2002 年 11 月 26 日 星期二 【晴】

成班人傻下傻下咁都唔知駛唔駛返maths堂, 結果都係返左去...返到去都無心機上堂, 同alan兜完大圈拎書, 過左無幾耐, fung又返到黎, 再同佢出去toilet and "兜圈"(其實做乜野, 我地"雙fung"心照啦~)
好難捱ge maths 終於都過去, 又係lunch time, 我地去左禾輋大排檔食野, 今日得六條友: me, alan, fung, gary, +x, ka lok...
食完野又係上光頭sir堂, 又係好白痴咁坐左o係度無聽書, 途中, 死仔pierre遲到, 返到黎又要同阿sir "互串"勁搞笑啦~
三點多d放左, 但係仲未走得, 因為仲有個oral assessment等住我地, 講起呢樣野, 我好似未溫過咁, 但係又唔係太緊張喎, 仲同左fung去踢毽, 阿昌都比我地ge舉動嚇親, 我地愈玩佢就愈劣~~勁過癮呀~ 最後我地都係難頂少人, 入去canteen搵佢地一齊prepare oral, 終於溫左都係=無溫~~!
到左正式(我同fung and kei+one classmate一group)...我一反常態...上身咁, 比佢地問到口啞啞...無奈呀, 好在都有講到野~
放左學, 又踢毽....我好犀利呀~又踢爆左一個, 呢個已經係兩星期內第二個比我踢爛喇~~yeah yeah~~!

>>November 26, 2002 at 11:36:14 PM GMT+8

2002 年 11 月 25 日 星期一 【陰】

好難得有一日係返咁晏, 係三點半呀大佬! 呢d咁ge日子去邊到搵, 真係"可遇不可求"!
既然返咁晏就無謂咁早出門口, 但係alan又約左pierre兩點返到去練oral, 咁就惟有一齊行, 返去食個下午茶餐當lunch算啦!
兩點一去到ive canteen, 都知pierre條死仔未到喇, tea time又未到, 就同alan去左踢毽, 好唔掂呀今日!! 到左四十分, 我同alan兩條仔入canteen撐檯腳...><", pierre條粉人仲未番, 呢d擺到明係放飛機ge行為, 咁ge人真係要見穫打穫先可以止到心頭憤(<--我諗只係對alan黎講~因為佢為左oral先咁早返黎, 如果唔係, 佢地仲玩緊RO!)
食完野都成三點幾, 又出左去毽野, 踢到差唔多上堂, fung都返到, 我地決定踢到四點先上到去~^^
上堂o個陣完全都無聽過書...上C Program係咁架喇! 到左四點幾, 我, alan, fung落左去canteen個廁所方便(該toilet同電腦室係天各一方, 仲要落左兩層樓)我地一來一回到左四點半先上番去, 之後ge時間都係吹水時間, 其實都有人好勤力咁prepare聽日ge oral ge...
好難捱先到左五點半放學, 本來約左阿carman同佢班fds玩架...到左成六點都未黎, 唔等得ge gary走左lu...到左六點幾先見佢地成班人先o係canteen行出黎(終於都見到carman揀篤企咁o係我面前!), 個天又黑埋, 轉個頭佢地又走左...等我仲拖行馬咁叫人一齊玩tim, 唔好意思呀兄弟門...我都比人放左飛機!!
我地就惟有無奈+黯然地離去!!!!!
希望....都係希望啦!

