2003 年 5 月 22 日 星期四 【晴】

白英奇驚魂夜!
朝早堂EN跟本就唔算上堂...因為有兩份功課等住我地抄完黎交, 抄兩份野都抄左成個幾鐘, 返有聽過書丫! 話咁快十二點半就放學喇!
一行九人去左KCF度lunch, 今日我地傾得好放, 首先ka lok講佢返工ge辛酸事; 跟住講講下又去番d核突野度—"踢波", 勁搞笑! 最好玩莫過於avis, 佢居然唔知d "ball boot"係有"釘", 分左"size"都係呢兩日都知...! 比佢笑到死!!!!! 由於miu黎到, pierre要同佢返屋企操波先~! Florence ge轉數真係慢到嘔電, 明比個陷阱佢踩佢都會中, avis話:" '墳moug慧' 真係'moug屎' 人!"....ha, 勁搞笑~! 而我地就吹到成兩點幾三點先走!
跟住+x and kei都走埋, 得番我, alan, avis, fung bee, ka lok and florence行街街喇! 橫掂都大把時間, 行幾耐都無問題, 但係家姐avis and florence有事辦, 我地四條仔行住game舖先, 行左唔知幾耐先join番六個人再行過. 首先去左幾間買衫ge地方, 目的係為左幫ka lok裝身, 返工又點可以成日都著o個幾套呢, 但係呢個死肥仔好難買衫黎襯, 加大碼都唔o岩身! 真係難搞喇, 好在都買左條長褲呀佢. 然後我地再轉移陣地去左第二間, 死ka lokb見到個sales靚靚地又走去"遼"人地, 真係比佢吹漲呀! 結果佢係空手而回~! 其實行過幾間舖, 有好多衫都係好o岩我同fung bee著架, 可惜無錢買丫~!
最後我地兜埋幾間運動舖, 但係都無o岩ka lok心水and size ge衫, 真係難搞喇, 四點幾佢就去左返工喇!
得番我地五個人, 又再行左好耐先散, fung bee, alan and me有野未拎, 無奈地又要行返ive, 途中我地猜測夜校o個兩位女生今次又會做d乜...諗起都令人心寒喇~! 行o個條死人路真係要命, 好在係撘火車走姐!
六點半準時去到白英奇, 今日真係好無記性, 又無帶三角尺, 比例尺又無喎, 最重要ge兩樣野都唔記得帶, 真係失敗!!
出招喇, 出招喇! 前面o個兩位成日都問我點畫圖...鬼知咩我...尺都唔多把, 點教你地呀小姐~於是我就推比alan答喇, hehe~ 正所謂"一次生, 兩次熟, 三次就一穫熟!" 下堂我地死梗~~! 今次益alan喇~!
放左學又要去買文具, 霎下眼就唔見左五十蚊...跟住去搵埋耆英食野. 死耆英成副大佬格咁叫我去買野飲比佢! 食埋野, 今日又唔見左一張一百蚊, d錢好似倒水咁倒, 仲要返學咁唔見tim!!!!
食完野fung bee走先, 我地三個又要行番去alan舖頭...好"支力"好熱呀!!!!><" 行到身水身汗, 十點就撘番車去紅碪再撘火車走喇...今日真係想死...勁行路!!!!
今日完!
68% in KFC~!
To ka lok, 努力返工呀, 我地撐你!

