2003 年 6 月 1 日 星期日 【晴】

沒有心情哭...
唔想訓...到左三點幾終於都頂唔順, 倒頭大睡...十一點半先起到身...
起左身之後勁唔想講野...又影響到唔想溫書, 既然o係屋企會勾起傷心事, 倒不如出去做點兒事情, 好讓自己身心舒泰...! 打波算數!
兩點半未愛就去到, 今日熱到死...射又射唔準, 乜都發揮唔到..."雙失"--love and play...打親都輸, 唉! 算把啦, 今日至在出黎散下心!
六點未夠去到m記一齊吹水, 耆英, me, kwan X2, chris, 我地一路坐到成六點半, 再上上面廣場行一陣, 買左隻shine CD就走, 好累...身心疲累!!
55%
多謝咁多人支持! 尤其係ka lok and avis!
多謝烈女...! 天意天意...

>>June 2, 2003 at 12:24:28 AM GMT+8

2003 年 5 月 31 日 星期六 【晴】

玩玩玩...><"
一放假就係咁架喇...早餐完之後就係返屋企打機...再係咁落去就遲早死...><"
十二點幾忙於約人, 大好天氣, 落水暢泳是人生一大樂事, 可惜, pk豪's gf話夜晚先去, 因為會比較多"人"出現...既然kwan都話夜晚先會去, 我就惟有乖乖就範!
漫漫長日怎過...? 忽然想到案頭上有一大份繪圖習作未完成, 認命吧! 仲有五日就考maths...
七點吃過晚飯, 掃完了地, 向著火車站進發, 目的地為游池! 出奇地chris還比我準時, 離開m記時ho仔亦到達, 尚欠kwan...新遲到大王!
未下水已經感覺到渾身寒意...怎料站在水中都令人雞皮疙瘩!
十二條由人做出來的真人版"貪食蛇"大煞風景...到處用水潑人...好一群低能兒! 竟然有人用同樣方法多做一條"貪食蛇"試圖復仇...當一條"貪食蛇"遇上另一條"貪食蛇"=接近廿位低能兒潑起水花!!
ho's gf原來亦是玩得之人, 四仔+一女於m記吹噓~ 大談中學樂事, kwan的"豔遇"令人笑得合不到咀, 又是回憶, 回憶令人快樂~! 眨眼間兩年光陰又過去...我的生活竟然如斯潦倒...!!!
chris於席間開玩笑地說"我是一個水泡", 此話一出, 心中硬是不自然, 傷心事突然浮現...可笑的是笑容仍掛於臉上, 畢竟只是無心之失, 開玩笑而已, 我並不介意!
回家...開啟icq, 不好的兆頭又再出現...我只好嘆句"命該如此"...由從前早早知道這傷感結果...最怕其實被取消資格, 但係自覺傷害一次比一次淺, 難道與付出成正比?!
50% 唔知輸左比邊個!
距離考試尚餘三日...

>>June 1, 2003 at 1:16:30 AM GMT+8

2003 年 5 月 30 日 星期五 【晴】

lAzY...
都唔知尋日做乜可以三點半先訓, 今朝九點半仲可以掙扎到去食早餐!
行出去o個陣個太陽起勢係咁曬, 熱都熱死, 期待晏晝有得swim!
返到屋企打左陣機, 十二點幾一點開始約人, chris又要返學, kwan又話去左sing k, 豪仔放左學又話夜晚要同kwan去踢波, alan又要有五個人先出去...游水計劃就咁打消...mood down ar! 浪費左一個大好下午!
五點幾先拎番白英奇d圖出黎畫, 今次用水筆不容有失, 但係都係有少少缺點...第一次係咁架喇...都唔係大問題黎ge...我諗!
沖完涼又話過, 三張已經搞掂左兩張, ,一於聽日畫埋佢!!
呢幾日係時候溫下書喇...就黎死...><"
58%...
呢期唔知做乜, 突然間對個電話提唔起興趣, 唔想傾咁, 等又等唔到人打黎, 想打比人o個陣又驚唔知講乜好...可能比人收線收得多呀呢排, 好似有心避開咁...><", 第四次?! 預左...

