2003 年 1 月 1 日 星期三 【陰】

尋晚一點幾心情開始好轉番~!
但係到左今日...未溫書...好淆底呀!!
晏晝兩點未夠去到大埔墟, 目的係為左溫書...! 但係我無上去佢屋企先...call 左早到ge alan落黎食lunch!!
去到大家樂, 同佢一人叫左個飯, 食食下見到有人拎住多士先知係下午茶時間, 我同佢都食唔晒d飯, 又醒唔起係tea time...o徙晒d錢同埋飯, 勁dum春呀!! 啦把啦, 唔叫都叫左...同alan食呀食, hea呀hea, 就係臨食完之際, 有條中年麻甩甩髮男坐左落黎...三唔識七, 無啦啦同我地撘訕! 又講咩而家d年青人無乜友愛...又想佢自己ge當年...由六十年代ge黑白電視時期講到七十年代ge彩色電視...我頂丫, 講到而家d人咁無情, 跟住我同alan話識左七年佢先無聲出jar!
嘩...跟住我地以無時間為理由走左, 如果唔係聽佢講到五點都有份! 要聽佢d野不如返屋企問! 甩難後我地並無即刻上pierre屋企, 而係去左百佳買野咬下~~
三點上到去, 今次佢屋企勁有溫書氣氛, good la~~
3:00至5:00溫書....
O係溫書ge途中梗係拎d野食出黎啦, 佢d三角朱古力勁大舊同埋好"漏"~!
三個人溫到六點左右就放鬆晒喇, 去左玩icq~! 到左七點半先落去dinner~我地一路行一路講笑, 又聽左唔少野喇~ 我地三個一路食野一路細談上一代ge事, 談得不亦樂乎~~
食完野九點幾, 送埋pierre返屋企就同alan 返fanling 喇...
maths呢一科...都係等死把啦....!

>>January 2, 2003 at 12:46:47 AM GMT+8

2003 年 1 月 1 日 星期三 【晴】

而家係03年1月1日ge凌晨...迎接03年ge倒數就坐左o係電腦同埋電視前渡過...
此時此刻, 對新一年ge來臨並無咩特別ge感覺...呢個勁不知所謂ge 02年就咁過左! 聽日係新一年新開始, 希望今年會過得好d...
今日全日都o係屋企, 無野做, 淨係拎晒所有"陸屎"出黎執番好....就係咁喇....仲未溫過, 今次死實! 惟有聽日去pierre屋企溫下啦....
to 死你fung and pierre:
你兩條搞屎棍丫, 祝你地今年會有桃花運行啦~
to carman:
你個fd o係1月1日ge凌晨離開香港, 其他人就開開心心咁慶祝新年, 而你地就要含淚送別, 滋味殊不好受....睇見d fds一個一個咁走左實好唔開心...但係你仲有好多fds ar, 有miku ar~! 仲有...唔..!
新一年就開心d 啦~!
祝自己今年會好運番d啦, 事事順境!

>>January 1, 2003 at 12:37:38 AM GMT+8

2002 年 12 月 31 日 星期二 【晴】

2002年大事回顧(下篇...)
話說上次講到黑色六月, 今次下半年仲啃! (july to december)
july:
延續上個月ge唔開心, 七月都過得唔係咁happy...試過去搵工, 但係未夠十八唔請...!
最開心莫過於月同中學ge teacher去左露營, 但係又落雨...變左宿營~!
august:
係我過得最bull shit ge八月!!!
八月十四日打打下波比人偷q晒d野, 鎖匙, 手提, 銀包同埋入面所有ge珍貴貼紙相and all 證件乜都無晒, 變成一無所有...一個人黑仔, 連個天都要玩謝你!! 三失! 仆....
september:
ive ge design唔收我, 然後我又"懶"醒咁等第二次機會, 但係到左第二round, 居煞唔收我, 變左四失...到左月中, 第一round 收我ge第二志願收番我...點唔鍾意都要讀!
整個九月活在驚慌同埋變遷中!!
october:
好多人生日....包括自己, 而19/10(生日前夕), 同三仔and yan過得好難忘, 呢一世都記得~
20/10(正日牛一), 同屋企人去左ocean park玩, 好耐無去過!
28/10, 係包包生日, 之後幾日買左樣好貴ge生日禮物比佢...一年先一次, 算啦~
返學返得幾開心, 識左一班好好玩ge新朋友~~
十月開始有所改善~!
november:
日日返學都係一個款...無乜分別...
7/11四仔入面ge豪仔生日, 四仔正式大個仔!
19/11耆英又成年囉~18 la~
去左一次pierre屋企打邊爐~
8/11識左carman, 呢個人都幾好人, 同埋幾好傾, 好快就熟落左喇~!
december:
呢個月有d反覆....
又去左pierre屋企打邊爐, 幾好玩~
過左個lonely christmas....
25號又識多兩個fd: 阿魚同埋"水晶", 阿魚仲做埋我個妹tim~
29號...唉~!
30號, 71202幾位仁兄黎左開一個"冬季燒烤大會"~
31號.....全日stay at home 過除夕啦!
咁bad luck ge一年就咁過去...對下年充滿盼望!
希望d報紙預測ge運9青唔會呃人!!

