2007 年 2 月 16 日 星期五 【晴】
哈哈...其實真係唔係好明...咁多女仔又係度尋覓緊愛人...
好多男仔亦都係尋覓緊愛人...但係點解仍然係聽到咁多的悲劇發生...
是人喜歡矛盾...還是天生是被虐待狂???
有朋友喜歡出街玩樂, 喜歡新鮮...但偏偏就追了一個平凡的女孩子...到頭來得個悶字...
有朋友是浦人...落bar, 落d識女仔...仲經常有不少女孩子和他睡...以為他的女友會不是味兒吧??
誰不知都是半斤百兩...
有朋友失去後說喜歡男孩子溫柔體貼夠細心...到頭來只是喜歡帶點壞的男生...
難道真的是浪子回頭湯不換...??哈哈...
處處鄉村處處例, 情侶間的種種...不是常人的我能夠明白...
自己愈來愈逃避了...而家追得到又條件好的...不是拜金的...
不是拜金的又會很兒戲...或者是自己也變得兒戲就可以了吧...哈哈...
苦等, 求其??哈...我想我應該選擇前者吧...
anyway...做好各方面的準備是必要的...
>>February 16, 2007 at 12:46:50 AM GMT+8
2007 年 2 月 14 日 星期三 【酷熱】
這個版比人的感覺舒服多了...不像xanga般...喜愛的大家可以自發地留言...
又不用login...真的很好...^^...很喜歡這一切...一個個的回憶...想想自己...
總是貪新就忘舊了呢...>"<...希望唔好再發生吧...!?
這裡會寫一些內心少訐的野...可能會好短...亦可能有d人會覺得唔岩聽...哈...
唔緊要...依度都少左好多人來喇應該...
就到情人節了...今年又再回復到孤單的過吧...不知道有否聽過...
人很深愛一人的時候...會將自己的靈魂分給另一半的...當失去左另一半之後...
那遺失的靈魂仍然會繼續的遊盪...尋找...大家又會唔會再一次找到那失去的靈魂??
還是會繼續尋找下去??哈哈...好難懂呢...
曾經深愛的妳很幸福呢...在這再一次送上無限的祝福...但願妳每一天都過得快樂...
亦都祝福自己可以更快的找到那失去的另一半吧...^^"
好像好無聊呢...但那是真心真意的...^^
>>February 13, 2007 at 11:51:33 PM GMT+8
2007 年 2 月 13 日 星期二 【晴】
星期六 2月10日
大埔拯溺會之 電車派對生日會...
哈哈...今日係預定左係一年一次的大埔拯溺會生日會...今年又係二月最多人生日...無奈呢...
大家都唔清楚會去邊度...只有幫手個幾個會知道。好似平時咁...一早去左打籃球...
之後食埋飯返屋企訓一陣...等夠鐘就出發去太和百佳集合...因為有車出西灣。
加加埋埋都有十幾人嫁...一齊坐車去...途中又係打NDSL...哈哈...
不過唔慣抬咁耐車...又頭痛又想喊...無奈...終於都去到西灣喇...
原本我地都諗住係食浦飛...哈哈...點知原來係電車派對牙....哈...
一上車我地就當然係參觀下架車先啦...之後就開車lu...無奈就開始食野...
今次叫左到會食...以拯溺會一直以來的傳統...食得的都好快會比人掃哂...哈哈...
食完野就坐下抖抖...跟住佢地係度玩包剪揼, 輸左就要擺pose比人地睇=.="
我同家希傾左陣計之後就玩另一樣野...係架車度同d途人say hi同埋揮手...途人有反應的...
我就會比個yeah佢同同佢講bibi...哈哈...原來都有幾多人理我地嫁喎...
之後佢地又加入戰團...黃sir最癲...係度問侯各個地區的人...哈哈...
快樂的時光好快就過去...我地返返去起點就走喇...真係好多謝今次的舉辦人...陳sir牙...^^
之後唔知點解地各有各解發左...咁我, 陳sir, 細妹, 怡, 澤, 馮偉, 子裕, 鋒就去左旺角行陣...
之後去左玩射籃球game同埋影貼紙相...哈哈...其中有一點點情緒浮現呢...
可能是現在的我不太喜歡影貼紙相了吧...不過一班朋友當然無問題啦...
影完就一齊搭火車返大埔了。返到去, 同阿賢, 芷澄, 偉鋒, 雞雞吹吹水...
見到好多狗狗...其中一隻女的金毛飛埋來...哈哈...之後仲有一隻細狗又係唔驚我...
與狗有緣??哈哈...吹多陣倩雯來左...同雞雞走先...跟手偉鋒走埋...
就同賢同芷澄玩多陣ndsl就走喇...不過已經三點幾了...哈哈...
