2003 年 5 月 2 日 星期五 【晴】

High day....!
死alan第二次放我飛機, 約佢八點, 八點十分打比佢先比我嘈醒! 打機丫, 打機丫! 打到咁樣...一個二個都係咁! 拎住阿kei疊十機廿本金田一一個人上路, 特別重!
死alan九點半先返到, 唔理咁多, 都係同佢去食早餐先...好飢餓! 食到成十點先上去!
fung bee逢星期五都特別high, 今日亦都唔例外, 勁串avis同埋florence, 撩交打咁, 而今日可以係初一十五月圓之夜, 我都high 晒咁~將尋日ge事拋諸腦後~
十二點到去左海皇粥店度食, 原來fung bee有帶佢以前個女神張相出黎, 睇下先, 用左唔夠兩秒, fung bee3年前個樣勁搞笑, 我睇完之後, 佢地見到我大笑都想知咩事, 跟住就比左成七個人輸姦喇...個個都嘻哈大笑, 都係我衰啦fung bee, 係我害左你~~(係風涼話, 嘩哈哈~不過佢話見我尋日有d野先帶番黎比我睇下, 但係咁喎...sor ar!)食食下先知avis個妹都黎, arm arm 考完會考完喎~! 黎到見到之後, 佢個樣真係唔似repeat左一年ge f.5樣, 似f.3多d~!
出左去之後, 打左兩個電話又行左陣…點解個電話好似咁靜咁ge...拎出黎睇下先知熄左機, 點都開唔番...好慘呀!!!
行左成個幾鐘, 佢地開始有離心, 個個都想返屋企打機, 咩叫玩物喪志呀...fds! 跟住搞搞下先話返去上CT! CT堂我地又玩野, o係度學人扮有文化咁講: "君子坦蕩蕩, 小人長戚戚!" 跟住我就好快反應咁講: "fung bee '短切切'", 換黎全場嘻哈大笑~~
四點幾放學...成六點先返到屋企….半日都無電話用, 好辛苦呀!! 經過多番試驗之後ge結論係—死亡! 雖然有得換機...但係唔知點解好似好唔捨得呢部機咁, 只係得半年生命...佢一定係有一d咩ge吸引之處, 定係比人偷過一次之後特別珍惜呢??
我同fung bee and pierre講過: "第三個係我!!" 哼!
我無事~!
65%...my mobile was died...
*阿kei染左個風流病...同人kiss kiss之後就傳到"人地"個傷風, 哈~

>>May 3, 2003 at 11:47:55 PM GMT+8

2003 年 5 月 1 日 星期四 【晴】

了斷!
過左十二點, 心情總算平復, 即係意味住我成熟左? 習慣左? 定係睇化左呢...? 似乎三種都係喎! 最唔憤氣就係由第三者得知呢件事...fd wor..! 而carrie o個邊又係咁...咩事呀今日, 究竟係咩日子?! 呢d咁ge消息一係唔黎, 一係就黎幾個...
無無聊聊到左兩點半, carrie又打黎hea, 今次佢打黎ge目的係要安慰我(我都無事!), 但係講講下個topic又去左佢o個邊, 情況好似調番轉, 似係我安慰佢多d wor....無里頭咁點左首"合久必婚?"比佢, 而我呢...就揀左首"好朋友"比自己做心聲!
今日咁就過去左...如果今日係落雨, 我實會好upset!
*祝佢幸福...呢句野...開不了口!
咁樣可能會好d...係一個"了斷", 做左個了結! 做人要眼向前看, 有一件事我決定左喇...~!
60%
fung bee係知得我最多而家ge d事ge人, 而pierre就知我最多過去!
喂, fung bee, 我想睇La La張相呀~~
唔知做乜特然間想叫番自己做"檸檬"/"Lemon", 可以太掛住以前中二o個陣喇~ lemon又好似幾o岩我喎...成日都食唔少...! ha! 一於咁話~

>>May 2, 2003 at 12:29:57 AM GMT+8

2003 年 5 月 1 日 星期四 【晴】

o係十二點前兩個字, carrie打黎話左個消息比我知, 唔想知, 唔想聽...更加唔想接受, 但係都發生左, 而且亦左啦...無野好講...唔係呆左陣, 唔知想點...最悲痛莫過於此! 唔係我ge野始終唔係我... !咁早就話比我知, 叫我呢日點過?!
其實早就接受左, 慣左lu~ 眼向前看, 嘿~!