>>November 26, 2002 at 12:00:07 AM GMT+8

2002 年 11 月 24 日 星期日 【晴】

一朝早訓到十點幾, 個人好tired, 好想繼續訓, 但係碌極都係訓唔返, 惟有起身打機喇...
跟住十一點打左比yan, 約左佢晏晝出黎食野and買冷, 而佢當時就睇緊一場佢唔想睇ge足球比賽...
到左一點三先去到集合ge地方, 都知佢會遲, 但係點都估唔到佢仲o係大埔仲未返黎..><" 呢個時候ge我非常之餓, 事關一早起身乜都未落過肚, o係逼於無奈之下就去左個fd做緊o個間m記度食野!
去到見到個死野廋左喎, 個pat唔見晒, 死咩, 星期一至五都返學, 到左星期六日仲去返工!!
食到唔知幾點, yan打黎同佢傾左幾個字之後佢就黎到上水, 跟住我地一齊行去舊墟買冷, 其實我係去揀冷呀, 憑著我ge三寸不爛之舌, 我今年終於都可以收到頸巾!!^^
買完冷, 我地行返去新墟, 好死唔死, 比mum個fd見到我單獨同一名女子行街...今次真係杰喇! 聽日有排解釋!
送完佢返屋企都成三點幾四點, 過左無幾耐, 打左比carman, 傾左半點鐘到啦, 知左佢唔少野~~
今個月好可能會爆費!!!!

>>November 24, 2002 at 10:59:28 PM GMT+8

2002 年 11 月 23 日 星期六 【晴】

難得呀今日, 居然同阿shu唱k, 嘩, 真係好耐都無見過佢, 成個髮型變晒, 好有style! 但係佢個金蘭無出到黎....><"
三仔一女唱k, 唱到兩點, 就去左極能打機, 但係次次都係咁ge...以前同佢同埋lam都係咁, 人地打緊機o個陣, 佢地又話走, 今日又係咁, 仲好似好趕咁tim...哎, 無奈啦我地!!
我地三仔打多一陣機之後就行番出去, 兩仔又提意去篤波...好極討厭"篤波"呢兩個字, 橫豎今日都要早返屋企, 走先啦惟有...
返到上水, 同fa and ma一齊屋企, 返到去on左一陣line 就打邊爐喇~~
好耐都無試過一家人排排坐咁打邊爐喇, 好似好"溫"馨咁~~
沖完涼, 隻手個傷口又唔知乜爆多次...又滲血...滴左d藍藥水之後好"那"呀...天呀, 明明好緊架ma, 乜而家又傷返喎....
希望明天會更好!!!

>>November 23, 2002 at 11:52:26 PM GMT+8

2002 年 11 月 22 日 星期五 【晴】

祝小白生日快樂~~18歲大個女喇!
好開心呀今日! 都唔知用乜黎形容!~~
早:
alan第二次唔知醒, 好在撞到+x姐, 可以一齊返~返到去, 又例牌見唔到pierre and 昌, 呢兩條死仔, 真係唔驚架喎! 呢排d阿sir 個個都痴晒線架!!
午:
十一點半放lunch, 好趕咁行去吉野家食細牛飯, 因為我地無優惠呀...趕到去, 個counter都算好人, 比埋我, alan, 鋒最後三個細牛, 但係行得太慢ge就無lu~其他人就去晒小巴黎食喇.
食完野alan去火車站拎pierre ge keys黎開locker拎返d小毽子出黎, 鋒就去book堂學車, 得番我同+x行街...但係點解"佢"唔o係度ge~+x! ><"
到左差唔多一點先等齊十個人返ive玩!! 估唔到avis同florence都有興趣踢毽呀~
之後一點半去左上math 堂, 好眼訓呀...但係又無訓到, 都唔知做乜!
跟住o個堂仲死, 光頭sir串過鬼, 上佢堂真係好大壓力, 又唔訓得喎, lor命!!!! 都預左佢overtime ga喇, 到左成四點先放學, 跟住做乜? 照舊啦!
其實我都係為左等下人姐, 點解次次都見唔到佢, 淨係比佢見到呢?! 點知我都係又忍唔住手, 打左比佢傾左一陣, 都幾好傾丫~!
踢毽踢左好耐, alan比pierre"顏射"左一下, 跟住我起哄咁捉住佢, 其他人就夾手夾腳咁逗起佢黎玩happy coner, 目的為左幫alan 出番啖氣~~有好多人睇住架~~haha~~~~~~^^
踢左唔知幾耐, alan同pierre走先, 阿基又要o抖下, 得番我同+x踢, 今日著住癩屎褲ge我可以踢到突破紀錄ge四十一下, 證明我又勁左好多~~ 而+x都勁左唔少喎~!
踢到五點半耆英放學一齊走~~
晚:
撘火車返屋企途中, osaka--第二個妹打黎, 佢聽日出唔到黎tim...我仲買左禮物...惟有下次先比啦~
返到屋企online, 見到一個過uk ge fd, 肥鬼, online, 對上一次見佢係上年boxing day, 直至而家先同佢聯絡到, 死肥鬼勁喎, 讀u!
過左無幾耐, 又有一個好耐都無搵我ge net fd online, 對上一次見佢online好似係七月...而家又見番, 今日發生乜事~~~
*幾日都無搵過包包lu喎.....

