2002 年 12 月 16 日 星期一 【晴】

照舊八點火車站等alan...點知....唉~佢太令我失望, 又遲到...cher, 又要一個人返學...好悶呀~.~"
跟住八點半, 好準時咁打比車人叫佢起身...嚇死我...佢阿媽聽電話....晨早流流嘈醒人tim...><"
上到去做lab, 條狗屎阿sir又發揮佢ge狗屎威力, 嘩, 串到佢丫, 真係唔想再提佢...最令人扯火就係pierre拎部即影即有出黎影大合照, 點知隻狗拎份notes出黎遮鐘頭, 我第一次見d咁無品ge人! 之後仲話pierre:"19號, 你十點四十七分返到黎, 到左十一點十三分, 你都無做過野, 一路o係度玩........"嘩, 呢d咩人黎架, 淨係叫人number, 無名你叫呀而家! 呢個阿sir好唔得...!
lunch pierre又去左"溫"女...跟住我地就去禾輋間上海舖食, 點知就越黎越多, 最終有十二個人同檯食飯, 好逼, 但係就幾好feel喎~食飽左同鋒去左惠康買綠茶...都係買比人姐...搵極都無嵐o個隻...死啦! 返到去又咁o岩撞到佢喎, 仲好, 唔駛我拎黎拎去~
唉...點半去左上auto cad, 要test ar...死左啦...唔駛講野, o係屋企又無得溫, 真係好無奈...基本上係無乜人做到....就係我正在迷茫之際, 個電話o係度勁震...想嚇死我咩...就係呢一嚇, 反而醒返少少, 終於都有d頭緒.....
兩點八做完放左break, 唉, 我地成班無大志ge人去左canteen抄maths...阿sir實會勁無奈!! 到左我抄完, pierre又拎左部影相出黎, 即場同佢影左張, 又影得幾好喎, 衰鬼~
影完相就出左去踢毽, 踢到四點先去上堂, 勁誇張囉...不過返到去都唔係上堂啦, 我地就o係度玩icq同埋玩game囉, 成班人都好散慢...淨係得呆呆滯滯o個班有做野, 無計啦, 佢地個樣太似讀書人喇~!
無無聊聊又到左放學, 節目照舊...好痛呀隻腳...><"
玩到六點幾, +x同alan話要去pierre屋過夜喎...痴線架呢幾個人...!
一心諗住聽日有戲睇ge我, 因為無乜人去ge關係, 聽日無得睇"雙瞳"喇....乞人憎!!
聽日一於整亂pierre屋企先!!
*鋒今次唔黎就真係要執劑佢--磨柱!!

>>December 17, 2002 at 12:09:49 AM GMT+8

2002 年 12 月 15 日 星期日 【晴】

朝早無乜好做, 訓到十一點幾為左睇nba, 星期日係我訓得最足ge一日!
三點三去左打ball, 好耐都無同penny打過, 打之前佢比左佢個net fd ge相我睇...嘩, 真係"dum"一聲呀!! >"<
過左無幾耐, lok同佢個fd黎到, 同佢地夾左幾場, 好好玩~
打要唔知幾點, 去左隔離場同chris舊年ive個fd打全場, 好耐都無試過咁打法, 仲要係街場, 而且己隊ge夾法仲係第一次見...我, 崑, chris, kwan, penny...都唔知打乜...連打兩round都輸...第一舖仲要輸到不知所謂...我仲比人kick跌左, 隻左手先arm arm好番, 而家到右邊身, 今次仲多左好多傷口, 手掌同埋腳都有, 隻腳就仆得比較勁...程度同上次左手差唔多...今日仲要乾燥d tim!!!! 到左第二舖, 比較似番d樣, 結果都係輸, 但係都係輸幾分之ma~~第一次夾係咁架喇, 點同人地成日打開呢~
六點幾, 我地五個去左m記食野and 吹左陣, 而我就打左比carman傾, 換句話講, 佢地講乜我係完全聽唔到同埋唔知佢地講乜! 過左無幾耐, penny拎左部數碼相機出黎影我地, 我仲特登叫佢影我今日ge"戰跡"!!
同carman傾左差唔多一個鐘, 到落車先收聲, 好耐都無用手提傾咁耐, 對上一次可能係三四月同yan傾過到而家...而我全程都無同崑講過野, 好似忽略左佢咁, 到左落車先講番野~~
夜晚食完飯搞掂晒野成九點半, 睇唔到titanic開場...不過有一樣野好搞笑就係, 平時一嬲唔睇"鬼"片ge mum今日比我引左去睇呢套巨著! 仲要睇到十二點半tim, 事關佢晚晚都係十一點就訓, 佢肯睇晒就足證呢套戲有d野!!!~

