2003 年 4 月 24 日 星期四 【晴】

sexy education!
祝carrie生日快樂~
今日真係難頂喇, 一早返到去就勁恰眼訓...好唔慣早起呀, 幾乎企o係度都訓得著..."假日後遺症"!
一返到去就上班主任堂, 佢真係痴痴地咁, 唔知邊個"辣"慶左佢, 突然間開咪叫我地一定要戴口罩上堂, 我最憎人一開始講野就用一d好嚴厲ge語氣架! 而佢? 即時比我地媽聲四起! 哼!
由八點半上到十二點, 終於都甩難, 走得! 去左食樂美, 同耐無去過, 好似好令人懷念咁~!
無驚無險, 到左一點半, 由於係上IM, 照舊一點九先入課室! hoho~ 今日又係做lab, 即係又會早走, 但係不過咁, 難得我地開talk, 今次個喜賓係pierre, 而講題係"愛之初体驗"~ 由我地發問, 佢即場解答, 難得有人大方談性, 仲要係上緊堂tim, 引左隔離檯阿mo黎聽~ 既然pierre咁大方, 我地就唔同佢客氣, 有左佢有冇用dom dom la, 又問左佢有咩feeling la, 前奏做幾耐先arm?(avis問架~), 男仔會唔會痛?(fung bee居然連呢條都問得出...令我開始質疑佢係男定女...), 又問左佢係咪有預謀先做, ka lok仲問埋d招式tim, 總之有好多問題~ 搞到佢成個專業人仕咁~ 足足問左佢半個鐘我地先收口~ 跟住個lab由楊威一個做晒...~
未夠三點就放學...為左dum波鐘就走左去踢毽...玩左唔夠一個鐘就收檔...鬼咩, 得三條友! 去左canteen坐, 四點四, kammy打黎先走...
返到粉嶺, kammy同佢個fd加埋我三個人去許留山食左少少點就各散東西~! 返屋企lu...今日好眼訓...
聽日要test EN, 又要交DE個assignment同埋個mini-project...睇下點死!
*連續幾個星期六, 日都要返學校補課...淨係五月一號同埋八號先有得放...日日都返八點半...係咪想我死?!
66%~
reply:
to 烈‧女將ar 姿, 唉...咩風流ge holiday丫...都無得出街, 係唔溫書懶d姐, 你無出過去玩...我又何賞唔係呢..."同甘共苦"!
to carman, 而家返學校都有得shopping la, 唔駛咁愁~ 撞到撞就啦~~

>>April 24, 2003 at 12:51:12 AM GMT+8

2003 年 4 月 22 日 星期二 【晴】

返學lu~!
等左今日好耐, 終於都唔駛o係屋企屈悶~
撞佢個鬼, 由粉嶺去太和要成三個字火車車程, 到左火炭要成七個字, 我第一次撘咁少站要用咁耐時間! 整到我同alan都遲到! 返到去好多人呀, 好多人都係好耐無見~ 無見一排大家都無乜唔同, 淨係pierre個水母頭唔見左, 邊左個海膽頭! +x又剪左喎~~ 一個二個上堂都好鬼死嘈, 太耐無咁玩過ma~ 返學同o係屋企ge分別真係好大, o係屋企真係覺得好悶好寡, 返到黎就唔同喇, 好多"阿成", 真係令人心情開朗晒呀~~~!
食完飯返到學又要上堂, 要上CT, 死k.k. fung一樣都係咁串咀!
三點落堂有半粒鐘break, 拿拿臨捉住fung bee唔比佢走, 佢爭我地ge野一定要還--19次磨柱, 跟住二話不說就去左做fung bee! 但係唔知點解個天井少左兩碌柱...少左target tim! 成個月都無踢過毽, 個個隻腳都好似生左蟲咁...bad!
三點半上英文堂直至五點半, 我, alan, kei, florence, 大舊一齊撘火車返屋企..! 咁就一日, 返學ge時間係過得最快ge!
bad news: 27/4(sunday)要返CT同埋英文; 11/5(also sunday)又要返兩文...仲要係八點半!!! 唉...
65%~
reply:
to ho and kwan, 我唔明你地想表達d乜...?
to kammy, 多謝你個留言丫~!
to 魚, 都話你對我好架啦, 你肯黎留言...但係你想o係度講乜先...無錯, 呢度講野係要因住黎, 但係都唔駛太避忌!
完!

