2003 年 1 月 20 日 星期一 【晴】

今朝個個都緊緊張張咁...原因係今日十點我地就要出去做英文ge project presentation ar...仲要叫住唔好遲到, 要返去練下~!
見到alan同kei都好驚咁...就連平時好鎮定阿leader avis都話有少少緊張...整到我都有少少"劣"tim...睇完ka lok佢地o個組好似做得唔錯, 我地就仲驚...好在仲有時間, 跟住我地就商量要講多d野, 即係話要玩爆肚~!
嘩...好在坐低左之後avis同pierre好定jar, 跟住先帶番起我地, 同+x又夾得好唔錯, 而且我地好有氣氛, 唔錯唔錯~~! present完之後, alan同pierre又走左過去ka lok佢地度傾ro...得番阿基o係度砌sircuit...見佢一個人砌, 砌到成個人都就黎痴線咁滯, 自己又幫唔到手...好不濟呀我!! 有見及此, 我就執頭執尾乜都做下, 希望可以幫輕下佢啦...總之我地唔夠時間, 一定要快d做完, 我地呢組唔可以再唔嗲唔吊!!!
lunch比o係禾輋見到做kfc廣告o個個ive model ar~~
返到去上左四堂兩科ge電腦...好痴線呀....!
五點半返學就即走lu...今日無乜餘興節目, 由火車到返到屋企都係傾電話...足足傾左八個字呀~~!
*今日做ge group present多得avis尋晚做好份稿比我地睇, 無佢我地今次實死, 多得阿基肯砌無人肯砌ge circuit..亦不枉我尋日無去打ball, 有份出腦汁對呢份野出黎~!

>>January 20, 2003 at 11:43:18 PM GMT+8

2003 年 1 月 19 日 星期日 【晴】

十二點幾等到mum返黎, 等左佢d染料好耐, 而且仲有gel, happy ar~~染左之後好似無乜colour咁, 好唔知點咁~!
食埋野到左兩點九, 去到pierre屋企, 人好齊, 有avis, kei, Pierre & +x, 除左alan唔黎之外, 我係最遲 o個個..唔好意思! 由於avis o係度, 而且佢又係今次我地group ge chairman, 所以我地今日個個都好正經...我地一路係咁隊今次ge discussion, 一路就食pierre d朱古力, 次次上親去我地都食佢好多野, 係佢養肥我地ge, 尤其係+x 啦~
今次ge meeting比我地搞到好似好大穫咁, 個個都好認真, 体驗到咩叫team work!
問完佢地之後先知係個頭d colour係咩色~~係紅紅地有d紫色架!

唉...個個fd都話要返工, 而家星期六, 日想約佢地出黎都唔得...頓覺孤單...v.v"

>>January 20, 2003 at 12:07:37 AM GMT+8

2003 年 1 月 18 日 星期六 【晴】

十點幾食完早餐, 一家四口去左剪頭髮...dad自己一個人去左第二間剪完就走左, 因為佢係唔想等我地三個咁耐...
我同kwan剪完出黎都唔係咁滿意...又落唔夠多, 條友淨係自己捽晒落自己對手度, 之後就係咁意幫我"hi"兩野野落頭, 其他ge就用晒黎幫對手當cream用!! 又唔識gel喎, 整到我成個阿旺咁...如果個頭有其他顏色我諗我都無咁失落, 可惜ge係有colour ge地方差唔多剪晒出黎....
同崑出左去等mum, 係時候打比yan約佢睇戲喇...一路由十二點幾等到兩點先有答覆...本身佢話去ge, 但係佢又話約左個fd....無奈啦, 又比佢放多一次飛機, 經過今日之後, 佢同我都無乜match ge時間...唉!! 勁upset! 最慘就係枉我等左粒幾鐘ge答覆居然係咁....v.v"
無奈之下就約番mum佢地食野, 我地五個人(me, kwan, mum, 婆, may e)去左大家樂食tea...跟住係咁講家事, hea到三點幾四點先起身...超悶呀!
出左去行家品店, 跟住就係去百佳, 一心諗住可以買到o岩ge染髮劑, 點知有版無貨, 又無泥買喎...wt a fucking 百佳!!!
無奈地mum又要買好多野, 又要抽住may e比婆ge海味and the others, 又要抽住mum買ge油, 我同崑都無手多...今日真係過得不易....
比人放多次飛機, 一心以為聽日有得打波, 但係突然又話要傾project, 跟住個modem又好似撞一野就想short咁...多種原因加埋令我今日ge心情指數下降至40%....yan已經係連續兩日放我兩次....唉!
無乜機會喇!!!!