>>December 16, 2002 at 1:00:33 AM GMT+8

2002 年 12 月 15 日 星期日 【晴】

好很悶呀今日...同崑食早餐...晏晝打機打左成日, 三點幾, 崑個icq有人add佢, 一睇之下, 原來呢條友我都有, 跟住就問佢拎相啦, 都知佢唔會比, 我地搵左張人地ge相比佢, 佢又好似信信地咁喎, 勁搞笑, 而佢好似發現左我同崑係有關係...算把啦~~到左四點幾就同佢踢下毽...佢d腳法十足阿kei咁, 真係好似!!!
到左五點...去左屋企附近一個親戚間小食店度, 本來原意係拎野比mum, 但係難頂肚餓, 要左六點食埋dinner先走, d野食一般啦, 不過好耐無o係o個度食過野喇...坐我隔離係阿婆同埋mum, 好耐都未試過同阿婆同檯食飯喇~~
夜晚自己做下掌上壓同埋sit up...好tired ar...><"
無喇, 今日就係咁喇...有hw又唔想做, 就黎又要test...呀, 好頹呀!!!

>>December 15, 2002 at 12:16:56 AM GMT+8

2002 年 12 月 14 日 星期六 【晴】

尋日同carman傾電話由十二點傾到三點半....其實係為左等佢篇日記jar...好眼訓@_@...今日訓到九點幾去左食早餐, 十點+x打比我, 原來佢比我同alan呃左早返, 跟住我先約fung返十一點半, 點知我同alan都遲到, 成十一點八九返到去火炭, 問下佢地o係邊, 一時又話去禾輋, 跟住又話去左neway...玩咩, 整到我地兜左個大圈!!
十二點多d入到去都幾多人喎, 有pierre, cathy, angie, ka lok, fung, +x, 楊威, 加埋我同alan九個人, 但係都比星期一少左個--就係kei! alan好無奈呀, 因為佢最唔想就係唱k, 但係點知呢個week就唱左兩次, 佢全程都無唱過, 淨係食左碟飯同陪唱!
唱到唔知幾點, pierre返chior早走, 我地就唱到兩點四急急腳返去上ct串精sir ge堂!
呢堂勁好玩, ka lok同pierre一人一句串阿sir, 阿sir又要還拖, 場面勁搞笑~~而我發覺我上tutor先會聽得明阿sir"up"乜! 都好, 起碼臨放假前都聽得明佢ge野先!!!
放左學同阿昌返左李惠利, 返到去已經見到william同波仔, 之後又撞到kwan, 放低左d bag就同kwan去左買毽踢, 條友完全唔係我o個皮~終於肯認輸~~過左無幾耐, 見埋ka ho, 風光啦佢, 做左ive足球院隊正選前鋒~過左無幾耐阿man落埋黎打ball, 打左兩round都成七點, 跟住就走喇~好懷念舊年成十幾條仔一齊沿住窩打老道走ge日子~~~found dip ar~~
同kwan撘火車寫左半張christmas card比肥鬼, 要快d搵多d人簽名先得~~