送埋芷澄搭車就走喇...^^"
星期日 2月11日
今日全日休息牙...不過又見到一隻叫momo的狗係咁要我抱=.="...哈哈...
then, 多謝婆婆送左個日本買返來的袋比我...thx~^^
星期一 2月12日
全日休....係咁訓係咁訓...勁無聊...d工快d請我搵下錢錢仲好....
p.s. 相相後補啦...
>>February 13, 2007 at 2:13:16 PM GMT+8
2006 年 12 月 3 日 星期日 【晴】
無來依度一排...真係好多人都可能會忘記了這裡...
自己唔知係唔係一個重感情的人...好多時好多事都唔可以話自己想忘記就忘記...
我被記憶操縱??還是自己好愚蠢還要沉迷回到那安全自在的感覺??
唔識去表達自己的感覺...因為我唔係唔捨得亦都唔係想自己有一次機會重新來過...
但至少我還是很想有個人陪著自己...起碼睇恐怖片的時侯有人陪自己一齊驚...
攬住一齊睇...我亦都想行街睇戲食飯有個人陪我...哈哈...究竟係為怕孤獨而想拍拖...
還是想拍拖而拍拖呢???依個問題好難深究...唯有等待下一次的機會吧。
自己好清楚自己唔係一個好堅強的人...堅強到可以自己一個生存下去...
希望自己唔會忘記對自己很重要的人...一些仍然很愛自己的人...
一些很珍惜自己的朋友...
最後當然也不要忘記這裡...這裡所記載的是我一直以來的回憶牙...!?
>>December 3, 2006 at 11:28:44 PM GMT+8
2006 年 11 月 6 日 星期一 【晴】
好耐都無返過來依度喇...哈哈...要一排無見先會有掛住的感覺嫁...嘩卡卡
唉...而家都仲係學校同我偉大的assignment搏鬥緊...鹿死誰手??仲未知...>"<
原本做到一半的功課竟然會唔記得左吸返學校...又要由頭做過喇...嗚...
一個人唔知係唔係會黑一世的呢??近排成日都會流鼻血...個頭又成日都痛...
明明成日都有訓覺但係就好倦咁...希望唔會有病啦...一陣來個一公升的眼淚又點算好??
哈哈...咁耐無返來依度..唔知有冇人仲會係度睇我日記的呢??
有的記住話比我知喎...你地的留言係我寫日記的動力之一來的...^^
reply to 貓姐姐:
哈哈...我整左部電腦好耐喇...成個月...即係我無同妳傾計都成個月喇...
有冇掛住我先???不過妳而家有個咁好的男朋友仔都唔記得我嫁喇...呵呵...
結婚記得請我飲喎...呵呵..^^
嘩..妳而家真係叻過我好多喇...我到而家都未有時間去學獨木舟...
可以的話真係好想去玩下...不過而家再唔玩第時就會好凍喇...=.="
唔知妳知唔知道我拯溺教練抄左粉呢??<~~xanga入面有寫...
今年之前仲有最後一次機會...今次都唔得的話我就要重新學過...
到時估計要兩年時間...哈...希望會成功啦....
玩風帆應該要好多力嫁喎...係唔係??我有冇玩過海星??
都有的...不過係去旅行個陣喇...而家游海都係游渡海泳先有游...>"<
哈...希望妳唔好唔記得依度啦...因為我諗妳已經係依度的唯一fans喇...呵呵...
hope you can do what you want to do...^^"
>>November 6, 2006 at 12:20:25 PM GMT+8
2006 年 10 月 25 日 星期三 【晴】
HOLD...
>>October 25, 2006 at 12:04:10 AM GMT+8
2006 年 10 月 1 日 星期日 【晴】
嘩嘩...好耐都寫過日記喇...再唔寫依度就會比人lock嫁喇...
雖則話人係要向前看的...但係我係一個唔可以放棄我的回憶...
依度係一個珍貴的地方...大家可以繼續係依度留言...^^"
係依度我留條link比大家...係我xanga的日記...
http://www.xanga.com/shamsiub
>>October 1, 2006 at 11:03:05 PM GMT+8
2006 年 9 月 17 日 星期日 【晴】
哈哈...好耐都無係依邊寫過日記喇...希望大家唔好唔記得依面喔...
比面的都可以去新的日記睇睇喔...當然這一定還會寫的啦...^^"
回應一下大家:
reply 豪...我個o個係英國同local u集資搞的大學課程...所以跟返英國的標準的...
所以讀一年就可以拎到張証書走...而且因為讀完higher diploma的關係...
嗯...大學的form一定要係大學入面拎返...ive只會提供佢搞的degree...
如果想多d機會的就去報多d大學...仲有問下同學仔有咩門路喔...學校係信唔過的。
有咩問題打比我, 或者msn問我丫...嘻嘻...我讀緊的叫business information technology。
reply to kiki...哈哈...期待緊妳教我喔...不過要等妳好返先喇...
我努力的學的喔...^^"
reply to kiki(2)...哈...妳點知我鐘意開朗又可愛的小女孩嫁??