>>May 1, 2003 at 12:22:35 PM GMT+8

2003 年 4 月 30 日 星期三 【晴】

半天假!
早上七點四十分, 又有morning call~ 開頭仲以為唔會打黎tim, 佢自己唔想咁早起身都打黎, 真係好喇~
死alan八點三打黎話唔返咁早, 要我自己一個返, 枉我仲特登還番五本slam dunk比佢, 重到死!
九點07返到去, 個死班主任就點名喇, 好耐之前明明話九點15先點, 好在我返得快姐! 可惜avis佢地返唔切~ 而今日上堂人數都唔知有冇廿個, 最搞笑就係個班主任話其他堂ge出席率都好高, 淨係佢呢科先係咁, 呢d野心照咪得囉! 檢討下啦阿sir!!!
今日"闔家"得五個人返: me, avis, kei, +x, fung bee, 再加楊威, 各有事忙, 得番fung bee, kei, me食完野返學! 出席率破新低!
1:35上IM, 阿sir話係重點, 聽完佢up一輪之後就到我地做數, 兩點半走得, 準備上三點ge math. 但先打比alan, 個死野話唔返, 佢地打機打到咁"勤力", 我真係無野好講...尋日仲同佢講話比番d comics佢, 點知今日自己唔返!!! 見人又少, 個個都話無mood上堂, 我唔走得唔得啦...第一次走maths堂!
兩點半放學, 多左"半天假"!
諗住返到屋企可以打下機relax下, 但係又要砌衣架, 我個半天假就咁無左!
今日好眼訓@.@
61%

>>May 1, 2003 at 12:29:39 AM GMT+8

2003 年 4 月 29 日 星期二 【晴】

身心疲累...@.@
八點半準時接到阿姿morning call, 即時彈起身聽左, 我好少咁準時起到身, 唔典番三兩個字都起唔到...平時!
十點約左alan一齊返, 上左火車先知約左+x一齊, 跟住就o係太和等埋佢, 點知又咁橋撞到阿加利仔(gary), 四條友就一齊返學喇, 好似未試過咁多人一齊返...!
返到ive, 去到canteen已經係十點半, 我地無視maths堂, 唔驚遲到, 同奶媽, ka lok, fung bee, 楊威, kei, flornce, 再加埋我地四個坐到成十一點先上堂~ 霎下眼就到12:30, 放lunch~
lunch無食到野, 五蚊買左零食黎頂肚, 同佢地幾條友坐, 淨係聽佢地講game, 整到我啞晒, 一句野都無講過~~! 食完野行番去o個陣落雨, 都唔係好大, alan大驚小怪又話要開遮, 我係唔開呀, 吹咩~都無手拎(talking phone中)~
CT堂好留心咁聽書...3點放break去左食tea($8), 今日$13食到兩餐...整到好似要減肥咁ge????
3:30eng堂又係好留心咁渡過....
放學o個陣成個人都散晒...難得今日全日都好留心, 搞到用左好多精神黎集中...好"支力", 返到屋企成個人都呆晒...@.@"
心情: 60%
精神: 30%...

>>April 30, 2003 at 12:06:46 AM GMT+8

2003 年 4 月 28 日 星期一 【晴】

散晒...
尋日同alan打完波, 今日乳酸發作...黎晒料, 成身都散晒, 對腳無力, 仲要返八點半咁早tim...企火車好難頂...又眼訓@.@"
次次project堂我都唔想返, 奈何所有野都擺左o係我個locker度...想走都唔得! 時間緊迫, kei一返到黎就比野我地做, 原本仲諗住等阿sir點埋名就"hum hum"聲同alan衝落去食早餐, 但係個狗賊sir學人遲黎...哼! 做到十點幾, avis返到黎, 知佢同我都係同路架喇, 襯kei未叫我地整野就偷走落去食野, 賴底左alan...無計呀, 肚餓大過天~! 由十點九食到差唔多十一點三先返到上去, 其間見到fung bee女神唷~~ fung bee同avis研究點度長短, 梗係用"jar"黎計啦, avis正死蠢~~! he..
今日lunch有好多人食, alan, avis, ka lok, flornece, kei, 楊威同我, 仲有pierre同埋佢honey--miu~! 死人阿銓(pierre中文名)同miu周街打情罵俏, 目中無人.......我地實唔會放過阿銓, 玩到佢謝~! 今日avis好蠢, fung bee同kei勁搣佢, 佢塊面遲到dum到落地下, 未老先衰~!
CAD堂阿姿覆call, 同佢傾左陣~~好似好耐都無咁樣傾過...一眼就比fung bee睇穿左係"阿成"tim~
3點做埋野就break, 去左踢左陣毽, 見到成個月都無見過ge carman wor, 廋左喎睇黎!
3:30 C++, 同CAD一樣都係icq住上堂, o係fung bee部機開心理test黎玩, 某部份好準...而fung bee ge結果就...同佢完全唔同ge~
放左學o係火車站撞到中學fd sammi(以前ge哎o也阿媽~), 帶住口罩完全唔認得佢~! o係火車同佢傾左好多近況, 雖然成日都o係ive撞到, 但係就好少傾計, 同耆英一樣...><"
65% lunch o個陣好正~! 笑爆咀!