>>April 23, 2003 at 12:02:31 AM GMT+8

2003 年 4 月 21 日 星期一 【晴】

火火火!!!
一早九點幾先起身, NBA playoffs已經開左ball, 76ers Vs 黃蜂, 去食埋個早餐返黎仲係第四節, iverson以破自己playoffs scores record咁贏ball, 98:90, he scored 55 marks!!
睇完ball就無線arm arm 做para para sakura, 好在上o個week無買到jar...如果唔係又會dum春一次!!! 睇到中段, penny話唔駛返工, 打黎叫我去打ball, 諗住崑晏d都會返學校一轉, 仲懷有少少希望, 但係點知老爸話同佢出去, 而且仲要載埋返黎(專車接送), 都費事問都知唔駛旨意出去! 難得今日係假期最後一日, 仲會有好多人去到打ball, 直覺上今日去唔到就以後無乜咁ge出席人數, 整到自己好火!!!!!! 好想搵人打穫!!!
成個晏晝都無野做, 真係悶到黐肺!
夜晚八點幾, 終於都開檯, 又係三隻腳, 今日輸左都唔會覺得肉赤, 因為老爸比左一百蚊本我地三個分, 打左成兩個鐘, 最後一舖仲要係draw game, o岩o岩一蚊都無贏無輸, mum就黎一招"無本生利", 收左廿蚊, 呢廿蚊就係崑要黎進貢比mum ge!
今日就咁完左, 係成個假期最火ge一日! 同今日個天一樣!!!
話咁快聽日就要返學, 心情好矛盾, 一邊就想返學唔駛日日o係屋企種菇, 另一方面又要面對學業ge壓力, d野有排追, 死得架喇! anyway, 聽日就可以見番佢地, 都幾happy架~ 我仲記得要捉fung bee去"磨柱"架~ha~
唔知你地ge心情又係點呢~?
55%....!

>>April 21, 2003 at 11:53:06 PM GMT+8

2003 年 4 月 20 日 星期日 【晴】

大自然...
尋日為左睇ball, 四點半先睇完半場, 頂唔順喇, 1:1就訓左, 今日見到賽果先知道自己有慧眼, 唔駛通頂!
好無奈呀今朝, 八點幾九點就比mum嘈醒左, 因為今日約左媚姨同佢老公去蘆薈天地玩...但係約左十一點架喎...我成十點幾先起身, 睇左小牛對拓荒者第一節先出門口, 好在今次約左o係屋企附近等姐~!
一出門口就想死, 暴曬呀...救命, 成身都熱晒, 行唔夠兩步就已經標晒汗...今日有排捱!!
去到o個度, 我地五個人(mum, me, 崑, may+wing)兜左個圈, 都無乜野玩咁, 又熱到死, 最有睇頭就係個泥地籃球場, 仲要係近十二點, 唯一好處就係個架矮左d, 掂到呀~~ 成個蘆薈場真係鮮有後生仔女, 阿成更欠奉...好慘呀....
同崑進行左三場泥地賽, o係半讓賽之下, 我贏場數三比二, 條友不憾一擊又無体力, 好cheap~ 都未打完第三場jar, 就比佢地幾個催住走, 去雲泉仙館食lunch...齋呀...我連早餐都未食...><"
去到, 崑一口氣食左三碗飯, 好似d飢民咁...第一次見佢食三碗, 我食左兩碗都覺頂心頂肺...! 食完野, 我地五個人去左d景度影相, 都影左唔少呀, 逗留到兩三點就走喇...坐車o個陣, 崑拎住部影機返屋企先, 淨番我地四個就出去粉嶺晒相! 點知, mummy said that, d films 仲o係部機度...今次出去係白行一趟!
anyway, 都上左車, 就當出去行一陣啦, 但係戴住mum比我ge口罩又細又焗, 想死呀...又係o個句: "未比肺炎整死, 先比口罩焗死!"
世事往往就係咁巧合, 比我o係名都撞到kammy's family, 個死野仲見我唔到tim~! 為左唔阻住may姨佢地拍拖, 我同mum走左, 去左watson, 點知又比我撞多次kammy佢地喎, 真係arm!!
返到屋企真係頂唔順, 要走去沖個涼降下溫先, 又成身"黐立立"喎! 沖完出黎就訓左陣, 原來係咁爽架~~~ o係沖涼之前, 走左去部相機度拎番d films出黎, 但係一開個蓋, films仲未倒好帶ge?! 原來係熱得滯, 熔左少少, kick住左...走左光喇最尾o個大約十張....our memories were lost....give me back....!>"<
炎炎下午就咁過去....
曾幾何時開始, 六點半新聞只播放兩種"死人"新聞: 美伊戰事及肺炎, 兩種都是會令人察覺生命可貴的新聞! 其實每天都是這樣的播著, 播著, 新聞已不再是新聞, 而是舊聞, 其中可以稱得上是"新"的地方只有數字上的改變...吸引你的只是今天最新的死亡人數! 這是一個甚麼的世界? 死亡數字有何吸引? 原因是人們都害怕死神向自己揮手, 以死亡的數字來警剔自己要清潔, 這個數字遊戲令人珍惜生命的可貴, 可是卻帶領我們進入一個恐慌和嗟怨的世界!! 全民都幾乎對本港政府不滿, 但我們曾否以一顆感激的心去支持, 去鼓勵醫學界那群打救我們的偉大人物? "各家自掃門前雪", 團結點吧, 香港人!
醫生們需要鼓勵, 而我都要你地ge支持, 留言啦你地~~~~
寫完!
65%