>>January 19, 2003 at 12:05:57 AM GMT+8

2003 年 1 月 17 日 星期五 【晴】

d頭髮太長...今日卒之jel唔起lu...
八點幾返到ive, 無聊左好耐, d lab好似無做過咁, 到左阿基返到黎無耐, 佢話其中一個locker比人收埋左隻貓...d人勁變態, 咁ge事都做得出! 我仲聽到隻貓o係度哀鳴...! 到左十一點幾十二點仲未放番佢出黎, 收埋佢o係入面o個個都唔係人黎架!
我地差唔多成十個人去左禾輋食野, o係個商場入面比我地見到"至net小人類"ge其中一個女主持喎, 係真人靚過上鏡好多好多!!!
食完野返左去玩, 玩到一點七先上去上通識, 入到去跟本就係比我地訓覺...! 差d成個人訓著左! 兩點八出番黎就打比yan, 等佢踩完單車就睇戲...但係好可惜, 佢未踩完, 整到我好掃興!! 好在lok話返粉嶺有波打姐, 唔係就實悶死!!
同lok and 1 boy一隊都贏到好多, 點知到左一隊強隊出現先收拾到我地~跟本對住敵隊無可能唔輸, 條半鬼仔超勁, 又快, 成個iverson 咁! 另一個就好準, 又有組織, 輸得心服口服啦~跟住另一個勁人出埋黎, 佢地二打二o個陣, 個勁人鋤樽呀~我同o靚仔坐o係個架底下o個種llive ge感覺真係正爆~~!
坐坐下, 文輝打電話黎, 話黎左粉嶺...無lala比左個surprise我, 佢同佢個fds hea完之後就黎搵我"dum波鐘", 佢有佢傾電話, 我有我打ball~打到六點半我地先走~但係就唔知文輝要去邊度hea時間喇...
今日有入樽睇, 仲要o係鬥波場面出現, 真係勁滿足, 心情好番好多! 但係就幾鬼仔喇, 朝早比fung同埋alan用野燒"龍"左我隻monkey匙扣, 打波又比人扯斷左褲腳條橡筋, 左腳又拗柴, 右手手指公又串魚蛋!! 傷亡摻重呀!!!
聽日一定要去剪頭髮, 仲要染多次~!

>>January 18, 2003 at 12:14:49 AM GMT+8

2003 年 1 月 16 日 星期四 【晴】

wah hahaha~今日返學都算係返得好順~!
一早就同+x返ive做gym, 點知我地約錯地點等...每人呆等左個幾字~
做完gym就踢毽, 到左十一點先返上去, 勁"支力"呀~!!! EN阿sir居然無派卷...勁到全朝都講書, 我又成身軟晒, 頂唔住就訓左喇...到左十二點三先起身~
放左學我地食完野就去UA睇戲, ka lok真係唔話得, 一個人o係我地食緊飯ge時候走左去買飛, 唔該晒! 而+x一早就走左去陪嫂夫人!
我, ka lok, alan同埋fung入到戲院坐低左就開始睇, 呢套咁ge死人"鬼鈴"雖然一開始係有d抄"鬼水凶靈", 但係仲有劇情過佢, 而且論驚嚇程度係有過之而無不及, 勁驚人~! 總之就好好睇啦, 未睇ge人就快d去~!
三點幾四點出左黎, 我地四仔會合o係西田行街街ge avis同埋florence, 我地四個同佢地分亨心德同埋介紹佢地睇tim~
四點幾五點, 返到粉嶺, 咁arm又撞到lok, 同佢一齊返屋企, 又見時間尚早, 去左佢屋企坐左陣, 好正呀佢屋企, d房好闊, 好羨慕呀~~到左五點九先走, 一個字就返到屋企食飯喇~!
心情指數: 今日真係去得好順, 有55%...