>>December 14, 2002 at 12:44:37 AM GMT+8

2002 年 12 月 12 日 星期四 【晴】

今朝約左carman o係火車站等, 約埋一齊返學, 見到佢o個陣係拎住notes study...但係佢係無乜點溫過, 返去等死啦~去到火炭見到+x就一齊行, 第一次有男有女咁返學!
返去ive差唔多九點, 同阿sir講聲之後, 我, alan, +x同埋一個同學去左gym room度做体能, 原來我地個個做掌上壓都好屎, 我得33/min...而sit up還好, 都有50/min, 死alan有成55下....痴架!
差唔多十點去返做lab...都唔知做乜...傻下傻下咁到左十一點...又要轉課室, 真係煩!
之後o個幾鐘都好似無上過堂咁, 成堂都玩楊威個"ball"...十二點半放lunch, 有八個人, 都唔算少...食完野o係禾輋見到ka yu打ball, 吹左兩野我地就返去先, 係時候要上堂!!!
放左學, 見到ka yu, carman, miku佢地班人玩數字球, 我地就o係佢地隔離踢毽, 佢地都玩得幾顛架喎, ka yu仲砍頭埋柱, 超大聲...勁爆笑~~~本來都諗住去玩埋一份...但係太多唔識ge人喇...shy ar~~下次先玩~~
四點半, ka yu佢地去左上堂, 我地就繼續踢, 我同alan and +x要練絕照, 人無我有, 終於我地都有一人一招~^^
踢到唔知幾點, penny放左工黎拎cert. 玩左無一陣間就走lu! 臨走又約埋carman...
o係火車入面, 有個麻甩佬無lala訓底左, 好多人圍住黎睇, d人好似無乜常識...仲要圍住晒個人, 驚佢唔死得咩!!! 跟住pierre 通知車長, 個男人又無事lu 喎!!
落左車, 同alan去買christmas card, 之後同lok行左一陣就返屋企喇!
十一點幾, 舊年ive幾個fd打黎, hea左陣就約埋聽日一齊返去李惠利拎cert. 好耐無見喇都...又係時候出黎玩下~~

>>December 12, 2002 at 11:58:20 PM GMT+8

2002 年 12 月 11 日 星期三 【晴】

朝早o個兩堂終於都唔駛對住個串精sir, 換左係班主任教co2, 科野講落去好似會好難, 但係班主任好似幾好喎又, 不過佢對遲到ge人比較執著, 要問原因, 咁又係ge...班應該有43人上呢堂, 但係開始左幾個字只係得十九個人返左, 阿sir問都係有原因! 上堂o個陣都唔係上ge, 由於尋日fung o係呢度留完d野之後就引黎好多問題, 所以今日決定左同佢執番劑--上堂猛敲佢隻手落檯, 好玩丫~~
lunch返黎踢毽, 成十個人踢到overtime左成三個幾四個字先上去, 因為呢個阿sir太"林"喇~上堂淨係半抄咁計左幾條數又走得, 同上個禮拜差唔多時間放學, 幾好, 但係咁樣我反而覺得唔係咁安落...因為覺得阿sir 好似有些少放棄我地ge跡象....計完數去左後張檯研究楊威個"magic ball", 好好玩, 但係好"支力"架..
放左學去踢毽, 途中見到carman轉堂, 佢又唔拎個ball落黎玩下喎...跟住我地跟住隔離ge 唔知乜學會ge music beat黎踢, 卒之, 我d技術返晒黎喇, 可能係夠訓~~
我地由差唔多三點踢到六點, 好誇張, 而ka lok就全程玩magic ball, 好白痴呀~~~
臨走, carman用miku手提打黎, 無lala話想聽pierre扮女仔聲, 佢地聽完後都話好似, 死佬丫, 好一把令人羨慕, 音域又廣ge嗓子!!
跟住各散東西lu~~今日就係咁!!

