2003 年 4 月 3 日 星期四 【陰】

悠長假期!
尋日成四點先訓...今日就昏迷到成十二點先起身, 好夠訓~
無lunch食...又打機又icq咁就到兩點半, 同崑出左去食tea, 順便dum下d 時間...話咁快就到三點半先返屋企~
到左四點幾avis send左個vtc通告比我, 就係咁, 我地ge假期就變得好"悠長"...嚴重影響晒我地返學d進度! 返到學校有排亂呀!!! 又唔知幾時先交學費單返去...白英奇又未錢...點好!
今日就咁過去...好悶...而天氣就繼續反常, 時晴時雨, 加上又悶熱, 屈o係屋企飽食終日...真係好苦悶! 而家d病毒又咁勁, 出街又死, 唔出又悶死...個個人ge心情都好凝重, 到處都彌漫著愁雲慘霧, 振作d啦香港人, 一定會無事ge!!
60%
to celia, 乜而家d女仔咁直接架...問d咁ge問題~ "無"呀!
你呀, 識你咁耐, 你終於都講番句公道話讚下我喇...多謝晒喎~
有冇男仔介紹比你識? 最好o個個都企左o係你面前啦, 不過我唔o岩你架喎~ keke ^^~

>>April 4, 2003 at 12:07:01 AM GMT+8

2003 年 4 月 2 日 星期三 【晴】

mA WaY~
好悶呀今日, 十二點幾一點比lok約出去附近間小學度打ball, 點知當我去到ge時候先發現原來佢又係無波o係手, 而且間小學有人+工程進行中, 閒人免進...無奈咁o係門口hea左成九個字同埋落雨先走...同崑局住返屋企...
到左兩點幾三點, 同老爸, 老媽出左去睇牙e, 今次主角係mum! 去到等左好耐, 三點半到佢, 入到去無一個字就出番黎, 理論上佢係唔會咁快ge, 即係話有問題出現左, 原來個姑娘幫佢約錯時間, 今日係白出....
出番去比mum強行要我戴口罩...今次係我ge第一次, 一戴上去就差d比佢臭死, 而且又焗喎, 未比肺炎整死就先比口罩焗死...
撘車去左上水, 去左mandy間cd舖度買左兩隻cds, 一隻係"My Love", 另一隻係張敬軒唱ge "My Way", 我好少去買cd, 難得今次有人唱得好, 值得我去買! 臨比錢時mandy叫我唔好買住...但係為時已晚, mum已經比左喇...原來由mandy黎買係平好多...真係丫...早響丫ma...!
跟住去左M記食左廿蚊野...有234, 好抵食...我仲好罕有咁出錢請mum食野...食完野就去左買左一孖鞋帶(迷彩, 15蚊jar~)...跟住再行去銀行提左成四千一百cash出黎以備交學費!
無喇, 行埋屈臣就走...上到車我即刻除左口罩, 焗到我wing wing地...真係會死人!!!!!
咁多日無出去, 今日就算無聊都要出, 因為長期o係屋企真係會死....
65%
to carman, 小心身体喇...好多人擔心你!

>>April 3, 2003 at 12:45:21 AM GMT+8

2003 年 4 月 1 日 星期二 【陰】

printing ///\\\///\\\///\\\
好無聊呀今日...又無乜特別事發生...今朝食完個早餐, 打機渡日, 過左一陣就到左晏晝一點幾, 死ho仔悶到抽晒筋咁打黎, 又約我地去打波...不過今日無乜mood, 好稀有咁推左佢地...而且i had a moission--printing! 老爸比左一罐油我, 叫我去油左冷氣機個架, 真係搵d咁ge野黎搞呀...不過都好ge, 等我唔駛咁悶! 卒之比我拖到成五點先油!
臨完之際, 老媽叫我順手油埋其餘兩個架...冒雨工作...又比d油彈到我手又有, 腳又有, 就連塊面都有, 油完就拿拿臨去清潔, 要用天拿水捽, 好很嗅呀!!!!
夜晚o個餐淨係食左一大碗面, 都唔係太夠食jar, 好hungry....><"
今日就咁過去...終於都唔係飽食終日, 有d貢獻喇...對間屋...!
65% 好悶...無去練rugby, 又無出街兩日, 突然好想返學tim...
reply:
to 魚, 你黎左真係又驚又喜...得閒黎多d, 留多d啦...! 我都想約"佢"出黎, 但係而家好危喎, 佢好似唔係咁得閒, 而我又唔想奶野...費事害人啦!
to pierre, 我諗我同你都係咁悶啦...不過你有嫂嫂(miu miu)陪...你就好啦, 悶都唔係一個人ge事...><"
to avis, 都唔記得左你考試tim, 考成點呀?? hehe, 帶口罩呀~!
to fung bee, 你日日都可以足不出戶姐...打機為樂...打都打到厭啦~
好想快d返學, 好悶呀, 掛住all my fds!