>>January 16, 2003 at 11:23:54 PM GMT+8

2003 年 1 月 15 日 星期三 【晴】

alan今朝又唔知醒, 又係得自己一條友返ive, 返到去無乜人上堂...但係阿sir講份卷d野喎~過左無幾耐, d人開始多番, 派卷喇, 我有65分, 算係咁啦...都叫做對得住自己, 可惜ro團又證明左一件事--打機無好死, 佢地全炒(除左"道行"尚淺ge +x同埋阿基合格...), 唉...打咁多機, 唔合格無得懶, 鬼叫你地唔溫咩....
lunch又去左"食落美"...再係咁食法我會好快就厭!! 之後我地分批落左去落樓下7仔, d"環境"唔錯喎~~呢樣野fung就知喇~~~
返到去見到pierre個樣好似有d唔妥...又粒聲唔出, 都好似有d野啦...不過佢唔講就唔理佢住啦...踢毽先~死文輝抵死啦, 成日特登踢去班女仔度, 我地終於忍佢唔住, 捉左佢去磨柱, 今日異常地多人玩, 當時o個度最少有五十人睇住受死, 由今日開始實有好多人識佢~!
過左無幾耐, 我地上返去上IM堂, 知佢派卷喇, 今次得33分...果然, 付出同收穫係成正比...預左死啦, 仲比我預期中多左...而pierre睇完份卷之後就持續mood down...真令人擔心~!
兩點二放學落左去踢毽, pierre終於開口講佢發生過乜事...原來係咁...
過左無幾耐, 見到carman佢地o係neway下打玩...ignore左...
去到撘火車ge時候, 咁arm carrie打黎, 又悶悶地, 咁就約左yan同埋佢出黎請佢"食飯"喇! ^^
嘩...佢地去左許留山食左個無特價ge甜品同埋飲左杯野...咁就去左$58, 我仲要係無食過野tim! 勁貴呀! 跟住我地就各自o係書包拎左野出黎寫and 睇, hea就一大輪之後就去左行中心, 行行下, yan接左個令佢好開心ge電話, 而我同carrie就覺得好出奇喇~~that's ok la, 你開心我咪開心囉~hehe, 何況我又會有"數"ge~呵~
送完佢地兩個走左就去會合lok打ball, 打左兩舖都贏~到左六點幾就返屋企lu~
今日就係咁!
今日心情: 見到yan同埋carrie, 仲有份CO1 ge卷, 50%啦, 係因為"你"jar~!

to pierre: 無隔夜愁架你地...想開解你, 但係又唔知點講好, 希望你自己會諗通啦, 佢咁做都係為你好姐, 努力啦! 無聲鼓勵呀!

>>January 23, 2003 at 11:55:43 PM GMT+8

2003 年 1 月 14 日 星期二 【晴】

一早比人放左飛機, 九點十打黎話佢自己返十一點半...叫我唔駛等佢, 無奈啦, 一於請食糖補數!
跟住就打比+x約佢一齊返, 去到火炭落左火車, 又咁o岩撞到avis同florence一齊, 咁我地就一齊返學喇. maths堂+x坐我隔離, 我地仲要坐最頭, 好留心咁聽書!!
lunch去左"食樂美", 好多人....我食完飯又走大去買糖食, 實肥呀...返ive o個陣撞到ka yu arm arm出黎放lunch~!
返到去上ct, 臨落堂派卷, 個個都淆晒底...點知我得41分, 但係都好開心, 因為呢科我預左炒, 點知又會合格, 開心死我喇~! 而alan 佢地ge ro團就得pierre炒左, 都有d抵佢ge...呢段期間唔好打咁多ma...經過上次c++份卷之後, 佢地ro團淨係得阿基生還, 希望佢地真係會返醒下咩叫"玩物喪志"!!
三點鐘放左, 落去踢毽之前睇左兩野英文notes, prepare for陣間ge test, 而alan同florence就好似好驚咁, 而有部份都索性放棄唔溫lu~!
上到去做完份野話難唔難, 我諗都會合格ge~! 梗係啦, miss(janet)放晒水, 爭在未寫個answer o係board jar!
等到d人出晒黎之後, 我地繼續我地ge玩意...死文輝同阿昌好煩, 真係想捉佢地埋一二邊執佢! 仲要一唱一和, 我唔出聲你地好收口啦!! 比其他人聽到我就無所謂呀, 對方d人聽到就人地有排煩!!!
踢踢下我去左canteen買童星點心面黎食, 跟住去左籃球場睇ka yu比賽, 佢打得好搏, o係我地ge打氣之下就贏左喇~
六點半我地走lu, 但係臨走前我又去左canteen買m&m食....做乜食到咁多野架!!!!! 可能食野真係一個最好ge發洩ge方法!!
reply:
to ho, 你手提又無分鐘, 叫我點搵你呀...成日都話唔好唔好...有幾先...起碼好過無先啦...唉, 唔知講咩呀, 你得閒就約我啦!
心情指數: 35%(係因為份ct卷合格先多左5%...)