>>December 31, 2002 at 4:01:16 PM GMT+8

2002 年 12 月 30 日 星期一 【晴】

尋日(30號)凌晨收左阿魚做我個妹, 從此我又多個喇~
朝早無發生咩事, 約左71202同學仔黎我度bbq, 約佢地一點o係上水等, 但係d交通好麻煩, 結果遲到四個字...去到pierre仲未黎到, 都預左啦, 因為我接近一點先打去唔覺意嘈醒佢, 無一粒鐘都出唔到黎呀!!
我去到o個陣已經人齊, 有ka lok, +x, florence同埋阿基, 跟住就去左街市上面個大排檔食野...d野都唔好食ge...><". 之後就走圍行下, 諗住等埋pierre先買野食...點知條死仔成三點先到...唔好過份d~~! O係買野之前, 我同ka lok買左珍寶珠食, 好有返學feel~~
買完野, 每人只係夾左五十蚊, 勁抵囉~! 四點幾就返到屋企喇...
安頓一切之後, 我地開始透爐, 但係就透到不知所謂...d灰飛晒出黎, 搞左差唔多成半粒鐘先得, 好cheap呀我地!
跟住我地一路係咁燒呀燒, 燒到六點幾七點, 崑話有隻蝙蝠飛左入房...唔係呀ma, 但係佢地好似全部都未見過呢樣野, 即係刻晒過去睇, 隻野又驚過頭, 飛左入我床下底...! 而pierre同ka lok就"懶"係專家咁捉左佢出黎, 放走左lu...不過比我發現左一樣野, 就係阿基係好怕呢d小動物架, 佢一路都唔夠膽行埋黎睇, 而且仲有開d tim, 原來佢ge身形係唔同個身成正比架~~!
七點幾, florence約左人話走先, 送左佢走先!
燒燒下野食, mum又煲左糖水, 又拎左d好野出黎食, 大家柴娃娃咁一齊分屍都幾好玩架~我地食食下又講核突野, 同平時食飯差唔多, 不過今日地方多左, 而且又玩得仲放, 死班顛佬咁~~講講下又講d卡通片點誇張, 講到眉飛色舞呀我地! 之後我又拎左d相比佢地睇, 個個都睇到眼甘甘囉, 咩事姐, 唔抵得呀~~
到左九點幾十點, 個個入晒我房搞機, 好在ka lok幫我搞一搞部機, 部野又順番唔少喇~唔該晒~!
十一點幾, 佢地幫手執左d手尾, 然後送晒佢地上車就要返屋企, 但係返到黎仲有野未執完...執埋先沖得涼....
*regular friend...??? 呢件事只得ka lok同pierre兩個人知...但係又好似乜事都無發生過咁...

>>December 31, 2002 at 12:11:22 PM GMT+8

2002 年 12 月 30 日 星期一 【晴】

講左喇...終於都唔駛收收埋埋...過程其實好唔知點講...好難講...都好, 可以放鬆一口氣先...算係完成左半件心願!
多謝yan全程用電話"旁"住, 無佢實唔知點好!! 多得佢d意見~!
好謝晒!
係時候要訓....z_z"