>>May 23, 2003 at 3:13:18 PM GMT+8

2003 年 5 月 21 日 星期三 【晴】

relax~!
嘩嘩嘩, 三日ge忙碌終於都過左去, 好正!
十點未夠就做完份50題mc, 訓左半個鐘先收卷, 唔訓由自可, 訓完個人仲tired d! 十點五落左去cateen同avis, alan食早餐, 吹左成半個鐘先上返去, 今日d時間真係過得快喇! 話咁快就到左十二點放學喇!
唱k團~~~
今次有七個人去: pierre and miu兩口子, avis, me, fung bee, florence and kei, 唔人齊丫><"!
唱到點幾兩點, +x同ka lok都黎埋, 但係佢地兩個唔駛比錢呀, 今日間neway做乜, 臨走仲一人送一支茶類飲品比我地喎, 好唔尋常! 兩點半走人, 唔係幾夠喉tim~!
三點三就返到fanling, 陪+x買野食and行左陣, 咁都比我見到隻筍碟--鬼鈴, 我等左好耐喇, 仲要係35蚊tim, 平到丫!
買完野先去打波, 今日都射得幾順啦, 成個純射手咁, 今日命中率最高一個係我, 一個係alan; 而我就越黎越似一個好勁ge射手, 千祈唔枇我有空位射呀!!
六點九先打完, 今日比我想像中打得耐, 但係為左等chris還錢, 又要兜去買野飲先返得屋企, 七點半先返到屋企...好tired ar....仲抽筋tim!!!!
祈望聽日係好日, 返夜校~!
68%~

>>May 23, 2003 at 3:10:22 PM GMT+8

2003 年 5 月 20 日 星期二 【晴】

抗戰(day 2)!
祝florence生日快樂! 又19喇!
日日都有present and test, 好易會精神緊張架! 死fung bee就精喇, 十一點半先返到黎上maths堂, 佢真係識養生之道, 過左成個鐘先上! 而maths堂都無乜人聽書, 個個都掛住溫CT, 而且晏晝仲有個english presentation, what a busy day!!!
十二點二就放左lunch, 我地以溫書為名就去左canteen度食, 比大舊一句唔該我地篤爆左有個cake, 乜surprise都無晒lu! anyway, 蛋糕都係要切, happy birthday to florence! 食蛋糕o個陣好搞笑, ka lok將一粒半切ge士多啤梨喻為另一種野, 非常搞笑~~我地又影左好多相, 笑到食唔落野~有部數碼相機我地一定唔會放過, 周圍影人~!
一點半去左上CT, 測驗呀...好唔識...唔掂, 死左呢科喇! 唉, 算啦, 會過去的!
三點未夠就出左課室, 出左去踢毽, 臨想踢o個陣就比pierre拉埋一邊做綵排, 今次算係第一次練, 食晒螺絲!! 踢毽先算!
三點半返左上去eng堂, 睇完阿昌o個組人presentation之後就勁驚...到我地o個陣就淆晒底...口窒><"講完就比佢地問埋d尖銳ge問題, 啞晒!
終於都完喇今日, 又去踢下毽先! 但係踢到一半就比我地見到一d難以置信ge事--fung bee個女神等仔...之後就拖手呀佢地...fung bee幻滅喇!! 點首歌比你--"我愛的人"...!
今日搞掂, 過埋聽日就鬆動d喇, 放12點半~!!
64%!
day 1, project presentation, test. finished!
day 2, project presentation, test. finished!
day 3, test, waiting!

>>May 23, 2003 at 3:09:18 PM GMT+8

2003 年 5 月 19 日 星期一 【陰】

打仗(day 1):
今朝九點就要做present, 之前ge準備功夫都算做足, 經過avis"警戒"之後, 全組人都o係八點九之前返到, 各人進入最後衝刺期, +x同avis好明顯真係有背過份稿, 相比起之下我地其餘四個好似無乜做過野咁!
九點正, 正式present, 先黎ge係leader avis, 連佢都口窒窒, 我地就更加驚! 順住落就到+x...佢係半背/讀咁present...我好慚愧!跟住到alan, 之後就到我, 之前都係睇過幾次, 今次先係正式讀出口, 緊張就無乜, 但係欠缺流暢! 阿kei讀完就到pierre, pierre比我同avis想像中讀得唔好, 起初我都係以為佢會好口齒伶俐...但係同我一樣, 佢仲有d字讀錯tim...! 終於都讀完, 放下心頭大石! 臨落堂我地交晒d野比番阿sir, 包括個report, 想當日我比avis做o個陣得幾頁, 而家有成廿幾頁, 真係唔該晒avis!! presentation又可以講足半個鐘, 個report又可以做足料, 無佢我地真係唔掂, "闔家"入面無一個人無受過佢幫助, 佢真係好勁, 邊個話"女人能撐起半邊天"? 全個天都得呀!!!
過左呢堂我地都算係過左今日ge一半工作, 接住落就係三點半ge C Program test, 差唔多全部人都無溫過書, 全部人都好留心咁o係一點半補課入面聽書, 拎tips! 結果, 得咁少時間入面係好難入腦, 高分就一定唔得, 合格都得ge!
放左學返學屋企lu...!
64%...
跟時間打仗:
星期一: presentation + test. Finished!
星期二: presentation + test.
星期三: test.
挑戰人体極限!

