2003 年 4 月 13 日 星期日 【陰】

後遺``
今朝四點多d先訓...一覺就訓到十二點, 但係都係仲未訓醒架...z.z"
晏晝都係無乜野做, 淨係覺得好tired...好似尋日打完波咁...kwan約我去打波我都無mood去呀, 何況今日都知衰架喇, 十成十唔比出去, 都費事煩呀!
到左六點, 老爸返到黎, 一臉凝重咁去左消毒, 話佢今日去過有人中招ge地方做野, 唔做足工夫會好易中, 本來我仲以為可以避過一劫唔駛比佢炳多穫啦, 但係咁都比佢記得番...令到我唔可以安心咁開懷大嚼(早餐同午餐都無食到, 連我都唔知點解可以唔駛食!), 又比佢噴到一面屁....><"
食完飯, 個人好眼訓...都唔知想點咁...!
本來約左聽日bbq, 但係天氣報告又話會落狗屎, 加上而家風頭火勢...都係改期為妙!
55%.....軟禁again...

>>April 14, 2003 at 12:16:04 AM GMT+8

2003 年 4 月 12 日 星期六 【陰】

韓燒``~
祝fung bee生日快樂! (我好似仲未同佢講...)
晏晝兩點九, 三仔(欠ho) k癮難擋, 各懷藉口咁出左去唱k, 係近一個月黎第一次出去吸菌...去到大學站就等埋我地個特別嘉賓--carrie! 跟住我地三仔一女四條友冒死去左neway city!
由三點幾唱到六點四我先走, o係唱到五點幾...接到屋企黎ge電話, 係老爸打黎...佢專登打黎臭罵我出黎, 仲要cut我線...勁無奈+無癮...即時mood down...!!
到左六點九, 我地"闔家"ge九人(欠gary仔)到齊韓漢苑食韓燒~
勁搞笑呀, 又好耐無見佢地, ka lok仲少有地著短褲出現, 仲戴cap帽! 食到八點半, pierre拎左個蛋糕出黎比我地個壽星"19仔"fung bee~影相o個陣玩到high晒, "摸摸渣渣"乜都出齊, 玩謝fung bee~畢竟地太耐無同檯食飯, 玩野就梗係唔少得~食到個個都飽晒o個陣, ka lok就黎料喇, 將一d食唔晒ge甜品塞晒入個蛋殼度, 再拎去煎~ 死fung bee又唔肯食喎, 呢隻係合我地眾人力量集結而成ge"生日復活出奇蛋"呀!
時光好快就過去...話咁快就到左十點, 埋單走人lu~!
落左街之後又睇左陣game, 之後去左影貼紙相留念, 最衰florence走左丫...~
影完相真係走喇, 得埋+x, alan, avis, kei, pierre同埋我撘火車, 但係我地都不忘玩野, 用部相機勁影相, 今日個個都玩到痴晒線~~
72%....今日如果唔係比人罵完之後都幾perfect~太耐都無返學喇, 過左今日之後仲想返學!

>>April 13, 2003 at 1:31:15 AM GMT+8

2003 年 4 月 11 日 星期五 【陰】

漏洞...
等左咁多日, 終於都等到今日個天似番d樣! 經過朝早ge觀天之後, 決定晏晝去打波!!!
兩點幾去到, 似乎都係有好多人谷住谷住, 要出黎洩下~ 而又比我咁arm 咁猜到同chris and 豪一隊(kwan同崑一隊, kwan x2), 奇蹟隊是也! 但係好可惜, 本以為贏梗, 但係chris好似食錯野咁, 又籃底炒粉, 又打埋d"違反物理定律"ge波(即係話唔依正常方法去打, 空晒比佢都猜番出黎...)! 比佢waste左咁多之後, 我又比下豪仔, 都係佢可靠d...唔講唔覺, 我今日真係比左好多助攻架喎, 而且豪仔好似上左身咁, 交左兩球好正ge ball~有我一半喎~haha~
跟住又有人打下跟下咁, 而仲未好得番晒ge我都打左好多, 尾二o個舖就真係夠奇蹟, 明明比隊"kai"隊lead 緊6:0, 但係轉瞬間比我地三個奇人力追之下反超前, 都係憑住信任同埋一口氣! 最後仲比我地贏埋tim...但係贏波係要付出代價ge...体力大量消耗! 到last一場豪仔走人換入kwan, 我就因為体力大量流失而差唔多變成一個大漏洞....好可恥...最搞笑就係連一個無奶力ge ball都接唔實, 又無力走位, 更惶論去封阻...最後間接令到自己輸ball...><"
其實輸左可以話係一種解脫, 因為真係好辛苦...wing wing地咁, 差d連條直線都行唔到出黎, 仲要係隨時累到扑o係度...早知係咁下次未好番就唔打咁激啦...
返到屋企食埋飯先知係唔夠野食(無食lunch)+未好番所致...而家好番好多lu~~~
68%...洩下先~