>>December 30, 2002 at 3:39:05 AM GMT+8

2002 年 12 月 29 日 星期日 【晴】

朝早訓到十一點幾...但係都唔係幾夠訓, 加上尋日打完波, 今日有d tired....~.~"
到左十二點, 屋企好似無乜吸引我食, 拉開櫃桶, 見到一大包士多啤利威化餅(早餐同午餐)...一口氣就食左差唔多半包...雖然好好食, 但係令我諗起返學所食ge"珍寶珠"tim...好耐無食!
唉...無驚無險又到三點, 正諗住出門口之際, may e打黎, 唔知係咪返緊工定係點, 無lala問我英文...仲要係寫memo同埋比boss睇ge...嘩, 唔係好記得d grammar啦...教錯咪好大穫?! 最後, 好在都好似幾順咁, 唔理佢喇~!
三點九去到打波...開頭"奇蹟隊"係咁輸比chris's brother佢地, 好在我地最後都覆桌成功, 仲連贏左幾舖, 都係最後同外人打得較高難度....!
六點鐘打完, 三仔: me, kwan and chris走左去m記坐, 死kwan窮到咩咁, 要問我借錢買野飲~~而我就拎住六蚊買左個包食, 至於chris, 佢有九蚊, 我同佢討論可以買到咩, 點知最後佢買左兩樣野返黎食, 有d唔係咁抵得佢tim~!
食左半粒鐘就散lu, 今日ge行程就咁完結!
聽日同71202 d人bbq, 有d期待!!
呢兩日又發作...好似d女仔"咩"到咁, d心情好反覆....
心情指數: 60%(下跌左10%!)

>>December 30, 2002 at 12:12:47 AM GMT+8

2002 年 12 月 28 日 星期六 【晴】

朝早同崑去左食早餐, 都無乜特別, 但係有一件事差d嚇死我, 就係本身今日話早上會停電, 而我又開左電腦, 如果無電就真係大穫...因為咁早起左身唔知做乜好!! 好在, 好在呢樣野無發生到...!
晏晝點幾兩點睇vcd--係睇"珍珠港"呀, 好好睇, 好睇到唔捨得走(約左kwan去打波, 約左佢三點), 睇到兩點九先走人....但係仲未睇完架喎!!
三點半去到, 本身仲以為人都到晒, 點知去到得我, 崑同埋chris....死kwan約人三點, 佢成三點九先到, 仲要係佢帶波, 過份啦!!
今日有六個人去左, 我, 崑, 耆英, kwan, 大舊同埋chris, 而今日手風都甚順, 贏左唔少, 雖然係打自己友, 但係都唔錯啦, 有好多入波同埋助攻呀~~勁呀, 交左好多球靚波比佢地, 但係佢地真係無乜用喇, 炒左我幾球, waste料呀~!
打到六點半就走左, 得番我, kwan X2, chris去左m記, 去m記就淨係為左見下carrie jar, 我同崑坐大無幾耐就走lu~!
今日睇報紙, 天秤座出年好旺呀~~hehe, 尤其....~~

>>December 28, 2002 at 11:49:46 PM GMT+8

2002 年 12 月 27 日 星期五 【雨】

一早冒雨去左食早餐, 又見到個四歲ge小美人, 今朝佢一路陪我食早餐, 仲不停咁撩我玩, 佢仲抵死到細細力咁搣我塊面...搞到我差d面紅~~! 班大人仲話佢專同d大過佢ge男仔玩...講到好有陰謀咁~!
返到屋企無乜好做...
haha, 今日都算係01601(舊年found dip ge class code)ge大日子, 因為約左出食打邊爐. 點解叫大日子呢, 係因為今次ge出席人數破晒大會紀錄--係十八個(我, 媽媽, anthony, theron, 基佬, 阿昌, 小吉吉, ka ho, 黑鬼, 肚強, 阿宏, 阿傑, 腳指, 仲有四個唔係咁熟ge同學仔)!! 上到去要用左一大一細ge檯先裝得晒!!
我坐左o係媽媽隔離, 可以八下佢返學d野, 又順手八埋璇姐ge近況, 皆因太耐無見佢喇...有d掛住佢! 全場兩條女, 媽媽同埋小吉吉, 佢地兩個不約而同咁戴左冷帽, 我地成日都將佢地頂冷帽除黎除去, 比我地玩謝, 仲強迫咁影埋相tim~勁慘啦~!
一大班人聚舊d野就當然互八架啦, 我又好慘咁做左其中一個: 死阿昌唔知放埋d咩風, 同anthony 佢地講話我有gf...死得啦今次...之後個個又話中有話咁講野~~! 死anthony居然信阿昌都唔信我, 仲話我有gf都唔出奇, 無先唔似喎! 死未~! 席間, 比我發現左一樣驚人ge新聞, 原來阿傑都食煙架, 舊年同佢成年都唔知佢食, 到左今日先公開~不過無所謂啦, 都見慣, 唔係我食就得~~
食到十點半, 埋單走人, 但係今日鬼整佢丫, 要成$106咁貴, 上次我地星期六黎食先至九十蚊之ma! 落左樓之後, 大部份人話去theron個竇度打牌, 我同昌同埋小吉吉走先, 其他人就唔知去邊lu~ 最令人擔心就係媽媽啦, o係度死班仔得佢一條女, 而且仲飲過下beer tim, 璇姐唔o係度就無乜邊個撐你, 不過佢地都唔會做d乜野ge, 信得過佢地~
今日唔筧意整左個梅豔芳頭出黎, 都幾好睇喎~