>>May 31, 2003 at 12:35:19 AM GMT+8

2003 年 5 月 29 日 星期四 【陰】

咒怨!
十點三食完個早餐, 同崑一齊出去, 佢去唱k, 我就返學...本身呢堂都唔係咁想返, 如果唔係為左返去"聽tips", 同埋晏晝睇戲, 仲有返夜校, 我一定唔會咁早起身...成日都好tired!
既然今日係返學ge last day, 無乜機會再坐埋一齊, 就為左以前中學時代ge相返去, 但係可惜丫, 闔家得六個人出現, +x, kei, florenceand ka lok都無返到...=.="
十二點七放左學, 得四條友去食野, 但係要買左飛先! "咒怨", 我地黎喇~!
當我, alan, fung bee, avis食緊野時, ka lok都出現埋, 比埋d相佢睇, 家姐又睇...死家姐丫, 話我以前個樣好"kai", 但係而家唔同晒! ...又話alan個樣十年如一日, 成個幾十歲老人咁, ha~!
好趁忙咁食完個lunch, 兩點一準時入現睇"咒怨"!
入到場, d人陸續咁黎到, 係近期少有地睇戲全場爆滿, 可見呢套戲ge叫座力! 一開始做, ka lok, fung bee係咁講野, 九唔撘八咁, 又好鬼有趣地令到其他觀眾都笑得出! 死fung bee好似做編劇咁, 講/估得出好多劇情, 整到ka lok大叫無癮^^, anyway, 呢套野講驚嚇度又真係幾得人驚, 有<午夜兇鈴>同埋驚嚇漫畫家伊藤潤二ge氣紛, 驚嚇度十足! 至於劇情, 呢樣就真係見人見智喇, 我就覺得佢舖排就有點兒亂, 時空交錯好複雜, 一定要頭腦清晰; 但係咁都有一個好處, 就係比到觀眾有好多思考ge空間, 唔駛恰眼訓~! 全場都又笑又驚, 難得就係笑聲源頭來自我地, 全場一齊笑~~~
四點出左黎, 又行左一陣就出左旺角喇...
行到差唔多五點幾, 好q "支力", 去左m記hea左陣, 好眼訓tim!
六點正返到白英奇, 真係唔知今日又會發生咩事...><"死alan一口咬定我今日會死梗, 又睇下點都好!
前面o個兩個返到黎, 今次勁問野囉...又有好多唔識答...pass左好多比alan~益晒佢啦~~haha! 總括而言, 第四招--猖狂! 前面白色恤衫+黑bra...><"得人驚!
八點又放學, 去左大家樂食飯...九點走左...
o個火車上面同alan傾左好多野, 話當年, 回憶以前令人懷念!
68%!

>>May 30, 2003 at 12:47:29 AM GMT+8

2003 年 5 月 28 日 星期三 【陰】

an un頂able teacher!
死alan連續兩日遲大到, 又係要我自己一個人返去...
好準時咁上到去, 個pk班主任一黎就緊緊張張咁講回條, 當我地係白痴咩! 跟住過左無幾耐就驚死唔記得咁叫我地交功課! 佢叫我地傳出去比佢, 但係班入面無一個人理佢囉, 佢個樣勁無奈, 鬼咩! 都未有人做得完, 無最原始o個份又點會有其他ge手抄本呢! 白痴仔!
跟住avis返到黎, 又拎左d sources過黎比我地抄, 抄抄下, 個班主任派番上次功課, 佢keep起左幾份一樣樣, 話抄出黎ge功課ge分會分番咁多份(本身63, 有三份一樣, 63/3=21), 我同florence都係抄avis, 真係唔好意思呀avis...最搞笑就係個pk sir叫我地做多次交比佢, 點做呀大佬, 又咪係入面d答案, 都係o岩ge! 佢做埋d野真係無聊! 頂硬上抄左+x o個份黎交!
十二點都未夠就放學, 今日都唔少人去食飯: pierre and miu, fung bee, me, ka lok, 楊威, +x, alan. 臨走又撞到gary, 叫埋佢入黎hea 下先! 出左去, pierre同miu唔知去左邊度"玩火車", 走左都唔講聲! 之後就各有各行...三點都唔夠就返左粉嶺...!
少有地alan同我行粉嶺, hea到三點多d先記得去搵番chris打ball...
今日同班kei san(以前中學名)仔打ball, 佢地完全唔係我地ge班數...乜而家kei san d人咁屎架, 雖然佢地係細我地幾年姐, 但係咁樣會整臭晒學校個朵架...><"對住佢地真係無辦法唔贏, 由三點半一路打到六點半多d, 真係想死...淨係輸過第一舖輕敵! kei san真係一蟹不如一蟹!
八點幾食完飯, 突然間心血來潮, 搵番好多以前ge相出黎睇, 睇番中學時期中四五個樣, 我個樣真係變左好多...回憶總是美好的~ 見聽日係last day, 就帶d相比佢地睇下啦~!
66%