>>April 2, 2003 at 12:25:11 AM GMT+8

2003 年 3 月 31 日 星期一 【晴】

漩渦..@/*
難得星期一唔駛返學, 死人都要訓晏d, 訓到十一點幾先起身! 好夠精神, 但係成身都酸痛+軟晒...乳酸發作呀...!
十二點到啦, 拎左前兩日買ge vcd--"漩渦"出黎睇, 係恐怖漫畫家表表者伊藤潤二ge作品...佢ge想法天馬行空, 將日常生活無可能化做事實, 而全套戲都係圍繞住漩渦/旋轉黎嚇人, 例如話一個男人對眼可以同時以不同方向旋轉, 就好似蜥蝪咁...; d學生又會慢慢變成 ...@/* (蝸牛)...千奇百怪, 仲要以極其嚇人and 恐怖ge手法表現出黎...我決定繼續追佢d漫畫黎睇!
嚇完一輪之後就食野...食完野就一邊online, 一邊打機, 好無聊同埋頹廢, 咩叫懶到出汁就係咁解!
渾渾噩噩.......
仲以為今日部手提會唔響, 點知yan又會打黎同我hea 下, 真係出奇喇~ ^^
今日咁就過左去...
50% engry...
62%

>>April 1, 2003 at 12:15:31 AM GMT+8

2003 年 3 月 30 日 星期日 【晴】

輸...
今日天氣時晴時陰咁, 但係咁先至最好去做下運動~
老爸早已千叮萬囑我地唔好一放假就去"冷"街, 可是心癮難當, 難得久未出席打波ge豪仔遼我地去打, 一定要應約! 我同崑一點半出門口, 仲好勇咁唔戴口罩撘車..!
去到球場打波都算多人咯, 今次chris 個二哥唔出黎, 換黎ge係佢大佬+兩個fd(一個唔係咁勁, 但高; 另一個又係讀沙田ive, 此人其準, 不可不防!)...好耐以前(above 3 years!)都同過佢地打, 當年就覺得佢地好勁, 但係而家就...而且我發覺我地都高左好多~!
打左好耐, 有一隊o係紅場打開ge矛王黎左, 都知死梗架喇我地, 果然, 我又比一個自恃有身位ge人pump...頂佢個肺丫, 亂咁撞! 而我mark o左個又高又廋ge人, 幾好玩, 因為同佢o係籃底鬥頂位, 居然條友唔夠我大力, 結果比我刻制到佢八成ge功力, 佢又無甚建樹~之後同左中學同學winson一隊, 今次易打好多~但係始終都係輸波而回...頂位令体力消耗得太快...
打到五點幾, 行左個圈廣場就返屋企喇...!
返到屋企即刻比老爸o趙左兩句...又話我地又去左"冷街"....連打波都唔得就真係同軟禁無乜分別!!
60%

>>March 31, 2003 at 12:44:32 AM GMT+8

2003 年 3 月 29 日 星期六 【晴】

shopping~
今朝我去左一個好多人都驚ge地方, o個度聽到傳出ge聲音會令人覺得毛骨悚然, 好多都想避得就避, 唔去最好, 但係我並唔係咁諗...我今日係特別想去, 真係好辛苦呀...我d牙! 同個牙e講我尋日整左d碎骨入牙縫...跟住同我照左兩張x-ray, 原來係心理作用...呢次定期檢查真係arm arm 好~ 而可幸的事, 我d牙無乜事~~
十一點幾同mum and 崑去左上水shopping, 又係時候買番d夏天衫喇, 熱到不得了, 最後我地買左兩套, 可以mix黎著~! 買完3就去左個fd間cd舖度買vcd渡日...
買完野就去左lunch, 好巧合咁比我撞見兩個失去左聯絡ge中學fds(嫦and婷), 兩條女o係度撐檯腳喎~
兩點幾行多左陣就返屋企...今日咁就完左喇...
64%...今日天氣真係好喇...!

>>March 30, 2003 at 12:24:26 AM GMT+8

2003 年 3 月 29 日 星期六 【晴】

半天假...~
朝早以為"闔家"得我, avis, pierre返, 食埋早餐上到去, 班人見到我都覺出奇, 話我咁都會返...講真, 如果今日唔係為左交功課我真係唔理咁多! 過左無耐avis同gary都返到, 原本以為會得幾條友返黎, 但係無返ge就係fung bee佢地幾個!
十一點半做埋野就放學, 下晏兩點半ge EN就決定唔上! 十二點幾已經返左黎粉嶺lu~
去左chris屋企操winningà 我先贏一round(打到射PK ar!) 遲晒到喇...成一點先落到去同yan lunch, yan好似肥左少少呀(睇側面), hehe^^(chris去左搵carrie)...食完野送左佢地返學就再會合chris殺上佢屋企再操過! 今次係一勝一和~
三點幾再會合崑同埋carrie去崑's sch open day, 都無乜野玩ge, 得個行字, 大不了就係做下"眼部運動", 不過真係幾得架!!
臨走前叫左alan落樓比comics我, 跟住行多陣就返屋企喇!
dinner o個陣勁慘...食食下野比舊小碎骨"kick"左o係牙與牙之間...整到我流牙血...而家仲未出番黎...好辛苦呀..><"
65% 七日驚恐症...