>>December 11, 2002 at 11:56:38 PM GMT+8

2002 年 12 月 10 日 星期二 【晴】

八點半鬧鐘響左...但係要到左八點八先起到身...好眼訓and tired...
返到去ive上math...本來好有心上堂, 仲要坐好前tim, 點知alan坐坐下走左去同fung坐, 得番我一個人...又眼訓, 都係恰恰下咁上堂, 吸收力得番三成! 到左差唔多十二點, 無返到ge pierre打黎, 條友仔蠱蠱惑惑咁話買個cake比今日生日ge ka lok~~
lunch o個陣, 有人打左個電話黎之後就比人串足一個下晏...無奈啦~~!
after lunch, 我地成班人返左canteen等pierre...但係佢遲到, 又要上光頭sir ge堂...唔走唔得, 惟有delay個慶祝!
三點放左, 捉埋ka lok去canteen, 我地有十一個人, 開埋蛋糕等佢, o個陣ge canteen都幾多人, 終於都叫比左個surprise ka lok~成fung shake左枝香檳, 要等ka lok開, 佢開o個陣個塞真係"卜"一聲飛左上天花板~幾驚佢亂向住人開呀~!
之後我地就將個cake分屎, 係一人一叉, 全自助形式! 十一個人一人一下, 好似餓狗...跟住文輝黎到, 同我地影相, 獨欠阿昌同+x, 係就係有d可惜, 但係呢張係我地呢班人第一張咁大型ge合照!
食完個cake返去上英文堂, 終於都教gramma, 教到好多人都有"?"~~但係我上英文堂出奇地腦清淅喎~haha~^^
放左學踢一陣毽就走左lu, 好tired...ar....
*ka lok生日快樂, 但係咁今日除左係佢生辰之外, 仲係小丸子爺爺ge死忌...因為終於都比我地玩殘左!!
希望快樂可以延續...

>>December 10, 2002 at 11:47:01 PM GMT+8

2002 年 12 月 9 日 星期一 【晴】

好凍呀...今朝七點起身, "gup"一"gup"溫度計, 只係得十度...仲要係唔當風ge位...無lala又會咁凍都有ge! 有見及此, 我就著四件衫, 真係好少著咁多(兩長兩短, 其中一件係樽領冷衫), 仲戴埋冷帽tim!
alan遲到...要自己一個返ive...
返到去, 個個都o係度研究我頂帽, 因為後面有一個好似眼鏡ge軟墊~
呢堂返去係做project, 由另外兩個阿sir接手教, 其中一個就係全日我都無見到佢出一句聲, 而另一個就勁狗屎, 成日都懶係嚴咁, 成日叫人唔好嘈, 其他組都有嘈啦, 又唔見你出聲, 仲要指住我同我組人講!! man到呀你, 咁燥! 又唔知自己件冷衫前後調轉黎著, 我地都笑左佢好耐架喇!
好喇, 到左分組做project, 佢話五個人一組, 但係可以有三組係六人, 又唔人齊, 我地成十一個人, 我就同alan, pierre, +x, kei, avis六個人一組, 點知個狗屎人就走埋黎同我地講:"你地唔可以六個人一組, 一定要五個人!" 你想點呀狗屎人, 另外七組人都差唔多組組都五個爆晒啦, 阿昌佢地又未返齊人黎組group, 我地有六個人好正常姐, 隻狗又話要下次齊人返黎將多左o個三個抽籤分落其他組度先可以有六個人! 你死架, 全班四十三人, 八組點分呀! 咁你叫我地自由組合? 你而家又話要抽籤! 你無野呀?! o係呢個時候, 我地呢組就同隻狗扯到"行"晒, pierre終於都忍唔住, 就好有禮貌咁舉手同佢講:"阿sir呀, 你介唔介意同你講一樣野呀, 你件衫調轉左黎著呀!" 嘩, 呢句一出, 我地成檯人都心涼到死呀!!! 之後過左無幾耐, 隻狗終於去左調轉番件衫, 佢唔著由自可, 佢而家咁調番簡直就係成身屎, 仲要比我地見到佢轉番tim, 我地即刻笑到"dum"晒地, 想死呀~~~~心都涼晒!! 呢條狗屎人係繼co1串精sir之後, 我地最憎ge人就係佢!!!!
12:00放lunch去左neway唱k, 發洩, 死鋒學人玩氣氛, 吼pierre唱緊o個陣勁玩, 激到佢啤啤聲~我地唱到三點幾成四點先返到去上堂(呢堂係上3:30 ga)...
上上下堂, carman打黎話佢走得, 但係我一坐低左就唔係幾走得...見你病都想見下你個殘樣, 跟住就落左去見一見佢就走lu~
無無聊聊又好"支力"咁, 上番去就訓左陣...唔好意思喎alan, 一d都help唔到...如果係pascal我就得...但係呢d...真係唔識!!
放左學就好乖咁返晒屋企lu!