>>April 21, 2003 at 12:55:19 AM GMT+8

2003 年 4 月 19 日 星期六 【晴】

"大逃殺"...
唉...尋晚carrie約我今日出去同佢預早慶祝生日, 都知今日無乜機會出去玩架喇...一切都係等老爸兩點幾返左工先算..!
icq, carrie同埋三仔照約我去, 但係都係講句, 未必出得...! 咁arm 又見到阿魚online, 為左"八下料"同埋比個機會佢了解下我, 就講左幾個關於我ge故仔比佢聽, 而家佢真係知我唔少~ha~
死講爛講先講服mum淨係可以出黎上水食餐飯...仲要有時間限制, 八點要返到屋企...成個灰姑娘咁...!
兩點半鐘, 三隻腳又開檯, 初段贏左廿幾蚊, 但係對落o個幾個鐘就係咁輸番, 又廿幾....好在mum仁慈, 比番d我地姐...~
六點幾出門口, 向上水出發, 真係唔話得啦我, 淨係為左佢而出去食餐飯~
出到去, 四仔人齊, 好耐都未試過, 而久違左喇, carrie同埋yan, 今日yan好似著得比平時大個左喎~ 聽kwan講, 佢地今日無去到踩冰...淨係食下行下咁...我無出到去係咪好事呢...?
之後我地去左間餐廳度叫左d住家小菜黎食, 好似我地六個未試過咁食法, 好溫馨咁喎~~ha~
食完野都就黎八點喇...yan同carrie o係間野度各買左件衫...carrie買比邊個都知ge, 但係唔知yan呢...?
比佢地dum下波鐘就到左八點三...overtime tim...好驚老爸會打電話返屋企check下人唔人齊...好趕咁返到屋企都已經九點...幸保不死...!!!
晚上十點半, 我地拎左套"大逃殺"出黎睇...呢套死野o答落有味, 做晒人生醜惡出黎, 而又表現到一對情侶對愛ge至死不渝! 都幾好睇架!!!
今日玩完! long time no see u la~
68%~

