2003 年 3 月 24 日 星期一 【陰】

開心時刻pizza hunt~~
八點九一條友返到去上project堂, 無乜人到...到左九點d人先陸續返到...今日我居然幫阿kei做左唔少野...係我上呢堂以黎最有貢獻一日...! 十點半到, 頂唔順喇, 同alan去左canteen食早餐, 點知avis落埋黎, 個死野剪左個髮, 又上埋色, 個髮型好似河童呀~~~雖然d colour唔似~~~食完野就上番去做野等放lunch...
到左十二點半, 我, fung bee, ka lok, avis, florence, kei, alan去左沙田pizza hunt食野, 估唔到店內燕瘦環肥, 有"明姐", 又有"阿成"! 其中一個waitress"阿成"叫做kiko, 佢勁好玩呀, 好搞笑~~ 食完野我地坐左o係度hea, 玩左兩個games: 第一個係"D係乜野?" ; 第二個係"black magic". 玩第一個o個陣時, 本身得fung bee玩我地六個, 估到我地死死下, 但係又幾好玩喎, 最後係由一個玩六個變成六個人玩一個florence~ 究竟佢係咪收左個腦o係locker唔記得拎出黎呢~~~ 跟住玩black magic, 由我, avis, ka lok同埋kei玩佢地三個, 死alan傻傻下咁, 明明我之前同佢一齊玩過都唔識玩, 抵比我地愚弄啦~~到左埋單o個陣仲叫埋kiko 黎玩tim~呢d服務態度先似樣架ma~
食野食到三點先返學, ka lok, florence, kei, fung bee走左返屋企...得番我地三個人上...仲要幫佢地點埋名tim...~!
五點半放學勁"支力"...同pierre, alan一齊走...
今日66%~

>>March 25, 2003 at 12:21:37 AM GMT+8

2003 年 3 月 23 日 星期日 【陰】

傷傷傷....
朝早見個天黑黑地好似想落雨咁款, 仲以為無得打ball tim! 卒之都係去左打, 但係打之前同崑去左剪頭髮...剪短左好多呀...望落塊鏡度好唔慣, 見到自己個樣心理不自禁會問一句:" 做乜會咁架!?" 連自己都唔記得左cut hair...
兩點幾去到球場, 人都未到齊...但係唔理喇, 鬥住先! 同左chris's brother and his fd一隊, 都有d睇頭架, 起碼有外圍準丫ma! 打左好多場, 成十場都有, 但係只輸過一兩次, 你都咪話唔猛料! 最好玩莫過於尾三o個場, 先比人入三粒, 但係憑我一己之力連射入三粒追平, 之後好快咁比敵隊入多一兩球, 跟住又比隊友同埋我大約入左三球反勝!! 不消兩個字就KO左對手, 我射得性起, 殺佢一個片甲不留!!
打到五點幾去左m記食左少少野, 行多一陣就走喇, 好tired ar....
66% 射得好順~~!
*次次去親區場打波都會受傷架我...首先一個轉身比人用上五寸下五寸撞到小峰子...差d變左做岳不群!! 好在無事姐...; 跟住臨尾跳起比人撞一撞, 著地時隻左腳拗一拗...赤赤痛..."奇蹟隊"第二個人受傷....呵呵...!

