笑~!

>>March 11, 2003 at 8:59:39 PM GMT+8

2003 年 3 月 9 日 星期日 【雨】

未能盡興...
今日訓到十一點幾十二點, 都訓左十個鐘ge, 但係唔知點解個頭wing wing地咁...唔通係訓得太多?!
到左兩點幾, 食埋lunch趁無落雨就去左打波, 不過今日得好少自己人打, 耆英又要做功課, chris又虧左...最後得番我, 崑and kwan出現!
一去到就見到勁多人著住校隊ge波衫, 心知不妙, 整鬼佢丫, 比d校隊霸晒三個全場黎練波! 他媽的...我地三個"2/3奇蹟隊"上陣, 同chris阿哥佢地打左一舖, 而且仲要輸波而回(10:4)....毫無默契可言! 無奈地比校隊踩場, 成班人轉移陣地至"紅場"...!
嘩, 去到真係大開眼界, 見到幾隊成人隊真係好很勁!!! 我地三個人當然無勇氣去挑戰, 局住揀左另一邊有個"大份野"壓陣ge隊伍黎打...同佢地打之前都估到難打架喇, 佢地同第二隊打到差d就同人地"開拖", 初則口角, 差d動舞, 勁重火藥味呀, 超刺激囉!! 好喇, 到我地打, 我地打ge係斯文波, 又無本錢同人地撞...我就硬食左野, 佢成個人上籃pump左埋我度...仲中左氣門, 條氣真係扯住扯住!!! 勁無奈呀...佢地咁打法, 唔炒都幾難!!! 過左無幾耐, 我地去左個空場打, 頭先差d同"大份野"開拖o個幾個走埋黎同我地鬥...我同kwan又手風唔順, 又輸喇...到左末段, 我連入左兩粒三分, 眼見有番d起色, 但係天意弄人, 突然落大雨...正乜乜!! 唯有收檔走人...打左都唔夠兩個鐘, 連汗都未出滴, 我都係第一次!!!
時間太早, 又"無飯家庭", 行左上水好耐黎dum時間....時間到左六點幾七點先食野! 食完野, 我同崑勁串kwan, 兩兄弟夾份話kwan, 講左佢好耐, 我地ge結論就係"kwan is a pig." ~ 講完呢樣, 我地三個又大談中學ge趣事, 同kwan一齊回憶, 真係令人懷念喇...中學生涯!
行多左陣就返屋企...今日真係好凍...希望聽日唔好落雨啦!
65%已經少打波好多, 仲要打到好似今日咁...唉!

>>March 9, 2003 at 11:51:59 PM GMT+8

2003 年 3 月 8 日 星期六 【晴】

行程多多ge一日...!
朝早約左阿歡, 小白同rachel去唱k, 以前遲到開ge小白居然仲比我早到, 可以佢返學需要極其準時, 所以呢個一定係讀旅遊ge職業病~~粉嶺又等下人, 大埔又等下人, 卒之到左成十一點九先去到neway city!
今日兩男三女, 有我啦, kwan, rachel, 阿歡同埋小白, 真係好耐都無同過佢地三個唱喇, 呢三個人唱到顛晒~而我同kwan就好似平時咁唱, 不過今次就少左男仔爭唱男歌, hehe~不過唱o個陣就真係幾好玩, 顛架~
大約三點幾, 我地去左旺角中心夾糖食, 好迫人呀, 好似返大陸咁!...><" 死人歡又種意一個人去睇野, 整到佢走失左兩次, 不過最終都係一齊行返~到左成四點, 我地五個人落左去cyber city睇人打機, 一蚊都無用過~
四點幾上番去百老匯等個fd, 死小白佢地又八八掛掛唔肯走喎...擾攘左一輪佢地三個先肯撤退, 不過都為時已晚, 成點四半lu...要睇戲都太遲, kwan又無錢, 個fd個fd又未到...都係唔睇喇, 放過kwan一馬! 既然係咁, 我地改行程去左影貼紙相, 首先我同kwan一人掏左十蚊出黎影, 簡直就係玩野, 個鏡頭都唔知o係邊, 叫人點影?! 結果第二張先叫做影得似樣d...不過好可惜, 第一張浪費左, 變相係有十蚊dum左落海! 之後過左好耐, 我地先同我個fd影左幾張, 我發覺我次次都係要o係擺post o個陣搞下kwan我先安落~
大約五點半至六點, 我地五個分散行, 我同kwan and my fd就撘火車去左沙田食野, 而其他兩個就拍拖去也~! 我地三個去左沙田吉野家食, 個fd真係食得少喇, 分左一大半碗比我地食, 自己就食少半, 仲要食唔晒tim~! 食完野, kwan去左飲廿四味, 佢話一d都唔苦, 但係我識左一啖就苦到"那"埋口面, 但佢就話好似飲水咁, 擺到明就係佢勁熱氣啦! 食完野就撘火車走...
返到粉嶺, 我送個fd返屋企, 送到去佢留下o個陣, 包包咁o岩又打黎話番緊屋企, 但係就無鎖匙...立即送埋個fd就走番出去搵包包. 見佢無家可歸, 同佢行左一陣花都, 之後先去左雍盛o個邊搵佢個妹拎鎖匙! o係個籃球場上見到崑個fd o係度打波, 同場又見到yan(包包)個妹...乜咁邪ge?! 好喇, 拎就keys就可以送yan返屋企....而我都要走喇, 八點半喇!
今日真係好多活動..."支力"死!
我比今日有70%啦, 見到咁多人~~