>>May 23, 2003 at 3:08:29 PM GMT+8

2003 年 5 月 18 日 星期日 【雨】

busy...
尋日四點幾先訓呀...好tired...今朝成十一點幾先起到身, 好在仲趕得切睇nba地帶姐~都成幾個星期日無睇過~!
到左晏晝, 好q悶, 但係就開始電話響過不停喇...雖然鈴聲係悠揚悅耳左d姐, 但係響得多會好大壓力架...><"
到左差唔多四點, 去到alan樓下等佢, 如果唔係為左交log book我實唔會咁特登出去呀...貪得意咩! 拎完之後都無乜頭緒點做...抄算啦!
去緊alan中途, 比舊年found dip璇姐撞到, 佢打招呼ge方法又幾特別, 先伸手一掌"中"我心口...跟住講唔夠幾句, 臨走又比佢搣左下塊面, 嘩, "搏mong"呀! ><"
四點半返到屋企...
dinner好似鬼上身咁, 食左三碗飯, 飲左一碗湯, 一隻香蕉+一隻橙, 真係好耐都無試過食咁多野喇...唔通...唔係掛!
夜晚, 係時候做下log book 喇...都係抄姐, 但係眼見alan成日都串錯字, 好唔得喎~最後都係淨番少少未做!
之後我個電話不下響左三次...好繁忙呀~ 但係可惜丫...唔係...
聽日開始連續三日忙碌生涯: 星期一 test c program, present; 星期二eng report + present, CT test; 星期三CO2 test! 死未! 一日廿四個鐘其實唔夠我用!!
65%

>>May 23, 2003 at 3:07:34 PM GMT+8

2003 年 5 月 17 日 星期六 【晴】

充實~!
一早出左去唱k, 本來今日係要返學, 仲要係11點to 12點半, 但係上electronics都唔駛聽書ge, 仲話要明係講tips and 交assignment, 呢d咁ge野問人做番都得得, 所以就糾黨去唱k la~
今日都算多人去, 有我, kwan, chris三仔, 阿姿, 阿魚同佢個契妹三女, 今日都唱左唔少唱喇! 幾好幾好, 唔錯唔錯, 我等左呢一日好耐喇, 佢地兩個出晒黎~!
兩點半唱完k, 一行六人去左銀城度影貼紙相, 我地用左一部唔係咁識用ge機, 部幾野除時都影ge...我地用左四十蚊黎影左一輯"無奈"番黎! 我地五個心有不憤(chris無影), 於是決定夾多四十蚊"學費"出黎影過第二部, 今次呢部阿姿話識用, 影左出黎都係"可以接受"jar...唔記得校背景, post又唔係太好...所以我地五個又再拎多四十蚊出黎影多次! 今次就真係唔錯喇, 想要ge效果都出左黎, 唯一美中不足就係好難分割, 好細張丫~!
影完相大約三點半, 最衰我有事忙, otherwise我一定唔會咁早走住, 實同佢~地行多陣! 阿魚同佢個妹撘地鐵, 阿姿約左fds行街, kwan and chris又去左篤ball, 而我嘛...返左ive幫fung bee and florence 做英文project! 六個人兵分四路, 各散東西!
四點返到學校, fung bee and florence一個搞緊個powerpoint, 一個就作緊對白, 我呀, 又做下powerpoint囉, 要執靚佢! 一路係咁做呀做, florence走先, chris之後黎左沙田, 不過無野比佢好做, 比左個波佢玩住先! 問fung bee今日electrionics教過d乜, 佢話條阿蛇無叫佢地交功課, tips都無講, 淨係教做功課! 做埋d無聊ge事, 好在今日無返到去姐~~
做到六點三, d野都完成八九成, 手尾返屋企執, fung bee又要出旺角, 我就去左籃球場同chris單挑!最後o個場one on one玩五分, 居然比個平時無咁準ge low b射入左四球, 5:3輸波而回...比佢射死, 我都無話可說咯! 仲要有主場之利tim...
七點半倦極而回, 去沙田食野途中先去禾輋掃平野飲, 真係好抵做!
去到沙田都係食m記jar...無錢><", 一路食就同low b chris吹水, 又講番今日d野, 互吐心聲咁滯啦!
火車回程途中又講埋其他九唔撘八ge野...真係丫~
九點半返到屋企, 休息一輪之後, 十一點幾又要努力過個英文project, 呢個week真係busy, 但係d時間過得好快!!!
68%...唔知會點呢...?