>>March 24, 2003 at 12:04:30 AM GMT+8

2003 年 3 月 22 日 星期六 【陰】

下一站...天后``
朝早十點幾約左媚姨and 婆去飲茶, 到左十二點幾我先撇甩左佢地四個去私會kwan...
約左個粉皮十二點半, 但係佢又係遲到~上左火車打比阿魚, 原來佢係等我電話先郁...即係話佢又會遲到!! 到左旺角, 同kwan行左一陣就到百老匯, 時間尚早喎...到左一點九...阿姿又未到阿魚又仲o係沙田...d時間遲晒囉~
四欠一, 惟有過對面cyber city操下機先~死kwan砌車完全唔係我手腳~~跟住再玩多一陣就去左wellcome買零食喇, 上番去正好阿魚都黎到, 係時候入場~!
"下一站...天后"最後部份都幾感人, 係我入場之估唔到ge劇情之一! 呢套戲都ok好睇啦...
至於第二樣估唔到就係chi and 魚ge關係, 佢兩個o係去toilet之前仲係無乜兩句, 但係出番黎之後就完全唔到晒, 變左一對好似好耐無見ge舊朋友, 勁多野講, 仲好傾過我同kwan! 死未!
跟住去左影貼紙相, 呃錢架~~~唔多唔少都同我有d關係....~hehe~~
影完就三個陪一個kwan去左飲野...我地慘遭白眼, 因為一張檯四個人先幫襯一碗廿四味...!
好肚餓, 拿拿臨去左許留山食野, 食完野又吹水...又無lala吹左落我身上喎~ (無奈+dead air...)
六點幾出左黎, 各自回家....歸家途中恰眼訓...@.@"
今日幾好幾好...美中不足就係無去唱k....68%~

>>March 23, 2003 at 12:35:22 AM GMT+8

2003 年 3 月 21 日 星期五 【陰】

燒錢....
avis 尋日好似有少少病就係人都知, 但係最恐怖就在於佢今朝打黎比我:"喂tingfung ar, 我今日都係唔返喇...我有d咳呀, 係乾咳呀....(刪下幾分鐘恐怖對話...)" 比佢咁講一講就嚇到我同alan早餐都唔係幾食得落, 鬼咩, 我地成日都玩得咁埋, avis一有事就即係話我地幾個都相計中招...唯有等佢去睇e生check下有冇野啦...
上到工場先發覺無帶銷匙...咁我今日返黎做乜架, 返黎幫你地吸菌...?! 而且pierre d野都o係我度, 立即打比佢叫佢唔好返黎...都係我害左佢...唔好意思...! 無野做就惟有做下helper幫佢地手同埋睇漫畫啦! 到左十點幾...又接到個令人驚到快斷氣ge電話...係avis, 佢令我地幾個驚左兩個鐘, 而家終於都有結果喇, e生話佢d徵狀唔match, 所以無事, 咁我地都放心d...~
十一點半放左學, 去左沙田ge小巴黎食, d野好熱氣, 有兩聲咳tim!(虛火姐) 原定計劃係去睇鬼戲, 可惜又係意見分歧, 又要將計劃擱置喇! 我要點死先死到七點半呀?! ka lok比左個好提議我地, 就係去佢屋企打機!
我, alan, florence就殺上去ka lok屋企, 今日打機都幾好玩, 玩"街道"終於都贏番死ka lok, 佢之前淨係贏我架車jar ma! 我地打到五點八就走喇...
去到大學火車站, 我同alan仲有florence就分頭行喇. 我就六點半去到旺角食野, 食到七點半arm amr 好~
八點幾去到運動場, 班人都幾好玩, 而且成日都o係ive撞見, 熟口熟面咁~
tag rugby又真係幾好玩, 可恨的是我無做過進攻咁滯...淨係做左幾次ge防守扯tag! 算係咁上下啦新人~~~
玩到十點幾, 去左火車總站度撘火車返, 今日好多人一齊返呀, 有我, kei, +x仲有五個rugby會員一齊撘, 估唔到呢班友又會咁o岩傾喎!
今日好tired....日理萬機....65%~