溝女都要有得比我溝先得嫁...呵呵...我會好努力去讀書的喔...thx~^^"
reply to 歐...百忍可以成金...但係唔可以忍咁多牙...一陣唔痾會有病的喔...嘻
reply to 小寶...當然有喇...好靚女添...^^"...唉...我都好擔心我隻介指...
佢又係tiffany的喔...嗚嗚...>3<"
reply to alan...唉...見到你而家咁...無哂火都唔係以前的你了...真是有點不是味兒呢...
你要快d好返牙...一齊繼續打籃球喔...我會變得更加厲害去掩護你的喔...哈哈...
我而家打波好小心呢...仲不時見返我地昔日打過波的人...例如沙田隊肥仔達啦...
加油吧...
reply to 貓姐姐...哈哈...而家妳已經好叻喇...叻過我...我連一星都未考喔...哈...
得閒要向妳偷偷師先得喇...我而家幾好牙...不過係好好好好倦o者...
傻氣就...應該更加傻了吧...嘩卡卡...^^
妳而家已經識浮的話就好了...最好要練到真係訓到落水度呢...
真是很厲害...有咁大的進步真係好唔錯喇...^^"妳男友應該游水很了得吧??
我諗我覆妳的時候妳已經玩完二星了吧...不過都講講我的諗法啦...
我覺得大美督好d牙...雖然我未去過創興...不過好多人都同我講揀大美督會好d...
好多野我想考牙...獨木舟教練啦...水上電單車啦(船主牌...)...wakebroad啦...等等...
得閒都要去一去我個新xanga喔...不過妳想留言的依度都得嫁...我一定會打依度的日記的呢。
reply to 霆峰...係牙, 我都覺得個心理測驗好準...我係一個好唔典型的處女座...呵呵
咁我地邊個願打, 邊個願捱...邊個做和事佬牙??
reply to kiki(3)...sorry喔...我要十月份到我先返到了...嗚...
我要學急救呢。
reply to alan(2)...性格唔似的人先可以走在一起啦...興趣相同就可以了...
做兄弟的就是要有這個樣子。祝你快d好返喇。
reply to 霆峰(2)...嗚...咁耐條疤都仲會痛...依樣野會令我錫身好多啦。
不過我仍然會去專注做每一樣野...當然專注唔代表唔錫身, 錫身唔代表唔認真。
p.s.我不嬲都唔夠你靚仔嫁啦...邊有你咁好女人緣丫...嘩卡卡....
不過算啦...有苦自己知...我同你同alan都係一樣嫁喇感情路上...
reply to 倩雯...哈...而家妳都一樣可以因為擔心我而唔鐘意我打波嫁...
所以唔算過左去喔...^^"我會小心d嫁喇...一定一定會牙...>3<"
多謝妳呢...哈..
>>September 18, 2006 at 1:07:45 AM GMT+8
2006 年 9 月 10 日 星期日 【晴】
好鬼眼訓牙...
今日平時星期日一樣去左上急救班...所以無返band...>"<
今日有d唔同就係我病左牙...所以我要勁食藥喎...
今日同d女仔熟哂...不過好不幸地...三個女仔兩個已經有男朋友,
仲有一個資料不佯...嗚嗚...
\食完d藥勁眼訓...點知又有個kid-子係度亂講野喎...
同埋學校個o個麻煩人一模一樣牙...見到依d人我都係抱有平常一樣的態度...
串到佢地爆...哈哈...都屎忽的, 人家已經好眼訓嫁啦...仲要係咁嘈嘈嘈...
嘈都唔緊要...唔該唔好係度搞爛哂d gap丫....哈哈...不過我做人有餘地的...
因為佢地有好多野比我理用...好幫得我手嫁...呵呵...佢地都好鐘意黏住我...
可能係因為我的特性同佢地無咩分別吧...無奈...
唔經唔覺上完堂, 同尋日一樣...一上床就昏睡了...勁麻煩...
食左d野, 多謝小澄幫我搞下個xanga牙...幫左我好大的忙...
不過我都會自己努力鑽研一下...因為自己整才有意義ma~....
唉...個度又寫依度又寫...唔知點算添...???
>>September 10, 2006 at 11:25:47 PM GMT+8
2006 年 9 月 9 日 星期六 【晴】
無奈的一天...
不知為何...這兩個月就好像小朋友般...一有活動前一天總是會有病...
就好像今天約了要唱k一樣...前一晚我就病倒了...勁無奈>"<
介指係前晚唔見左...唉...勁心痛...我都勁鐘意依隻介指嫁...
不過照計應該唔會唔見的...為左搵它...我尋日上堂仲遲到添牙...>"<
隻手指又再穿多一次魚旦...成隻彎Q左...嗚...>"<
哈...而家仲感冒添...勁過份牙...
開左個xanga牙, 不過打感想多一d...呵呵...
http://www.xanga.com/shamsiub
>>September 9, 2006 at 11:46:30 PM GMT+8
|