>>November 23, 2002 at 12:26:10 AM GMT+8

2002 年 11 月 21 日 星期四 【晴】

為左做gym之前食早餐, 我地約左平時返早ge時間等, 所以*我又見到佢~*, 都係一齊等車姐~
本來約左pierre條死仔一齊返, 但係又唔知醒...搞到得番我, alan, +x仲有稀客阿昌食, 阿昌, "大家樂見丫~~"
食到遲晒到呀我地, 返到去係九點四, 比阿sir插tim!!!
原來佢地做sit up好屎架~四十下都做唔到~~~
做到十點七就走返落去踢毽, 踢到十一點上堂....惡夢發生喇!
今日阿sir(酷似李修賢!!)唔知做乜, 惡到飛起! 仲串到話下次遲到d人無得點名, 又要即刻交assignment, 勁痴線....好仲爭幾題未做好架!!!
仲有份李力持ge assignment未做好, 又唔想上佢堂, 今次都唔知點死好, 好在, 有個阿sir話佢病左無返到, 我地成班即刻拍手叫好, 因為今日12:30就放學喇~
我極度唔想返屋企, 就打去約chris, 佢又arm arm 先撘車返學, great~跟住我"魔鬼出的主意"就叫左佢黎陪我地lunch 喇(其實我係講左一樣好吸引ge野比佢先黎jar~)
o係好運, 我地見到個精品店員幾好架~我, chris, ka lok, +x, 鋒入左去"睇野"~我仲有幫襯到tim~!
之後, ka lok, +x and fung就各自返屋企, 我同chris 呢, 就返ive, 因為半約左阿carman...返到去等極都係等唔到, 終於都係忍唔住要打比佢喇~~....哦~原來係咁ge, 終於都見到喇~! ^^
見完一見之後, 我同chris 就返fanling打ball lu, 手風唔順呀...打到差唔多六點就同崑返屋企, 好tired ar今日!!!
咦, 隻手好似好番好多喎~~~~

>>November 22, 2002 at 12:12:55 AM GMT+8

2002 年 11 月 20 日 星期三 【晴】

今朝一早就擒擒青咁趕返去個串精sir o個堂, 回想上個week, 遲到兩分鐘都點唔到名, 今日仲唔知死咩! 返到去同上次差唔多時間, 但係今日佢居然唔點名住, 比條友玩謝, 人地早返佢又唔早點名, 遲返就一早點左!
我地今日全日ｇｅ上堂時間都無聽書, 因為聽日有好多功課交...所有時間都用黎"研討"功課~!
florence好勁呀佢, 竟然夠膽著條連身&鬆身裙返黎, 好似有左身紀咁~勁搞鬼~~~~佢仲勁到o係lunch o個陣踢毽...令旁人側目呀~^^ 大肚婆應該坐下架嘛, 唔好郁咁多, 小心動親胎氣呀~! haha~~~
放左學又要做lab...呢排大把野等住我地做, 聽日又要交兩樣功課! 做lab o個陣, 我地o個組d電路駁極都駁唔到...alan好沮喪呀...d data唯有抄鋒and ka lok 佢地, 之後唯一做野ge人係奶媽, 今次輪到佢做report ar, 全組人最辛苦係佢喇, 要由無到有!! 奶媽, 你好野! 你係得ge!
包包英詩比賽只係得第三, 但係以聯校黎講已經好勁, 而且輸比第一o個個只係兩分, 仲要係人地做晒動作tim, 理論上你已經win左, 至少我係咁諗! 所以唔好咁慶喇!