>>April 28, 2003 at 11:51:25 PM GMT+8

2003 年 4 月 27 日 星期日 【晴】

負累!
今日又好好天, 可以去打波! 但係尋日先打黎, 而且又三點幾先訓, 今日都好在訓得夠八個鐘, 但係對手好似虧虧地咁...誓要將尋日打波ge失手o係今日洗脫, 而且仲要回復狀態!
三點幾去到, 耆英同chris都到左, 無幾耐我地打緊第一舖o個陣, alan arrived! 第一舖, 好順呀, 都叫做似番人樣, 係正常狀態啦~ 但係好景不常...輸左第二舖後, 對手好似廢左咁, 同對腳好唔協調, 錯誤百出...! 無幾耐, penny同埋kwan都到埋, 少有地我地呢邊有六個出現!
打左唔知幾耐...著地時比人"浪"左野, 左腳拗柴收場! 咁即係整死我, 失誤仲多過之前...打到自己都火滾! 無野好講, 又做左負累, 仲打得衰過尋日...!
打到六點幾去左m記度hea左陣, 在場有penny, chris, alan, kwan and me, 好似未試過咁圍法~ 都唔記得我地吹過d咩喇, 賤晒一定唔少得!
食左少少野就上左上面廣場搵人, 佢係以前中學ge女同學, 我相信我地咁多個除左penny之外, 都有成年幾無見過佢lu! 好似無乜點變到姐~ 搵完佢就返屋企喇...返到去都成七點九!
食完飯, 都唔知做乜野...比人誤會喇又, 今次只係為左一隻碟! 離晒譜, 我跟本就唔係佢地所諗咁, 係先入為主! 唔關事ge又幫口出聲, 究竟你地睇清楚晒來龍去脈未架!!!? 哼! 我條氣好唔順!
55%!! 黑人憎!

>>April 28, 2003 at 12:07:52 AM GMT+8

2003 年 4 月 27 日 星期日 【晴】

3 wishes``~
尋晚阿魚十二點幾打黎傾計, 比佢驚死, 真係好surprised! 唔覺意就傾左成個半鐘...再睇埋ka lok send黎d片片先訓, 時間係2:30!
今朝八點半就起身, 九點幾去左耀記食野, 慣晒啦! 不過今日好特別丫, 阿雪(4歲ge細路女)勁叫我, 又一野走埋黎拖我隻手, 我直情呆左...邊有d細路女咁架? 勁主動喎...我ge第一次就咁比左佢...><"
十點半過d, 我同alan返到學校上英文, 我地十個尚欠pierre and +x, 唉~又唔人齊喇! 我地提議去睇戲~!
o係大家樂食飯, 好搞笑, fung bee講緊一個女仔, 阿昌又講埋一份...點知, 個女仔走埋黎同阿昌打招呼!! o下? 跟住阿昌先話係佢堂妹...呢d咩人黎架, 連自己個妹都唔認得~~~不過好搞笑~!
食完野, alan, fung bee, ka lok, me and 阿昌入左UA睇"特務戇J", johnny english勁搞笑, 繼MR bean之後又一鉅作~好可惜有d笑位o係我睇制作特輯o個陣已經睇左...無咁好笑~
睇完戲無野好做, 各散東西.
返到粉嶺, 約左三仔出黎操波, 好耐無打過喇(2 weeks)...成個人生疏晒, 射又唔準, 帶又甩波, 做左負累, 拉住alan一隊都輸...仲唔係我出錯~!? 輸左三舖, 為左回復功力, 浪射都唔理喇! 好在alan o係籃底屈機成功姐...唔係真係仆直! 場邊ge kwan and ho都話我屎...無平時一半...@.@(kwan被比我擊敗過一次, 係靚波一個~)
最後幾舖d運球終於都似番d樣! 但係至於遠射...麻煩晒喇alan! 最後打到七點半先走人!
九點, 又開檯喇, 打到十一點, 我贏左十五蚊, 係近期ge最多~好有運呀, 正!
今日真係好喇, 一次過滿足我3 wishes--睇戲, 打波and 打牌~~!
70%~