>>May 18, 2003 at 12:54:51 PM GMT+8

2003 年 5 月 16 日 星期五 【晴】

勁眼訓...
尋日真係搏晒老命咁做野, 做到時間都唔知, 最後兩點十先去訓...真係未試過咁勁架! 但係今朝朝早又有堂要上, 七點九先起身, 勁唔願呀! 眼訓到想死!
我就準時八點半到火車站等alan, 但係佢條粉皮又未訓醒, 要我一個人自己返, 我返到去得楊威o係度, 而"闔家"之中我係第一個!
今次做野又係要分組, 五個人喎, 但係得一丁友, 做鬼做馬咩! 咁就拎左份project 1 report出黎作喇! 人就陸續咁返到, 成alan到左成十點半先同pierre一齊出現...呢d係咩人黎架!!!! 仲話同我九點返到ive食早餐tim, 又放我飛機!
avis返到黎成個樣謝晒, 仲面青口唇白, 勁謝呀!
十一點半就放左lunch, 行左一陣就去左好耐都無去過ge"小巴黎"度食, avis同florence後來先殺到, 而avis就真係好唔掂喇, o係短短五分鐘內出現左五個"errors", 完全唔似平時ge佢, 或者佢今日返黎就係一個大error~!
好早就食完野, 跟係我地係咁行, 行到成兩點幾先返到禾輋, 我, +x, ka lok每人買左一支成750ml ge豆漿, 兩個字之內就吹晒, 好飽呀, 連深呼吸都有困難! 死未, 四蚊飲到反肚!!!
CT堂有冷氣房, 我全場只係用左頭廿分鐘努力聽書, 但係最後都難頂眼訓而休息! 真係好頂癮呀, 到左成四點三先放學, overtime左45 mins ar!!!
放學去左踢毽, 直至我地踢爆左個毽先走!
返到屋企又要做project...好在有人會help me share姐! thx a lot~!
65%

>>May 18, 2003 at 12:49:07 PM GMT+8

2003 年 5 月 15 日 星期四 【晴】

忙碌+疲倦!
尋日做做下英文成一點先知今日要返八點半做lab, 真係"lor"膽! 簡直就係想我死! 今朝就好無奈+唔願咁起身, 勁難頂囉!
返到去又唔識做, 成堂又o係度hea, d野留番比alan, ka lok佢地做晒, 而我地幾個就o係度抄功課! 十一點多d, 同楊威去左食早餐頂肚, 無食早餐想死呀! 食完野上到去唔夠三個字, 睡意正濃, 訓左半個鐘, 好左好多, 醒左都係無想到佢講書, 等到十二點半放lunch...都係好肚餓!
我好少有咁食晒一碟飯, 證明用得太多精神係會好肚餓架! “闔家”依舊欠gary!
點半返到去上最後一堂DE, 阿sir比左份classwork我地做, 我盡最後努力問野, 多得alan同埋avis教我啦, 唔係一定死得更慘!
三點放左學唔知做乜好, 我, alan, fung bee, alan去左踢毽, 四點就走lu...三十度高溫!
四點幾去到alan o係jordan ge book store, 淨係執d文具都每人六十幾七十蚊...fung bee好似食錯藥咁, 轉數勁慢, 可以拍得住avis and florence! ha~
咁樣搞一搞又到左差唔多六點, 我地去左m記食左少少野...未到六點四就到左白英奇喇!
今堂個阿sir 終於都正式教野...真係估唔到連室內設計都要計做, 要計一d 比例ge轉換, 好在都係小學數黎姐! 本來我恰緊眼訓...但係醒左喇!
上次前面o個兩個學生女就跌唇膏, 今次問我借紙巾, 下次可能到alan~ 屎橋~!
八點放學去左信和行一陣, 然後我地三個去左大家樂食野, 又咁o岩比我地撞到anson喎! 我地食到九點就走lu...
撘火車回程途中...我好眼訓, 好在有得坐姐, 坐左o係度訓下醒下, 好不爽!
返到屋企都十點幾...又得好少時間做projects tim!
65%