>>March 22, 2003 at 1:24:07 AM GMT+8

2003 年 3 月 20 日 星期四 【雨】

死寂'''...
如常一大清早返到ive, 照舊的穿過書店那條長廊, 圖書館門側的大電視還未開上, 令陰深的廊上更覺淒涼; 而館內空無一人, 到處的氣氛與平時熱熱鬧鬧的有著差天共地的分別, 人煙渺茫得有那些怪異, 跟本不像一間學院.....經過圖書館, 我同alan走過天井, 一切禍源在於這裏附近屬於設計系的課室/創作室...天井是露天的, 但濃烈得令人感到不適的漂水味道卻沖之不散(i mean 雨水), 這刺鼻的味道是要提醒我們病菌肆虐, 要小心身体! 學院的死寂令人覺得彷似置身醫院!!
上到四樓要做lab...又唔明做乜, 又凍, 好辛苦! 極難捱地到左十一點, 返到課室抄埋功課都差唔多十二點半lunch, 終於都等到喇!!
lunch去左大排檔度食...坐得好出, 飢寒交迫...極度難頂! 食過野暖過胃感覺還好, 起碼覺得"實在"d, 唔駛餓到頭暈暈, 輕飄飄~! 我地成班人去左7仔度hea左陣就返ive上堂喇...
Digital Electronic好難頂, 訓左半粒鐘...呢d又陰陰濕濕ge天氣好易令人懶洋洋...!
放學就好乖咁返左屋企, 呢幾日d時間都係差唔多, 好有規律, 好似個個都唔願留o係學校咁...係驚死!
聽日練ball, 係欖球, 好緊張唷~!!!!
60% 祝各住身体健康, avis快d好番, 唔好傳染比人!

>>March 21, 2003 at 12:16:38 AM GMT+8

2003 年 3 月 19 日 星期三 【陰】

非典型性肺炎入侵學院...
今朝八點半要返去做班主任堂CO2 lab...無聽過書, 係咁跟住個lab sheet黎做...都唔知做乜! 十一點落左堂要繼續上lecture, 白痴, 早d放人得唔得姐....!!!!
lunch去左"富豪酒樓"飲茶...唔知點解今日會咁貴, 每人要成廿八蚊!! 貴到爆...
食完野返左去踢毽, 本來諗住玩到兩點先上去, 但係florence急call, 話阿sir突然做lab, 玩多陣都嫌費事呀! 上到去, 抄完份maths先開始做...係就係話幫ka lok手, 但係到最後都係由佢一個做晒...唉~!
我地做就不妨講笑, 一齊研究"第一次痛唔痛"...又玩florence, 今次佢地真係講到有d過份呀我覺得, 但係florence都頗單純...無乜反應, 而且仲笑得好開心tim!
見到白板寫住"請勿關上門窗, 保持空氣流通", 再加上今朝收到風都知係咩事....但係估唔到事態真係咁嚴重...連新聞都講到明沙田ive design department有人懷疑染上非典型肺炎, 令到全個design系都係停課七日, 雖然只係懷疑, 但係心理壓力就已經夠嚇人...返學都可能會奶野...分分鐘會死人...canteen都係少去為妙!
夜晚, yan 睇完八點十新聞, 知道ive有野, 佢居然打黎問我有冇事喎, 真係好surprised! 有少少感動tim!!^^ 跟住一傾就傾左八個字先收線....多謝你ge關心!
H5N1 + 登革熱 + 肺炎 = 世界未日?! (<--我就唔信班科學家廢成咁, 咁都控制唔到, 哼! 病毒, 給我瞧著看!!)
62% 沙田ive進入恐慌及全消毒狀態!
reply:
to 小白, 你打呢段野比我做乜呀....唔通keke~ 呢個世界真係多人叫fung 架姐~~~~咁仲有個呢?
to avis, 最衰無多一個meeting, 如果唔係就一定比呢班人做多一穫, 要佢地杰撻撻ge!!
TO 各位中五ge朋友仔, 祝你地個mock考好d, 會考excellent!!