>>April 27, 2003 at 1:28:33 AM GMT+8

2003 年 4 月 25 日 星期五 【晴】

無賴男!
今朝一早就好濕滯, 本身諗住三個字可以出到門口, 訓晏d都唔驚, 點知換衫o個陣自己整到個衣架, 仲成個散左...d衫又掉晒落黎, 砌得番好個架又要掛番d衫上去, 整整下用左成半個鐘先出得門口! 到左等車, 又用左好耐時間, 最後比約定時間遲左兩個字先到, 好在alan仲遲過我姐!!~
朝早返到去上工場...今次d進度都算ok wor~ 上堂o個陣, ar kei拎左佢同佢honey d相出黎比我地睇, 呢個死仔丫, 唔聲唔聲呀! 令我又羡慕又妒忌~ 祝佢地"新婚愉快"~! (先係pierre, 再到kei, 下次會唔會到gary或者fung bee lei...)
lunch o個陣, 我地突然諗出一個好主意, 就係去pizza hunt搵埋個好好玩ge waitress, kiko~ 又好好彩喎, 咁都比我地撞得番, 我地問佢記唔記得我地, 開頭佢都唔記得我地係邊個架, 跟住我用番上次同佢玩o個個game黎玩多次佢先記, 仲話: "哦, 原來係最白痴o個班~", 哎呀, 衰得佢丫!
今餐有fung bee, pierre, alan, kei, florence, me and avis七個, 落單o個陣一人一句, 好搞笑~ 死fung bee最猖狂, 勁問人拎icq~采你都傻啦人地~ 過左無幾耐, 我地問埋佢幾歲, 佢就無準確咁答到, 但係就話廿到尾...睇佢個樣似十到尾多喎...完全唔似, 在場無人不"驚奇"!
成兩點先返到ive上常識...跟住EN堂, 發現個阿sir超唔掂...好白痴, d野講完又講! EN後接住落係kk fung ge CT...完全無聽到...訓左, 好tired ar...星期五就係咁! 好在EN堂有"無賴男"陪我!
五點幾放學去左踢毽...成六點多d先走...聽日又要返學...好在係eng姐!
今日完!
64%
alan戴左眼鏡好似斯文左, 佢成日好唔慣咁除副眼鏡落黎, 睇落又幾次我初初戴o個陣喎~ :D

>>April 26, 2003 at 12:05:08 AM GMT+8

2003 年 4 月 24 日 星期四 【晴】

第一次夜校..!
今朝九點幾去左同mum仲有佢d fds食早餐, o個個可愛的靚靚細路女都o係度, 佢係my mum's fd's姪女, 係人都知佢見到男仔就黐埋去, 今日, 佢個目標係我~! 食食下野無lala走埋黎好嗲咁叫我"峰哥哥"...渾身不自在呀...~! mum d fds一見到咁就借阿雪(細路女個名)黎玩我, 又叫佢咀我又點...比佢地擺左上檯tim! 跟住其中一個仲話我咁"靚仔", 一定比好多女咀過...無奈啦又~ 不過...嘻~ 食完野就去左返學...!
返到佢好人齊咁, 我同alan都係遲左幾個字之ma...! 今日原定係會做三野, EN test, DE assignment, mini project, 但係返到去阿sir話唔駛test! 真係好! 但係份assibnment仲未做...又唔識...好無大志咁又去左抄...九個人入面得一兩個人真係做...唉...! 呢堂又係輕輕鬆鬆咁過~!
晏晝去大排檔...avis講過一句: "貼錢買難受"!
一點半DE堂...無驚無險又要三點...落堂! 不過又係上番DE, 不過做lab(project)! 明明楊威用我地隻碟黎做, 佢得左, 但係到我地用番, 駁番同樣ge circuit, 點整都整唔到, ic又換過幾粒, breadboard又換過幾塊, 都係唔得...跟住比阿基話我地受左詛咒! 講開又似, 因為同佢地o個d安o係我地自己度都唔得(佢地成功左架...), 氣妥地塞番落佢地塊breadboard度, 再program多次, 終於都得左! 真係唔知衰乜...! may be avis, or may be 樣掛! 明明半個鐘做完ge野, 要兩個鐘先做好...
放左學去踢毽, 大家都好似好激昂咁, 幾好玩呀~
五點九, fung bee, alan同我要去返學--夜校!
六點八入到課室, 得小貓三四隻, 而且佢地ge年紀比我地想像之中大, 最後生似乎係坐我前面o個兩個女學生! 七點幾, 人就開始返黎, 都係成班大人咁ge...又無阿成~ 不過我今次係為興趣而讀, 唔理得咁多~
呢位阿sir都幾得意, 講野好搞笑, 如果佢o係ive教就好...起碼我唔駛死得咁慘! 差唔多八點落堂, 佢講ge野基本上我完全吸收, 畢竟畫野係難我唔到!! ha!
出左黎我同alan陪fung bee去左信和買野, 跟住佢走先, 我地兩個就去左kfc食...暗瘡are appearing!
十點返到屋企, that's all!
返夜校...幾好丫~
pierre話florence有d野, avis話florence扮"雙唇"(即係話扮"單純"), 有點"壞"~而我叫avis帶lforence返屋企, 因為地球好危險~~~hehe~
70%...返學~有學番好過無野做!

>>April 25, 2003 at 12:03:16 AM GMT+8