>>May 29, 2003 at 12:39:47 AM GMT+8

2003 年 5 月 27 日 星期二 【晴】

雙失=傷膝?!
死alan又唔準時出現o係火車站, 惟有走先! 去到大學站咁都撞到avis撘火車, 走過去hea 下先, 跟住就一齊返學喇~!
一出火車佢就勁多電話響囉, 首先就係florence, florence話佢自己條褲爆左, 被困於廁所, 唔敢出黎, avis就話去幫佢搵針絲入去救佢, 火車站又點會有呢d野買丫! 收左佢線之後就要ka lok打比avis, 雖然唔知目的係乜, 但係都傾左好耐下...完全係因為ka lok lor, avis行行下條斜路就"瞬間轉移"左...點解ge?? 原因係佢又想落石級, 又要叉錯腳, 就令到佢可以o係一瞬間消失左--仆! 佢又幾好野喎, 我都未黎得切反應, 佢就已經扒緊起身, 想扶佢都扶唔切~! o個度係爛石地, 佢都仆得唔係輕, 行左兩步就係咁標血...又大撻喎, 勁恐怖!!
我地仲見步如飛咁返到學校, avis拿拿臨入左toilet會合florence, 而我呢, 走左去搵救兵啦, 本身諗住avis去搵janet救florence出黎, 而家要我去搵janet入toilet救佢地兩個!! janet聽到佢地咁樣都呆左~! 叫到janet出黎, florence都出左黎lu, 原來有個好心阿姐比左條褲佢著住先, 容後再補番, 而avis就比同一位阿姐"的"左佢整理傷口, 見到佢出埋黎, 變左做"傷膝青年", 兩個膝蓋都包住左~! 多得佢地, 我maths堂又上少左半粒鐘喇, 仲比alan串我遲過佢返到tim~!
avis就確實係威啦, janet叫佢要戒口, 我地去飲茶佢就偏唔戒, 仲叫左好多"毒物" : 蝦餃, 牛肉米粉, 海鮮炒飯(又有蝦!), 咖哩牛腩飯......等等! 佢真係驚自己唔死得咁~!
食完飯又o係度亂吹...avis可能係仆傻左個腦呀, 佢今日完全都唔知我地up乜, 淨係佢都笑到我地死呀! fung bee話佢四肢得番一肢可以用(傷左隻膝同埋右手), fung bee個"代"仲要撞到佢隻豬手tim><", 本身都腫左, 今次仲唔痛死佢~~?!
CT堂派卷...預左得單位數字分數, fung bee 14, florence 12, 溫得多過我ge都咁死法...點知我居然有24分...雖然都係慘死, 但係比我想像中符碌好多!! 3:00放左...
3:30英文堂, pierre仲要成四點先出現! 聽左好多組人present, 都係avis同ka lok o個組最得, 最唔得反而係high dip o個班人! 我地仲做得好過佢地...收得啦!
5:30放學, avis, alan, pierre, kei, +x and me一齊走, 大家都向住同一方向行, 好奇ge pierre就細問我地今日avis ge經過, 一路講我地就一路係咁笑佢, 家姐, 你練ge係"鐵頭功", 做乜無lala又走去練"鐵布衫"呢, 仲要拎自己對腳黎靠飛呢? 要自己對腳同塊地鬥爛tim...唉, 做乜咁睇唔開呀~~? haha~全程爆笑而回~!
66%~! avis, 你最紅! (對腳呀, 流晒血咁~)快d好番~

>>May 28, 2003 at 1:02:46 AM GMT+8

2003 年 5 月 26 日 星期一 【晴】

散晒...!
好難頂呀, 九點幾醒左一次, 要早d起身做eagle, 一落床就成身都梗晒咁, 都係尋日玩得太激...><"
十點幾食埋早餐返到屋企先開始做野, 本人習慣一心幾用, 開電視睇nba, 聽歌, icq同埋做eagle! 原來都唔係想像中咁易做, 好麻煩架!
十二點約chris出去食飯, 約佢一點, 仲叫佢唔好遲到, 點知我遲到個幾字, 呢期都唔知做乜成日都遲到ge, 惡習!
一點十同alan上火車, 歸校!
兩點半開始test, 死eagle, 成日都hand機, 又唔知做乜野做到錯晒, 衰乜都唔知, 等定補考都得喇!
放左學就返左粉嶺打ball, 今日同左好多人夾ball, 有好多人黎左:四仔+kwan'fd, 仲有好多唔識ge人; today打唔出水準呀...好在企o係三分界外都仲有d料到, 一下三分快射令到豪仔防不勝防, 最令人懷念~! 好可惜, kwan's fd+alan+我都打唔贏三仔ge"奇蹟之隊", 我無野好講~! 到左呢一刻我先知我地點解咁"奇蹟", 原來係咁ge~~~!
七點幾八點, viove打黎, hehe, 有"o個d"病喎~ 休息下啦你, 都係操勞過度姐, o抖幾日無事!
今日就咁半悠閒地過去...仲未溫書tim...!
67%!
to 魚, 多謝你先, 講番o個樣丫, 都係咁呀...好少聯絡...><" nothing change!