>>January 14, 2003 at 11:47:16 PM GMT+8

2003 年 1 月 13 日 星期一 【晴】

thx all guys who care me~而家無事喇, 一切正常~!!
今朝返早, 要上狗屎人ge堂...alan同pierre都遲返...一個人孤伶伶咁返...早知就約埋carman la~!
返到去隻狗遲到...我八點七八上到去都叫遲啦, 佢仲遲過我, 呢d咁ge人點教書呀!
過左無幾耐, 佢拎左一大疊file上黎, 跟住無lala就開咪叫"李霆峰"! 嘩, 嚇死咩, 拎住file咁叫法...叫左我出去之後就同講, 佢係我今年ge tutor...咁多人死唔見佢死...何必偏偏選中我....跟住落去仲有好多同學都今年由佢跟...god bless us la!
由於係做project ge關係, 十二點半先放, 本身仲諗住佢十二點放可以有好多時間唱k tim...點知去到neway又無乜位剩, 要我地十一個人逼入一間八人房, 食野都無位呀! (今日出席ge人有: avis, florence, alan, pierre, fung, +x, kei, ka lok, 文輝, 阿昌同埋我), 人又多, 咪又少, 又話兩點要交房, 我淨係唱左三首唔完整ge歌, 同埋食左餐飯就收左皮...今日超唔抵唱!!!
兩點幾返到去, 玩番一樣我地久違左ge玩意, 食次又有好多人踢~~~happy 番少少, 不過尋日打完波, 好tired ar!
到左差唔多三點半臨上堂前我地仲去左canteen hea 左一陣, 仲買左少少零食咬下, 好似食極都唔飽咁~
電腦堂派卷, 本班ge平均分係三十幾, 仲有十幾個唔合格, 幾個係單位數, 幾驚有我份呀, 好在我都有三十二分, 比我想像中好好多, 仲以為得十幾分tim~不過alan就慘d 喇, 單位數...都有少少抵死ge, 明知考試仲去打機唔溫書, 但係平時見佢都有做classwork ga, 唔做o個個係我, 跟住結果係咁~真係還得神落咯~
放左學又踢毽...六點三走左.!
九點幾正諗住溫下英文之際, may姨打黎...佢打親黎問我野我就有排都唔駛收線...事關佢問我英文, 仲要係返工o個d, 今次仲大穫, 佢過兩日要interview...問著個程度一般ge人, 真係有少少力不從心ge感覺...anyway, 佢話見得成就請我唱k~~
今日算係咁...心情指數: 35%

>>January 14, 2003 at 12:17:10 AM GMT+8

2003 年 1 月 12 日 星期日 【晴】

daer fds:
我無乜野事...只係一時忍唔住姐, 無事喇, 唔駛擔心...唔講你地唔知, 其實我係一個感情豐富ge人!
by tingfung 12/1/03

>>January 12, 2003 at 11:36:12 PM GMT+8

2003 年 1 月 12 日 星期日 【晴】

等左咁耐, 成個幾禮拜, 今日終於都可以去打波~! 三點幾去到, 開頭打左五舖, 贏左三舖, 而跟住同lok同埋penny一隊, 開始有人跟隊, 可幸ge係我今日都幾準, 己隊一路係咁贏, 連贏左五場, 跟住到左最後一舖, 打番自己友, 惡鬥kwan and chris and 1boy, 我地連打咁多舖, 早已筋竭力疲...輸左lu...
為左等埋lok先走, 要睇局住要睇佢, chris and kwan打埋最一舖先, 睇佢地打得好激, 係最難打ge一場, 終於都比佢地贏左, 跟住先可返屋企食飯....
八點幾食完飯, mum and dad 接到阿ma打黎ge電話...知道dad病到"面容扭曲"(係真架!), 打黎"叫"mum要好好照顧dad, 如果唔係佢唔會病...一家唔知一家事, mum o係背後做左幾多你地唔知就唔好亂嘈, after this phone call, mum滿肚怨屈...跟住就同dad為左呢件事嘈左出黎...身為大仔ge我好唔想睇到呢d事又發生, 主動勸止...但係並唔湊效...mum cried...佢地並無收聲, 雖然唔係炒大穫, 只係討論得激動左少少...一個無啦啦食左死貓, 一個又不吐不快....我又叫停唔到佢兩個, 跟住就到我...眼淚制止唔住...
過多左陣...佢地兩個好似平伏番少少, 但係都疆晒...次次有親呢d事都係唔多唔少同阿ma佢地有關...但係為左呢d事瞠淚我都係第一次...希望佢兩個老人家知清楚始末先出聲....
*今年ge願望係一家人和睦相處...唔好再為一d少事而嘈...而"o個樣野"都係遲d先算...

>>January 12, 2003 at 11:30:01 PM GMT+8