>>March 29, 2003 at 12:47:35 AM GMT+8

2003 年 3 月 27 日 星期四 【晴】

精神飽滿!
+x今日唔返, 即係話無gym 玩, 可以訓到九點先起身, 訓左八個鐘呀~好精神~~
十一點返到去, 都無乜人返到...好少人出現! 個死人阿sir講野大聲+開咪又大聲, 個speaker又o係我地個頭上面...嘈到拆天, avis 強烈要求佢扭細聲d個volume, 佢居然無視我地!!! 反過黎仲話我地呢張檯講野大聲, 必需覆蓋我地! 明明我地無出聲架啦, 而且出聲都未至於聽唔到佢講野啦! 呢d係咩人黎, 小心你個名o係民主場出現!!!
lunch去左禾輋食, 眼前ge情況真係令人難以置信, 附近ge幾間中學竟然無一間有人返學, 同平時虛hum場面大有分別, 做乜連中學放假, ive就唔放? 離譜到李惠利同埋摩理臣山都放....!!?
三點放學玩左一陣就走...
六點半新聞, 香港終於都宣佈全港停課, 證明左事態係何其嚴重...我地仲o係沙田返左咁多日學, 又好易咁接觸到唔同層面ge人, 例如交通公具...等, 而家先黎停...死左先救我地丫不如...不過真係好驚奶野...因為我地上個week先去完耀安...!
"驚死症"....60%

>>March 28, 2003 at 12:21:13 AM GMT+8

2003 年 3 月 26 日 星期三 【晴】

天亡我也!
等左咁好日, 今日終於都好天喇, 祈望下晏有得玩波波~
九點二返到去就已經堂遲到, 明明上一堂話九點三先算遲, 呢d咁ge班主任真係kai到無得頂! 好眼訓, 訓左陣, 到左十點幾, 佢叫我地出去洗個面, 就連佢都趕我地出去, 咁我, fung bee, alan就唔客氣, 去canteen食個早餐先返黎!
半夢半醒咁捱到十二點去左"食樂美", 一點幾返到ive...
我地o係天井見到fung bee個女神開左個攤位, 我地踢完毽特登唔去上堂住都要去做fung bee 一舖! 條死pk仔無乜用架真係, 比晒機會佢都唔同人地講多d野, 扮斯文呀~叫肥仔黎同女神打個車輪丫拿~~!
兩點幾去左上堂...做左少少野, 三點幾都未夠就放學...無聊到爆!
放左學落去跟毽, fung's 女神又o係度, 可惜男主角走左...><" 踢左無幾耐, 阿昌佢地作反喇...同埋文輝同埋hill hill 走黎捉我去祭旗--磨柱...! 佢地追左我好耐都捉我唔到...最後又係比人包同埋氣力不繼而死...上次條褲就話鬆, 食唔正...但係今次係著波褲, 真係high到極點啦! 引致今次事件ge導火線係lunch毫無理由咁做阿昌...引起民憤...慘! 天亡我也! 好tired.........
玩完就返粉嶺, 約左mei出黎食蛋糕(自家作), 都幾ok ga! 同佢hea左陣就走喇...~
64%...無lala 比人做...我要覆桌!

>>March 27, 2003 at 12:27:35 AM GMT+8

2003 年 3 月 25 日 星期二 【晴】

high晒~
好耐都無同+x做gym喇, 成個week無做, 今日去做番, 發覺又加磅ge需要~係好事, 係好事~就係因為咁, 我係咁狂做, 最後...好tired, 成對手軟晒~....><"
難得maths堂"闔家"人齊, 但係好可惜, gary仔又無同我地一齊食...不過今日好好玩, 將尋日ge氣氛延續, 勁估iq題, kei o個個就真係估唔到, 但係ka lok o個個係要到我食完野先估到, 搞笑在知道個答案之後先知係勁簡單~係有比人玩弄ge感覺~不過好在我係第三個脫離被玩ge行列, 一於笑爆未估到ge佢地~
CT堂無乜特別野發生, 到左英文堂, avis出完去聽左個電話之就入到黎就成個high晒~把口好似食過乜咁, 又成日串pierre, 又勁唱歌, 九唔撘八, 總之就以為今日係初一定十五鬼身~好白痴~
五點半, 帶住疲倦ge身軀返屋企...~
68%~

>>March 26, 2003 at 12:18:25 AM GMT+8