>>May 28, 2003 at 1:08:32 AM GMT+8

2003 年 5 月 25 日 星期日 【雨】

swim again~
尋日游完水, 今日好難先起到身, 成身好似好緊咁, 但係到左十點幾, 比個廳部電視機ge nba聲嘈醒左, 是但啦, 起身睇波算數~!
到左晏晝一點幾, 同耆英o係icq度discuss去swim好定係去打波好, 經過一番爭論, 始終都係swim吸引d, 但係死耆英聽到話要去swim即刻話唔去...結果今日有尋日出現o個四個再加崑一個.
去o個陣仲熱到死, 室外暴曬暴斃指數係10呀! 曬到我想死! 但係游游下就落晒雨咁, 仲掛埋雷暴警告! 玩野呀! d雨又凍, 打落個身又痛, 都唔知想點, 不知所謂~! 不過我地都係無走, 一於少理. 游到咁上下, 又唔落雨...係時候學下點樣游水喇~! 學極都唔識, 原來係個節奏唔o岩, 真係要黎游多幾次掌握下先!
都唔知做錯d乜, 成日都比佢地幾個圍捉, 又話要磨柱...想點姐~ 明恰我唔識swim la~ 搞到我成日都係傷痕, 損手爛腳咁~!
六點多d就上水, 去到更衣室沖身, 比花灑沖落黎ge水壓再加上暖水, 感覺非常好, 好舒服呀!
七點幾返到屋企...成身都散左咁...聽日好在返晏晝姐~~!
65%

>>May 28, 2003 at 12:25:03 AM GMT+8

2003 年 5 月 24 日 星期六 【晴】

swim~~
朝早至一點幾d雨大到乜咁, 落狗屎, 仲掛埋雷暴警告! 差d以為無得出去! 到左兩點幾, 個天終於都放晴, 好野, 有得去swim la~~~
死kwan又遲到, 約佢兩點九, 佢三點三先到, 累到我, alan, chris呆等三個字! 就o係等佢ge同時, 比我地三個見到泳池入面有個救生員好熟口面, 好似我地中學時期某位同學...
闊別左呢度差唔多九個月, d野好似無乜點變到, 唯一唔同就係個救生員, 佢真係我地以前個同學, 幾年無見, 佢又靚仔左(成個沖繩少年甲咁), 又大隻左, 仲做埋呢份優差, 正爆啦佢~
唔理咁多, 浸下水先, 今日都係諗住出黎曬下太陽同埋比對眼"舒展"下, 可惜...唉~~~
玩左好耐水, 都差唔多六點, 見到有三女走, 比我同alan見到一d唔應該見到ge野...^^ 我會記住呢日架喇~~!!
六點四出到去, 去左m記吹左半粒鐘, 再陪low b chris去百佳買朱古力食, 我只係用左三蚊就買左包kinder繽紛樂黎食, 點解? 因為我就係得咁多錢囉~多謝晒alan la~~
七點半先返到屋企, 玩左成日, 都係得少少tired, 勁~!
68%~
to 魚, 下次先啦, 有時間先啦, 就黎考試喇我...!
to viove, ^^~

>>May 25, 2003 at 1:35:11 PM GMT+8

2003 年 5 月 23 日 星期五 【晴】

閒悶``
由於alan今朝又起唔身, 又係得我一個人返ive, 九點都唔夠就返到, 全組人得我一個, 比佢地吹到"bear"一聲! 做做下野, 班友先陸續返到, 到左十點九, alan同gary先出現, 但係阿sir話十一點就收檔喎, 佢地組人d野都未郁過, 去死啦~! 十一點半交埋晒所有野就走得...晏晝又唔上!
alan, avis, fung bee, kei and me去左哈迪斯度食, 我地今日lunch淨係講一個topic, 講florence d笑野, 佢跟本就係一個大笑話黎呀, 有佢o係度一定唔會悶親, 但係就日頭唔好講人, 夜晚唔好講鬼, 一講佢就打黎比avis, 邪到你丫!
lunch好爆笑, fung bee先走, 其餘四個就撘火車走人喇! o係火車入面我地又講第二個topic, 講我地自己班入面d人, 真係唔知想點~! 好似講人地壞話咁~!
兩點幾就返到屋企, 早到連我自己都被嚇親, 好似自開學以黎, 都未試過咁早架! 今日扮乖!
夜晚十點半拎左隻"鬼鈴"出黎睇, 我等左呢日好耐, 終於都睇喇, 好正, 真係無買錯~!
聽日swim...正呀~~
66%~

>>May 25, 2003 at 1:32:17 PM GMT+8