>>March 20, 2003 at 12:34:31 AM GMT+8

2003 年 3 月 18 日 星期二 【陰】

好眼訓...
比班死仔"昆"左我今日返八點半上英文堂...死+x又唔早返又唔同我去做gym, 為左就佢去swim而早返, 但係又話cancel唔swim! 玩咩! 實在太過早喇, 又唔準遲到, 所以上兩堂英文都都好無精神, 又凍又肚餓...最後仲訓著左, 之後仲比janet(miss)用notice拍左下...><"
十點五落左堂同佢地去左食早餐, 即時暖左同埋精神左好多! 成十一點先食完野上到去..但係今堂唔駛教書, 係tutor, 真係死比你睇...alan唔返係好選擇!
十二點半唔夠就放lunch, 食完野無兩個鐘, 去到"食樂美", 我地有食早餐ge都無食lunch, 而我同avis就去左樓下買d零食咬下, 我買左三樣野都唔駛十蚊, 真係勁底呀! 沿途比我見到尋日同fung bee見到o個個靚得有點唔正常ge"阿成"(<--係代號黎ge!)...嘩, 真係丫! 買完就番左上去, 等fung bee 食完野我地去左行下, 周圍都有"阿成", 多到丫! haha~ 返到ive, 見到pierre同miu o係度練騎乘術呀~! 而florence就繼續請我地食"提子"(<--又係代號!), 我同ka lok首當其衝!! 好很痛!
ct堂又係同kk fung(阿sir)玩下窒下咁渡過, 今日居然下晝無恰到眼訓, 仲好似好識咁, 我諗都係虛火黎架喇! 三點鐘放學...
返到粉嶺, 同mei去左食茶(i mean 食tea), 不過我食佢唔食...無奈啦, 好似阻住佢咁tim...食完野遊蕩左一陣就散lu, 返到屋企只不過係五點幾, 好早...
今日就咁過左去, 唔知點解食日仲會tired過尋日, 好q眼訓!
63%
*d死人肺炎搞到人人自危, 大家都係take care為妙!

>>March 19, 2003 at 12:22:20 AM GMT+8

2003 年 3 月 17 日 星期一 【晴】

疑惑????
今日係會考art ge大日子, 雖然同我無直接ge關係, 但係我都識得唔少人都係今日考, 就咁arm今朝行過粉嶺名都o個陣就遇到個fd 喇...而且今日少左人著校服, 多左好多著便服ge年青人呀, 好似好有朝氣咁!
八點九返到ive, ka lok o個組人仲未人齊, 奶媽成九點二先返到, 佢地o個陣已經開始左個meeting成大半喇...最後佢地四個人九點三就搞掂...眼見佢地份稿都唔少, 但係都只係頂到三個字, 我都開始驚我隊出黎o個份會唔夠時間....
死pierre成九點九先返到...好險! 十點到我地...有少少緊張啦, 仲食左少少螺絲...><"鬼叫d英文繞口咩...卒之我地去得好順, 就因為太順...我地又要玩爆肚, 但係都爆唔得幾多, 十幾分鐘就玩完...我就做樣咁抄左好多野, 無計啦, 秘書ma! 發覺今次份稿都唔係太完善, 又少喎...都係我啦, 臨急抱佛腳...仲累到佢地一個二個咁夜訓, 唔好意思喎! 下個week要交份minutes tim...
做完group meeting之後, 我就繼續呆滯+周圍八, 八到去avis同埋pierre度, 佢地講左樣令我好疑惑ge事比我知...我又真係唔覺得有咩喎.....
lunch去左陶園食, 我地今日太多人, 又唔夠位坐, 我同pierre要撘檯同幾個學生妹坐, 個死pierre八八掛掛走去望住人地碟飯, 問人地兩份分夠唔夠食, 過左陣, 見人地睇相, 佢又去撘爹...我見到o個幾個學生係呆左架~~~不過都有講有笑, 再後仲同我地byebye tim~
食完野, avis and pierre 繼續令我疑惑...pierrre d眼神係最殺食!!!
點半之後連續上左四堂電腦就放學...好悶...都唔知做乜...><"
轉堂o個陣同fung bee and ka lok去左book store, 沿途"d野"真係多到眼花呀~~~~
返到屋企同yan傾左成八個字電話...都好似成個幾月都用咁耐電話喇....真係丫...!
今日係tired+busy+boring+好奇ge 一日...
值65%....