>>May 18, 2003 at 12:47:03 PM GMT+8

2003 年 5 月 14 日 星期三 【晴】

好眼訓呀...><"
呢幾日日日都係好夜先訓, 又要好早起身, 日日都唔夠訓, 番訓呢樣野經常出現, 好似今朝咁, 差d又番訓, 好在有個"醒神morning call"打黎姐! 真係唔該晒, 無呢個電話, 我諗我又會遲到!
就算點準時都好...今次係火車累事! 都遲左成三個字, 遲到tim...不過呢堂CO2做lab, 都係唔識架啦! 阿kei遲返, 但係有幸同佢一組, 挓佢ge鴻福, 成功做到兩個circuit, 唔應晒!
lunch比florence o個個生日免費pizza吸引到, 成九個人去左食pizza, 今日都幾抵食架喎, 每人先廿六蚊~ 我發覺我地成日都同kiko似熟賣熟喎, 公然o係佢working hours同佢吹水! 原來kiko都會望女仔, 佢見到有個幾靚女, 順口同我地講, 梗係靚啦人地, 拍KFC廣告架喎!野少架~!
食到成兩點先走, 班友仔又話唔上I.M. 勁無奈啦我, 死alan本身又話返, 點知個個都係機蟲, 打少陣都會死, 淨底avis一個返...而我有少少被玩弄ge感覺, 仲慶過辣雞, 辣過火屎! 唔好嘈我!!!!
返到屋企只不過係三點, 都無試過咁早架, 見無野做就update番d日記, 然後都係時候做下d projects la! 點知原來係咁麻煩ge! 淨係搵料都搵到我死!
間冷氣房實在太正喇...頂唔順訓左半粒鐘, 咁先力再搏殺!
以後呢幾日要努力+努力+努力先做得掂! 兩組人ge生命o係我手中...好大壓力呀!! 做乜要同時交咁多野呀!!!!?
*睇完ka lok個info先意識到時間過得好快, 今年返學好開心, 識到"闔家" ge members, 雖然到左出年一定唔會人齊, 但係真係要努力d制造奇蹟!
62%...無奈!

>>May 18, 2003 at 12:44:31 PM GMT+8

2003 年 5 月 13 日 星期二 【晴】

illp...
尋日我好難得咁做功課做到一點幾成兩點先訓, 好耐都未試過咁勤力喇! 都係時候努力下喇! 但係都係未做得晒...今日返學努力做過!
十點半就返到去喇, o係canteen hea左陣就上去做埋d英文illp...趕頭趕命, 但係都係同alan互相抄襲姐~ha~
到左十二點半落堂, 仲做淨五份reading, 食完野去左libar做多左一份...都係等死架喇! 死pierre抄就抄得多~但係都係做淨五份reading~
CT堂講pass paper, 好似食左火藥咁周圍勁噴人, 都唔知佢想點!
3:30英文堂自首, janet又好人喎, 比我地最遲聽日先交...! 好野~!
放左學做左一樣好耐無做過ge運動--踢毽! 好耐無玩過喇~~~~
返到屋企又係要做功課, 不過今次好易做!
下個禮拜就死喇, 兩個projects, 2 tests...死得喇今次!!
65%~
昨夜我傷了一個人的心...

>>May 14, 2003 at 3:44:25 PM GMT+8