>>December 28, 2002 at 1:29:22 AM GMT+8

2002 年 12 月 26 日 星期四 【陰】

尋日三點幾先訓...今日訓到十二點先起身, 又好喎, 呢排咁夜訓d暗瘡都唔蒲頭, 真難得~~
mum同阿爺佢地去左東涌探人, 所以晏晝o個餐無著落, 惟有等下午茶時間先食啦...今日我同崑都係仲著住波衫同波褲(加左褸同項巾), 同佢行出去食野o個陣真係冷得要命...o雪~~><".....點知行到間野先知今日休息...我頂, boxing day先黎玩我...超凍...返到屋企望下溫度計, 係一個好驚人ge數字--7度!! 死未!?
無無聊聊咁打下機就到左四點幾, 四個大人, 即係兩對父母返到黎...費事老人家無聊, mum就叫我播套戲比佢地睇, 係"特務迷城", 由阿成龍大哥做, 但係係西片黎, 佢地識睇掛...
真係唔講得笑, mum ge煮飯速度真係無人能及...話咁快, 九個字就整好, 仲要係得五點鐘...佢居然話dinner! 有冇搞錯, 三點幾先至"陸"左面黎食, 而家要dinner?! 好食唔落.... 一路睇戲一路食飯, 食得好慢呀~!
夜晚又係無無聊聊咁過...不過o係沖涼o個陣就用得太多熱水o係洗頭o個part, 少左熱水o係沖o個度, 好凍呀, 一路沖一路打冷振....>"<
哎呀...食完飯唔記得左打番比"佢"tim...

>>December 27, 2002 at 12:11:11 AM GMT+8

2002 年 12 月 25 日 星期三 【晴】

約左豪仔五點九o係粉嶺火車站等, 跟住又打黎話去許留山搵佢, 玩咩~! 入到去見到佢同兩條女一齊, 開頭仲以為係約左呢兩個, 好在只係佢約出黎飲下野ge中學fds姐...四條友坐左o係度hea, 但係得三個人講野, 原因係我完全無話題...o係度坐左一粒鐘, 我講左無十句野...回復我沈默ge本性....
到左六點九我同佢先出發, 七點幾去到新世紀, 豪仔ge人仲未到, 我又好肚餓, 所以走左上五樓食野, 而ho仔就淨係睇住我食!
食完野, 阿魚(ho's fd)同佢個fd黎到...哧左我一跳~! 跟住落樓下會合埋o係屋企出黎ge kwan, 一行五人就出發喇~! 本來話去影貼紙相, 但係又無影到, o係旺角行左陣之後就用腳行去尖咀!! 途中, 行後ge ho and 魚打黎叫我撩佢個fd傾計喎...咩事呀...我唔識架喎! 見佢一條友o係度行, 我就叫kwan 去喇~~
行到都成九點幾, ho又話要食野, 無奈咁兜左個大圈先有個地方落下腳...食到唔知幾點, 又要行過...我地行呀行, 條街又窄, 人又多, o係咁ge情況下, 行左好耐先到海旁...! 到左當然要坐番陣啦, 如是者, 我地五個就吹左陣水...我又唔知做乜咁做左人地個"愛人"(講下笑姐)~~??? 一間間.....
坐到個個都凍晒, 又要行過, 今次係由中間位置行去碼頭, 跟住再由碼頭行番轉頭...
行緊o個陣d人都幾黑人憎, 拎住d野周圍噴...噴到人地成身都係, 仲整到d空氣好濁tim, bad!!!!
行到就黎一點, 要撘火車走...點知又好o岩咁撞到penny, 原來佢先arm arm 放工jar...佢仲同佢老豆and 工友一齊返, 好似好慘咁, 我地又唔理佢...!
ho兩個fds o係旺角站落左車lu...~!
撘火車見悶, 打左比carman傾左一陣....
哎呀...今年無禮物收tim...boxing day無得拆!!
*我送首"愛的故事(上集)" 比自己!! 仲有好應節ge歌--"Lonely Christmas"!!

>>December 26, 2002 at 2:54:16 AM GMT+8