>>November 21, 2002 at 12:18:39 AM GMT+8

2002 年 11 月 19 日 星期二 【晴】

七點幾未夠八點, 就比隻死蚊嘈醒左...白白令我訓少半點鐘, 你可知呢半粒鐘對一個渴睡ge人黎講幾重要!!! 卒之到左八點半夾硬起身去食早餐..><"
返到去ive上maths堂...今日都算頭腦清淅, 仲跟到個進ge~
lunch之後上個光頭sir ge堂, 本身呢堂係放三點, 但係佢條粉人學人開OT, 教到三點三先肯放人, 仲要講句"你地要走ge可以走, 我無逼過你地留低", 嘩, 咩態度呀! 可憐ge我約左個ive net fd(阿carman)玩架ma! 而家比佢咁搞一搞, 到左三點四五個字先落到去, 乜人都走晒啦! 又同佢緣慳一面喇...仆!
oral assessment ge partners 已經出左! 阿昌就慘囉...而我呀, 同阿基, 鋒仲有一個唔熟ge同學仔一組囉~~~
好在pierre 同avis 今日好番姐~!

>>November 20, 2002 at 12:16:59 AM GMT+8

2002 年 11 月 18 日 星期一 【晴】

多謝璇姐同埋+x黎留野喎~
但係+x下次留野唔該落d標點...睇死人~!
*一早撘車又見到"佢"~~~hehehehe~~~~~
今朝又係同pierre and alan一齊返, 去到大埔等pierre條死仔, 會合左之後佢竟然向月台下面ge學生妹揮手喎, 係咪傻左~搞到下面多左幾個學生望上黎!
返到去做lab, 九點幾先開波, 但係又係駁cable, 呢d野早已經o係李舊利做過啦! 既然係咁, 我惟有慢慢做, 整靚佢~結果一take 過, 得左~可惜ka lok 就可樣衰d, 炒左~~hehe
lab中途發生一段小插曲, 我地班入面其中一名男同學竟然同florence嘈, 仲要嘈一次都唔夠, 我第一次見d人咁無品囉!
一早做完, 十點幾就放左, 咁早都唔知死去邊好...大約十一點去到大家樂吹水, 等到十二點先食野!
食完野, 十個人行左陣, 同行時, 比我, ka lok, 阿基發現左一樣極為搞笑ge野, pierre又比我地整到一間間and 有青根~~
返到去上cad堂先知道要做test...死得, 好在+x坐我隔離, 經佢指點我定左好多, thx~
做完野, avis 同pierre因為少少野而炒左, 睇得出avis 勁慶, 可能pierre貪玩左d, 但係唔駛咁大穫呀, 一場同學, hope 聽日佢地會無事啦...!
放左學踢毽, 見到pierre悶悶不落都知咩事...見到佢咁樣真係無乜mood ar, 因為佢平時好多野講, 仲無時等, 連病都唔例外! 而今日放學居然無晒聲氣........
妖~!隻手仲未好!!!!

>>November 18, 2002 at 11:55:25 PM GMT+8

2002 年 11 月 17 日 星期日 【晴】

好耐都無訓咁多喇, 有成十個鐘, 超正, 精神飽滿~去打ball都好有mood~
十二點幾食左今日第一餐, 都唔知係午餐定係早餐! 仲要係一碗米粉咁大把! 好餓..........
三點去左打ball, 得我, chris, kwan, 耆英, 崑五條友, 打左好多round都未鸁過...><"今日奇蹟隊並唔奇蹟....
打到尾二o個場, 同條友"ar"位, 隻左手手肘成日都比佢撞到, 但係都好似無乜事, 到左有一下, 佢隻手直情打左埋黎, although佢唔係有心, 但係呢一下真係好痛...本來個傷口都好好地, 就係呢一打, 整到又傷番, 根本未好過....之後我地打多一round就走lu~!
返到屋企, 搣開膠布, 見到白色ge傷口入面有d紅色...研究左好耐先知係生緊一塊新ge皮出黎...原來我係仆得咁勁ge!
祝個傷口快d好! 唔想成日都貼膠布呀...好痕架入面!!!

>>November 17, 2002 at 11:48:52 PM GMT+8