>>March 9, 2003 at 12:40:58 AM GMT+8

2003 年 3 月 7 日 星期五 【晴】

玩玩玩~!
同alan玩遲到, 成九點先返到ive, 仲要係食早餐先, 但係收到warnning letter ge ka lok一早就返到同我地一齊食, 好似好耐都無見過條友仔返得咁早! o係canteen又比我地見到fung bee 個仇敵--死肥仔~~
九點八上去上堂, 到左成十一點幾, 我終於都做到我個circuit, 今次係我第一次唔抄人地塊底板, 而又百份百原創咁成功, 真係好有滿足感~~~雖然比我抄開ge fung bee都做到, 但係佢自創ge circuit就錯漏百出, 改黎改去, 進度比我追番, haha~
十一點半放lunch, 難得"闔家"人齊(十兄弟姊妹)話去唱k, 但係至衰我就約左kwan同埋包包o係粉嶺食飯, 如果唔係我就實唱k, k癮發作呀...都係自己拎黎衰...><" . 同kwan去左搵包包佢地食lunch, 有好多人呀佢地, 又有carrie, lipal, lam, 企鵝仲有一個唔知咩名, 好熱鬧~ 今餐食得好飽, 事關我唔小心講錯一句說話就要我食左一籠叉燒包...果然係"食包包食飽"!!
kwan又走堂同chris去篤ball, 我就返ive, 早到左就去hall搵rachel, 今日個hall擺檔比各ive or 學校試下做幫人客落單, 佢地又做得幾pro ga wor! 兩點八就返去上circuit theory totur, 阿sir講乜我都好似唔識咁...好沮喪呀...真係要快d追返先得!
放左學, 我拉隊去左hall, 跟隨者有alan, ka lok, pierre, gary; o係個hall度pierre o係某間"公司"度搞左個同miu ge婚禮, gary又搞個band show, 但係我地醉翁之意不在搞, 而係同個promoter玩, 死gary開頭又話個promoter係佢間學校d人, 又講到似曾曾, 但係原來條友仔係吹水, 勁搞笑~~ 難得個做sales ge又玩得喎, 真係笑爆咀~
五點幾同rachel, alan, kei走, 今日真係happy ar, 笑足成日~
68%...聽日同小白佢地唱k, 好耐無見, haha~