>>April 12, 2003 at 12:53:33 AM GMT+8

2003 年 4 月 10 日 星期四 【晴】

wing wing 地....@.@"
為左比自己快d好返, 昨晚一點未夠就訓左喇, 而今日呢, 到左十二點先起身, 差唔多訓左半日, 好耐都未試過, 一起身個人d精神好似好飽滿咁, 幾好幾好, 但係仲未好番.....
一點鐘食埋野就去左食葯, 又睇下個天, 本來想去打波, 難得alan尋日約我ma...但係呢...d葯真係好勁抽, 食完之後一個鐘就wing wing 地, 加上個人好呆...好在係落雨姐, 擺到明個天就係唔想我咁快死住!
好呆滯咁過左個下晏...食日係老爸41歲大壽, 今餐dinner好好"宋", 不過就洗死我!...無同佢講到生日快樂...
九點幾十點...rachel打黎叫我約人去bbq, 跟住叫佢打去問下小白去唔去, 點知個個d時間都好似好唔arm...又無la la比佢地夾攻咁圍串...咩態度...叫我約人又咁臭串+囂張~?! 咁樣對一個病人架...
今日就咁過左...
55%...喉嚨仲未好番...不過無乜事呀好似...!

>>April 10, 2003 at 11:54:04 PM GMT+8

2003 年 4 月 9 日 星期三 【陰】

i'm sickness...
朝早食過早餐...本來都無乜事, 好似有d黎料ge跡象, 跟住走去o拍左兩粒"幸福", 不單無效, 仲似乎有惡化ge跡象, 為求買個安心, 同mum一點幾去左睇e生...! 去o個陣個心都跳得好快, 因為緊張...會驚唔知有咩病...入到去一坐低, 個e生行出黎, 見到佢真係勁勇, 居然連口罩都唔戴個, 咁安心ge?! 由細疹所搬到大疹所ge佢, 都改埋用較先進ge電子耳道探熱器...此時此刻我ge心情仲驚...唔係話驚中招, 而係驚傳到比人, 成屋死! 幸好, 經過佢數分鐘ge疹斷之後, 佢話我只係感親下, 無乜事, 不過一百蚊就o係呢幾分鐘內消逝....><"
三點半, 約左alan出去交白英奇張form, 成四點半先去到...我就好順利咁1 take過交晒野...可憐ge alan支票台頭寫錯野, 無得交住! 好在油麻地同佢間舖頭好近, 可以即時去叫佢老豆寫多張, 沿路行過一d"巿雜", 好有"店舖"feel, 不過迢長路遠...食左葯ge我好累好眼訓...行左大約三個字就到左喇...佢間舖比我想像之中有d唔同, 係年紀大左d lor...寫過支票後, 我地兩個就滿心歡喜咁再次交form, 好可惜佢係水瓶座(其實無乜關係!), 支票上面有個地方出現重筆, 而又無補簽名, 樣樣衰衰咁又無得交住, 要聽日先交到, 乜咁架, 睇漏眼而無得交票, 你話係咪樣ge問題丫~!
無奈完過後我地就行左去旺角, 難得出到黎就實唔會咁快走ge, 點都要睇下有冇睇到"阿成"先走...就算兜埋入信和, 都係得小貓三四隻...今日我出黎淨係為左白英奇...而alan就學左應該點寫支票! 勁白痴!!
歸家途中勁"散"...又好眼訓, d葯真係好勁, 返到屋企食埋飯之後食多劑仲勁...成個人無晒生氣v.v"...今次d葯真係好啃, 呢一百蚊食水咁深係有原因, 唔係講玩架, 真係好有效!!!
55%...i'm sickness...

>>April 10, 2003 at 1:01:49 PM GMT+8

2003 年 4 月 8 日 星期二 【晴】

悠閒..
以我記憶所及, 本日並無任何特別事情發生, 最特別莫過於本大少好夢正甜, 熟睡至正午十二點! 良久處於早起狀態的我, 偶爾也會躲懶一番~
三仔篤波至下午, 在回粉嶺老家中途才想起我--第四仔...好心相約打牙鉸, 可惜天公不做美...打波計劃一再延期...! 害得我身心發癢!!!
日落時分, 接到rachel的奪命追魂call...太無聊之下, 互相利用打發時間~ 果然, 傾電話亦事一門輕易地消耗時間的玩意~! 半小時的光陰就這樣逝去~
這又是一日...燃燒青春罷了! ><"
62%...天黑黑!

>>April 9, 2003 at 12:04:15 AM GMT+8

2003 年 4 月 7 日 星期一 【陰】

對手`
朝早如常咁去食早餐, d時間好難先去到中午...見chris前兩日話悶, 打機又無對手, 作為朋友ge我就有一個念頭--去佢屋企"開解"下佢~
兩點半, 坐左老爸架車去到粉嶺...成三點先去到佢屋企! 少左好多時間玩tim!
同佢砌左成四舖winning, 各贏兩round, 不過最後一舖就炒三蛋...主場之利姐! 玩左無幾耐, 崑同chris轉玩gumdum, 單對單開拖! 我就去左玩icq~! 無無聊聊咁佢地又轉玩無雙...又係呢隻game...><"
到左五點幾, chris二佬返到...玩到差唔多六點先走, 咁就消磨左一個下晝...^^
食dinner o個陣又咬親條利...痛到想死! 擺到明就係超熱氣...已經飲左好多涼茶啦!!! 但係居然仲會有喉嚨痕同埋間唔中咳下...咩事?!
65%...