>>December 9, 2002 at 11:50:56 PM GMT+8

2002 年 12 月 8 日 星期日 【晴】

尋日同carman icq chat到三點先訓, 而且又打完ball, 好訓到今日十二點先起身, 一起身發覺凍左好多, 又落雨, 個天陰陰濕濕咁, 睇一睇溫度計, 得十二度, 死未!
到左四點幾差唔多五點, 同carman傾左一陣後就換衫喇要, 新ge冷衫and 冷帽終於大派用場~~見到lok之後佢見我戴冷帽佢又要戴, 出番黎之後佢同我個look簡直有九成相似:冷帽, 頸巾, 癩屎褲, 波褲打底...好似shine 咁! 跟住我地就齊齊去"禁毒滅罪耀北區"~~
去到fanling, 同佢去左食kfc, 食完去粉嶺中心"睇野", o係無野做ge情況之下就落番去the place of function喇...排隊入場o個陣見到佢個ex-gf, 睇得出佢仲係好笠人地架~
入到場, 同佢吹左陣之後, yan打黎, 佢話有兩張坐飛呀, 好吸引, 但係我同lok仲有"事"要做, 推左lu, 況且又唔係同佢坐...>"< !
條死仔lok原來試好多人, 同佢一齊好似去ball咁, 成日都撞到佢識ge人, 又有net fd wor...好在我都唔弱, 比我撞到ho仔佢地~
原來有好多singer都唔唱live, 都係學友最勁! 終於第一次睇show唔駛睇廣告~~
睇到好似九點四, lok有野做要走先, 我就惟有去搵ho仔喇, 到左the end of the show就約埋yan一齊走, 但係我撇甩左ho佢地喎~
見到yan, 得著一衫, 唔凍就有鬼! 送完佢撘車之後就返屋企lu~
今日企左成四五粒鐘...好tired...又好眼訓! Z_Z"

>>December 9, 2002 at 12:29:48 AM GMT+8

2002 年 12 月 7 日 星期六 【晴】

朝早好悶...約極人都無乜人想出, 仲諗住...kwan又要等點半睇埋場ball先, 到佢睇完兼得閒又成兩點幾, 乜mood都無晒啦, 跟住就好無奈咁無出到!
由朝早一路係咁打機, 打到四點幾, 勁悶...之後同yan傾左陣電話又繼續打機同埋icq, 呢個line on得正好, 住o係屋企附近, 又係幼稚園同學(世交)又係ive schoolmate ge lok約我去附近ge小學度打ball, 種感覺勁得意, 佢o係我悶到發慌ge時候救左我~跟住就同崑應約, 我都係第一次著拖鞋去打ball !!
去到小學, 我地三個人射左陣ball就開始one on one, 由五點幾打到六點半左右啦, 開始玩入樽(係一個校矮ge net度玩), 我雙手入樽呀~~~但係單手就難d喇...隻手比個圈整損左呀...好在係少事黎姐~
我地一路玩就一路吹水, 其間, 有人打比我, 死lok就話係我條女...我無丫...又唔信喎, 又係話我至少兩三次...連條死仔都係咁講! 無奈啦我!
返到屋企有得食鰻魚飯同壽司...~但係d野睇得唔食得...有陣味!!
夜晚十一點幾, lok有飛約我去睇"禁毒滅罪耀北區", 可以話係一個露天concert, 正! 好期待聽日!!

>>December 8, 2002 at 12:22:00 AM GMT+8