>>March 18, 2003 at 12:12:23 AM GMT+8

2003 年 3 月 16 日 星期日 【晴】

自討苦吃...
咁多日都係陰天, 難得咁今日係好天, 仲要係出太陽tim...衰在今日要留o係屋企做project 1 ge meeting, 如果唔係我就一定主動約人去打波!
到左一點幾, 接到chris 個追魂奪命電話, 佢居然約我去打波...難得我唔約人, 人地約我....我本身都猶豫左陣, 點知真係心癮難當...project惟有擺埋一二邊先.....
我地又去左紅場打, 輸多贏少...bull shit! 射球命中率低係我今日ge致命傷, 但係o係籃底ge技術好似勁左喎!! 真搞笑....
打到五點幾, 同崑去左m記買少少野食, 然後撇甩食緊野ge chris and kwan走先...o係o個陣我先知驚, 因為份project真係會趕唔切o係十點前比到avis....
返到屋企做左一段, 食埋飯, 洗左碗, 仲埋沖埋涼都成八點九...要o係一個多小時內嘔六個人ge對白出黎...好辛苦呀~! (ka lok新口頭蟬)
唉...十點收到avis個追魂call...好在聽佢語氣都好溫和, 而且仲預鬆左時間比我做...但係晏晝我waste左成三四個鐘無做過野, 真係有多少內疚tim....
一路係咁做寫做, 寫呀寫, 十一點終於都做完...但係仲要打落去再send比佢地, 革命尚未成功, 我仍需努力!! 由十一點三開始打, 打到十二點三先起到貨, 足足一個鐘...我終於都發覺我打中文係快過打英文好多...要打多d英文練下先得!
send埋比佢地就算係放下左心頭大石...今次係咁多次人地托我做野, 最無責任感ge一次, 整到佢地為左等我而咁夜訓....下次唔會!! 但係我有一個問題好想問, 就係點解要我一個人做晒ge?! 搵人答我....
62%

>>March 17, 2003 at 12:57:31 AM GMT+8

2003 年 3 月 15 日 星期六 【晴】

壓力...
今早四仔聚會! 約左去唱k, 10:30 o係粉嶺等, 但係chris10:35先出門口, 10:50先到, 仲以為佢整左個咩頭出黎, 點知"凌亂"jar!! 好難得我地個小弟婦都出黎, 再加上carrie, 今日就有兩pair人喇...可憐我同kwan相依為命, 長期被冷落!
今日唱k好唔掂>.<...唱到兩點半就走喇, 三仔同兩女就分頭行, 而我就要離群去pierre度...三點三去到!
一入到去就見到kei, ka lok, fung bee, pierre, alan o係度打機, 過左無耐我又玩埋一份. 玩左都無半粒鐘就轉game, 係玩我強項--racing! 除左ka lok呢個game主之外, 無人係我對手, 我都發揮唔到水準, 玩法唔同其他racing games ge!! 死ka lok 野野轉彎都打橫車埋黎, 好無奈呀~~~!!!!!
到左五點幾六點, avis同florence仲有嫂嫂阿miu都上埋黎, 到左六點三先正式開波傾meeting! 死+x成七點先上到黎, 傾少好多野呀~! 七點幾先有少少頭緒, 但係又肚餓喎, 做到八點先去食飯, 呢穫真係杰喇, meeting份稿就要我搞掂佢, 要每人講五分鐘英文, 有成三十分鐘...你叫我點死, 就憑o個一張似事而非ge points, 一組六個人ge分數就靠晒我, 真係"天將降大任於斯人也, 必先勞其筋骨, 餓其体膚, 苦其心志"!! 前所未有ge壓力出晒黎!!
八點幾九點去左大排檔食野, 大家d核突野又出晒黎, 講一個女人食玉米"更", 食到嘔番出黎.再...呢個女人真係環保喇~!
到左十點幾, 去完百佳入番pierre度開左隻racing, 又係照舊比晒ka lok贏晒....無奈呀!!
玩完racing後, 我地拎左隻期待已久ge"零"出黎玩, 但係今次氣氛唔同左, 無上次咁驚青...嘖, 都嚇唔到avis同埋florence ge! 反而pierre隻大龜就可以將佢嚇個半死, 勁搞笑~
今日超tired(精神上), 聽日有排死呀, 要扮下乖仔先得!!!
66%~

>>March 16, 2003 at 1:58:56 AM GMT+8