>>April 20, 2003 at 1:27:30 AM GMT+8

2003 年 4 月 18 日 星期五 【晴】

大熱(口罩日)!
今日天色明朗, 食完早餐, 係咁打機, 打到十二點, 同崑出左去上水join mum, 目的有二: 唔想再屈悶; 買野!
等車o個陣係露天, 熱到爆炸! 未上到車已經成身都係汗! 落左架冷氣車之後就仲覺熱...夏天已經來臨!!! 正!
首先同崑去左龍豐買左一套漫畫--無賴男, 好似二手咁, 我都唔明有咩咁好睇...
跟住去新都mandy間cd舖買左隻"大屠殺", 三級片黎喎, 但係收錢o個個都無check到我~
買完野之後又就下又兜下咁先搵到個地方落腳...去左m記食lunch(成一點半先食)...食完野去左wellcome同埋街市...簡直就係使人唔駛本啦! 最後三個人行埋去買鞋(崑's shoes)就走喇...
返到屋企諗住又有得開檯比我覆桌...點知個個都唔打...贏左就唔打...><"
今日天氣大熱, 我ge心情同天氣有莫大關係, 如果唔係d pk病毒, 我今日實出去玩番餐夠本!! 可惜丫...~
今日完~
65%...~

>>April 19, 2003 at 12:02:21 AM GMT+8

2003 年 4 月 17 日 星期四 【晴】

十賭九輸(一贏)~
好無奈呀今朝...出到軍地先知mum走左, 本以為會無早餐食, 好在撞到阿婆, 佢打救左我同崑...~
飽餐一頓後, 返左屋企睇足波小將, 睇落d進度比以前小學o個d快左好多喎, 但係d距離感就差d喇~
睇埋美味天王先online同埋打機...一路直至三點半又比mum"遼"開檯...乜佢咁大癮架~!
一路係咁打, 今次贏得最多o個個係mum, 有成廿蚊, 而崑今日最轟烈, 成十幾廿蚊呀! 而我呢, 食得最靚o個舖係"混一色", 對我呢個新仔黎講係唔錯架喇...但係全日總收入都係得一蚊...一蚊可以做得d咩呢....?
打左咁多日, 今日總算贏啦!
今日玩完...我想聽日出街...><"
60%...

>>April 18, 2003 at 1:08:27 AM GMT+8

2003 年 4 月 17 日 星期四 【晴】

食錯野...
呢幾日都係好早先訓...尋日同阿姿icq chat到4:30先offline...而今早就餓醒左, 九點半就起左身...要去食早餐先掂...!
呢舖真係大穫, 我同崑都覺得今日耀記d野食好唔阻...d奶茶同埋檸茶都好似有d煲得過火(因為以前做過下水吧, 識分!), 而d腸仔就好似好唔同平時...唔知係咪咁, 我同佢食完野就即刻返屋企排洪....>"<|||, 嘩...山洪暴發呀!!!! 過左一陣...舒服晒lu...~.~" 唉................
三點鐘, 阿姿打黎, arm arm 見完工呀佢, 祝你好運啦, 希望你係o個千分之一! 講完呢樣就同佢hea下, 眨下眼就九個字~ 收線lu~
跟住晏晝就好悶同埋好無奈咁渡過...因為老爸呢兩日都要休息...直情無得郁....
夜晚...比人用一樣野黎猜度我ge人格...好hurt...!!! 測試證明我好好, 並無唔正常...但係都證明左另一樣野...就係對我唔信任...雖然呢件唔係一件大測試, 而且唔嚴重, 旁人睇落會無乜野, 但係我受到了傷害...乜我o係你眼中係咁架咩...要試我都唔好講埋出黎丫!
50%...猜度點解會出現...?