>>March 8, 2003 at 12:33:52 AM GMT+8

2003 年 3 月 6 日 星期四 【雨】

下雨天...
原本約左+x今朝返去做lab, 但係又要做electronic個lab, 整到我地要晨咁早返去! 但係都唔知點做ge, 最後又係等阿kei同埋avis做晒...一d都幫唔到手, 由九點開始到十二點半都係呆呆滯滯咁過...好慚愧呀! 死gary今日終於都返左學, 細問之下, 原來佢呢幾日去左北京玩, 真係過份呀, 上京再南下香港都唔帶d手信~~~^^
lunch又去左"食落美", 今日我地有十條友, 分三張檯坐...有d事就係咁巧合架喇, 比pierre撞番上次佢同ka lok撘檯o個兩個學生妹(幼齒), 死pierre終於都等到喇, 可惜另一男主角ka lok並唔o係度...! 今日食飯都唔好玩ge...無野睇, 好悶~!
一點半準時入到課室, 上堂上到痴線呀, 又眼訓, 頭o個一個鐘都好有心機上, 但係始終都敵唔過佢ge"喃嘸神功",兩點七我就"累"底左喇...兩點十先發功起得番身...攤左三個字咁少已經比面佢, 睇下alan, 佢一入課室就訓底左, 過左一粒鐘之後先聽書, 呢堂變相係拎訓覺!!
放左學, 諗住叫埋+x去gym, 但係恐怕佢係赦左我, 得番我同alan去做...由三點幾做到四點半先走, 今日又係加左磅咁做haha~~ alan好雞呀, 好快就down左, 完全唔係我o個皮, cheap佬~~
返到黎屋企玩icq, 久未露面ge小白居然會約我去唱K, 都好, 橫掂都口痕, 唔駛我約人, 有人黎約我就梗係要去啦~~期待!
60% 落雨+天氣凍, 令到全部人都無乜体力......@.@"zzZ...

>>March 7, 2003 at 12:25:52 AM GMT+8

2003 年 3 月 5 日 星期三 【雨】

陰陰濕濕...
今朝撞到大舊同佢一齊返, 出左火車, 我地見到一個好熟面口ge背影, 死大舊係都要同我輸賭o個個人係咪我地個fd, 無奈啦, 夾硬都要我玩, 明知輸梗架我...擺到明食硬我兩蚊!
返到去都成八點九, 得fung bee o係canteen, alan即刻拎左我份hw 出黎抄, 無大志啦佢~咁arm 我唔識ge, fung bee又唔識, 即係我都無得做, 食番個早餐先算!
九點幾上到去, 個班主任痴埋, 話遲到同學要寫番個later time...跟住遲得大勁揪ge人要叫家長叫佢起身, 成幾十歲人都仲要做埋d小學生野...化下啦!
又定埋d低b rules: 一張檯唔准坐得多過五個人; 唔好背住佢坐. 呢個班主任愈黎愈衰喇!
avis返到黎, 我仲以為我有得抄下我唔識做ge long que, 個係點知佢又係唔識, 又抄番我轉頭...><"pierre仲勁, 成十點幾返到, 乜都未做過, 臨落堂先開始做, 要我地等佢食飯tim!
lunch去左"食樂美", 同楊威分左個餐, 好抵食~~~ 食食下野, 我隔離檯黎左幾個學生妹, 坐我後面張檯ge fung bee係咁o係度望住人地, 人地飲橙汁個樣好cutie, 佢又大大聲叫我睇: "喂, tingfung, 佢飲橙汁呀~" 你死架, 人地坐我隔離檯架, 驚死人地唔知講佢咁~~~之後fung bee仲離譜, 坐埋去pierre張檯, 可以直望到人地tim, 死仔丫~~~
食完野去左買好多零食黎食, 好平呀!
死阿sir 成兩點先黎上堂, 引起我地鼓譟呀~! 做左少少野又話走得, 上左都唔夠一粒鐘...痴架! 好在kk fung無返到, 可以唔駛做lab, 可以早走~
三點幾去左new wing下面踢毽, 有我, pierre, 昌同埋alan, 我地一見有女仔行過就扮晒野咁大力左踢個毽埋去, 做戲做到出晒面呀~~ 四點幾去左canteen hea左陣, pierre要等miu先走, 我同alan回程...!
死gary三日都無返到, 都唔知做乜, 打手提又無人聽, 真係丫...
*今日包包唔知做乜...好惡, 打去比佢講唔夠三句就比佢cut線, 好無奈...都唔知邊個得罪左佢!!
65% 下雨天....

>>March 6, 2003 at 12:07:27 AM GMT+8