>>April 8, 2003 at 1:04:08 PM GMT+8

2003 年 4 月 6 日 星期日 【陰】

病態畢現....
尋晚都知衰架喇, 到左今日終於都feel到tired...不過唔知係尋日打波打到而家累定係其他呢...總之一起身就好似散散地咁...成朝都坐o左o係電腦前發呆...
膽粗粗咁"遼"人去打波, 好在個天陰陰, 比人推左, 可能就係因為多左時間o抖而家先無乜事~
本來以為今日又係足不出戶居多, 點知又比人駛左去倒垃圾, 返到黎icq, 阿魚話咁樣好"親切", 點解ge???
到左夜晚, 仲tired過晏晝...乜料呀!?
*睇見隔離d留言咁多安慰字句, 真係好多謝~haha ^^
60% 体力and心情...

>>April 7, 2003 at 12:44:26 AM GMT+8

2003 年 4 月 5 日 星期六 【晴】

朗拿甸奴`
好好訓呀, 訓到成十一點半先起身...但係條喉嚨就超唔舒服, 又乾又痛咁...o係呢d咁ge時間搞埋d咁ge野...會自己嚇自己架喎...
晏朝兩點半食完個tea(早午餐都無食)就仆左出去打波, 真係難得呀今日, 有大舊, 四仔, 崑同埋好耐都無o係粉嶺打過波ge alan出現! 一齊出黎舒活舒活筋骨, 抖擻抖擻精神!
打左一兩舖就比外人"遼"鬥波, 呢隊野好鬼準, 咩叫做例不虛發, 我終於都領略到一點...! 跟住就越黎越多人跟隊喇...要跟成三四隊! 而場外黎左個我同lok都一致認為係高手ge人--鬼仔! 此鬼甚怪, 個樣似足巴西足球名星朗拿甸奴, 但係d動作似十足nba巨星iverson! 單對單過人技術堪稱全場一絕, 無一個人會夠佢黎! 鬼咩, 人地讀國際學校, 跟本唔同level!
我同alan o係場邊等跟隊, 睇到場入面乜人都有, "男兒當入樽"入面ge安西教練, 河田美紀男, 朗拿甸奴等等...等左好耐終於都我地打喇, 居然要我睇甸奴...mission impossible la! 睇佢呢d鬼, 惟有放佢射, 但係防佢爆籃...好似比佢爆左一兩球jar, 但係就shooted中左幾球...而且睇得出佢仲未出真實力.....><"
打埋呢場就走喇...五點半是也...
返到屋企食埋dinner, 發覺自己好熱氣, 成日食食下野都咬中左個口...喉嚨又唔係好舒服...想點呀...唔好o係呢d時間黎料好喎, 好驚架我...! god bless me.............
63%......驚慌中....

>>April 6, 2003 at 12:02:21 AM GMT+8

2003 年 4 月 4 日 星期五 【晴】

自白``
首先祝各位兒童節快樂~!
跟住就多謝各方好友大力支持我個日記...同埋留左咁多野, 一日十個留言係平左個record~! 而且有七個係圍繞住o個個話題...好野丫你地, 叫做"吹"我咁話咯喎~~? 等著瞧吧!
chris所講ge target我都唔知存在與否...只係而家我又似乎幾enjoy而家ge生活, 當然有時會好渴望想有, 但係我享受而家自由自在ge生活, 大概開始明白你地之前所講"無就想有, 有就想無" ge心情, 應該係話你地有好多野要兼顧, 有時會變成顧慮, 失去左應有ge自由度...?
成日都比人話我識咁多人, 但係就無個係真命天子, 無用! 不過我就咁認為: 比你地識得較多ge異性朋友都唔得?? 我係一個幾重視朋友ge人, 所以並無諗過識親ge都係去溝, 都係target, 反而覺得佢地比同性較為細心, 傾到心事...當然我並唔排除有發展ge可能. 學文輝話齋, 識多個朋友無所謂! 可能係你地平時見到我係錯覺掛~(<--其實我係咁諗)
我強調: 我並唔係話我唔需要gf ar...只係話有時識得多d人係好jar...
呢幾日真係好悶, 又無心機溫書...又無得出街, 打機又打到厭, 想打波又落雨, 事事唔如意, 好易令人心煩氣燥, 今日最有建設性就係幫手煮飯!
chris, 我明白你ge苦況~! 玩又一個人, 悶又一個人, 食都係一個人, 仲要係日日如事, 真係悶都悶死, 屈到病! 但係有時你做d野唔係一個人做喎~ "consider will distrub u !" 呢句野真係好有啟發性, 我會好認真咁諗下! 畢竟, 呢樣野都係唔理智ge, 或者咁講, 呢樣野係會令人失去理智~ :D
*隨緣時也要懂得爭取~
#to carman, 唔好唔開心, 你身邊有好多人朋友陪住你! 小心身子呀!
66%...得到啟發!

>>April 5, 2003 at 1:00:13 AM GMT+8