>>April 17, 2003 at 1:25:22 AM GMT+8

2003 年 4 月 15 日 星期二 【陰】

軟禁=自我隔離?!
又係四點先訓, 十二點起身, 因為咁樣可以消耗左朝早ge時間, 悶少陣jar!
寂寞難奈, 又見手痕痕, 襯老爸出門返工, 急call三仔出去打波, 但係佢地推卻ge理由如下: kwan-->約左佢阿媽去住o係紅碪ge表弟屋企...走唔甩! ; ho仔--> 要溫書喎...唔阻佢做正經事啦...; chris-->去左旺角睇戲...無野好講, 收得線!! 四仔喎...跟住打埋比耆英, 又話無mood唔出...幾時咁有性格架佢?? 大舊又話唔夠人...但係心癮大過手癮呀, 迫於無奈叫崑打去叫佢d fds出黎打, 卒之加埋我係得五個人, 欠一腳tim...問埋alan, 叫佢落樓過黎打都唔去, 又話驚吸菌...其實係自己友少, 如果人多就仆到黎啦佢!
三點幾四點去到, 我地五個人分兩隊同班幾"科"ge人打...輸晒四round...無默契, 預左架啦~! 之後過左隔離場同班無咁勁ge人打, 同佢地都係五五波, 我發覺我ge角式同jordan差唔多...同樣帶住幾個新仔, 好難打, 打到我都唔知自己做緊乜, 又要比攻勢佢地發動, 但係又要拎分喎...好惡啃! 好在佢地都似乎好聽我支笛, 打左兩場, 第三場先輸, 不過就敗於極度撞得ge "kai"隊手上...!
臨走, 又見到崑學校以前校隊神射手--阿超, 見到佢真係勁準, 係我見咁多個人射三分最準ge一個, 佢o個種視對手如無物ge膽色, 加上佢試射三分ge距離真係無人能及! (三分界對開二至三步起手, 然後清脆的一下穿針聲, 入球後場邊及場中的隊手都面不改容, 似乎當作等閒事, 但反觀場邊的觀眾無不嚇至目瞪口呆!) 突然, 我對此人增加左多少崇拜的感覺, 全皆佢起手時比到我"必中"ge感覺, 好似好可靠, 而且佢個樣真係有多少似周永恆, 好羡慕, 可惜佢係排骨精一名~ 唔知點解我想佢教我射ball, 我一定要準過佢!!!
返到屋企, 又比mum投訴, 投訴因為我地出左去而比老爸責怪, 連波都唔比打, 同軟禁有乜分別?! 我地又唔敢直接向佢反影, 未染病就好似要自我隔離咁...有咩意思喎, 好尊制, 駛唔駛咁擔心呀...睇黎我都係除左返學之外就唔駛旨意外出!!!!
夜晚八點幾, 我地三個又開檯, 今日超無運, 打到十一點, 我已經輸左廿一蚊...好在收到mum比ge一百大元零用姐, 不過有又點丫...有錢無得洗!
65%....
*隔離留言o個位ivan我識唔識架? 路人甲....?? anyway, 多d黎!
仲有呀, 我d人氣最唔升番就會跌出人氣榜ge第三頁位置...朋友們..黎多d啦!!!!

>>April 16, 2003 at 1:36:08 AM GMT+8

2003 年 4 月 14 日 星期一 【晴】

麻雀論英雄```
難得無線直播皇家馬德理vs皇家蘇斯達, 梗係睇埋先訓...不過皇馬有咁多球星, 上半場o係半粒鐘之內比人入四粒, 睇係令我好失望, 但係就睇到我笑~乜野叫做"豆腐防守"就出現左o係我眼前! 三點先訓...
十一點半起身, 個天放晴, 尋日比天氣報告呃晒, 又話會狂風雷暴, 等我仲推左個bbq...唉! 心諗可以去打波洩忿, 但係chris又話佢地尋日打完今日唔打, 又要悶一日....
晏晝唔知幾點...mum無lala 叫我地兩個開檯, 乜咁突然呀, 我地兩個唔係咁識打, 仲要玩錢tim, 擺明想呃我地一筆~都好, 話唔定我可以化腐朽為神奇, 反勝一杖!
一開ball就比崑贏左一舖, 跟係就係咁打, 打到六點幾, mum就先輸十幾蚊, 我贏左九蚊啦, 但係就比負碌精崑贏左成十幾蚊...此為上半煬. 跟住我地三個落左街陪mum睇e生同埋買少少野食....好搞笑, 個士多老板係個廿來歲ge後生仔, 我地三個人買完野o個陣, 個老板讚我個樣得, 可以靠個樣黎食, 唔只咁, 佢仲話崑個樣無我咁好~haha, 以上對話全部都o係條大街度講, 真係羞死人lu~~~
七點半食完飯, 下半場開始, 一開波就贏左幾舖, 但係之後就係咁輸...最多就輸左十幾蚊...好在到十點幾臨收檔之前比我連贏三舖, 叫好就收, 最後比我打到輸兩蚊...都好在...但係崑全日就賺左成四十....痴架, 負碌精!
今日就咁o係張麻雀檯上玩左一日...
60%....

>>April 15, 2003 at 1:50:14 PM GMT+8